محدش يدعي ع الظالم

[أبو العلاء]

محدش يدعِي ع الظالم
ولَوْ مَزْنوقْ أوِي وْ وَارِمْ ؟
يِرُوحْ (للزند) يتخاصم
يلاقي هْناكْ ميزان قايم
بيوزِنْ بِيهْ حقوقْ الناس
ميزان حساس
تقِي وصايم
عن الإنصاف
بيحكم بـ(القانون) ... حاسم
ولا بيمشي ...
بخِلفِ خْلاف
هناك القاضي مَيْنامْشي
ولا(معزوم)...
ولا (عازم)...
ولا بْياخدْ من الصفقة نصيبُهْ حاف
و مش (بيخاف)
ولا بْيُحْكُم على المظلوم
ولا بيِسْتنَّه مِ الحُكّام
إشارة بْمين
براءة وْمين
ياخد إعدام
محدش يدعي ع الظالم
بتِفْتَحْ ليهْ باب الفُرقَةْ ما بين الخَلقْ ؟!!!
ما تِنْسَى يابْني أحزانك وإنْسَى الحق
ومينْ قالّك حقوق شهدا فقلّه لأ
وكلّ اللي فَقَدْ عُمْرُه
دا قَصّ ولزْق
وكل اللي فَقَدْ بَصَرُه
يركّبْ (لصْق)
وحتى اللي يموت بالنار
فَدَا مش حرْق
دَا بنْكفّرْ بِها ذْنوبه
عشان فُوقِ الصّراطْ يمشي
كمِثْلِ البرق
محدش يدعي ع الظالم
ومين يدعي... دُعاهْ مردود
مَصيرُه قْيود
رسولْهم شاف منام موعود
بإنّ اللي هيظْلِمْ من جهازْ شُرْطهْ وجيش وجنود ...
دا مش ءاثم
ومش هَنْحاسْبُهْ ونقوله سؤال وردود
محدش يدعي ع الظالم
ولَوْ فِ السِّر
نَصَبْنا كمين
لأيّ دُعَاءْ على الظالمين ؛
هتيجي تْقِرّ
ولا عُمْرك فِ يوم هَتْفِرّ
محدش يدعي ع الظالم
لأنه يوم ما هَيْفَكّرْ
يقول الكلمة ويعبّر
يلاقي فْ بُقُّهْ كام مُخْبر
بينَ اسْنانه
وفِ لْسانه
كدَه بْيُنْخُر
قايم نايم
محدش يدعي ع الظالم
عشان مَيْرُوحْشِ فِ الرّجْلِين
وخَلّيكو كده عايشين
لا دنيا وْدين
وأمن الدولة هيحدد
مَصِيرْكُو فين

[*تائبة فى رحاب الله*]

ابدااااااااااااااع ...
ههههههههههههههههه...
كان فى مثل بيقول اللى على راسه .....!
اللهم انتقم من السيسى واعوانه وكل من ايده واقر بما فعل
اللهم فك اسر اخى و كل من معه وردهم الينا سالمين معافين
اللهم تقبل موتانا من الشهدآء وانزلهم منزلا مباركا
اللهم اشف صدور قوم مؤمنين عاجلا ليس آجل يارب العالمين

[أبو العلاء]

المشاركة الأصلية كتبت بواسطة *تائبة فى رحاب الله*

ابدااااااااااااااع ...
ههههههههههههههههه...
كان فى مثل بيقول اللى على راسه .....!
اللهم انتقم من السيسى واعوانه وكل من ايده واقر بما فعل
اللهم فك اسر اخى و كل من معه وردهم الينا سالمين معافين
اللهم تقبل موتانا من الشهدآء وانزلهم منزلا مباركا
اللهم اشف صدور قوم مؤمنين عاجلا ليس آجل يارب العالمين

بارك الله فيك أختي تائبة في رحاب الله

ورد الله لكِ أخاك منتصرا عزيزا قويا أبيا لا يخشى إلا الله ولا يهاب سطوة الطواغيت هو وجميع المعتقلين في سجون الانقـلاب

آآآمييييين آآآميييين

[عزتى في دينى]

والله لن نتوقف لحظه عن الدعاء على الظالم وسنستمر حتى يستجيب الله لنا .. القائل في كتابه
بسم الله الرحمن الرحيم (ادعونى استجب لكم )

ولن نترك يوم في رمضان الا ودعينا على الظالم المفترى قاتله الله هو ومن معه

[Âñå Prïñcëŝŝ zoza]

رائعة جدااا جزاك الله خيرا
...
بس ياترى هيقدروا يمنعوا الامهات اللى قلبهم محروق
على فقدان اولادها من الدعاء على الظالم
...
تقبل مرورى

[أبو العلاء]

المشاركة الأصلية كتبت بواسطة aya ramadan.

والله لن نتوقف لحظه عن الدعاء على الظالم وسنستمر حتى يستجيب الله لنا .. القائل في كتابه
بسم الله الرحمن الرحيم (ادعونى استجب لكم )

ولن نترك يوم في رمضان الا ودعينا على الظالم المفترى قاتله الله هو ومن معه

فعلا أختي الدعاء هو العبادة ، به نتقرب إلى الله وقد وعد باستجابة دعوةالمظلوم ، ونرجوه أن يستجيب دعاء كل مظلوم ويعجل بهلاك الظالمين

نفعك الله ونفع بك
كل التحية

[(( لؤلؤة الايمان ))]

محدش يدعي ع الظالم
عشان مَيْرُوحْشِ فِ الرّجْلِين
وخَلّيكو كده عايشين
لا دنيا وْدين
وأمن الدولة هيحدد
مَصِيرْكُو فين



اسأل الله ان يشفى صدورنا من كل ظالم
كلمات رائعة جزاكم الله خيرا

[LoOoLy El Treikawya]

ومين يقدر يمنعنا واحنا بندعي عليهم في كل وقت

ومين يقدر يحجب صوت دعاءنا عن خالقنا

حسبنا الله ونعم الوكيل

[اية عبد اللطيف]

مفيش حاجة سبوها للناس حتى الدعاء عاوزين يمنعوه
حسبى الله ونعم الوكيل على كل ظالم *** وسرق وحرق جثث

[محمد عبد العليم يعقوب]

أرجوك لا تدعى التدين لقد قرأت للأسف ألفاظ أقل ما توصف بأنها غير لائقة

[على عبدالرحمن محمود]

اللهم انتقم من الظالمين القاتلين المغتصبين وفك كرب المكروبين وفرج هم المهمومين وتقبل من الصائمين القائمين ، اللهم عليك باليهود ومن عاونهم ومن نسق معهم ....آمين