وانا مالى انا عاوز اتجوز

[biob]

اهلا يا جماعه
كل سنه وانتوا فرحانين

انا لاحظت من فتره ان الركن العام مليااااااااااااااااان مواضيع عن الجواز
جواز جواز جواز
فجه فى بالى اعمل موضوع عن الجواز خطر فى بالى فجاه
شاب بسيط جدا عنده 17 سنه زينا فى حوار مع باباه
طبعا مش انا
بس انا بتخيل نفسى يعنى

انا:بابا.................بابا

بابا:ايوه يا ابنى انت بطل زن انا صايم وهبطان ومش ناقصك

انا:هو انا كل ما اجى جمبك تعمل مخنوق
ماتخافش مش عاوز فلوس

بابا:امال جاى جمبى ليه السعادى.عاوز ايه؟

انا:انا عاوز اتجوز

بابا:وحياه امك
بقى انت يا قلهيا ابو.......... عاوز تتجوز
دا اخوك الكبير لسه ما اتجوزش

انا:و انا مالى وماله.هو حر

بابا:والنبى يا مصطفى حل عن دماغى انا مش نقصك دلوقتى

انا:انا بتكلم بجد على فكره .انت مفكرنى بهزر

بابا:ياد دانا ما اتجوزتش الا وانا عندى30 سنه
تقومانت يا عيل يا ابو 18 سنه عاوز تتجوز

انا:لا انا لسه 17

بابا:كمان .خلاص انت حر
عاوز تتجوز اتجوز
وناوى تقعدها فين هى وعيالها يا عريس

انا:الله مالبيت واسع اهوه
هبقى اخد الاوضه بتاعه الصالون اللى مالوش لازمه ده واحط فيها سرير

بابا:اه لا فكره برضه
وناوى تصرف عليها منين

انا :جرى ايه يا حج وجيه ما انت ناوى تستندل معايا ولا ايه
ربنا يخليك لينا

بابا:اه يعنى عاوزنى اصرف عليكو وعليها وعلى عيالك وعلى اخواتك وكمان تقعدوا فى بيتى

انا:اه بس
انا يعنى مش عاوز احملك فوق طاقتك

بابا:الله طيب ما اتجوزها انا وخلاص

انا:الله جرى ايه يا بابا انت باصصلى فى اللقمه من دلوقتى

بابا:قوم يا ابن ........ من هنا
قوم

(روحت قايم من على الكنبه ومشوح بايدى وانا ماشى ورحت قايل)

الله طالما احنا مش هينفع نتجوز دلوقتى
امال احنا ليه بنبلغ فى السن ده؟


طبعا الحج وجيه نفضلى وماردش
ياريت حدفيكوا يجاوبنى على السؤال ده

هواحنا بدام مش هنتجوز فى السن ده
يبقى ليه بنبلغ دلوقتى؟

[براءة]

اصل المفروض الواحد ف سنك ده يعنى المفروض يكون راجل مسئول و معاه حرفه غير تعليمه ويقدر يفتح بيت وكده
بس طبعا ف ايامنا دى وشباب قدوتها تامر حسنى اكيد مش هتتجوز غير وانت 40 كده مثلا

[biob]

المشاركة الأصلية كتبت بواسطة رحمة للعالمين

اصل المفروض الواحد ف سنك ده يعنى المفروض يكون راجل مسئول و معاه حرفه غير تعليمه ويقدر يفتح بيت وكده
بس طبعا ف ايامنا دى وشباب قدوتها تامر حسنى اكيد مش هتتجوز غير وانت 40 كده مثلا

الله
اعملهم ايه يعنى
مش هما اللى عاوزنى ادرس واطلع دكتور قد الدنيا
كان زمانى اتجوزت وخلصت
انا ماليش دعوه بتامر حسنى دلوقتى
تامر حسنى مش هيجوزنى

[براءة]

وبعدين انت ترضي انك تعيش مع والدك وكمان يصرف عليك وعليها ؟؟
يا سيدى يوم ما تبقي تقدر تعيشها ف اوضة حتى وتصرف عليك وعليها ابقي قول يا جواز

[biob]

المشاركة الأصلية كتبت بواسطة رحمة للعالمين

وبعدين انت ترضي انك تعيش مع والدك وكمان يصرف عليك وعليها ؟؟
يا سيدى يوم ما تبقي تقدر تعيشها ف اوضة حتى وتصرف عليك وعليها ابقي قول يا جواز

ايوه يا رحمه عندك حق
بس بدام الواحد ما ينفعش يعمل بيت فى السن ده
يبقى ليه بنبلغ دلوقتى
طالما احنا هنتجوزوعندنا 30 سنه
يبقى ليه ما ابلغش عند 27 مثلا
اكيد فيه حاجه غلط

[براءة]

المشاركة الأصلية كتبت بواسطة biob

ايوه يا رحمه عندك حق
بس بدام الواحد ما ينفعش يعمل بيت فى السن ده
يبقى ليه بنبلغ دلوقتى
طالما احنا هنتجوزوعندنا 30 سنه
يبقى ليه ما ابلغش عند 27 مثلا
اكيد فيه حاجه غلط

علشان ده كمان مرتبط بالتكليف ف كذا طاعة وهتبدأ تتحاسب
ثانيا افرض فى غيرك يقدروا يفتحوا بيوت .. 17 سنة مش سن صغير ابدا !!

[biob]

المشاركة الأصلية كتبت بواسطة رحمة للعالمين

علشان ده كمان مرتبط بالتكليف ف كذا طاعة وهتبدأ تتحاسب
ثانيا افرض فى غيرك يقدروا يفتحوا بيوت .. 17 سنة مش سن صغير ابدا !!

خلاص
بدام انا فعلا المفروض اتجوزوانا عندى 17
يبقى ليه ما بتجوزش
فين الحلقه الناقصه؟

[براءة]

المشاركة الأصلية كتبت بواسطة biob

خلاص
بدام انا فعلا المفروض اتجوزوانا عندى 17
يبقى ليه ما بتجوزش
فين الحلقه الناقصه؟

ليه متتجوزش ؟
علشان .. مش مسئول..

[باسم باشا]

لا يا باشا احنا المفروط فعلا نتجوز في السن دا


16 او 17 هو دا الصح

[Cray_Bird91]

المشاركة الأصلية كتبت بواسطة باسم باشا

لا يا باشا احنا المفروط فعلا نتجوز في السن دا


16 او 17 هو دا الصح

لو صح

كانوا تحملوا المسئلية واعتمدوا على نفسيهم

والاهالى هيرضوا

بس العقل مش بينضج كامل فى السن ده

[Dr.diamond]

المفروض فعلا لو كان حالنا كويس كان الشباب يتجوز فى السن ده فعلا زى ما كان بيحصل زمان
بس دلوقتى اساسا فى السن ده الولد بيبقى لسه مثلا مخلص ثانوى وداخل كليه لسه اساس مخلصش تعليمه
ولا كون اى حاجه فى حياته ولا حتى عنده مصدر دخل
ده غير ان اغلب البنات دلوقتى بقت بتكمل تعليمها مش زى زمان بيخلصوا بدرى
فأكيد مش هينفع يتجوزوا دلوقتى مش هيبقى هما الاتنين قاعدين يذاكروا والجيران تعملهم شاى لزوم المذاكره


على فكره الحوار ده تحفه جدا

[biob]

المشاركة الأصلية كتبت بواسطة dr.juliut

المفروض فعلا لو كان حالنا كويس كان الشباب يتجوز فى السن ده فعلا زى ما كان بيحصل زمان
بس دلوقتى اساسا فى السن ده الولد بيبقى لسه مثلا مخلص ثانوى وداخل كليه لسه اساس مخلصش تعليمه
ولا كون اى حاجه فى حياته ولا حتى عنده مصدر دخل
ده غير ان اغلب البنات دلوقتى بقت بتكمل تعليمها مش زى زمان بيخلصوا بدرى
فأكيد مش هينفع يتجوزوا دلوقتى مش هيبقى هما الاتنين قاعدين يذاكروا والجيران تعملهم شاى لزوم المذاكره


على فكره الحوار ده تحفه جدا

الله
يبقى كده الدراسه هى العائق فى ان احنا نتجوز
خلاص ما ندرسش
نشتغل نجارينوسباكين وميكانيكيه عشان نتجوز
انا بصراحه شايف ان الجواز احسن مليار مره من الدراسه
حد يقدر ينكر؟
ده حتى ستره

[الشفق الباكي]

المشاركة الأصلية كتبت بواسطة biob

الله
يبقى كده الدراسه هى العائق فى ان احنا نتجوز
خلاص ما ندرسش
نشتغل نجارينوسباكين وميكانيكيه عشان نتجوز
انا بصراحه شايف ان الجواز احسن مليار مره من الدراسه
حد يقدر ينكر؟
ده حتى ستره

والله بجد بلا تعليم عندك حق الجواز احسن

[biob]

المشاركة الأصلية كتبت بواسطة moonlife

لو صح

كانوا تحملوا المسئلية واعتمدوا على نفسيهم

والاهالى هيرضوا

بس العقل مش بينضج كامل فى السن ده

طيب ليه الجسم بينضج متاخر عن العقل
انا اللى اعرفه ان الحيوان اول ما بينضج بيتكاثر
هى الحياونات احسن مننا ولا ايه؟

[Cray_Bird91]

المشاركة الأصلية كتبت بواسطة biob

طيب ليه الجسم بينضج متاخر عن العقل
انا اللى اعرفه ان الحيوان اول ما بينضج بيتكاثر
هى الحياونات احسن مننا ولا ايه؟

الحكاية مش حكاية جسم

الموضوع انه فى السن ده المفروض بيكون بداية لطريق طويل

يعنى استعدادا للمسئولية

وعلى فكرة

الرجولة مش بالعضلات

الرجولة بالاخلاق والاحترام والخوف على غيره واهل بيته