انا فى حيرة! ارجوكم ساعدونى! الامتحان يوم الحمعة

[xkeysman]

السلام عليكم
والله ياجماعة انا فى حيرة
انا منقطعة عن العمل وجالى امتحان الكادر وحيكون يوم الجمعة اللي جاي
انا من سيناء واتجوزت بالشرقية واشتغلت بالعقد فى الشرقية
ولكن الظروف منعتنى ان ابقى بالشرقية وارجع لسيناء مرة تانية
وعشان كدة سيبت الشغل وبطلت اروح المدرسة اللي كنت شغالة فيها
وقدمت فى امتحان الكادر وقبلونى فى الامتحان
وطلع لية رقم جلوس وكل حاجة
المشكلة انا منقطعة عن العمل ومرضيوش يرجعونى اشتغل تانى بالتدريس بسبب الانقطاع
بس دلوقتى فى امتحان كادر يوم الجمعة
معرفش اروح امتحن ولا لأ؟
ارجوكم ساعدونى
شكرا سلفا

[وليد الاخصائى]

روحى الامتحان طبعا ولما يخلص الامتحان فكرى فى العقد دة الكلام المنطقى

[فقير الى الله]

توكلى على الله وادخلى الامتحان وبعد النتيجة وينزل اسمك بالتعيين متقدرش المدرسة تقول اى حاجة

هايكون تعيين رسمى موقفك هايكون سليم بعد النتيجة والتعيين

[وفاء/2008]

توكلى على الله وروحى الامتحان خسارة تضيعى محاولة زى دى
وربنا معاكى

[أحمد قلانه]

توكلى على الله
روحى دلوقتى عشان متندميش على اليوم دا بعدين
حتى لو شابفه انك مش هتستفيدى من الامتحان
مش هتخسرى حاجة غير تعب المشوار
بس ممكن تخسرى كتير لو الفرصة جاتلك تانى للعمل وتكونى ضيعتى اختبار الاكاديمية
توكلى على الله واقدمى على الاختبار

[د.عبدالرحمن المنياوي]

سيدتي الفاضلة :
مسألة انقطاعك عن العمل مسألة تقبل التفاوض .. ولأي ظرف من الظروف وارد وبشدة رجوعك لعملك .. لذا أرى ضرورة دخولك الامتحان لأنه الاستناد الوحيد لتعيينك ..
يعني اللي هيمتحنوا وينجحوا بإذن الله هتبعت الأكاديمية كشف بيهم لتعيينهم وإذا حضرتك نحجتي هيجي إسمهك فيهم وبكده تكوني اتعينتي وأخدي الدرجة وتروحي تمضي استلام عمل من جديد زي ما الكل عمل وطبعا مش هيقدروا يمنعوكي من استلام العمل .. أما بالنسبة لفترة انقطاعك فدي يمكن تأويلها بأي شكل وما أعتقدش إن فيه صعوبة في إنك تكتبي تظلم بسيط يحل الموقف واحنا في ظروف مهيأة لي ده..
بس المهم تكوني مازلت ترغبين في الاستمرار في التربية والتعليم ..
د.عبدالرحمن المنياوي

[mahmmoud_sakr]

توكلى على الله وبالنجاح الباهر ولا تقلقى التوفيق من عند الله

[أ / محمود علي]

روحى الامتحان وربنا يوفقك ويوفقنا معاكى توكلى على الله وروحى مش هتخسرى حاجة

[مستر خالد1]

عندي ليكي حل رائع