نصائح للبائع والمشتري ونموذج مبايعة ..

kingegy · #1 15-09-2008, 05:19 PM

اسمحولى افيدكم قبل شراء التليفون
الموضوع ده مهم جدا للناس اللى معندهاش خبرة
سيبك من اللى الناس بتقولوا
دة عشان الناس بتبص على حاجات وتسيب حاجات
سيبك من: الكرتونةوالوش الاصلى والشاحن الاصلى
والكابل الكمبيوتر الاصلى والكارت الميمورى
والسماعة الكلام دة ملوش لزمة كبيرة تافة
الناس خايفة انه يكون مسروق
وكلنا عارفين ان التتبع اتلغة من فترة
ولو عايز تضمن حقك خد صورة بطاقة من البائع وعملة مبايعة
فى اليوم المباعة فية وخلية مثلا يبصم
ويكون مسئول قانونيا عن التليفون من الجهات الحكومية
--------------------------------
وموضوع عامل كام ساعة برضة ملوش لزمة
لانة ممكن يعمل سوفت وير ويصفر العداد
يخلية اصفار اقنة لسة شارية
اهم حاجة حالة التليفون عاملة ازاى
ودة طبعا مش من الوش لا من حاجات تانية
اهم حاجة وانت بتشترى الجهاز لو مبتعرفشى كويس
خد احد الاصدقاء اللى بيفهموا فى الموضوع دة
لو ملئيتش روح للتوكيل مثلا
بس هياخد منك فلوس على الكشف
وبصراحة التوكيل مبيفهمش اى حاجة
غير انة هيوءلك ان الوش اصلى ول لا
والبطارية وكارت الميمورى واحيانا الشاحن
روح لواحد فى محل يكون كويس وفاهم
لما تيجى تشترى لازم تجرب كل حاجة فى التليفون
مش مرة واحدة لا عشر مرات كمان
ولو الاءن متشتريش التليفون
اهم حاجة تجرب الاتى:
1-الشبكة(اعمل أتصال)
2-الكيباد (الزراير)كلها بلا استثناء كذا مرة
3-الكاميرا الخلفية وصورة كذا صورة ورا بعض
وقفلها وصور تانى
4-الفلاش بتاع الكاميرا
5-الكاميرا الامامية وصور بيها
6-السماعة(اتصل بخدمة العملة وشوف السماعة كويس)
7-الجرز(النغمات-الاغانى) شغلها
8-الهزاز(الفيبرشن)من الاوضاع
9-المايك (اعمل مكالمة مع حد وشوف انت سمعة وهو سمعك كويس ول اية)
10-الميمورى شوفوا قارى ول لا والمساحة بتاعتة
11-الشحن ودة اهم حاجة اهم حاجة مهم جداااااااا
ازاى تجرب الشحن وانت فى الشارع
روح لمحل جنبك عندة كهربا واستسمحة انك تجرب الشاحن
ولو حتة هتديلة فلوس مش مشكلة جنية ولا اتنين
ولما تشوف الشاحن متفرحش اوى
لازم تخلية يشحن كتير وتشوف بيسخن ول لا
وكان فية كام شرطه وبعد الشحن كام شرطه
وده مهم جدا ليه عشان التليفون
ممكن يكون بيسرب او بيهرب شحن وتلبس التليفون
واهم حاجة طبعا تشوف التليفون مفتوح ول لا ازززززااااااى
هقولك متستعجلش
ارفع الوش وبص على المسامير كويس جدا
وشوفها متجرحة يوجد مكان مفك فى المسامير
من الداخل فى مسمار مش شكل التانى
يبقى التليفون مفتوح يباشا
وسعتها مئلكش

بعد أن كثرت الشكاوى من بعض وقائع قلة الضمير فهذه نصائح للبائع والمشتري ويا ريت نطبقها عشان ما يكونش في زعل من الطرفين :
أولا : بالنسبة للبائع :
1 – اتق الله في بيع سلعتك ... وو ضح عيوبها إن وجدت ....
2 - عشان المشتري يطمئن إليك .... اكتب له مبايعة (وده بيثبت حسن نيتك الكاملة ) وسجل فيها ما يلي :
أ : نوع السلعة ومواصفاتها بالتفصيل
ب : تاريخ الشراء
ج : العيوب إن وجدت
د : رقم بطاقتك وعنوانك من واقع البطاقة
هـ : رقم تليفونك
ز : المشتري يوقع على إنه استلم السلعة خالية من العيوب : ومع البائع صورة من المبايعة ....
( وده لمصلحة البائع قبل المشتري إن المشتري يقرر إنه اشترى السلعة خالية من العيوب لحظة تاريخ الشراء )
وهذا نموذج للمبايعة باختصار
وما حدش يقول : هو إنت مش واثق فيا ... لو إنت محل ثقة حتوافق على المبايعة دون نقاش ده شرع ربنا ....
والنموذج كما يلي : - إنه في يوم :........... الموافق : / /
باع الطرف الأول : .........................بطاقة رقم ............
عنوان محل الإقامة : ..............................تليفون : .........
للطرف الثاني : .................................بطاقة رقم ............وعنون محل الإقامة : ..........................
ما هو : ............................................. وقد استلمه الطرف الثاني خاليا من العيوب ساعة البيع .....
توقيع الطرف الأول توقيع الطرف الثاني ..
بالنسبة للمشتري :
1 - اعمل تست للسعلة كويس جدا في منزل اللي حتشتري منه : ولو ظروفه ما تسمحش : استضيفه في منزلك واعمل تست براحتك .... وسيبكم من شراء المترو والرصيف والقهاوي إلا لو كان البائع معروفا ومحل ثقة طبعا ........
وده ما ينفيش إن في ناس كويسة أول مرة تتعامل معاها ولكن هذا ضمان للاطمئنان ..
2 – خد مبايعة من البائع مسجل فيها ما سبق ذكره أكرر مش عيييييييييييييييب ........
ملحظ : لو المشتري والبائع يعرفوا بعض طبعا الثقة المتبادلة هي عقد البيع ...........
وربنا يوفق الجميع