|
منتدى معلمى التربية والتعليم ملتقى معلمى التعليم العام |
![]() |
|
أدوات الموضوع | انواع عرض الموضوع |
|
#1
|
||||
|
||||
![]() لأني حمقري
أحاول أن أعيش كما يعيش الحمقريون أضحك كما يضحكون و أغضب لما يغضبون و لكن شيء واحد أصبح يميزني عنهم انني حمقري حالم أري مسئول يضحك فأستبشر خيرا بالتعيين أسمع مدير ادارة يعطس فأوقن أن قرار التعيين علي الأبواب أما لو أن - سيدي و تاج رأسي - المسئول أشعل سيجارة فهذا لابد يؤكد أنه علي وشك توقيع قرار التعيين و لكن قد يتسآل البعض يعني ايه "حمقري" الحمقري : كلمة استعرتها من الكاتب الساخر محمود السعدني و هي مزيج بين " الحمار" و "العبقري" التعيين جاي جاي كيس شعرية و باكو شاي و المرتب في الباي باي أمبارح ماشي في الشارع لقيت طابور طويييييل واقف قدام شباك حديد قلت أقف معاهم أهو كأني بتمرن يمكن الأكاديمية تطلب حاجة جديدة أكون مستعد لوقفة الطوابير المهم بعد تلات أربع سنين وصلت أخيرا للشباك الحديد وقفت مبتسم ابتسامتي الدبلوماسية التي تمزج بين السخرية و الجنون و البلاهة و الغباء و قلة الأدب سألني الموظف : اسمك ايه ؟ جاوبته : العوض علي الله . - عاوز صورة البطاقة و 3 صور شخصية . - ممكن أسأل ... ليــــــــــه ؟؟؟؟؟ هنا نهض ذلك الكائن الأسطوري من وراء مكتبة و تطاير الزبد من بين شدقيه و أخذ يزأر قائلا : - نعم يا روح أ..... ( تيييييت ) ، يعني انت واقف في الطابور و مش عارف ليه؟؟؟؟ اتسعت ابتسامتي الدبلوماسية و أنا أقول : - لأ و الله مأعرفش . - مطلوب عمال نظافة بالتعاقد . شعرت بالحنين عند سماعي كلمة "تعاقد" ، فتماديت أكثر : - و المرتب كام ؟؟؟ - 800 جنيه ف الشهر يا فالح عندها انفجرت ضاحكا ، و ذادت دهشة الديناصور القابع خلف الشباك الحديدي فسألني و هو يهم با***اع أسياخ الحديد ، لي***ع بعدها عنقي : - بتضحك علي ايه يا بن ال......( تيييييييت ) تمالكت نفسي بالعافية و قلت له : - أصل أنا معلم بالتعاقد و بأخذ 300 جنيه ف الشهر عندها هدأ الديناصور الهائج بل و دمعت عيناه و هو يقول لي بصوت رقيق : - روح يا بني ربنا يحنن عليك خلقه
__________________
|
#2
|
|||
|
|||
![]()
مدهش................ جميل ............ونعم اللفظ لمختار لحللتنا .الحمقرى
|
#3
|
||||
|
||||
![]()
ايه الجمال ده
__________________
حكايات مش عارفين نهايتها............ ..
فيه ناس على التورتة بتتخانق .. ............. وفي ناس الجوع بيموتها |
#4
|
|||
|
|||
![]()
بصراحه مش كنت هسالك يعنى حمقرى علشان كنت عارفه معناها
كنت هسالك يعنى ايه تعيين؟ تسلم ايديك روعه |
#5
|
|||
|
|||
![]()
تم بدأ البث الفعلي لقناة الرحمة علي العرب سات علي الترددات الأتية :
1- 11585 رأسي ومعدل الترميز 27500 2- 11012 أفقي ومعدل الترميز 27500 ويمكنكم أيضاً متابعة بث القناة عن طريق البث المباشر الموجود بالموقع الإلكتروني لقناة الرحمة http://alrahma.tv/Pages/Online/Details.aspx?ID=5 يرجي نشر التردد وجزاكم الله خير
|
#6
|
||||
|
||||
![]()
قلبت عليا المواجع ليه بس <aladdin027>
الله يسامحك.....! |
#7
|
||||
|
||||
![]() اقتباس:
ياريت في الاخر يكون فيه تثبيت والله قلبت علينا المواجع شكراً ياغالي |
#8
|
||||
|
||||
![]()
ااااااااااااااااااااااااااااااااااااااه
لتا الله |
#9
|
|||
|
|||
![]()
وده يخلينى أسألك سؤال
ممكن تشتغل زبال ب 800 جنيه فى الشهر فى يوم من الأيام ؟ |
#10
|
||||
|
||||
![]() اقتباس:
و الله يا أستاذ / محمد
لو 900 جنيه ممكن أفكر و بعدين اسمه عامل نظافة موش زبال هههههههههه بطل القصة يسخر من التفاوت بين الوظيفتين علي المستوي الاجتماعي نحن أعلي درجة و لكن علي المستوي المادي فنحن تحت الصفر
__________________
|
#11
|
|||
|
|||
![]()
روح يا بني ربنا يحنن عليك خلقه
|
![]() |
العلامات المرجعية |
|
|