من هو وزير التعليم القادم؟؟؟؟!!!!!!!

[ابو ايمان و سما]

أحبائى ألاعزاء...........
كل عام وانتم بخير.............

أردت اليوم أن أطرح موضوعا للمناقشة الهادفة...
و أتمنى من الجميع ان يشارك في الرد على السؤال التالي و خاصة اننا جميعا اما طلبة او مدرسين فلابد ان يكون لنا رأي وهدف والان مع السؤال !!!!!!!!!!
من هو وزير التعليم القادم؟ وهل تحب ان يبقى الدكتور زكى بدر وزيرا في المرحلة القادمة؟ وما الذى اعجبك/ لم يعجبك ف الوزير الحالي؟ نريد نقدا موضوعيا ....................

[ابو ايمان و سما]

انا مدرس و اعمل ف حقل التعليم ومن اشد المعجبين بسياسة الاستاذ الدكتور وزير التعليم ..وأجد في هذا الرجل الخير الكثير فأنا متابع له جيدا..هذا الرجل يعرف ماذا يفعل .....دماغه شغاله ف جميع الاتجاهات .......حرب للفساد .........تطوير بقدر المستطاع للتعليم......يحاول ان يعيد هيبة المعلم.....عودة الطلبة للمدرسة بعد غياب طويل اعتبره اكبر نصر لهذا الرجل....عدم الاهتمام بأقوال الصحافة او التأثر بهم...دارس جيد لقراراته...بارك الله فيه..وأعتقد هذا رأي اي منصف عادل

[Observer]

احمد زكى بدر رجل هذا الزمان
التعليم دلوقت زى مخزن قديم مليان ****يب وبلاوى ومش منظم
ومش هينفع نكنسه بفرشاة اسنان ومناديل كلينكس !!
لازم قلب وهمة ونظافة بكل انواع المنظفات اللى فى الدنيا

اللى مش عاجبه بدر آسف انى اقول نظرته سطحية بعض الشئ
والأيام هتثبت ان كل خطوة وكل قرار كان لمصلحة التعليم بالفعل
مفيش على راسه بطحة وعايز يعمل حاجة ويصلح من الفساد المعشش

اعتقد الموضوع مكانه العام افضل

[أ/رضا عطيه]

المشاركة الأصلية كتبت بواسطة ابو ايمان و سما

انا مدرس و اعمل ف حقل التعليم ومن اشد المعجبين بسياسة الاستاذ الدكتور وزير التعليم ..وأجد في هذا الرجل الخير الكثير فأنا متابع له جيدا..هذا الرجل يعرف ماذا يفعل .....دماغه شغاله ف جميع الاتجاهات .......حرب للفساد .........تطوير بقدر المستطاع للتعليم......يحاول ان يعيد هيبة المعلم.....عودة الطلبة للمدرسة بعد غياب طويل اعتبره اكبر نصر لهذا الرجل....عدم الاهتمام بأقوال الصحافة او التأثر بهم...دارس جيد لقراراته...بارك الله فيه..وأعتقد هذا رأي اي منصف عادل

وهكذاتعتقد إنك سديت الطريق أمام أى حوار أومناقشة !!!!!!!!!!!!!!!!!!!!

لا يا أستاذ

أنا عملت فى هذا المجال ومر عليا 12وزير

لم أرى وزيرا يهتم برأى الصحافه أولا قبل هذا الوزير

لم أرى وزيرا أهمل أراء وأفكار ومطالب أولياء الأمور مثل هذا الوزير

لم أرى وزير ا يسىء لقدامى المعلمين مثل هذا الوزير

لم أرى وزيرا كل سعادته فى أن تعلن الصحف كل شروق شمس

عن 30مدرس تم نقلهم و40 تم عقابهم و50تم ضياع حقوقهم فى وضح النهار

انزل المدارس وشوف بعنيك

هتلاقى وكيل الوزارة ومدير الادارة ومدير المدرسة فى رعب يومى

وتكون الضحية دائما أنا وانت

هات لى مدرس واحد قدر يوصل لمكتب الوزير أوحتى يوصل شكوته أو مظلمته له

الكل يعمل حاجزا حوله لان الكل يريد أن يحمى نفسه أولا

وهذا هو المناخ المثالى لضياع الحقوق للناس الغلابه

تصدق إن فيه طلبه فى الصف الثالث والرابع لحد النهارده لم يدخل عليهم مدرس انجليزى ؟!!!!!


هى دى المثاليه والسياسه الناجحه !!!!!!!!!

لوإبنك مابين هؤلاء الطلبه هل سيكون هذا رأيك ؟

ومئات الفاكسات والتظلمات من أولياء الأمور

ولارد واحد ؟؟؟!!!!!!!!!!!!!!!!!!!!!

[سعد مشعل]

رجل كويس بس لسه فيه فى التعليم شويه كمان

[ostaz_yasser]

له الكثير من الايجابيات

[ostaz_yasser]

وعليه الكثير من السلبيات

[teacher_2]

أحسن وزير مسك التعليم حتى الأن هو الوزير ده
واللى مش عاجبه سياسته أكيد مبيشتغلش
وعاوز يفضل نايم فى العسل
بيصلح اللى يقدر عليه رغم الهجوم الشديد عليه

[طالبة ولكن]

اتفق معكم مئة بالمئة

ده راجل صح في المكان الصح بس في الزمن الغلط

[abousna]

كل واحد له سلبيات وايجابيات والاهم أن تكون الايجابيات أكثر
والحمد لله الايحابيات أكثر أهمها
1-خضور الطلبة بعل مختلف عما كان
2-اهتمام المدارس والادارات الذي اختلف
3-تحرك مدير المديريات والادارات
4-كتاب المدرسة الذي اتغير ومن يريد انيلاحظ فعليه بكتاب الرياضيات الصف الثالث الاعدادي
ولااطيل عليكم مدرس رياضيات ثانوي

[DR/ AHMAD]

المشاركة الأصلية كتبت بواسطة ابو ايمان و سما

نعم .......انه الرجل المناسب ف المكان المناسب

صح والله

احنا من هنا بنقوله

كمل واحنا وراك

[شبل.عزام]

انا مدرس انا معجب جدا بدكتور احمد بدر واشاء اللة سوف يكون للتعليم ازدهار على استمرارة ولابد وتعديل فى منهج رياضيات الصف الاول الاعدادى وكزلك حزف اجزاء من منهج الصف الثالث الاعدادى وجزء من الميكانيكا

[Soaad-532]

ربنا يوفق وزيرنا الدكتور أحمد ذكى بدر ونتمنى له ان يكون وزير دائم للتربية والتعليم .
وكل سنة ووزيرنا ونحن جميعا بخير.

[عاشقة الطفولة]

هو بصراحة كويس جداااااااااااااا

بس من ناحية تحكمه بالغياب وليه نسبة معينة فده ما ينفعشي مع طلبة ااالثانوية العامة

[DR/ AHMAD]

المشاركة الأصلية كتبت بواسطة عاشقة الطفولة

هو بصراحة كويس جداااااااااااااا

بس من ناحية تحكمه بالغياب وليه نسبة معينة فده ما ينفعشي مع طلبة ااالثانوية العامة

بكرة هيناسب الثانوية العامة لما الدروس تقل والامتحاانات تيجي من الكتاب المدرسي

وميخرجش الا حاجة بسيطة توضح الطالب الشاطر من غيره