|
||||||
| إبداعات ونقاشات هادفة قسم يختص بما تخطه أيدي الأعضاء من شعر ونثر ورأي الخ... |
 |
|
|
أدوات الموضوع | انواع عرض الموضوع |
|
|
|
#1
04-02-2013, 08:17 AM
|
|||
|
|||
مصرى مين اللى يوم هتخاف عليه
مصر ى ايه
مصرى ليه مصرى مين اللى يوم هتخاف عليه وقعوه قلَّعوه اضربوه اسحلوه الغلبان ملعون ابوه لو حد شافكو يوم ارضوه بالوظيفه عشِّمُوه ومعاها برضه كام جنيه مصر ى ايه مصرى ليه مصرى مين اللى يوم هتخاف عليه جاتنا نيله والف نيله مدرعة وبنحرقوها والمنشات بنكسروها وامنا مصر العزيزه بندبحوها عمرها ما كات بغيه عشان يقولو خلفه حرام بيقطعوها الحلال يا خلق هوووه ماشى ف جيناتها والادب برضه ف ولادها طاب اللى يحصل اسموا ايه مصر ى ايه مصرى ليه مصرى مين اللى يوم هتخاف عليه البلطجيه بيسرقوا وبيحرقوا ولاعمرهم مابين حلال او بين حرام بيفرقوا اتجدعنوا واخنقوها وغرقوا اتجدعنوا واتفرقوا ياميت خساره البلطجى يصبح شهيد والثورجى عمَّال يزيد والحصار فى كل حته ف السويس وف بور سعيد واسماعيليه صاحبه العزم الحديد ومصرنا بتزيد مراره وحلمنا بتقطّعوه اللى عشنا تمللى بيه مصر ى ايه مصرى ليه مصرى مين اللى يوم هتخاف عليه متغور حُكومه وتيجى تانيه الحل بايديكم ف ثانيه مصر باقيه عمرها ما هتبقى فانيه مصرنا مش بس بيت مصر لينا روح ودنيا مش كفايه والا باقى حاجه تانيه الكرامه اشتروها ياعم غوروا متسبوها هدوا الامور عشان نبنوها فاتت شهور ولا شىء بيحصل المصرى مات ولاعدش دم نضحى بيه مصر ى ايه مصرى ليه مصرى مين اللى يوم هتخاف عليه دا يبقى مصرى مصرى ايه مصرى ليه اللى هانت يوم عليه اللى باعها بساندوتش وكام جنيه اللى يحرق اللى يسرق واللى ياخد من غير ما يعرق واللى بيحلل حرام واللى عنده مش هتفرق اللى الغباوه ساكنه فيه دا يبقى مصرى مصرى ايه مصرى ليه اللى هانت يوم عليه اللى باعها بساندوتش وكام جنيه اللى بيكسر فى بيته واللى بيقلع فى غيطه واللى بيولع ويتلف واللى بالبهتان بيحلف واللى محدش يهمه واللى بيقطع فى امه واللى بيمزق فى توبها واللى بيقطع ف خيطه بين سنانه وبين ايديه دا يبقى مصرى مصرى ايه مصرى ليه اللى هانت يوم عليه اللى باعها بساندوتش وكام جنيه واللى بيبيعها بعصير برتقال او بمانجو واللى بيبيعها بسيجاره بالحشيش او ببانجو واللى بيسد الشوارع واللى فى المكايد بارع والى بيقطع اخوه واللى ليه كمان يصارع واللى بيبور مزارع واللى بيقطع تاريخها واللى يضرب فوق نافوخها فى التراث والمضارع لجل يطمسه ويخفيه دا يبقى مصرى مصرى ايه مصرى ليه اللى هانت يوم عليه اللى باعها بساندوتش وكام جنيه واللى بيألف مشاكل واللى دايما كان يشاكل واللى طالع نازل اكل واللى مات فيه الضمير واللى مبيرحم صغير واللى بيهين الكبير واللى بيقطع ف امه وهى فى الوضع الخطير والفجور مش بيداريه دا يبقى مصرى مصرى ايه مصرى ليه اللى هانت يوم عليه اللى باعها بساندوتش وكام جنيه مستر /عطيه خضرى عطيه قلين / كفر الشيخ
__________________
MR.Attia EL KHODARY
مستر /عطيه الخضرى 
|
|
#2
05-02-2013, 11:33 AM
|
||||
|
||||
|
مستر عطية ....
كلماتك روعة روعة وأدائك الشعرى شديد التميز سعدت كثيرا برؤيتك العميقة لحال مجتمعنا فقد أخرجت لنا صورة إبداعية متكاملة تحمل فى داخلها التشخيص والعلاج ننتظر منك الجديد
__________________
اللَّهُمَّ أَنْتَ رَبِّي ، لا إِلَه إِلاَّ أَنْتَ خَلَقْتَني وأَنَا عَبْدُكَ ، وأَنَا على عهْدِكَ ووعْدِكَ ما اسْتَطَعْتُ ، أَعُوذُ بِكَ مِنْ شَرِّ ما صنَعْتُ ، أَبوءُ لَكَ بِنِعْمتِكَ علَيَ ، وأَبُوءُ بذَنْبي فَاغْفِرْ لي ، فَإِنَّهُ لا يغْفِرُ الذُّنُوبِ إِلاَّ أَنْتَ .
|
|
| العلامات المرجعية |
«
الموضوع السابق
|
الموضوع التالي
»
العرض المتطور
|
|
جميع الأوقات بتوقيت GMT +2. الساعة الآن 06:59 PM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
