يا جماعة شروط وكيل النيابة فى الحقوق ؟

[moslhy]

يا جماعة انا مش عارف اخش تجارة ولا حقوق بس حقوق انا عاوزها علشان بتخرج وكيل نيابة بس انا عاوز اعرف ما هى شروط التخرج لوكيل النيابة وشكرآ ؟

[gamal saber]

لا وكيل نيابة دى مش مضمونة يعنى مش معنى انك دخلت حقوق يبقى هتبقى وكيل نيابة
انا الشروط طبعا التقدير حد ادنى جيد وكل ما تقديرك يعلى يبقى افضل طبعا
واكيد الواسطة يكون معاك حد يسندك بمعنى اصح
وبعدين السمات الشخصية يعنى الذكاء وقوة الملاحظة والثبات الانفعالى والكلام دة
وطبعا المستوى الاجتماعى
وكمان الحالة الجنائية للااقارب حتى الدرجة الرابعة
دول اهم حاجة
بس عاوز رئيى حقوق احسن من تجارة مليون مرة حتى لو بقيت محامى

[midooahly]

أنا أخويا جايب 99.9 بالمستوى علمى علوم وهبخش حقوق انجليزى عشان حابب المجال ده

[hesham2077]

المشاركة الأصلية كتبت بواسطة midooahly

أنا أخويا جايب 99.9 بالمستوى علمى علوم وهبخش حقوق انجليزى عشان حابب المجال ده

مش للدرجة دى يعنى المهم معاه ربنا

[midooahly]

وعلى فكرة أهم حاجة لما تخش أى كلية انك تحاول تبقى متفوق

[الطلاوى]

اعتقد انك لو جايب اعلى تقدير فى الحقوق ومعكش واسطه مالوش لازمه تتعب نفسك وتقدم فى النيابه شوف نفسك واشتغل فى المحاماه على الأقل تعرف خبايا القانون وتعرف تمشى مع الناس

[وكيل نيابة عامة]

التقدير والواسطة .

[عمرو ع]

اولا انا تجاره داخل سنه اولى وان شاء الله تجاره انجلش لكن حبيت اتكلم معاكوا فى موضوع الواسطه على فكره بالتقدير تقدر تعمل اى حاجه ادام معاك تقديرك خلاص يبقا هتشتغل غصب عن اى حد

[HODDA]

انا كنت عايزة اعرف هو انا كبنت ينفع اكون وكيل نيابة ولا لا ارجو الرد السريع بليز وعلى فكرة انا تقديرى واولى وثانية جيد

[محمد رجب عيسى]

مفيش حد يعرف انتا هتكون اية فى المستقبل الا ربنا علشان كدة اعمل اللى عليك وسيب الباقى على ربنا

[المان 2]

الواسطة ثم الواسطة ثم الواسطة 000000000000 ثم ثم التقدير والذى منه

[mido 92]

انا اولى حقوق القاهره السنادى وانتو ارعبتونى بصراحه انا كان طموحاتى وكيل نيابه ربنا يستر واعتقد ياهدىممكن تكونى وكيله نيابه المراه بقى ليها مناصب عليا فى مصر اعتقد انك هتكونى منهم

[vernat]

لاه طبعا مش ينفع خالص تبقى وكيل نيابه بس لما تجيبى تقدير كويس ينفعك فى مستقبلك كويس جداااااوانا مصطفى تالته حقوق جامعه القاهره

اكيد البنت يتفع تكون وكيلة نيابة بس نيابة ادارية اقل من النيابة العامة

أولا بالنسبه للتقديم فى الهيئات القضائيه عامة . القانون اشترط شرط الجيد لقبول استيلام أوراق تقديمك ( نص تشريعى قانونى مصدق عليه من قبل مجلس الشعب ولا وسيله للالتفاف ) . الشروط (كيفما يتم الاعتداد بهم ) : جيد , (الذى منه ) , مستوى اجتماعى متميز , صحيفه جنائيه غير مشوبه بأى سوابق سواء للمتقدم أو أقاريه حتى الدرجه الرابعه ( أخوه و أخوات, أب, أم, عم, عمه, خال, خاله و أبنائهم )
, توفيق من عند الله ( النصيب ) , انتزاع اعجاب اللجنه السباعيه بك وخصوصا عبد المجيد بيه , ولا يعتد بالآتى < منقول ( السمات الشخصية يعنى الذكاء وقوة الملاحظة والثبات الانفعالى والكلام دة ) منقول >
, بالنسبه للبنات التقديم فى الهيئات القضائيه متاح فيما عدا النيابه العامه وحاليا فى مجلس الدوله ولكن هذا الموضوع جارى دراسته من قبل الجمعيه الطارئه للمجلس العمومى بالهيئه . أما بالنسبه للألتحاق بكليه الحقوق فهو أسهل ما يكون ولكن الألتحاق بالهيئات القضائيه أسهل من الألتحاق بالكليه ذاتها . على أتم استعداد للرد على أى استفسار بخصوص الهيئات القضائيه أو ما يتعلق بالألتحاق بكليه الحقوق

المخلص دائما :
معتز السيد ( طالب يالفرقه الثالثه , حقوق القاهره )