خطأ فنى فى الامتحان ..... ايه رايكم؟

[أحمد الهلبى]

المسألة بتاعة البالون قال فيها( متوسط طاقة الحركة للجزيئات ) وهذا اللفظ خاطئ لانه يعنى N 3/2 KT و الصح انه يقول (متوسط طاقة الحركة للجزئ الواحد ) . وبالنسبة ل Pa المفروض اللى بيعمل الامتحان ياخد باله انها بتلغبط فالمفروض يكتبها pascal ويريح دماغه (عل فكرة الرمز ده موجود فى دليل التقويم وكان معناه pascal .

المهم الناتج النهائى 3.32 مول تقريبا صح؟

[ahmed hegzi]

صح قشطة.........

[!KIMO!]

الاجابة صح مع انى محلتهاش d:
بس عرفت من اصحابى

[M.magdi]

صح
الله ينور

[سها نور]

صحيحه 100 في 100

[khas123]

بيييييييييييييييييس

[power53]

اه والله فعلا لانى عملتها على انها ضغط جوى وطلعت معايا رقم كبير جدا وده اللى مخلنيش اقتنع بيها وعملتها وعملت نفسى اهبل بس طلعت 3.3

[seeeseee]

أنا فعلاً لاحظت ( متوسط طاقة الحركة للجزيئات ) أثناء الامتحان
وكنت متلبخط شوية وقلت أسيب السؤال
بس حليتها على إنها ( متوسط طاقة الحركة جزئ واحد )
لأني ملقتش حل ينفع غير كدة

[seeeseee]

وفي حاجة تاني أظنها خطأ
في المصطلح العلمي
هو قال (زاوية الانحراف عندما يمر تيار شدته الوحدة)
والمفروض إن عند مرور تيار شدته ميكرو أمبير
حتى وحدة القياس للحساسية هي درجة لكل ميكرو أمبير

[أحمد الهلبى]

المشاركة الأصلية كتبت بواسطة seeeseee

وفي حاجة تاني أظنها خطأ
في المصطلح العلمي
هو قال (زاوية الانحراف عندما يمر تيار شدته الوحدة)
والمفروض إن عند مرور تيار شدته ميكرو أمبير
حتى وحدة القياس للحساسية هي درجة لكل ميكرو أمبير

الحاكية ديه برده لفتت نظرى اثناء المذاكرة بس التعريف اللى فى كتاب الوزارة هو ده (هنعمل ايه !!!!!!!!!!)

[josephmorris]

ياجماعه عادى جداااا .. دى معناها طاقة الحركه للجزىء الواحد

يعنى لما يكون معايا كيس فيه نص كيلو وكيس كيلو وكيس كيلو الاربع

بقول متوسط اوزان الاكياس كيلو الا ربع تقريبا ... يعنى كيلو الا ربع ده بيمثل وزن كيس واحد

[seeeseee]

المشاركة الأصلية كتبت بواسطة josephmorris

ياجماعه عادى جداااا .. دى معناها طاقة الحركه للجزىء الواحد

يعنى لما يكون معايا كيس فيه نص كيلو وكيس كيلو وكيس كيلو الاربع

بقول متوسط اوزان الاكياس كيلو الا ربع تقريبا ... يعنى كيلو الا ربع ده بيمثل وزن كيس واحد

وممكن برده يكون معناها إنه
حسب مجموعة طاقة جزيئات
وطاقة حركة مجموعة أخرى
ويجمع مجموعين طاقتي الحركة ويقسمهم على 2
وهنسميها بردو متوسط طاقة الحركة الجزيئات
وغير كدة في جزئية الصطلح العلمي
الموجودة في المشاركة اللي قبل دي

[helaboda]

اجابة صحيحة

[mahmoudhosny]

يا جماعة انا شغلت دماغي في الحتة بتاعت pa وانا متأكد انها باسكال
السبب : ازي _لو كانت pa تدل علي الضغط الجوي_ غاز بالضغط المهول ده موضوع جوة بالــــــــــــــــــــــــون كروي
بالونة ايه اللي تستحمل كل دة

[khalid2222]

المشاركة الأصلية كتبت بواسطة mahmoudhosny

يا جماعة انا شغلت دماغي في الحتة بتاعت pa وانا متأكد انها باسكال
السبب : ازي _لو كانت pa تدل علي الضغط الجوي_ غاز بالضغط المهول ده موضوع جوة بالــــــــــــــــــــــــون كروي
بالونة ايه اللي تستحمل كل دة

يا عم الحج صلي علي النبي يعني هوا فيه بطارية في العالم مقاومتها الداخلية تساوي صفر ؟

هيا جت علي ديه يعني ؟