جديدة في صيدلة

[Randa Gamal]

أزيكم يا جماعة كل سنة وأنتم طيبين ويارب عيد سعيد عليكم كلكم , أنا لسة داخلة صيدلة السنادي إن شاء الله صيدلة القاهرة, وأنا مبسوطة جدااااااااا لأن دا حلمي من زمان إني أخش صيدلة ومتحمسة أوي, بس المشكلة بقى في الناس ! كل مسمعهم بيتكلموا عن صيدلة أحس إن حماسي بيقل شوية وأنا مش عايزة كدا عشان حسًة إنها كلية جميلة جداااااااا وأنا متأكدة إن إلي مش بيحبها ماكنش عايزها من الأول أصلاً.. و حتى لو كانت صعبة, فيها إيه يعني؟! مافيش حاجة سهلة في الدنيا دي كلها أصلاً, المفروض إلي بيحبها يحب صعوبتها كمان وميشتكيش ويحبب الناس فيها مش العكس ! المهم ياريت لو حد في صيدلة و بيحبها يكلمني عنها أكتر عشان أنا حبة إني أعرف عنها أكتر من ناس بيحبوها بجد بقى حتى لو من أي جامعة تانية غير جامعة القاهرة شكراااااااا

[foaaditm]

والله انا زيك بالظبط بس صيدلة اسكندرية ولحد دلوقتى مش عارف اى حاجة عن الكلية

[N E X T]

بالنسبة بقى لللا هيدخل صيديلة ومش عاجباه يعمل ايه ؟!

[moon sky]

المشاركة الأصلية كتبت بواسطة n e x t

بالنسبة بقى لللا هيدخل صيديلة ومش عاجباه يعمل ايه ؟!

يحمد ربنا ويعرف ان غيره بيتمني انه يكون مكانه وعسي ان تكرهوا شئ وهو خير لكم

[g_boy19942000]

المشاركة الأصلية كتبت بواسطة n e x t

بالنسبة بقى لللا هيدخل صيديلة ومش عاجباه يعمل ايه ؟!

طبعا قول الحمد لله على كل شئ

كتير كانوا زيك و بعد كدة حبوها

بس لو انت مقفول منها اوى يبقى مش هتعرف تحبها و لو تعرف تحول منها حول

[g_boy19942000]

بالنسبة للناس اللى بتحب المواد العلمية و بالاخص طبعا الكيمياء و بتحب الادوية و كل حاجة عن الادوية

ان شاء الله هتستمتع بالكلية و بدراستها

و انصح اى حد داخل جديد يركزوا فى الدراسة و الكلية بس و يعدى من اول سنة لانها بتبقى رخمة شوية و موادها رخمة و هتلاقى فى الكلية نشاطات شارك فيها و استفاد