|
||||||
| اجتماعيات طالب منتدى خاص بالطلاب لتبادل المعارف والحلول للمشكلات التعليمية والمسابقات والألغاز الهادفة |
 |
|
|
أدوات الموضوع | انواع عرض الموضوع |
|
|
|
#1
28-07-2009, 12:56 PM
|
||||
|
||||
كفاية انا بجد تعبت
السلام عليكم ورحمه الله وبركاتة انا عندى مشاكل كتيرة قوى وخلاص مبقتش قادرة استحمل حاجة ودخلت فى مرحلة انى قربت اعزل نفسى عن الناس كلهم لان بقى فى نظرى كل الناس الى اعرفهم عايزنلى الشر هدخل فى الموضوع علطول انا تميت السنادى ثانوية عامة علمى علوم بمجموع 95 ونص فى المية شعبة علمى علوم كنت فى سنة تانية جايبة مجموع عالى يعدى 99 فى المية بس هو دة نصيبى المهم انا رضيت وحمدت ربنا رغم انى كنت هموت من صدمة مجموعى انا مكنتش بسيب الكتب ليل ونهار بذاكر مكنتش بنام وحليت الامتحانات كلها كويس بس حمدت ربنا وهو اكيد لية حكمة فى كدة بابا وماما اتصدموا وبقيت كل ماشوفهم اعيط لان انا كسرت قلبهم من غير ما اقصد وهما بسبب مجموعى بقيت كل شوية اسمع اهانات وتجريح فيا وقدام الناس يبينوا ان الموضوع عادى ولما نبقى لوحدنا يزعقوا فيا ويحسسونى انى سبب الحزن فى بيتنا اكتر منا حاسة بكدة ماما قالت انها هدخلنى جامعة خاصة وقالت الموضوع لبابا وبعد معارضة شوية وافق وقدمت الحمد لله وقبلت وابتدى جو البيت يهدى شوية وكنت فاكرة ان كدة خلاص هرجع لحياة مستقرة زى زمان بس للاسف الذل زاد فيا اكتر من اخواتى من ناحية وبابا وماما من ناحية بابا كل شوية يفكرنى انى داخلة كلية بالفلوس وانة فى اى وقت ممكن يحرمنى منها وماما نفس الكلام دة غير مابقعدوا يعدوا عليا زمايلى الى جايبين درجات عالية ومن يوم النتيجة الى الان وانا مش عارفة اعمل اية وجالى فى التنسيق طب بيطرى وكل شوية عمالين يقولولى انتى خلاص مبقاش ليكى وجود فى البيت ولا ليكى كلمة على حد من اخواتك الاكبر والاصغر لانك فاشلة الكلمة دى سمعتها مليون مرة انا بجد زهقت من حياتى من الناس من كل الى بيضايقونى وانا معملتلهمش حاجة قولولى اعمل اية انتم الامل الوحيد الى ليا
والحمد لله على كل شىء 
|
|
#2
28-07-2009, 03:47 PM
|
||||
|
||||
و عليكم السلام ورحمة الله وبركاته
إطمنى يا قمر معظم الأبهات و الأمهات كده أنا مريت بنفس ظروفك دى و كنت دايماً بمشى بكلامهم و لما ماحققتش اللى كانوا بيحلموا بيه فيا بدأت أشوف جو وحش منهم جداً و هما عاملونى وحش علشان فاكرنى إنى لما أشوف معاملتهم دى أحس بغلطى و أدخل الكلية أجيب أعلى التقديرات يعنى فاكرين إن الشدة والعنف و الغضب هيكون دافع ليكى فى التفوق و طبعاً ده غلط كبير جداً لإنه بينمى جوا الواحد الفشل نفسه و يبدأ يقول لنفسه أنا فعلاً فاشل و مش ثقته فى نفسه بس هى اللى تضعف دا كمان بيكون فشل فعلى إنك تدخلى الكلية ولا قدر الله تفشلى فيها لازم بجد تقعدى معاهم وتكلميهم و تقوليلهم دا قضاء و قدر و ده اللى ربنا كتبهولى و يمكن لو كنت جبت الموضوع اللى انتوا عايزينه و دخلت الكلية اللى انتوا عايزنى أدخلها كنت فشلت فيها أو حصلى شىء وحش و قوليلهم إن معاملتهم ليكى دى مش هتجيب نتيجة إيجابية بالعكس فهميهم إنك بقيتى محبطة ومش عندك تأهيل نفسى لدخول الكلية ولا هتقدرى تتفوقى فيها صدقينى لو فضلتى خايفة تواجهيهم أو علشان هما الكبار ماينفعش تكلمهيم يبقى هتدمرى نفسك بنفسك انتى مش غلطانة و يمكن لو غلطانة فا مفيش حد معصوم من الخطأ كلنا بنغلط و مش عيب إننا نغلط لكن العيب إننا نستمر فى الغلط أو مانعرفش إيه غلطنا أصلاً و قوليلهم إنك هتعملى اللى ربنا يقدرك عليه فى الكلية علشان تعوضى فرحتهم بيكى محدش عارف الخير فين .. أنا كان ليا واحدة صحبتى أيام ثانوى كل شوية يقولولى فى البيت شايفة اهى جابت أكتر منك و دخلت كلية كويسة و لما جيت أتصل بيها لقيتها اللهم لا شماتة هتعيد السنة .. فا صدقينى مش كل من جاب مجموع كبير يبقى هيتفوق فى كليته و انتى مجموعك مش وحش ولا حاجة فى غيرك كتير ماقدروش يجيبوه و صدقينى كل ده هيعدى و هيبقى مجرد ذكريات بعد كده هما بيحبوكى و عايزين مصلحتك و خايفين عليكى بس أظهروا حبهم ليكى بطريقة غلط و ماتحاوليش تزعلى نفسك أبداً و قولى الحمد لله على كل حال .. ده إختيار ربنا و أكيد هو اللى فيه الخير ليكى بإذنه تعالى يا رب أكون قدرت أساعدك بحاجة بسيطة و إن شاء الله ربنا يوفقك و يكرمك آخر كرم
__________________
إذا فقدت كل شىء و بقيت ثقتك بالله فإنك لم تفقد شيئاً
|
|
#3
28-07-2009, 06:55 PM
|
||||||||||||||
|
||||||||||||||
|
وعليكم السلام ورحمه الله وبركاته اقتباس:
مفيش حاجه اسمها مشكله وهقلك ازاى انتى وانتى صغيره عندك عروسه لعبه ايدها اتكسرت تمام كنا ساعتها هنعيط وبالنسبه لينا نهايه الكون لما تكبرى وتبصى ع الموقف اللى مكنش بالهين فى وقتها هتحسي بمدى ضآلته عوزاكى تعملى بالكام بتاعتك زووم اوت وتفكرى بطريقه احسن او تشوفى الموضوع من زاويه تانيه بالمناسبه مفيش اهل بيكرهوا ولادهم زى ممها قالت فوق تعبير غلط عن الحب مش اكتر حتى فى عالم الحيوان لما بقلك قطه واكله عيالها مش معناها انها كان قصدها تأذى هى كانت بتحاول تحميهم فحطتهم فى بقها اقتباس:
اقتباس:
اها كويس الحمد لله ع كل حاجه اقتباس:
اقتباس:
هو بالرغم ان مش كل الابهات والامهات كده الا ان فى شريحه كبيره من الابهات والامهات كده انا فاكره ان ماما كانت بتجرى ورايا فى يوم وانا صغيؤه عشان كنت كسرت فاظه غاليه -فدايا طبعا  -الا ان اول ممسكتنى قلتلها مش انتى دايما تقولى اخدت الشر وراحت لو ضربتينى الشر هيجى يمسك فى البيت كله عاده مش كل اللى بنقوله بنعمله دى طبيعه بشريه اقتباس:
اقتباس:
احم مع احترامى الشديد الشديد لوالدك الا انه مجرد تهديد وخلاص ولا عمرهم يقدروا يعملوا كده :D يعنى من الاخر زمان كان يجى يقلك لو كذبتى هقطعلك لسانك هل هيقطعوه ؟؟!! طبعا لأ اول مأصلا بيشوفوكى وصباعك متعور بيبقى البيت مقلوب اصلا اقتباس:
اقتباس:
هى لسه الحكايه دى بتتعمل  كانو زمان بيعملوا كده كنت بقلهم الف مبروك ومش انتو علمتونى اتمنى للناس الخير بس متسخدميش الجمله دى لانها بتتفهم غلط حاولى بس تكونى بارده شويه ومتتنرفزيش وتبتسمى وتقولى انا عملت اللى عليا وده ميمنعش انى هحاول اكون احسن بس مش عشان صاحبتى اعلى عشان انا عاوز اكون كويسه اقتباس:
اقتباس:
لو ملكيش وجود فى البيت ايه اللى مخليهم سايبينك قاعده!! كبرى من الكلام ده بجد لانه ملوش اى لازمه ولو ملكيش لازمه يبقى ربنا كان خلقك ليه اول متلاقى ان الموضوع فى مشادات وكده فكرى فى نكته اى نكته بتضحكك وابتسمى ليهم واتكلمى براحه اتناقشي براحه وفهميهم ان دى اراده ربنا انتى معملتيش ححاجه غلط ياما ناس متفوقين واضربوا فى مجاميعهم وياماا ناس ملهاش فى الملوخيه ونجحوا وعادى جدا مش ذنبك ع فكره انتى عملتى اللى عليكى انا زمان بردو كانوا بيقولولى يا فاشله وخاصه اول 3 ثانوى وعادى جدا مش عارفه كان عندى احساس ان ربنا هيوفقنى بعمل اللى عليا من غير مرهق نفسي بالدرجه اقتباس:
اقتباس:
كلنا سمعناها وحياتك من طالب طب لطالب تجاره هى زى متقولى لازم تتقال او فى عرف الابهات والامهات الكلمه المحفزه المشجعه اقتباس:
حاولى تدورى ع حاجه تشغلى نفيك بيها وتكونى بتحبيها شوفى صحابك وقرايبك حلى مشاكل اخواتك الصغيرين ذاكرى واثبتيلهم انك ميه ميه كده يعنى الحل من جواكى انتى مش من عند حد تانى الأعمال العظيمة تتحق ليس بالقوة انما بالاصرار . جمله كميله اعرفى ان العمليه كلها بتبدأ من عندك صرى ع انك تنجحى حولى الطاقه السلبيه للاحباط لطاقه تخليكى تكملى وتنجحى مقدش اقلك اكتر من كده المهم طمنينا عليكى لانى متأكده انك هتكونى حاجهه جامده جدا فى المستقبل القريب او البعيد المهم ان تكونى ان شاء الله طبعا :D
|
|
#4
29-07-2009, 02:26 AM
|
||||
|
||||
|
استعينى بالله فهو حسبك
و صلى على الحبيب المصطفى كده ده ابتلاء من ربنا و ربنا مبيحملش حد فوق طاقته أكيد حضرتك تقدرى تطلعى من المشكلة ده إن شاء الله حضرتك واضح جدًا أنك مهذبة و متفوقة و متميزة واضح و المهم دلوقت تعرفى أنه بس كل ده مؤقت و لفترة الصيف بس أول ما حضرتك هتدخلى الكلية هيتعاملوا مع حضرتك بطريقة أحلى و كل المطلوب من حضرتك دلوقت مترديش على حد و لا تجرى كلام فى الموضوع ده لحد ما شحنة الحزن ده تنفذ ساعتها إن شاء الله ترجع المياه لمجاريها و يعود كل شىء لطبيعته معلش عارف إنها صدمة و سهل الكلام بالنسبة ليا و لكن زى الل قالوا قبلى حضرتك ليكى قيمة و معزّة كبيرة كمان بدليل المعاملة السيئة ده ! آه لأنه لو مفيش معزّة مكنش حد هيزعل إن شاء الله موفقة فى كليتك و فعلاً ده مش نهاية الدنيا حاولى تخلى من ده كله دافع لحضرتك الحزن مش هيعمل حاجة بل هيزيد الطين بله و عمومًا احنا هنا بيتك التانى و فى بيتك الأول (الكمبيوتر فى البيت) و أى شىء كلنا موجودين و لعله خير يا رب تعدى الأزمة ده على خير و تبقى فى أحسن حال بالتوفيق آخرة و دنيا
__________________
من السهل أن يكون لك مكان في دفتر عناوين أصدقائك ولكن من الصعب أن تجد لك مكاناً في قلوبهم  آخر تعديل بواسطة abdelRhman772007 ، 29-07-2009 الساعة 02:33 AM
|
|
#7
29-07-2009, 09:33 AM
|
||||
|
||||
|
اقتباس:
إن شاء الله ربنا هيفك كربك و يزيل همك و يوفقك بإذن الله
قولى لا إله إلا انت سبحانك إنى كنت من الظالمين و ربنا يعينك و يعزك يا رب
__________________
إذا فقدت كل شىء و بقيت ثقتك بالله فإنك لم تفقد شيئاً
|
|
#8
29-07-2009, 09:45 AM
|
||||
|
||||
|
بجد حاجة صعبة ولازم يكون فى تقدير شوية من الناس اللى حوليكى
........... بجد بجد ربنا يساعدك انا بدعيلك من كل قلبى
|
|
#9
29-07-2009, 05:27 PM
|
||||
|
||||
|
احم ....
سمحولي اتكلم شويه يعني حصل خير ايه المشكله مش انتي عملتي اللي عليكي وده توفيق من عند الله وحده مين يعرف ممكن يكون ده احسن ليكي يعني ... المهم انتي اشكري ربنا علي كل شئ وان شاء الله ما كتبه الله لكي هو خير لكي تقبلي مروري
__________________
|
|
#10
29-07-2009, 07:16 PM
|
||||
|
||||
|
زي ما والدك ووالدتك شافوكي وانتي بتذاكري وبتعملي اللي عليكي لازم هما كمان يقوموا
بدورهم نحوك يعني ما يكبروش حزن المجموع دا جواكي ويحاولوا يقتنعوا ان دا نصيب من عند ربنا سبحانه وتعالي وانك عملتي اللي عليكي فانتي لازم تاعدي معاهم وتحاولي تتكلمي معاهم على اد ما تقدري وتقنعيهم انهم يغيروا اتجاههم من نحيتك وان شاء الله يتفهموا الموضوع
__________________
|
|
#11
30-07-2009, 05:29 AM
|
|||
|
|||
|
ربنا مبيعملش حاجة وحشه
قدر الله و ما شاء فعل يا حبيبتي اذا كان هم كانو شايفينك بتذاكر و بتعملي الي عليكي اكيد هيعزروكي بس بعد وقت الزعل دا (اكيد كانو حاطين امل اكبر )بس له في ذلك حكم و ان الله لا يضيع اجر من احسن عملا يعني انت عملتي الي عليكي و راضيه عن نفسك يبقى اكيد ربنا هيديكي اد عملك ان شاء الله لو مش في نتيجتك يبقى في حياتك في المستقبل شغلك تنجحي و تحققي نجاح عالى في الي انتي هتدخليه في اولادك و بيتك و مظهرك ......... اكيد ربنا هيعوضك و لما بابا و ماما بيقسوا عليه كده انا بكون حاسه نفس الشعور بس بقول هم معزورين (بعد ما ازعل طبعا عادي يعني ) و كل اب و ام بلا استثناء عايزين ابنهم يكون احسن واحد في الدنيا من كتر حبهم فيه (لالا مش من الحب ما قتل يعني  ) بس فعلا عايزينا نكون الاوائلب في كل كلمه -و اكيد هنحس بيهم في يوم من الايام ربنا معاكي يا قمر و يا رب يوجهك لما فيه الخير اختك يمنى
__________________
اعاتب دهرا لا يلين لعاتب .. و اخفي الجوى و الدمع فاضحي!!!
|
|
#12
30-07-2009, 02:57 PM
|
||||
|
||||
|
السلام عليكم ... ازيك يا ميسون يا رب تكون مشكلتك اتحلت واحب اقولك ان الجامعه هى البدايه مش نهايه المطاف زى ما البيت فاهم عندك ايه يعنى انا دخلت طب وكنتى جبتى 100% مش 99% ودبلرتى اول سنه تفتكرى كانوا هيفرحوا بيكى لا طبعا
المهم انك عملتى اللى عليكى وما اهملتيش اعتمادا على مجموعك العالى ولو بدون قصد وسواء خاص سواء عام التوفيق من عند ربنا المهم كونى ثلاجه لحد ما الازمه تعدى وربنا معاكى
|
|
#15
19-08-2009, 02:14 PM
|
||||
|
||||
|
هههههههههه تصدقى عيطت طب ياريت أبويا وأمى زيك كدة وجايبة المجموع دة وعايزة تدخلى جامعة خاصة كمان هما كانوا عايزين كام كدة 150 % ؟؟ أرحمنا يارب كل سنة وأنتى طيبة
__________________
I don't Care MohameD MadkouR
|
|
| العلامات المرجعية |
«
الموضوع السابق
|
الموضوع التالي
»
العرض المتطور
|
|
جميع الأوقات بتوقيت GMT +2. الساعة الآن 09:37 AM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
