مبروك للمعلمين الوقفه نجحت

[Minamira]

اعتصام مدرسى أسيوط للمطالبة بصرف حافز الـ200 %

الأربعاء، 10 أغسطس 2011 - 12:23
الدكتور أحمد جمال الدين موسى وزير التربية والتعليم
أسيوط ـ هيثم البدرى

نظم المئات من المدرسين وقفة احتجاجية أمام ديوان عام محافظة أسيوط للمطالبة بصرف حافز الـ 200 % كاملا، دون احتسابه من الكادر أو مكافأة الامتحانات.

كما طالب المتظاهرون بإقالة وزير التربية والتعليم، وقال وليد صلاه الدابى مدرس، إن وزارة التربية والتعليم تتلاعب بالمدرسين وتصدر قرارات عشوائية ظنا منها أن هذه القرارات تفيد المدرس، وطالب بإعادة الدرجات والترقيات التى قام الوزير السابق بوقفها.

[الهامى زينة]

مئات ايه دول الاف بس بيقولوا كده يا رب وفقهم لكل ما تحبه وترضاه يجب علينا الصمود والدراسة كمان جايه هنشوف ؟؟؟؟؟؟

[thany2000]

مئات اية دول الووووووووووووووووووف

[mmar1]

مئات المعلمين يتظاهرون داخل "التعليم" والوزير يجتمع بهم

الأربعاء، 10 أغسطس 2011 - 12:08

أحمد جمال الدين موسى وزير التربية والتعليم
كتب حاتم سالم

تظاهر المئات من المعلمين صباح اليوم، الأربعاء، أمام مكتب الدكتور أحمد جمال الدين موسى، وزير التربية والتعليم، احتجاجا على قيمة الحوافز الشهرية التى قررت الحكومة صرفها للمعلمين.

وهتف المعلمون مطالبين بإقالة وزير التربية والتعليم فى حالة عدم زيادة نسبة الحوافز وهددوا بالإعتصام أمام مكتبه إذا لم يستجب لمطالبهم ، ورددوا عبارات احتجاجية ضده، من جهته قرر الوزير عقد اجتماع موسع مع المحتجين فى قاعة الفيديو كونفرانس بالوزارة لسماع مطالبهم والتباحث معهم حولها.

1
يعنى الزياده كلها 135 جنيه

بواسطة: معلم
بتاريخ: الأربعاء، 10 أغسطس 2011 - 12:11
الزياده كلها ياساده 135 + 360 495 مدرس منذ 3 سنوات يتقاضى 495 جنيه وهناك فى الدوله الالاف الاشخاص يتقاضون فوق 50.000 جنيه ليه كده ارحمونا حرام عليكم


2
لازم كلنا

بواسطة: عماد
بتاريخ: الأربعاء، 10 أغسطس 2011 - 12:13
لازم كلنا نكون مع بعض ونبطل سكوت على حقوقنا
الوقفة الجاية امتى ياترى عشان نكون الاف المعلمين مش مئات فقط


3
من أول يوم دراسة مفيش دراسة

بواسطة: زفت الطين : معلم
بتاريخ: الأربعاء، 10 أغسطس 2011 - 12:14
إضراب من أول يوم في الدراسة لحين اعتبار المدرس بني آدم لديه أبناء والتزامات


4
لية المعلمين

بواسطة: جمال شعيب الديروطى
بتاريخ: الأربعاء، 10 أغسطس 2011 - 12:20
مبار ك كان يقود خطة منظمة لتدمير التعليم والمسؤلين اليوم يكملون مشوار مباركهو يعنى المعلم ميعرفش يعيش مثل موظف الضرائب اوموظف المحكمة او النيابة اوالبنك رغم ان المعلم اولى بالرعاية ودة سر تقدم الدول المحتر مة


5
لية المعلمين

بواسطة: جمال شعيب الديروطى
بتاريخ: الأربعاء، 10 أغسطس 2011 - 12:20
مبار ك كان يقود خطة منظمة لتدمير التعليم والمسؤلين اليوم يكملون مشوار مباركهو يعنى المعلم ميعرفش يعيش مثل موظف الضرائب اوموظف المحكمة او النيابة اوالبنك رغم ان المعلم اولى بالرعاية ودة سر تقدم الدول المحتر مة


6
عايز حقي

بواسطة: كمبو الساحر
بتاريخ: الأربعاء، 10 أغسطس 2011 - 12:20
المئات لا تكفي بل آلاف المئات لاقناعهم بأننا لا نشحت بل هذا حقنا المهضوم والمسلوب . إن المعلم هو الأساس في كل الوظائف الأخرى وإن كان لا يعطونا الحوافز فأين تميز المعلم وأين الكادر . أصبح الإداري والعامل في أي مصلحة يصرف راتب أكثر من المدرس . وبالتالي ضاعت كرامة المدرس .
إنني أطالب جميع المدرسين بالوقوف أمام هذا الظلم الذي لا ينتهي أبدا . لابد من حسم الموقف حتى نأخذ حقنا . ولازم يستمر الاحتجاج فترة طويلة وإن أمكن يستمر حتى في أيام الدراسة ويصبح العام الدراسي الجديد هو عام بلا مدرسين


7
لنا سؤال

بواسطة: مصرى
بتاريخ: الأربعاء، 10 أغسطس 2011 - 12:20
اذا كان ما حدث فى مصر وتونس وسوريا واليمن ثورة لما ما يحدث فى لندن بلطجة وخارجين عن القانون ولصوص رئيس وزارء انجلترا قال انه سيستخدم كل الوسائل لضبط الخارجين عن القانون والمشاغبين كما قال لماذا اطلق عليها فى الدول العربية ثورة وعندهم مشاغبون حتى القنوات المعروفة لا تعرض الا شرطى تجرى فقط لماذا لا يقال على القتيل الذى *** على يد الشرطة واخر توفى بعد اصابتة بطلق نارى ان من ***ة قناصة من شرطة لندن ويقال ان *** فى احدات لندن اكثر من 100 واغتقل اكثر من 2500 لماذا لم تستنكر وزيرة خارجية امريكا ال*** فى لندن ولما لا يجتمع دول الاتحاد الاوربى لفرض حظر على انجلترا ولماذا لا تسجل الكاميرات شهداء الا حداث الغريب ان حتى قناة الجزيرة الناطقة بالانجليزية تذكر الخبر فى النشرات متأخر ولا تستطيع نشر غير ما تأمر بة من لندن وقنوات سى ان ان مثلها اين منظمات حقوق الانسان التى لا تتكلم الا عن الدول العربية ليس خوفا على العرب انما لغرض فى نفس يعقوب الفارق بيننا وبينهم انهم استظاعوا اختراق كل وسائلنا الاعلامية لتنفيذ ما يريدون ديمقراطية ذى وجهين


8
معلميين جشعيين

بواسطة: امين معمل
بتاريخ: الأربعاء، 10 أغسطس 2011 - 12:21
بيبصوا للاداريين الغلابة مرتبهم 300 حنية وهما مرتبتهم 1000 حد ادنى وبيدو دروس 2000و فى الشهر وبيقول سوونا بالاداريين بعد ما اخدو الكادر
حسبى الله ونعم الوكيل


9
المعلم طول عمرة راجل

بواسطة: emad
بتاريخ: الأربعاء، 10 أغسطس 2011 - 12:21
مش حنرجع الا يحقوقنا المسلوبة


10
حرام

بواسطة: سماح
بتاريخ: الأربعاء، 10 أغسطس 2011 - 12:21
انتو معترضين على قيمه الحوافز تعالو القو نظره على المعلمين المتعاقدين الى الان ماقبضناش شهرى 6و7 بالذمه مش يبقى حرام .......................هى البلد رايحه فين؟؟؟؟؟؟؟؟؟



11
يا جمال يا موسى راعى حقوق المعلمين ولادك بالحق .... هيحبوك وعمرهم ما يقولوك لأ

بواسطة: أحمد خلف الاعلامى
بتاريخ: الأربعاء، 10 أغسطس 2011 - 12:22
يا معالى الوزير انت تعلم بمرتبات الهيئات الحكومية الاخرى وخاصة البريد او الكهرباء او المياة او البترول او الاذاعة والتليفزيون فلا تبخل على اولادك لانك ابا لهم وحقق العدالة بينهم وبين غيرهم فى الجهات الاخرى ارفع كرامة المعلم اقض على الدروس الخصوصية بملأ عيونهم بمرتبات عادلة تعينهم على مشقات الحياة لا تخاف سوى الله وافعل ما يمليه عليك ضميرك ستجد بابا خيرا يتفح لك فالحق قوى ولو كان صاحبه ضعيفا والشر ضعيف ولو كان صاحبه قويا
فكن على حق تكون قويا واتق الله وشدد فى اجراءات التنفيذ لان من تحتك فى اليات التنفيذ ضعيف ومماطل فاعطى تعليمات مشددة للحق ولا تتهاون فى امور تجرف عن الحق وحاسب بشدة من يقف امام الحق او يعطل تنفيذ اوامرك العادلة شكرا معالى الوزير


12
بسم الله الرحمن الرحيم

بواسطة: مهندس محمود القصراوى _طنطا_محب لكل من نطق الشهاده_ولكل المصريين
بتاريخ: الأربعاء، 10 أغسطس 2011 - 12:22
الساده المسلمين ..... الساده المصريين ... لمازا تقسمون الشعب متصوفين و أخوان و سلفيين و مسيحيين .... هل هزا من الأسلام فى شىء ... وحضرات الساده اللزين يهتفون بملء حناجرهم أسلاميه أسلاميه .....هل من الأسلام ان تسخروا من أخوان لكم فى الأسلام ....بل هل من الأسلام ان تنادو أسلاميه أسلاميه .... ولم يظهر واحد منكم فى أى قناه أو صحيفه يطالب بضرائب أتنين و نصف فى الميه لكل المصريين بما أننا عاهدنا أخوانا الأقباط على المساواه فى الحقوق و الواجبات.؟ .. و عهد المسلم ملزم ...أم أنكم نسيتم الركن الثالث من الأسلام ......

حسنا ... أليكم حل أزمتنا
فكرة خطه خمسيه لمصر علشان تبقى من النمور الأقتصاديه القويه و تبقى غنيه جدا...........خطه خياليه .....بس يمكن تنفيزها بكره ..... لو حبيتوها.... و نشرتوها فى المواقع

اولا :لا بد من تسهيلات غير مسبوقه فى الضرايب لكل من يحمل الجنسيه المصريه ....مش الناس قالت نعم للماده التانيه.؟ ...انا عن نفسى قلت لأ !!!!!!!!!!! ............بس مش علشان الماده التانيه خالص طبعا .............و النهارده الكل عارف الى قال لأ قال لأ ليه ...خلاص................. اعملو ضرايب اتنين و نص فى الميه بعد خمس سنين من دلوقتى بس نعلن عنها النهارده.....و تمشى على المسيحى اخويا زىى بالظبط اما المستثمر الأجنبى سيبو عشرين فى الميه زى ما هو ..........و مش حيزعل لو خلتهالو اربعين حتى ..............لأن مبارك كان بيحصل خمسين ...ههههههههه........... و ساعتها البلد حيبقى فيها فلوس و حماس للشغل و أسهم البورصه حتطلع فى السما من بكره مش السنه الجايه...............ولا .....اللى قالو نعم ...كانو بيقولوها غلاسه و خلاص .......متفهمونى يا حضرات...... مش ده الركن التالت فى الاسلام...... و اللى لو اتطبق اخويا المسيحى حيفرح زى ى بالظبط بيه لو اتساوى بيا فى دستور بلدنا أحنا الاتنين ؟؟؟؟؟ ولا أحنا مش فالحين غير نتكلم فى الحاجه اللى نختلف عليهاااااااااااااااااا و الحاجه اللى الكل يتفق عليها نطرمخ ههههههههههههه معلش الصراحه بتوجع

ثانيا:أنشاء (اكبر ترسانه بحريه لصناعه السفن التجاريه فى العالم) كمشروع قومى بتمويل من اراد قناه السويس مثلما تم مع السد العالى...... حيث ان مصر بها اهم ممر تجارى فى العالم ....................و من حقها ان يكون لديها اهم اصطول ناقلات بترول و غاز و تجارى بكافه انواع سفنه يخدم تجارتها و تجاره العالم كله ويعود بالدخل (الوفير) على الدوله علشان الدوله يبقى فيها دخل و متعتمدش فى مواردها على الجبايه .................................................. .................................................. .......................................و ترتفع مرتبات موظفين الدوله فى ظل أمتلاء خزانه الدوله من حركه التجاره لحساب الدوله و الغير و كزلك عمليات بناء السفن لحساب الدوله و الغير فى الترسانه و الصيانه بالأحواض الجافه و العائمه الملحقه بها و اللتى تدر مليارات ليس لها أول من أخر و أكثر بكثير من حصيله جبايه أى ضرايب و خبراء النقل البحرى يمكن سؤالهم فى زلك

ثالثا دور العباده من مساجد و كنائس يبقالها دور فى محو اميه الشعب اللى وصلت ل 40 %و لا احنا بس فالحين فى الكلام و بس

رابعا: عاوزين نعمل مدن زراعيه و مدن صناعيه( للمصريين فقط) و نعفى مصانع غزل و نسيج القطن المصرى اللى برأس مال مصرى100% من الضرايب لمده خمس سنين بشرط تطوير المصنع و شراء الات موديل السنه ............علشان الحمار ضيع سمعه القطن المصرى بره فى عهده .............و ده سلعتنا الاستراتيجيه الاولى يعنى اللى بتجيب عمله صعبه للبلد ..........و عيب اوى لما تبقى المايوهات هى اللى بتجيب العمله الصعبه لبلد كبيره زى مصر

خامسا:المدارس العامه و الخاصه يبقى فيها ورش تعلم الطلبه الصناعات و الحرف على اعلى مستوى فى الأجازات علشان نبقى منتجين فى اسرع وقت و تحميس الطالب على انه يشتغل و يكسب من و هو طفل مهما كان مستواه المادى... زى بره ........انما احنا حاليا عندنا طاقه معطله عن العمل فى المدارس و الجامعات و لازم تستغل على الأقل فى الاجازات

و شكرا





13
سوسو

بواسطة: سوسهيلة
بتاريخ: الأربعاء، 10 أغسطس 2011 - 12:22
يجب اعطائهم فلوس علشان يبطلوا 0000000 ضغط على التلاميز بالدروس الخصوصية


14
هيضحك عليكو

بواسطة: ابن مصر سامح
بتاريخ: الأربعاء، 10 أغسطس 2011 - 12:22
اوعو يضحك عليكو بكلمتين ويقول انتوا بتاخدو حوافز 235


15
محاكمة منتهك القانون

بواسطة: رفيق
بتاريخ: الأربعاء، 10 أغسطس 2011 - 12:23
يجب تقديم بلاغ للنائب العام في كل من وزير التربية و التعليم و وزير المالية لأنتهاكهم قانون التعليم (كادر المعلم ) حيث قام كلاهما بخرق المادة 89 من هذا القانون و التي تنص علي ان اي زيادات تسري علي موضفو الدولة تسري علي المعلمين
فضلا عن انتهاك قواعد الترقي الواردة بنفس هذه المادة
ولا تنازل عن الـ 200 % حوافز بدون خصومات ولا شروط
وان لم تحدث الاستجابة فالحل فى الاضراب والاعتصام


16
محاكمة منتهك القانون

بواسطة: رفيق
بتاريخ: الأربعاء، 10 أغسطس 2011 - 12:23
يجب تقديم بلاغ للنائب العام في كل من وزير التربية و التعليم و وزير المالية لأنتهاكهم قانون التعليم (كادر المعلم ) حيث قام كلاهما بخرق المادة 89 من هذا القانون و التي تنص علي ان اي زيادات تسري علي موضفو الدولة تسري علي المعلمين
فضلا عن انتهاك قواعد الترقي الواردة بنفس هذه المادة
ولا تنازل عن الـ 200 % حوافز بدون خصومات ولا شروط
وان لم تحدث الاستجابة فالحل فى الاضراب والاعتصام


17
أنا خلاص يأست

بواسطة: أحمد عصام
بتاريخ: الأربعاء، 10 أغسطس 2011 - 12:23
مش عارفه امتى حنتغير اذا كانت الحكومه نفسها ما بتنفذش القوانين . القانون بيقول ان من حق المعلمين أى زياده تتطبق على موظفى الدوله طيب ليه بيعملوا معانا كده ونبقى أقل من أى موظف تانى بصراحه كل يوم بقول حسبى الله ونعم الوكيل فى رئيس الوزراء ووزير الماليه ووزير التربيه والتعليم وياريت يوصلهم ان فيه ناس طول النهار بيدعوا عليهم وهما شافوا دعوة المظلوم عملت ايه فى مبارك واللى معاه ربنا ينتقم من الظلمه كلهم .


18
محاكمة منتهك القانون

بواسطة: رفيق
بتاريخ: الأربعاء، 10 أغسطس 2011 - 12:23
يجب تقديم بلاغ للنائب العام في كل من وزير التربية و التعليم و وزير المالية لأنتهاكهم قانون التعليم (كادر المعلم ) حيث قام كلاهما بخرق المادة 89 من هذا القانون و التي تنص علي ان اي زيادات تسري علي موضفو الدولة تسري علي المعلمين
فضلا عن انتهاك قواعد الترقي الواردة بنفس هذه المادة
ولا تنازل عن الـ 200 % حوافز بدون خصومات ولا شروط
وان لم تحدث الاستجابة فالحل فى الاضراب والاعتصام


19
ربنا معاكم و احذروا المسكنات

بواسطة: طه السعدني
بتاريخ: الأربعاء، 10 أغسطس 2011 - 12:23
ربنا يوفقكم و يرجع لينا حقوقنا و احذروا المسكنات و خلوا مطالبكم من فوق و لا تنزلوا بها إلا بحق ليس أكثر


20
كفايه ظلم للمعلمين ولن نتنازل عن حقوقنا

بواسطة: معلمون
بتاريخ: الأربعاء، 10 أغسطس 2011 - 12:26
بيان ثورة معلمى أسيوط لعدم زيادة أجور المعلمين
بسم الله الرحمن الرحيم
بيان ثورة معلمى أسيوط لعدم زيادة أجور المعلمين بيان رقم ( 1 ) نـؤكـد نحـن معلمي مصـر على أننا جـزء أصيل من الشعـب و ثـورته وأن مطالبنا هي نفسها مطالـب الثـــورة ( الحرية ـ الديمقراطية ـ الكرامة ـ العدالة الاجتماعية ) كما أننا نؤكد على حق كل مصري في أن يحيا حياة كريمة و يتحرر من أغلال النظام الفاسد ونؤكد على أن مطالب المعلمين ليست فئوية بل ضرورة مجتمعية لأن نهضة مصر تبدأ من التعليم والمعلم هو ضمير الأمة وأي تجاهل أو تغييب له أو لحقوقه هو جريمة في حق مصر وشعبها وأبنائها. ونؤكد أخيرا على أن أحوال المعلم المادية والوظيفية والمجتمعية أصبحت كارثية مما يجعل إصلاحها ضرورة وأولوية مجتمعية حفاظا على سلامة المجتمع. لذا نطالب بمطالبنا المشروعة وهى :

( 1 ) صرف حافز الــ 200% كاملاً دون احتسابه من الكادر أومكأفأة الامتحانات.
( 2 ) عودة تكليف خريجى كليات التربية .
( 3 ) تثبيت جميع مدرسي الحصة والعقود بجميع المسميات دون شروط أواختبارات نهائياً .
( 4 ) زيادة رواتب جميع العاملين بالمدارس ومساواة رواتبنا بالهيئات الأخرى مثل الكهرباء والبترول والشرطة.
( 5 ) ألا يقل الحد الأدنى للأجور عن 1500 جنيه مع مراعاة الأقدمية وسنوات الخبرة .
( 6 ) المساواة في مكافأة الامتحانات مع أساتذة الجامعات وزيادة المكافأة إلى 400 يوماً.
( 7 ) إعادة الدرجات والترقيات التى قام الوزير السابق بإصدار قرار بوقفها مخالفاً القوانين.
( 8 ) معاملة المعلمين العاملين بالمدارس الخاصة نفس معاملة المدارس الحكومية من النواحى المالية .
( 9 ) إلغاء إكاديمية المعلم وجميع إختبارات الكادر نهائياً .
( 10 ) تنفيذ قرار وزارى رقم 275 بتاريخ 31 / 7 /2011 م بشأن نقل شاغلى وظائف المعلمين من مرحلة تعليمية إلى مرحلة تالية ومن وظيفة أخصائى إلى وظيفة معلم ومن معلم مادة إلى معلم مادة اخرى ومن معلم فصل إلى معلم مادة .
( 11 ) إقالة وزير التربية والتعليم وجميع القيادات القديمة المحسوبة على الحزب الوطنى .
( 12 ) تطهير الوزارة من كل العناصر الفاسدة التى تستحوذ على ميزانية التعليم من مستشارين وأكاديمية فاسدة بأجور خيالية ومساواة موظفى الوزارة مع المعلمين فى الرواتب .
ونحن إذ نتقدم بهذه المطالب نؤكد على أن أي التفاف عليها أو تباطؤ في تنفيذها سيكون هو المحرض الحقيقي للإضراب والاعتصامات وذلك يؤجج مشاعر الغضب وتبعياته بوجود عام دراسى بلا معلمين كما نؤكد تضامنا الكامل مع الذين امتنعوا عن امتحان الكادر في جامعة القاهرة .


21
لا مفاوضات مع المساعدين الوزير فقط

بواسطة: طه السعدني
بتاريخ: الأربعاء، 10 أغسطس 2011 - 12:27
احرصوا على الوصول مع الوزير على قرارات وزارية فاعلة و ليس مجرد وعود


22
لييييييييه

بواسطة: ابو هولا
بتاريخ: الأربعاء، 10 أغسطس 2011 - 12:27
ليه كل وزير تربيه وتعليم دايما يجى على المدريس خلاف جميع وزراء الدوله التى تطالب بحوافز للعاملين الذين يعملون معه فمثلا وزير العدل يطلب من الحكومه رفع الحوافز للعاملين بالعدل



23
لازم نشتغل الاول

بواسطة: سارة
بتاريخ: الأربعاء، 10 أغسطس 2011 - 12:27
والله اللي بيحصل ده عيب .الفروض كلنا نستحمل شوية علي ما البلد يستقر وبعدين التعليم مش ناقص. واللي بيحب مصر يعمل شغله باتقان الاول.وانا بانصح وزير التعليم انه يعتمد اكتر عل خريجي التربيه اللي مش عارفين يشتغلوا لان التعليم للاسف اصبح مهنة كل الناس ما عدا اهله. وياريت يرجع التكليف لطلبة التربية تاني .وزي المثل ادي العيش لخبازه



24
فين

بواسطة: mosad ayob
بتاريخ: الأربعاء، 10 أغسطس 2011 - 12:28
فين نتيجة الاجتماع


25
لا للظلم

بواسطة: mohamed
بتاريخ: الأربعاء، 10 أغسطس 2011 - 12:28
الغريب ان سيادة الوزير مش عارف ان حرمان المعلمين من الحوافز كاملة ان هذا الامر ضد قانون الكادر .. ..... المؤامرة بدات بحرمان المعلمين من الدرجات المالية بحجة الكادر ثم حرمان المعلمين من الحوافز بحجة الكادر وبعدين بلاش مرتب بحجة الكادر الذي هو في الاصل لا يعادل الحوافز الحالية .....الموضوع لا يتحمل اجتماعات وبحث ثم في النهاية قرارات عشوائية.... الامر يحتاج ال حل جذري سريع: 022yb4:

[seryo]

الله معهم الله يثبتهم

[الهامى زينة]

الله اكبر على ظالم

[الهامى زينة]

برجاء مراسلة كل من تراه مناسبة من الكتاب و الصحفيين الذين تروا فيهم انهم من الممكن الوقوف جنبنا في محنتنا
=============
و ان كانت الايميلات بعض لا تعمل نرجوا الرد علي الموضوع و كتابة الايميل الصحيح
================
الايملات
-----
برنامج 90 دقيقه
90min*elmehwar.tv
-----------------------
برنامج العاشره مساء
al3ashera*dreams.tv
-----------------
قتاة مودرن
http://www.modern-tv.com/conta​ct.php
---------------------
رئيس مجلس إدارة الأهرام / مرسي عطا الله
attalla*ahram.org.eg
--------------------
إيميل الإقتراحات والشكاوي والمراسلة بالأهرام
ahramdaily*ahram.org.eg
-------------------
برنامج القاهره اليوم
alkaheraalyoum*orbit.net
-------------------------
الأستاذ إبراهيم حجازي
ihegazy*ahram.org.eg
----------------------------
قناة الجزيرة
supportnet*aljazeera.net
-------------------------
قناة العربية
contactus*alarabiya.net
-------------------------
عمرو أديب
alkaheraalyoum*orbit.net
---------------------------
محمود سعد
saad.mashakel***********
-----------------------
أحمد رجب
a_ragab*akhbarelyom.org
-------------------------
مصطفى بكرى-جريدة الاسبوع
mostafabak*************
-----------------------------
اميل انيس منصور
anis*ahram.org.eg
---------------------------
صلاح منتصر
salahmont*ahram.org.eg
------------------------------​-------
جمال هليل جريدة الجمهورية
g_holail*************
------------------------------​--
محمد جاب الله جريدة الجمهورية
mohgaballah***********
------------------------------​-
ماجد نوار جريدة الجمهورية
magednawar***********
----------------------------
عبد العزيز سمير جريدة المساء
abdelazeemSamir***********
---------------------------
سامي عب الفتاح جريدة المساء
SAMY-AbdeELFatah*************
----------------------------
القاهرة اليوم :
ihegazy*ahram.org.eg
---------------------------
التليفون :
من داخل مصر : 8555 338 - 8555 378
من خارج مصر : +20 2 8555 337 - +20 2 8555 377
SMS : +20 12 7755555
Fax : +20 2 8555 153
Email: alkaheraalyoum*orbit.net
---------------------------
برنامج الحقيقة :
elhaea*dreams.tv
-------------------------
العاشرة مساءا
تقديم : منى الشاذلى
البريد الإلكتروني : al3ashera*dreams.tv
------------------------------​-
في الممنوع
تقديم : مجدي مهنا
البريد الإلكتروني : felmamnoaa*dreams.tv
------------------------------​---
مكتب الجزيرة في القاهرة : 5787700
modern-tv.com: The Leading Modern TV Site on the Net
www.modern-tv.com

modern-tv.com: The Leading Modern TV Site on the Net
www.modern-tv.com

[maha nor aleman]

إضراب من أول يوم في الدراسة لحين اعتبار المدرس بني آدم لديه أبناء والتزامات

[ibrahim_eltony]

حسبنا الله ونعم الوكيل

[ibrahim_eltony]

قطع مئات المعلمين المحتجين منذ الصباح أمام وزارة التربية والتعليم شارع الفلكى، ومنعوا السيارات من المرور فيه لمدة 15 دقيقة، ثم فتحوا الشارع لسيارة إسعاف، وقرروا دخول بوابة الوزارة وخلعوا الأقفال الحديدية، وأصبحوا على قرابة أمتار من مكتب الدكتور أحمد جمال الدين موسى وزير التربية والتعليم.

وهتف المعلمون "المعلم يريد إسقاط الوزير"، "هم بياخدوا مليارات ..والمعلم بقا شحات"، "يا جمال يا وزير ..المعلم مش أجير"، وأكد المعلمون المحتجون أنهم لن يتفاوضوا مع أحد، وسيبدأون اعتصاما داخل ديوان الوزارة لحين تحقيق مطالبهم، وهى إقالة جمال الدين وصرف حافز إفادة للمعلمين بنسبة 200% بخلاف الكادر، ومكافأة الامتحانات، واعتبروا أن مظاهرة اليوم تعد بداية لسلسلة احتجاجات للمعلمين تستمر حتى مطلع العام الدراسى.

وتوافد على مقر الوزارة معلمون من محافظات كفر الشيخ والدقهلية والقليوبية والإسماعيلية وبنى سويف والشرقية وبورسعيد والمنوفية والفيوم إلى جانب معلمين من القاهرة والجيزة، كما شارك فى التظاهرة أعضاء مكتب النقابة المستقلة للمعلمين وممثلى اللجنة النقابية لمعلمى مصر بالجيزة.

[سليم العو]

من ماهر غنيم الاضراب بالمحافظة التواصل على الايميل maher20569 ,وعلى فيسبوك maherpop إضراب من أول يوم في الدراسة هذا ما قررناه في محافظة الشرقية وسيبدا الاعتصام من مجمع اللغات بمدينة ههيا ثم الى مكتب المحافظ ثم الى وزير التعليم ان بقي الى هذا الموعدلحين اعتبار المدرس بني آدم لديه أبناء والتزامات يا ناس حسوا

[callayax]

المصيبة أن بعض المعلمين قاعدين فى البيت ومتابعين الأخبار وكلهم أمل أن المطالب تتحقق أيه السلبية والاتكالية دى أزاى واحد مدرس يكون له حق ويقعد ويتوانى عن المطالبة به ويعتمد على غيرة فى المطالبة به بدلا منه




لازم كلنا نشارك ونكون ايد واحد أحنا أكبر فئة فى المجتمع وأهم فئة ونقابتنا غنية جدا بمواردها البشرية المحامين 1/16 من عددنا ورغم ذلك بيطالبوا بكل حقوقهم وبتتنفذ لهم أجبارا لازم صوتنا يتسمع

[ابوعبدالله2000]

المشاركة الأصلية كتبت بواسطة callayax

المصيبة أن بعض المعلمين قاعدين فى البيت ومتابعين الأخبار وكلهم أمل أن المطالب تتحقق أيه السلبية والاتكالية دى أزاى واحد مدرس يكون له حق ويقعد ويتوانى عن المطالبة به ويعتمد على غيرة فى المطالبة به بدلا منه




لازم كلنا نشارك ونكون ايد واحد أحنا أكبر فئة فى المجتمع وأهم فئة ونقابتنا غنية جدا بمواردها البشرية المحامين 1/16 من عددنا ورغم ذلك بيطالبوا بكل حقوقهم وبتتنفذ لهم أجبارا لازم صوتنا يتسمع

معاك حق شوف احنا كام مدرس وأسرهم كام وأولياء امور الطلبه معانا كمان

[أبلة ناهد]

ربنا معاكم .. أنا هنزل بكرة عشان أجيب حقى من وزير التعليم

[فواز عبادى عزب]

قررت روابط المعلمين على مستوى الجمهوريه تصعيد التظاهرات والاحتجاجات حتى تحقق مظالبهم وعلى رأسها اقرار حافز ال200% وتثبيت المتعاقدين وهددت روابط المعلمين باقتحام الادارات والمديريات التعليمة والاستيلاء عليها واغلاقها لحين الاستجابة للمطالب
من ناحية أخرى اتفقت ارادة المعلمين جميعا على اغلاق المدارس ومنع الطلاب من دخولها مع بداية الدراسه