السن ولا تجارة انجلش

[mimo108]

انا ياجماعة دلوقتى جاتلى السن بس مش حابه اسافر
فبفكر ادخل تجارة انجلش وفنفس الوقت اخد كورسات فى اللغات ده حيعوض السن ولا ايه
وعايزة اعرف المواد فى الاتنين ايه

[emooz]

بص انت لو عايز اسم كلية وكدة و لغة تبقئ السن بس لو عايز تطلع تشتغل على طول تبقئ تجارة انجلش لانها مطلوبة جدا فى الشغل احسن من السن بكتيير فى الشركات والبنوك لكن السن تطلع مترجم او تشتغل فى السياحة وكدة وده بيبقئ صعب شوية
بس انا من رايئ يعنى تجارة انجلش بجد كلية تحفة ودلوقتى والله اللى بيدخلها بيتقال عليها كليات قمة اصلا
وطبعا حضرتك ليك القرار فى الاول وفى الاخر

[shimaa_7]

اكيد آلسن مجآلاتها ف الشغل كتيرة وفلوسها كمان

[m maher]

المشاركة الأصلية كتبت بواسطة shimaa_7

اكيد آلسن مجآلاتها ف الشغل كتيرة وفلوسها كمان

بتتكلمي عن تجربة ولا زي ما كانا بنسمع لاني انا عندي نفس المشكلة مش عارف ادخل السن ولا تجارة

[شيرين عماد]

انا ميالة لتجارة انجلش مع انى عندى نفس الحيرة بس بين تربية انجلش وتجارة انجلش والسن المنيا

[mimo108]

مش عارفة انا لسه محتارة
رحت شفت السن حسيت انى مش مرتاحة للمكان وشفت تجارة وسألت عليها بس خايفة شوية من الرياضة

[Ra2fat Jego]

احسن حاجة تعمليها انك تصلي استخارة
وبعدها شوفي انت مرتاحة لايه
طبعا الشغل مهم بس لو انت داخلة كلية عشان تشتغلي بيها وانت مش حباها اصلا
اكيد هتبقى صعبة
عموما القرار يرجعلك وربنا يوفقك

[mimo108]

انا والله صليت استخارة كتير بس مثبتش على حاجة
والمشكلة بقى ان مفيش كلية كده حاسسة اوى ان دى مجالى انا بحب اللغات بس كارهة السفر فده بيكرهنى ى الكلية وتجارة عجبانى نوعا ما بس خايفةلان مش عارفة الرياضة فيها ايه نظامها خصوصا ان حتبقى انجلش وانا كنت مدرسة عربى عادى