مقابلة نقيب المعلمين للرئيس بخصوص الكادر

[aymanabdelshafy]

الوطن
كشف د.أحمد الحلواني، نقيب المعلمين والمنتمي لجماعة الإخوان المسلمين عن أنه سيقوم هو ورؤساء وممثلي النقابات المهنية بالتوجه للقصر الجمهوري لتهنئة الرئيس الجديد، وتقديم مطالب أعضاء النقابات المهنية والتي فشل النظام السابق في حلها.
وقال الحلواني لـ"الوطن" إنه كنقيب للمعلمين سيطالب رئيس الجمهورية بسرعة إقرار قانون الكادر، ووضع حد أدنى للأجور لا يقل في المرحلة الأولى عن 1200 جنيه على أن يتدرج فى السنوات القادمة ليصل إلى 5 آلاف جنيه عندما ينصلح حال البلد على حد قوله.
على صعيد تهديد المعلمين فى محافظات الدقهلية وكفر الشيخ وأسوان وعدد من المحافظات بالإضراب عن تصحيح امتحانات الثانوية العامة بسبب ما وصفوه بالمعيشة غير الآدمية في استراحات المبيت الخاصة بوزارة التربية والتعليم، قال نقيب المعلمين إن الوزارة اعتمدت هذا الأسبوع 13 مليون جنيه لتجهيز استراحات مبيت المعلمين وشراء المراوح خاصة في ظل الارتفاع الكبير في درجات الحرارة، كما سيتم شراء أسرة ومراتب لتوفير معيشة آدمية تليق بالمعلمين.
وقال الحلواني إن المعلمين تراجعوا عن التهديد بالإضراب عن تصحيح عن أوراق إجابات الثانوية العامة بعد أن استجابت الوزارة لجميع مطالبهم، وقام ممثل لوزير التعليم بزيارة المعلمين في أماكن إقامتهم لتلبية جميع مطالبهم.

[أحمد علي]

ربنا يصلح الأحوال ان شاء الله

[احمد ناجى على سميع]

ربنا يصلح الحال مع دولة الاخوان ولو ما كنش كده هيبقوا فى خبر كان...........ولك الله يا مصر .

[alneseem]

لا تصدقوه هو رايح يهنى فقط اما ملف الكادر فقد اغلق خلاص

[كركرمومو]

وقال الحلواني إن المعلمين تراجعوا عن التهديد بالإضراب عن تصحيح عن أوراق إجابات الثانوية العامة بعد أن استجابت الوزارة لجميع مطالبهم !!!!!!!!!!!!!!!!!!!!

نفس كلام الا سبقوة

[gana hatim]

والله النقيب ده لوكان بقال الكلام ده لازم يتحاكم بتهمه ازدراء عقول المعلمين ق واذا المدرسين صرضيوا بكده يبقي هنيا للنققيب بمنصب ه لان المدرسين بكده يستاهلوا اكتر من كده فوقوا يا معلمين بقيتوا مضحكه كل المهن بقه بالله عليكم ده كلام السيد النقيب ويروح يطالب بحد ادني كام يسي النقيف ٣٠٠٠ طيب ٤٠٠٠ للا ١٢٠٠جنيه وعشان تبقي لزقت فينا وثبتت علينا نقابتا بتطالب ١٢٠٠ جنيه هو سياده النقيب ماعرفش مرتبات الشرطه وصصت كام يعني يانقيبنا الخفير احسن من المعلم وفي الاخر احنا المفروض نطالببالعداله زينا زي موظفين البترول وابلكهرباء وغيره لن نرضضي بالدنيه في مهنتنا مره اخري وكفايه ظلم والله هذا ظلم بين

[ahmedyacoub]

امال فين كرامة المعلم اللي بيقولوا عليها والمعلم اعلي طبقة في المجتمع ولازم يكون ليه درجة مرموقة في البلد لما نشوف الايام اللي جاية دي مخبيه لينا ايه تاني وربنا يسترها علي المعلمين

[سالمه11]

من أهم الموضوعات التي يجب ان تناقش الاعتماد التربوي والجوده فالجوده يجب ان تكون في اتقان المعلم لعمله ويتم مراقبه ذلك من خلال الرؤساء من مدير وموجه للماده وموجه اول ولا تكون الجوده بالشكل المشين الساري في مدارسنا من كتابه سجلات لا اول لها من آخر و كلام وورق و صور تثبت كل عمل قام به المعلم أتسآل من يأتي المعلم بالوقت لكتابه الكم الهائل من هذه السجلات وأقولها عن ثقه كامله ان كل من يدافع بل ويرحب بالجوده في مدارسنا بهذا الشكل هم المنتفعون ماديا منها من مراجعين فنيين يحصلون علي الكثير من المال في كل زياره للمدرسه وأتمني أن أقول لكل مراجع فني يزور أي مدرسه بما فيهم قائد الفريق الذي يأتي من أي منصب كان من الجامعه مثلا أقول لهم : انني لا اعترف بيكم بل و أكرهكم لأنكم تضيعون أوقانتنا

[عاطف رجل صالح]

الاستراحات فى الصعيد لا تليق بالبشر والحل الوحيد ان يقضى فيها الوزير يوم كامل ليرى كل شئ على الطبيعة

[الأستاذ علاء سليمان]

ياريت تكون مطالبنا واضحه
وتكون دوله العلم والتكنولوجيا الحديثه

[EhabFathi]

أحوال المعلمين ستتحسن كثيرا بإذن الله
متفائل بالرئيس الدكتور محمد مرسي وإن شاء الله سيكون صلاح البلد على يديه

[صفاء عزمى]

يا دكتور مرسي هدم التعليم وابني من جديد
ذلك بعمل برلمان تعليمي لوضع سياسات تعليمية محددة
هذا برلمان يشارك فيه المعلمين واولياء الامور وخبراء التعليم بعيد عن الوزارة يحدد نظام واضح للتعليم قبل وبعد الجامعي

[mr emoo]

يا جماعة الصبر دة الراجل لم يجلس على الكرسي بعد و ارجو ان يزيد التفاؤل اكثر من هذا و نبعد عن نبرة التشكيك المستمرة عمال على بطال
انا واثق ان شاء الله ان اللي جاي احسن بكتير من اللي فات لانه باختصار مفيش اسوا من اللي فات من ظلم و قهر و استبداد و قمع و إضطهاد ..... بس لازم نعطي للرئيس الفرصة كاملة حتى نستطيع الحكم عليه بموضوعية..... نسيبه يشتغل و احنا كمان نشتغل بجد و نشوف وضعنا في ميزانية 2013 حتبقى عملة ازاي لان ميزانية 2012 خلاص المجلس العسكري هو اللي حطها و ليس الرئيس .... هذا هو رأي الشخصي و ارجو التعليق بموضوعية و شكرا
إمضاء معلم مطحون و طالع عين اللي خلفوه لايجاد قوت يومه زيكم تمام

[nessem]

الدعاء للرئيس محمد مرسى بالتوفيق فى مهامه الصعبة وياريت نبطل كلام شوية

[عاطف رجل صالح]

ابناء الوادى الجديد الان يجمعو ن 2000 الفين توقيع لالغاء الانتدابات خارج المحافظة وارسالها الى الوزير

فليتحد جميع المعلمين فى الجمهورية من اجل هذا الهدف
الاستراحات لا تليق بالبشر و مندوب الوزارة يجلس فى استراحة 5 نجوم وخدم وحشم
والحل الوحيد ان يقضى فيها الوزير يوم كامل ليرى كل شئ على الطبيعة