نسبية ادراك العقل البشرى ((الالفاظ و الخطوات))

[DPT-Blue Phoenix]

السلام عليكم و رحمة الله و بركاته
بسم الله الرحمن الرحيم


#نسبية_ادراك_العقل_البشرى
#الموضوع_الجامع
#الجزء_الرابع_و_الاخير

#مقدمة :) :دى روابط الأجزاء الى فاتت من الموضوع عشان الى عايز يفتكر و هنتكلم عنها باختصار :-
1- #الجزء_الأول كان الهدف منه اننا نآمن بشكل كلى ان الله واحد و حدود العقل البشرى فى التوصل لقدرات الله عز و جل و دا الموضوع كامل هنا
http://www.thanwya.com/vb/showthread.php?t=612875
2-#الجزء_الثانى كان الهدف منه اننا نفرق بين القدرات الى ربنا خلقنا بيها و بين الامكانيات الى بنكتسبها من الحياة العملية و اتكلمنا و قلنا ان حتى الذكاء و الذاكرة دى حاجات ممكن تتنمى عادى و فى انواع كتير للذكاء و قلنا ان كل واحد ربنا خلقه ليه ((موهبة)) فى حاجة معينة و غالبا الموهبة دى بتكون الحاجة الى انت بتحبها بس لازن انميها عشان تبقى ((مهارة)) و دا رابط الموضوع كامل هنا
http://www.thanwya.com/vb/showthread.php?t=613369
3- #الجزء_الثالث اتكلمنا فى الموضوع دا انك ممكن تكون انسان عندك هدق فى حياتك و ممكن تكون محدد الوسائل الى هتوصل بيها لهدفك و واثق فى نفسك لكن مشكلتك هى ((الناس)) الى كلامهم دائما بيحبط و ممكن يخليك متعملش حاجة و قلنا ازاى نتخلص من الكلام دا فى و الموضوع كامل هنا
http://www.thanwya.com/vb/showthread.php?t=614122
4- الموضوع دا بيتكلم عن #انواع_البشر و ازاى اكون النوع الأفضل و رابط الموضوع كامل هنا
http://www.thanwya.com/vb/showthread.php?t=612868

#الموضوع 8-) : هدفنا فى الموضوع دا ان شاء الله حاجتين :-

1- #الألفاظ :-
المفكر بيحط (فكرة) و الفكرة دى بتدخل الدماغ تبقى (تفكير) و التفكير بيدلنا (معنى) و عشان نعبر عن المعنى بنحطه فى (لفظ) يبقى لزمة اللفظ اصلا انه بيعبر لينا عن فكرة او معنى المشكلة خلط الناس للألفاظ ...
#فمثلا: لما اقول ديموقراطية ؟! تسألنى قصدك ايه باللفظ ؟! هيقولك مثلا هو (حكم الشعب لنفسه) اسأله برده هل قصدك حكم الشعب لنفسه بمعنى فوضى كل واحد يعمل الى عايزة ؟! ولا قصدك انتخاب و حياة ديمواقرطية ؟! .... خلى بالك ممكن اللفظ يدخل فى دماغك بصورة غلط و الى قال اللفظ او الجملة عايز يدخل فى دماغ حاجة تانية ...
#مثال_تانى: لو انا قلتلك ايه الفرق بين (الثقة بالنفس) و (الغرور) و (التكبر) ؟!
انت ممكن تحكم على شخص غلط و تقول دا مغرور او متكبر و هو واثق بنفسه فالالفاظ المتقاربة دى ناخد بالنا منها و خاصة لو كانت حاجة منها محمودة و حاجة مذمومة ؟!
فمثلا واثق فى نفسى معانا انى واثق فى قدراتى و فى الله و شايف نفسى كويس و راضى ... مغرور نفس اسكلام لكن شايف انى احسن من كل الناس ... مكتبر نفس الكلام لكن شايف انى احسن من الناس و بقلل من الناس ....

2- #ازاى_اوصل_انى_اكون_انسان_ناجح_و_متزن؟! B|
((فاذا عزمت فتوكل على الله ان الله يحب المتوكلين))
((ان الله لا يغير ما بقوم حتى يغيروا ما بانفسهم))
-يعنى فى هنا شرط لازم اخد قرار قاطع و احطه فى الفعل اى ابدأ التنفيذ و اخد بالاسباب و اتوكل على الله

طيب ايه #الخطوات الى همشى عليها ؟!
1- عزم 2-قرار اختيار مسئولية 3-رغبة عالية 4-قيم و مبادىء 5-أفكار
6- اعرف القدرات: دى الحاجات الى اتخلقت بيها الى ربنا ادهالك
7- اعرف الامكانيات: الحاجات الى انت اتعلمتها بنفسك و الحاجات المتاحة قدامك
8- حدد الاهداف: بعد ما تتعرف على قدراتك و امكانياتك حدد اهدافك لأن انسان من غير هدف زى مركب من غير دفة ال2 بينتهوا على الصخر و لو ملكش هدف كأن واحد بيرمى سهم و باصص الناحية التانية و بعدين يقول هو مخبطش فى حاجة ليه ؟! او واحد بتسأله رايح فين ؟! يقولك رايح اى حتة او معرفش ؟! يبقى يروح من اى طريق هيوديك على ما تعرفش و هيفضل تايه عشان مش محدد وجهته و هدفه
9- التخطيط للأهداف: حتى لو ورقة و قلم و تخطط ازاى تحقق هدفك
10- حط فى الفعل(التنفيذ): يعنى تبدأ تنفذ الكلام دا عملى
11- قيم: ما تفعل و عدل و حط تانى فى الفعل
12- تفائل:انا عزمت و قررت و عندى رغبة عالية
-بعد كدا القوة الثلاثية الى هما:-
13- الالتزام:ممكن التزم شوية و خلاص لأ ؟! هو مثلا مش انا عايز ابقى احسن عايز بس العادة او الطبع او انى محتاج توجيه عشان اتغير لكن الرغبة للتغيير او للالتزام موجودة يبقى لازم
14- الاصرار:تقول لازم اعمل و تعمل بالفعل
15- الانضباط:هو الاستمرارية لازم استمر فالى بعلمله مش مرة و خلاص
ليه الاخوة ال3 ؟! لأنه بيعملوا تقوية بعض فعلا
16- الصبر: لازم اتحمل و اكمل
17-التوكل: على الله خلاص انا خدت بكل الاسباب و توكلت بمعنى انا ضعيف يا رب و سمعت كلامك خدت بالاسباب زى ما امرتنى و توكلت عليك زى ما امرتنى انت الى بتوفق و بترزق فيا رب و ادعى بكل الى انت نفسك فيه بقى


- O قال رسول الله صلى الله عليه و سلم فيما معناه ((احب الاعمال الى الله ادومها و لو قلت))
- و قال صلى الله عليه و سلم ((تفائلوا بالخير تجدوه)) ... تفائلوا دائما فعل أمر مباشر مستمر فى الزمن بالخير (الوسيلة) ... تجده (قانون التوقع او الانجذاب او العودة او الرجوع)
--مثلا: انا رحت شركة و اترفضت بس اشوف ليه و ارجع اقيم و احط فى الفعل تانى و اجرب و هكذا بدون يأس انا كدا كدا عايش يبقى لازم احاول و اعمل كل حاجة اقدر عليها لأن اليأس نهاية و لييييييييييييييه لأ مكونش ناجح ليه لأ مكنش احسن ليه لأ محسنش من نفسى دائما جاوب مفيش عزر لازم اخلى حياتى اجمل باذن الله
--و افتكر ((ان الله لا يضيع اجر من احسن عملا)) بس اخد بالاسباب و اطور من نفسى و اكيد ربنا هيكرمنى لو مش دلوقت بعدين بس الخير جاى جاى دى حاجة مطلقة باذن الله ((الايمان بالله و بالمبادىء و الامل))
--ربنا خلقنا فى احسن تقويم و سخرنا الأرض و السماء و ما بينهما اذن الانسان ليه قدرات و امكانيات كتير بس يعرفها و يستخدمها و الحمد لله انى انسان و الحمد لله على نعمة الاسلام ((انت افضل مخلوق ربنا خلقه و سخرله كل حاجة فانت عايز ايه تانى فالحمد لله))
--انا بحدد هدفى ممكن بحدد الهدف الكبير بس بحدد اهداف صغيرة اوصلها الأول و بعدين اوصل للأكبر و هكذا تدرج فى التطور مستمر دائما
--و برده لازم مرجعش للماضى لو فى حاجة هتأثر على سلبا او افكر انى اتغلب على الحاجات الى فى الماضى دى و اخلص منها ((لأن العقل او الادراك اللاواعى بياخد الحاجات دى و يحطلها فى الذاكرة السالبية فهتأثر لو رجعت للماضى السلبى و عشت فيه))
--هو مثلا انا اقول انا معايا شهادة او دكتوراه و عايز وظيفة كبيرة و خلاص ولا بشوف الحاجة الى تناسب امكانياتى و بحاول اطور من نفسى دا الصح ؟!
--كل العظماء بدأوا باقل من الصفر بس عشان يثبتوا نفسهم و عشان عملوا الى فات داااااااااااااااااااا انت و انت فقط الى ممكن تثبت نفسك و تخلى نفسك حاجة و انت بايدك الى ممكن تحطم نفسك فبمزاجك بس ليه ما دام انا عايش متبقاش حياتى احلى حياة ليه لأ ؟!


----- #ملحوظة (y) =D : و اهم حاجة دائما تفتكر ان (النجاح الحقيقى) ان بتاخد بالاسباب و تعرف ان كله رزق من عند الله .... انما لو فكرت ان الظروف او الاسباب هى الى هتعملك فانت غلطان و دا (نجاح كاذب)

كدا خلصنا و الحمد لله اتمنى تكون رسالة الموضوع دا وصلت لأنها مهمة جدا و يا ريت فعلا الناس تستفيد و السلام عليكم و رحمة الله و بركاته

[دى برولى]

جزاك الله خيرا وبارك الله فيك
مجهوود راااائع
تسلم ايد حضرتك

[DPT-Blue Phoenix]

المشاركة الأصلية كتبت بواسطة دى برولى

جزاك الله خيرا وبارك الله فيك
مجهوود راااائع
تسلم ايد حضرتك

و جزاكم مثله ان شاء الله ... الله يخليك

[الموافى الامام]

مجهود رائع

جعلة الله في ميزان حسناتك

[DPT-Blue Phoenix]

المشاركة الأصلية كتبت بواسطة الموافى الامام

مجهود رائع

جعلة الله في ميزان حسناتك

ان شاء الله يا رب