حد يقولي ازاي؟؟

[PrinCeSs MeRaMar]

السلام عليكم ورحمة الله وبركاته


انا عاوزه اعرف من الطلبه الي اكبر مننا


ازاي نجيب تقدير امتياز او جيد جدا مش حتى نطلع من الاوائل التقدير ده يكفيني


ياريت الي يعرف ميبخلش بالنصائح علينا

[babagamil]

انا عندي سؤال اهم.......هو ينفع للطبيب البيطري انة يفتح صيدلية.؟ هي سبهليله اوي كده ولا ايه

[.A-Z.]

التقدير سهل للي عايزه
اغلب الناس لا بتدخل بتبقي عايزه تقدير وبعد ما بتشوف نظام الدراسه بتستسهل وبتلعب علي النجاح بس يعني يدخل الامتحان بجزء ويسيب جزء يطنش الشيتات والعملي ميزاكرلهمش قد كده

انما اللي عايز تقدير محتاج الاول يلتزم ف السكاشن ويفهم الشغل العملي كويس
ويحضر محاضرات ويقراها اول باول ميركنهاش يقرأها مجرد قراءه كده لغايه ما تتعودوا علي نظام المزاكره بالانجليزي وبعد كده الامور بتبقي سهله

والاهم انه يسيبه من كلام الناس مش عارف الكليه صعبه مش عارف دي الماده الفلانيه رخمه والكلام ده كله بيبقي ف الفاضي
كل واحد يشوف بنفسه قبل ما يحكم صعبه ولا سهله

الكليه صعبه مش سهله ومش صحيح الكلام انك عديت ثانوي هتستريح لأ خالص ف اوقات كتيره ف الكليه بتحس انها اصعب من ثانوي
بس اللي هيزاكر اول باول ومش هيتوتر وهياخد الامور ببساطه هيستريح ف الاخر

[.A-Z.]

المشاركة الأصلية كتبت بواسطة babagamil

انا عندي سؤال اهم.......هو ينفع للطبيب البيطري انة يفتح صيدلية.؟ هي سبهليله اوي كده ولا ايه

لأ طبعا بيفتح صيدليه بيطريه مش صيدليه

[maker freedom]

(11)خطوة للاستعداد للمذاكرة

1- أخلص النية لله واجعل طلب العلم عبادة.

2- تذكر دائما أن التوفيق من الله والأسباب يتخذها الإنسان.

3- أحذف كلمة "سوف" من حياتك ولا تؤجل.

4- أحذر الإيحاءات السلبية مثل: أنا فاشل - المادة صعبة.

5- ثق بتوفيق الله وابذل الأسباب.

6- ثق في أهمية العلم وتعلمه.

7- أحذر رفقاء السوء وقتلة الوقت.

8- نظم كراستك ترتاح في مذاكرتك.

9- أد واجباتك وراجع يوما بيوم.

10- تزود بأحسن الوقود (أفضل التغذية، أكثر من الفواكه والخضراوات وامتنع عن الأكلات السريعة).

11- لا تذاكر أبدا وأنت مرهق.

نظم وقتك:

1- تذكر أن أحسن طريقة لاستغلال الوقت أن تبدأ الآن!!.

2- حدد أولوياتك الدراسية وفق الوقت المتاح.

3- ضع جدولا يوميا - أسبوعيا لتنظيم الوقت والأولويات.

4- تنظيم الوقت: رغبة + إرادة + ممارسة + جهد = متــعـة.

من طرق تقوية الذاكرة:

1- الفهم أولا؛ يساعد على الحفظ والتخزين.

2- استذكر موضوعات متكاملة.

3- الترابط بين ما تستذكر وما لديك من معلومات يقوي الذاكرة.

4- الصحة بشكل عام عامل أساسي لتقوية الذاكرة:
النوم المريح - غذاء متكامل - الرياضة البدنية - الحالة النفسية: التفاؤل - الاسترخاء - حسن التعامل مع الناس.

5- خلق الاهتمام - الفرح - حب الاستطلاع - التمعن -التركيز الفكري - كلها وسائل لتقوية ذاكرتك.

6- تصنيف المواد حسب المواضيع وحسب البساطة والصعوبة يسهل عملية الاستذكار.

من أجل حفظ متقن:

1- صمم على تسميع ما ستحفظ .(استمع لنفسك )

2- افهم ثم احفظ.

3- قسم النص إلى وحدات ثم احفظ.

4- وزع الحفظ على فترات زمنية.

5- كرر ثم كرر... ثم كرر..

6- اعتمد على أكثر من حاسة في الحفظ: 10% تقرأ -20% تسمع -30% ترى -50% ترى وتسمع -80% مما تقوله -90% تقول وتفعل، ارسم صورا تخطيطية - لوّن بعض الرسوم أو الفقرات الرئيسية.

7- لا تؤجل الحفظ - أسرع إلى الحفظ.

8- قاوم النسيان ودعم التذكر. (الحماس-الراحة- التخيل والربط-التكرار-التلخيص- المذاكرة قبل النوم..)

9- تجنب المعاصي

يقول الإمام الشافعي في بيتين من أبياته الجميلة

شكوت إلى وكيع سوء حفظي

فأرشدني إلى ترك المعاصي

وأخبرني بــــأن العـــــلم نـــــور

ونــــــــور الله لا يهدى لعاصي

منقول من منتدى صيدلى المستقبل / قسم طلاب صيدلة

[عاشقه الاقصى1]

المشاركة الأصلية كتبت بواسطة PrinCeSs MeRaMar

السلام عليكم ورحمة الله وبركاته


انا عاوزه اعرف من الطلبه الي اكبر مننا


ازاي نجيب تقدير امتياز او جيد جدا مش حتى نطلع من الاوائل التقدير ده يكفيني


ياريت الي يعرف ميبخلش بالنصائح علينا

احم احم
اتكلى ع الله
وزاكرى
انا مابخلتش اهوو

[mahy.truefriends]

من جد وجد انتي اعملي الي عليكي و الباقي علي ربنا

[PrinCeSs MeRaMar]

شكرا ليكم