ارجوا الاجابة

[oma1r]

السلام عليكم ورحمة الله وبركاتة انا كان نفسى ادخل كليتكم ولكن لم يوفقنى الله والحمد الله على ذلك ولكن انا اتمنى ان اكون مبرمج ولكن لا اعرف الطريق الذى يجب ان اسير عليه ولكن رأيت ان المشرف على هذا القسم جاد ويجيب على كل الا سئلة فقلت اسأل هذا السؤال الذى اعرف ان اجابتة صعبة اذا اوضح كل شىئ وهذا ما اريدة انا دلوقتى قدامى دورة c++ تعتبر مخفضة ولكن مع العلم انى لم اخد اى حاجة فى البرمجة فمش عارف اروح الدورة دىه ولا لأ فحضرتك رأيك ايه اللى انا بحترمه وكمان رأيك اية من ناحية الدورات اللى يجب اخدها واهم حاجه ترتيبها الاول ثم الثانى وكذلك وايه هى افضل الاماكن وثمن الدورات ديه

[Eng.Mo'men]

وعليكم السلام ,, اهلا بيك اوي يا عمر

ربنا يوفقك وماتقلقش ربنا هيعوضك ان شاء الله وهتزاكر وتبقا كويس فى المجال بس خلي بالك انا لو مكانك اركز فى مجال الكلية اللى دخلتها افضل ,, انما لو مُصِرّ تكمل برمجة يبقا لازم تبدأ الاول c++ وبعدها هتفهم البرمجة عبارة عن ايه والبداية بتاعتها ازاي وهتحدد لو عاوز تشتغل برمجة ويب ولا عاوز تشتغل برمجة اندرويد ولا عاوز تشتغل برمجة ديسك توب يعني برامج عادية اللى بنستخدمها زي الاوفيس والانتي فايرس إلخ

لو عاوز تكمل ويب يبقا عندك كورس من اتنين تاخد دا او دا وكل واحد وليه شغله وكل واحد وليه مميزاته والمرتب زي بعض الاتنين بيبدأوا على 2 وبعدين المرتب بيزيد عندك c# .net اللى هي تقنية برمجة المواقع بإستخدام لغة السي شارب او php ودي برمجة بلغة تانية خالص وقبل ما تاخد دا او دا لازم تكون مزاكر كويس html و css و flash وشوية فوتوشوب صغيرين على قد بانر او تعديل بسيط فى كافر مثلا ,, دا بالنسبة للويب

بالنسبة للموبايل وبرمجة الاندرويد يبقا تاخد جافا لفل 1 اسمه SE وبعدها تزاكر اندرويد

لو عاوز تكمل برامج ديسك توب عادية يبقا تكمل لفلات الجافا التلاتة وتتقنهم كويس وبعدين تشتغل بيهم


بالنسبة للأسعار على حسب الكم واللفل والاماكن موجودة كتيييييير اوي ع حسب منطقتك وبالتوفيق يا عمووور

[EhabAmmar]

تمام كلام البشمهندس....بس عندى رأى تانى حضرتك مش حددت انت قوى فى الكمبيوتر ولا ضعيف ولا ايه مستواك عشان لما تسأل السؤال ده نقدر نقلك هتبداً منين و ازاى ...... ولو عوز مكان كويس تاخد فيه كورسات هقولك بس لما اعرف ايه طلبك الاول ومستواك ايه

[oma1r]

شكرا على الرد انا كمستخدم جيد بس كمبرمج زكدا لسة لم اخد اى حاجة عشان كدة اية مش عارف اخد اى دورة ى البرمجة ودلوقتى انا قدامى دورة c++ lمخفضة والمشكلة هنا هى خايف ادخلها فلا اوفق عشان انا زيرو فى البرمجة فرأيكم اروح الدورة دية ولا لأ مع العلم ثمنها200جنيها

[EhabAmmar]

تمام سعرها كويس ... انا عندى تبع الجامعه بتعتى 250جنيه .. بس حضرتك.. خليها واحدة واحدة عشان تقدر تشتغل شغل كويس خدت icdl و بعدها كويس انجليزى كويس .. بمعنى انك تكون كويس فى الانجليزى و بعد كدا خد شهادة c++ تمام ده اللى انا شايفه لو كلامى فيه غلط ياريت البشمهندس يقول ... بس ده اللى انا شايفه صح لآنك لما تدخل مواد البرمجه هتحتاج للغة الانجلزيه عشان تبقى العقبه الوحيده اللى تقف قدامك فى الدورات وتقول ياريتى اخدت الانجليزى الاول ... بس بردوا فى الاول و فى الاخر الرأى رأيك ... و اللى انت شايفه صح اعمله

[Eng.Mo'men]

روحها واتوكل على الله

[EhabAmmar]

ربنا يوفقك وانشاء الله كله خير وربنا معاك ... بس بقلك ايه فين المكان ده اجاى اخدها معاك ههههه

[oma1r]

شكرا لاجابتكم كثيرا جدا

[oma1r]

الحمدالله انا كويس فى الانجليزى هى المشكلة مفيش بدايات برمجه وخايف ادخل هذة الدورة ومافهمش حاجة على اساس انى معنديش قاعدة من المعلومات عن البرمجة وبالنسبة لسعر الدورة هى اساسا 400 يس انا دخلت زى مسايقة وفزت بيها معلش انا هتعبكم معايا انا بالنسبة للشغل هو ممكن لو اتمكت من البرمجة عن طريق الدورات ممكن اشتغل فى مكان ولا لازم خريج كليتكم المحترمة عشان انا بلاقى اى وظيفة فى هذا المجال طالبة خريج كلية حاسبات او هندسة او تخص تفس المجال ومع جزيل الشكر لحضرتكم

[Eng.Mo'men]

مش تاخد icdl ولا انجليزي دلوقتي ,, ركز فى الc++ بس الاول واللغة بعدين

[Eng.Mo'men]

اه ممكن تلاقي شغل بس لازم تبقا متمكن شوية ومش شرط خريج الكلية لو شاطر ,, بس الشركات الكبيرة بتطلب خريجي الكليات والعادية بتطلب اي حد وساعات بتطلب خريجي الكليات

[oma1r]

قصدك باية خريجى الكليات يعنى اى كلية مؤهل عالى يعنى ولا كلية حاسبات ومعومات

[oma1r]

يعنى الامل ضعيف انى اشتغل فى شركة كبيرة ومحترمة صح طب ممكن اسألك عن رأيك الافضل انى اخد دورات فى الموضوع ده اللى هو البرمجة لوخدتها هتكون فرص العمل ضعيفه بالنسبة لى فانا بقول اخد الدورات فى مجالى اللى هو الكترونيات وهيكون فرص العمل بالنسبة لى افضل بالرغم انى بحب المجال ولكن حبى لن يكمل حياتى وهتكون الدورات ملهاش لازمة وشكرا كثبرا على اجابتكم على اسئلتى واتمنى لكم التوفيق بكل الحب التوفيق واقولها للمرة الاخيرة انى السبب فى ذلك بأنى لم اجتهد لأحصل على ما اريد وهذا الاحساس يحزننى كثيرا ولكن اقول فى النهاية ان الله لم يثقل كاهلى كثبرا واعطانى مجال اخر ممكن يكون شايفنى افضل فيه وانصح كل طالب ميحلمش كتير ويعيش الحلم ويأمل كثيرا فى حاجة بل الاهم هو ازاى يعرف يحقق اللى هو عايزة وكيفية الوصول الى الطريق الية وشكرا كثيرا واتمنى لكم كل التوفيق واشكر خصوصا مشرف القسم الذى كنت اقرأ جميع اجاباتة عن جميع اسئلة الاعضاء فأنا كنت اتابع هذا القسم من فترة طويلة قبل ان يعين مشرف لهذا القسم الجميل الذى كان يمثل حلم لى وفى النهايه احمد الله كثيرا على ما وفقنى عليه واعطنى فرصه تانيه ممكن متتوفرش لناس كتير اشكرك واحمدك يارب على ما وفقتنى عليةوالحمد لك يا الله فى كل الاوقات

[Eng.Mo'men]

المشاركة الأصلية كتبت بواسطة oma1r

يعنى الامل ضعيف انى اشتغل فى شركة كبيرة ومحترمة صح طب ممكن اسألك عن رأيك الافضل انى اخد دورات فى الموضوع ده اللى هو البرمجة لوخدتها هتكون فرص العمل ضعيفه بالنسبة لى فانا بقول اخد الدورات فى مجالى اللى هو الكترونيات وهيكون فرص العمل بالنسبة لى افضل بالرغم انى بحب المجال ولكن حبى لن يكمل حياتى وهتكون الدورات ملهاش لازمة وشكرا كثبرا على اجابتكم على اسئلتى واتمنى لكم التوفيق بكل الحب التوفيق واقولها للمرة الاخيرة انى السبب فى ذلك بأنى لم اجتهد لأحصل على ما اريد وهذا الاحساس يحزننى كثيرا ولكن اقول فى النهاية ان الله لم يثقل كاهلى كثبرا واعطانى مجال اخر ممكن يكون شايفنى افضل فيه وانصح كل طالب ميحلمش كتير ويعيش الحلم ويأمل كثيرا فى حاجة بل الاهم هو ازاى يعرف يحقق اللى هو عايزة وكيفية الوصول الى الطريق الية وشكرا كثيرا واتمنى لكم كل التوفيق واشكر خصوصا مشرف القسم الذى كنت اقرأ جميع اجاباتة عن جميع اسئلة الاعضاء فأنا كنت اتابع هذا القسم من فترة طويلة قبل ان يعين مشرف لهذا القسم الجميل الذى كان يمثل حلم لى وفى النهايه احمد الله كثيرا على ما وفقنى عليه واعطنى فرصه تانيه ممكن متتوفرش لناس كتير اشكرك واحمدك يارب على ما وفقتنى عليةوالحمد لك يا الله فى كل الاوقات

ربنا يوفقك ,, بس مش شرط عادي لو تفوقت وبقيت مميز هتشتغل فى شركات كبيرة والله بس زي ما قولتلك الاولوية بتبقا لخريج الكلية مش عاوز اضحك عليك والله انا بقولك على كل حاجة عشان مش تندم وانا لو مكانك اركز فى مجالي وادعم نفسي فيه لان دا هو شهادتي واللى لو سافرت برة هشتغل بيه

ربنا يوفقك يا عمر واي اسئلة انا معاك ماتقلقش

[Eng.Mo'men]

حاسبات او هندسة