بجد تعبت ومحتجلكم بجد

[مارينام]

السلام عليكم يا اصدقائي انا بجد عندي مشكلة مش عرفة احلها انا دلوقتي في الفترة دي مفيش اي معلومة بتثبت في دماغي علي الرغم اني بذاكر كويس وبراجع كويس بس لما المستر بيسالني بنسي كل حاجة تقريبا بحس اني فقدت الذاكرة انا مش عرفة اعمل ايه وبجد خيفة جدا وتعبت من الصدمات الي بخدها من زمايلي بجد كل واحد همه مصلحته وبس علي الرغم اني باتمني الخير ليهم بس ما حدش حاسس بي علي الرغم من شعورهم باني اعاني من تصرفاتهم

[سرياا]

ياريت حد يقول لنا كمان ازاى نذاكر الفزياء لانى ضايعه فيها و انا كما زيك ياريت حديقولنا ايه العمل

[yusuf reda]

المشاركة الأصلية كتبت بواسطة مارينام

السلام عليكم يا اصدقائي انا بجد عندي مشكلة مش عرفة احلها انا دلوقتي في الفترة دي مفيش اي معلومة بتثبت في دماغي علي الرغم اني بذاكر كويس وبراجع كويس بس لما المستر بيسالني بنسي كل حاجة تقريبا بحس اني فقدت الذاكرة انا مش عرفة اعمل ايه وبجد خيفة جدا وتعبت من الصدمات الي بخدها من زمايلي بجد كل واحد همه مصلحته وبس علي الرغم اني باتمني الخير ليهم بس ما حدش حاسس بي علي الرغم من شعورهم باني اعاني من تصرفاتهم

انا سعات كتير بحس نفس احساسك ده بس بتوكل على ربى

بالنسبة للنسيان
فانا شايف انها حاجة طبيعية لانك بتبقى مذاكرة كويس بس نتيجة التوتر الزايد مش بتعرفى تجاوبى
وده بيحصلى كتير اوى واحب اذكرك ببيت شعر

"شكوت الى وجيع سوء حفظى ......فارشدنى الى ترك المعاصى
وقال لى بأن العلم نور ............... ونور الله لا يهدى لعاصى

اما بالنسبة للاصدقاء ففعلن كل واحد اليويمن دول بقى يدور على مصلحتوا وبس
متحوليش تسمحى لحد انو يحبطك وتوكلى على الحى الذى لا يموت

[احمد هشام المراكبى]

المشاركة الأصلية كتبت بواسطة مارينام

السلام عليكم يا اصدقائي انا بجد عندي مشكلة مش عرفة احلها انا دلوقتي في الفترة دي مفيش اي معلومة بتثبت في دماغي علي الرغم اني بذاكر كويس وبراجع كويس بس لما المستر بيسالني بنسي كل حاجة تقريبا بحس اني فقدت الذاكرة انا مش عرفة اعمل ايه وبجد خيفة جدا وتعبت من الصدمات الي بخدها من زمايلي بجد كل واحد همه مصلحته وبس علي الرغم اني باتمني الخير ليهم بس ما حدش حاسس بي علي الرغم من شعورهم باني اعاني من تصرفاتهم

اولا : أبدا بالصلاة و السلام على رسول الله

ثانيا : اختنا الكريمة لا تأخذى بهذه الاسباب فما هى إلا وساوس تنبعث من النفس و من الممكن ان يتدخل فى الشيطان ليشتتك عما تفعليه .. ثقى تماما انكي لن تتساوى مع لا يذاكر حتى ولو كنتي لا تستطيعين الاجابة على مدرسك عندما يسألك .. فأنا واحد من نفس النوعية ..

ولكن عندما يوضع إلي السؤال فى ورقة و اآخذه بعناية وهدوء و اقنع نفسى بأننى ذاكرت هذا السؤال واعلم الاجابة :: بعد كل هذا اجيب على السؤال اجابة نموذجية ..

بإلاضافة إلى شىء إذا كنتِ تنسين ما تذاكرينه فعلا فأنصحك بكتابة ما تحفظينه اثناء الحفظ ..
حيث يقول الشاعر ::

إذا كنت حمال بن زيد فإلمتس ::: حلما و علما ثم قيضه بقلما
وهذا سيساعدك كثيرا ..

[abdelRhman772007]

شايف إن مش المشكلة إنك بتنسى كتير و لكن ده مجرد نتيجة لمشكلات بتواجه حضرتك
أعتقد إنها متعلقة بندالة الأصدقاء نسبيًا يعنى و الخوف لحد ما
أيًا كان ، أحب أوصلك نقطة خللى اعتمادك على ربنا هو الثابت الوحيد فى حياة أى بنى آدم
و بالنسبة للفيزياء أرجح إن حضرتك بتكروتى شوية
بمعنى لازم تفهمى الفيزياء أكتر شوية لأن كل ما هتفهمى أكتر هيكون سهل تحفظى النظرى
و برضه فى طريقة ممكن تفيد أحيانًا أنك بتجيبى كتابين تلاتة فى الفيزياء مختلفين و تذاكرى نفس النقطة
كون إن حضرتك هتعملى كده فهتقارنى بين المعلومات فى الكتب ده و هتستخلصى أحلى فهم و حفظ
بس سعات بيحصل عند بعض الناس لخفنة مممم جرّبى مرة كده فى مراجعة درس بسيط و شوفى يمكن

آخر حاجة احب اذكر ليكى إن سر النجاح على الدوام هو أن تسير إلى الأمام
أيا كانت المشكلات اللى واجهتك انسيها أو تناسيها
و لو لسة بتواجهك مشاكل حاولى تحليها و تفصليها على قد ما تقدرى عن دراستك

و ربنا يوفقك ،،،،،،،

[moOon light]

بصى انا شايفه ان الردود كلها بسم الله ما شاء الله كافيه انها تفيدك
بس حبيت ازود حاجه بالنسبه لنقطة النسيان
فاحنا كنا ااخدنا فى علم النفس
ان النسيان دا بينتج عن طريق سوء تخزين المعلومه
يعنى ممكن تعملى بين كلماده وماده ريست بتاع نص او ربع ساعه
وبالنسبه لنقطة الاصحاب
مفيش حد مثالى وكلنا ملايكه لازم نكون متوقعين من اى حد اى حاجه
ومتاخديش كل حاجه على اعصابك
حاولى تفصلى بين المذاكره واى حاجه تانيه
لانه مبقاش غير شهرين

ربنا يوفقك ويكرمك ويبعد عنك كل سوء ...

[مارينام]

مرسي ياجماعة وانا هاخد بنصائحكم انشاء الله

[To Be Is To Do]

المشاركة الأصلية كتبت بواسطة مارينام

مرسي ياجماعة وانا هاخد بنصائحكم انشاء الله

ربنا معاكى ويوفقك إن شاء الله

[CAn u see me]

ولا اى حاجة خالص انا كنت اسوأ من كده بس والله والله كنت بحس ان القلم بيكتب لوحده فى الامتحان
بس اللى ناوى يدخل طب سنته سوده احنا مفحوتين والله

[zeco_zeco]

الأهم من المذاكرة الكتير
الحل الكتير
ولازم يكون بالورقة والقلم مش شفوي (دة بالنسبة للأسئلة للاختياري يعني )
ويستحسن تذاكري فصل مثلا
وبعدها راحة تلت ساعة مثلا
وتحلي على الفصل دة من كتاب خارجي أو من التقويم
وبالتوفيق ان شاء الله

[eng.mahmoud zenhom]

الفيزياء ( بعبع الثانوية العامة )
والواحد بيشوف أسماء كتيرة اوى الناس بتسميها على الفيزياء بس ده اكتر اسم شفته
يا اخواننا والله العظيم ما فى احلى من الفيزياء واكتر مادة تستفاد منها هى الفيزياء
عارفين ايه المشكلة ان المنهج اللى انتوا بتاخدوه نظرى مفيش عملى خالص بالرغم ان الفيزياء ماينفعش تبقى نظرى يعنى مثلا الفصل العاشر اللى هو المجال المغناطيسى انتوا بتاخدو ان السلك اىا كان الشكل الهندسى ليه لو مر فيه تيار كهربى يتولد مجال مغناطيسى وده حقيقى محدش يختلف عليه
بس لو الطالب عمل تجربة عمليه وشاف ده بعينيه والله عمره ما هينساها لحد ما يموت ( ربنا يطول فى اعمارنا )
هى الفيزياء عاملة تقريبا زى الكيمياء العضوية بتتنسى بسرعة بس انت ذاكر الفيزياء كويس والله العظيم هاتستفاد منها اوى اوى اوى فى الكليات وخاصة الهندسة
بس انتوا ذاكروها على انها مادة تطبيقية مش مادة هذاكرها علشان اجيب مجموع
وربنـــــــــــــــــا يوفق الجميع

[محمد جمال عبيد]

ردود مفيدا جدا

[ياسمين ابوبكر]

صلى واقرى قران قبل ماتذكرى وكونى واثقه من نفسك وربنا معاكى ومعانا...............يااااااااااارب

[مارينام]

مرسي يا جماعة وانشاء الله هعمل بي نصائحكم

[The.Midaa]

المشاركة الأصلية كتبت بواسطة مارينام

السلام عليكم يا اصدقائي انا بجد عندي مشكلة مش عرفة احلها انا دلوقتي في الفترة دي مفيش اي معلومة بتثبت في دماغي علي الرغم اني بذاكر كويس وبراجع كويس بس لما المستر بيسالني بنسي كل حاجة تقريبا بحس اني فقدت الذاكرة انا مش عرفة اعمل ايه وبجد خيفة جدا وتعبت من الصدمات الي بخدها من زمايلي بجد كل واحد همه مصلحته وبس علي الرغم اني باتمني الخير ليهم بس ما حدش حاسس بي علي الرغم من شعورهم باني اعاني من تصرفاتهم

امال لما نشوف ورقة الامتحان هنعمل ايه؟؟؟