مدرس الابتدائىومدرس الاعدادى والثانوى

[جمال سراج]

من ردودى على احدى الموضوعات بالمنتدى وجدت ان ردى هذا يتطلب فتح هذا الموضوع لاهميته وهو عن مدرس الابتدائى:

لو كان الامر بيدى وانا مدرس ثانوى ولست مدرس ابتدائى ومع ذلك والله ارى ان مدرس الابتدائى ده هو اهم المدرسين واكثرهم عملا واخلاصا وتواضعا ولو كان الامر بيدى وكان هناك ميزات ماليه او معنوية لمنحتها الى مدرس الابتدائى اولا
بس واه من بس!
مدرس الابتدائى انهوا
مدرس الابتدائى المتواضع اللى ميقولش انا خريج جامعة زى بتاع الثانوى او الاعدادى مثلا- اقصد المتواضع - يا عم منتا عارف انك لما دخلت الجامعة هتبقى بتاع ابتدائى يبقى ملوش لازمة الكبر - هى كلها مش امله ابتدائى ولا ثانوى ولا حتى دكتور فى الجامعة- لو كان كل واحد بيعتبر شغله دا مقدس اى كان هيحترمه- ولعلمكوا انا زرت انجلترا وشفت ناس والله معاهم دكتوراة وبيدرسوا فى الابتدائى بس فى المقابل بيخدوا مقابل مادى ربما يفوق اللى بيجده اللى بيدرس فى الجامعة هذا بالضافة الى المقابلات المعنوية اللى ملهاش لازمة لانها عند كل الناس وهى التقدير والاحترام
ايضا مدرس الابتدائى المثقف المحترم اللى بيعلم ولادنا القيم والاخلاق والفضيله قبل العلم ولا ننسى اساتذتنا من مدرسين الابتدائى
ولعلمكوا معلومتنا الثابته احنا اخدناها من بتاع الابتدائى وبقيت فى حين طمست او نسيت معلومات الثانوى مثلا مع العلم انه اللى كان يعلمنا فى ابتدائى دبلوم معلمين - يعنى خريج دور المعلمين والمعلمات
اللى من وجهة نظرى انه خسارة والف خسارة لما شالوا الدبلوم ده - مكناش بنشوف الفزلكة دى ( عفوا فى الكلام) - مكنش حد بيقول انا معايا جامعة ولا دكتوراه واستاهل واستاهل الدنيا كلها ولا حاجة
كانت ناس محترمة تبغى وجه الله
بقى انا ابين انه فى دول العالم اللى بنساميها راقيه ومتقدمه انوا الشخص هناك محترم كونه يؤدى عمله باخلاص وبضمير وبتفانى اى كان عمله - تانى ايا كان عمله - مفيش حد احسن من حد
اما عندنا فهناك عمل وضيع واخر كعبه عالى- شغل للبهوات وشغل لغير البهوات! - حتى داخل الوظيفة الواحدة - مدرس مثلا - فيه واحد سوبر وفيه واحد مش سوبر - هذا عندنا - مع ان اتعاليم والقيم فى بلادنا التى نشرف بالانتماء اليها ونحبها ونقدرها دوما وبجميع الاحوال تحث على التواضع والفضيلة والعلم
لذلك اشتغل وادى عملك باخلاص واكيد - اكيييييييييييييييييييييييييييييد ستنال الاجر عند الله العااااااااااااااااااااادل
ولا عااااااااااااااااااااااااااااااااادل غيره
شكرا ولكم التحيه ّ



توقيع
معلم نفسه ومؤدبها أحق بالاجلال من معلم الناس ومؤدبهم
(لسيدنا ومولانا امير المؤمنين عمر بن الخطاب - رضى الله تعالى عنه وارضاه)

[bassemtaha]

ياسيدي الفاضل الهرم التعليمي في مصر مقلوووووووووب......في كل دول العالم الاهتمام بيبدأ من المرحلة الابتدائية كلها بمعلميها وطلابها ......لكن في مصر (أم الدنيا) الوضع مقلوب والمرحلة الابتدائية مالهاش لازمة في مصر ومدرس الابتدائي هو أسفل سافلين

[العبد لله الفقير لله]

اخى العزيز لا فرق بين ابتدائى او اعدادى او ثانى الا بالبر وبالتقوى والذى ينظر الى اخية بانة صاحب موهل كذا وكذا هذا نقص ياسيدى فى الدول المتقدمة ينظرون الى الانسان على انة انسان لا ينظرون الية على انة ماسك منصب رفيع انما نحن هنا نظر هذا منصبة كذا وهذا منصبة كذا ولكن لا ننظر الى القلبقلوبهم شيخ اشعس اغبر عند الله احسن من شاب وسيم لانة قريب من الله اننا نقول لكل من ينظر نظرة استكبار على اية مهنة الهاكم التكاثر حتى زرتم المقابر

[البورسعيدية]

لا يجب ان يقلل المعلم من نفسه حتى لايقلل الاخرين منه
فانا معلمة ابتدائى وحاصله على شهادات كثيرة اولها دبلوم المعلمين و اخرها اعداد ماجستير
ومعى بمدرستى اكثر من معلم حاصل على الدكتوراه وكلنا نعمل لوجه الله فقط

[شمس بياض]

ما شاء الله يابور سعيديه

عقبال الصعيديه
المهم اخى جزيت خيرا

فعلا المعلم الابتدائى مهضوم حقه


حتى هنا فى المنتدى


وحتى فى التصحيح والخروج الى امتحانات صف ثالث وخامس

بياخدوا خمسه فى المائه عن اليوم اما اعدادى بيخدوا سبعه فى المائه
معرفش ليه
مع ان دا بسافر الى ودا بيسافر اثناء الامتحانات فى الشهاده


واظن ان المعلمين الابتدائى لهم نشاط لكن غير كاف فى المطالبه بحقوقهم

دا حتى فى مجله الرابطه يا اخى وجدنا انهم لايذكرونه بشى


لايحك ظهرك الا ظفرك

لابد من ان ينمى نفسه اجتماعيا وثقافيا وعلميا


واريد مشاركه الاستاذه البور سعيديه فى رفع مستوى وتنشيط الجزء الخاص بالنسبه للقسم الابتدائى

[البورسعيدية]

شكر ا لحضرتك و تحت امرك

اشكرا كل معلمين الابتدائى هم الاصل بصفتى مدير مدرسة ثانوى

[جمال سراج]

المشاركة الأصلية كتبت بواسطة egy_bahaa

اشكرا كل معلمين الابتدائى هم الاصل بصفتى مدير مدرسة ثانوى

وانا اشكرك سيدى الفاضل على مشاركتك فى الموضوع
ولك خالص تحياتى

[أفنان أحمد]

كررت فى عدة مشاركات لا بد من التخطيط الجيد فى كل أمور العملية التعليمية وأولها النهوض بمعلم التعليم الابتدائى لانه المؤسس الذى يقوم على كاهله البناء

[nahoous]

المشاركة الأصلية كتبت بواسطة nana ahmed

كررت فى عدة مشاركات لا بد من التخطيط الجيد فى كل أمور العملية التعليمية وأولها النهوض بمعلم التعليم الابتدائى لانه المؤسس الذى يقوم على كاهله البناء

للأسف الكل يعلم ذلك علم اليقين ولكنهم يتناسون ويغفلون

تذكرت هذه الحكمة ارجوا استيعابها جيداً

وقرروا أى نوع هم:

من لا يعرف ولا يعرف أنه لا يعرف فهو أحمق فابتعد عنه ..
ومن لا يعرف ويعرف أنه لا يعرف فهو بسيط علمه ..
ومن يعرف ولا يعرف أنه يعرف فهو نائم ايقضه ..
أما من يعرف ويعرف انه يعرف : فهو حكيم فاتبعه ..
*****

[جمال سراج]

المشاركة الأصلية كتبت بواسطة nana ahmed

كررت فى عدة مشاركات لا بد من التخطيط الجيد فى كل أمور العملية التعليمية وأولها النهوض بمعلم التعليم الابتدائى لانه المؤسس الذى يقوم على كاهله البناء

ونحن نكرر ذلك معك اختنا
ونشكر لك حماسك ومتابعتك ومشاركتك الايجابية مع جميع الزملاء

[tamer_7887]

أخوانا المعلمين اللي بتخانقوا على أيهم أهم مدرس ابتدائي ولا مدرس الثانوي و الاستاذة اللي انتهزوا الفرصة وعاملين اعلان عن شهادتهم العليا ،،،،،،،،،،، خير اللهم اجعله خير هو أنتوا صدقتوا نفسكم بصحيح وأقريتم بإن مصر فعلا فيها تعليم بحق وحقيق ولا ايه ؟ فوقوا الله يستركم ................. وكل سنة وانتوا طيبين وطيبين أوي كمان

[jooon]

المشاركة الأصلية كتبت بواسطة tamer_7887

أخوانا المعلمين اللي بتخانقوا على أيهم أهم مدرس ابتدائي ولا مدرس الثانوي و الاستاذة اللي انتهزوا الفرصة وعاملين اعلان عن شهادتهم العليا ،،،،،،،،،،، خير اللهم اجعله خير هو أنتوا صدقتوا نفسكم بصحيح وأقريتم بإن مصر فعلا فيها تعليم بحق وحقيق ولا ايه ؟ فوقوا الله يستركم ................. وكل سنة وانتوا طيبين وطيبين أوي كمان

ايه ده //// ياامور

[جمال سراج]

المشاركة الأصلية كتبت بواسطة jooon

ايه ده //// ياامور

عندك حق صحيح هو فيه ايه
احنا بنقول راينا والله دون استعراض
هذه دعوة لاعطاء كل واحد حقه- دعوة لتوقير وتعظيم شان مدرسى المرحله الابتدائية
دعوة للاخلاص والتفانى فى العمل دون انتظار مقابل معنوى من اشخاص لان ما عند الله ات لا محاله وهو الخير باذن الله

[أفنان أحمد]

المشاركة الأصلية كتبت بواسطة tamer_7887

أخوانا المعلمين اللي بتخانقوا على أيهم أهم مدرس ابتدائي ولا مدرس الثانوي و الاستاذة اللي انتهزوا الفرصة وعاملين اعلان عن شهادتهم العليا ،،،،،،،،،،، خير اللهم اجعله خير هو أنتوا صدقتوا نفسكم بصحيح وأقريتم بإن مصر فعلا فيها تعليم بحق وحقيق ولا ايه ؟ فوقوا الله يستركم ................. وكل سنة وانتوا طيبين وطيبين أوي كمان

ليس اعلانا سيدى ولكن اخواننا الذين اعلنوا عن شهاداتهم العلمية ذلك فخر لنا جميعا (حضرتك عافانا الله وإياك ) إذا أردت الذهاب لطبيب أيهم تفضل ( طبييب عادى - بماجستير - بدكتوراه - أستاذ دكتور ؟؟؟؟؟لماذا لا نهتم بمن يعلم أبناءنا ويبنى عقولهم ؟كما نهتم بصحتنا
وهى ليست مقارنة أيهم أهم مدرس الإبتائى أم الثانوى ولكنه اهتمام بأخطر مرحلة عمرية يمر بها أبناؤنا جميعا.