|
||||||
| اجتماعيات طالب منتدى خاص بالطلاب لتبادل المعارف والحلول للمشكلات التعليمية والمسابقات والألغاز الهادفة |
 |
|
|
أدوات الموضوع | انواع عرض الموضوع |
|
|
|
#1
17-04-2014, 12:14 AM
|
||||
|
||||
45 يوم =شهر ونص
السلام عليكم ...عاملين ايه يا شباب ثانوى
 دلوقتى كله خايف ومرتبك وبيقول فاضل 45 يوم بس ع الامتحان ومش هاعرف مفتحتش ايه ومعملتش ايه ومش عارف هالحق ولا لا ... انت شايفاها 45 يوم حاول تشوفوها شهر ونص ... اى ماده مقصر فيها واى حاجه واقعه منك هتقدر تلمها بشويه مجهود منك .. ومعتقدش ان اى حد فيكم بيفكر انه يفرط ف حلمه ...مش هيبقى سنه قرف ودح ودروس وخوف وف الاخر برضه منخشش الكليه اللى انت عايزها ..ده يبقى ظلم حتى خليك واثق ف ربنا بجد ..ربنا قال أنا عند ظن عبدي بي..فليظن بي ما شاء... ها ..ياترى هتحسن الظن ف ربنا ولا هتقول لا انا مقصر ومش هقدر برضه طب خد ديه بقى : انا السنتين اللى فاتوا بجد كنت بحاول اعمل اللى اقدر عليه وو كنت ببقى نازل قلقان وعارف انى مقصر ف حاجات بس كنت بدعى : اللهم عاملنى برحمتك وبفضلك وبكرمك ...وبجد وعن تجربه ربنا كان بيقف معايا الحمدلله وحققت اللى انا عايزه خليك عارف ان ربنا قادر ع كل شئ وان طالما تعبت ربنا عمره ماهيخذلك بالعكس هيوسع عليك من فضله كمان متتخلاش عن حلمك بسهوله 
__________________
|
|
#2
17-04-2014, 12:00 PM
|
|||
|
|||
|
الكلام دا حني لو الحد مش مذاكر حاجة خالص ؟؟؟؟؟؟؟؟ وقاعد يدوبك 45 يوم هيقدر برضه والا لا ؟؟؟؟؟؟؟؟؟؟
__________________
يااااااااارب ادخل صيدلة يااااااااارب ادعولي ادعولي ادعولي 
|
|
#3
17-04-2014, 12:30 PM
|
||||
|
||||
|
اقتباس:
مفيش حد اصلا مش مذاكر حاجه خالص ....انتى اللى بتحاولى تقنعى نفسك انك ضايعه ومش مذاكره حاجه ..انما انتى عارفه حاجات كتير اوى وهتلاقى حاجات مقصره فيها وحاجات عايزه تعيديها وتقدرى تعملى اللى انتى عايزاه ف الشهر ونص دول
__________________
|
|
#4
17-04-2014, 01:03 PM
|
|||
|
|||
|
اقتباس:
كلكم متخيلين انه مفيش حد فعلا مش مذاكر من اول السنة بس انا اختلف عن الاخرون تماما يعني انا فعلا تقريبا ضايعة بجد مش مجرد كلام علشان كده مفيش حد بيديني اجابة مقنعة لانكم متخيلين اني مذاكرة بس انا بقنع نفسي اني مش مذاكرة للاسف دي مش حقيقة انا كنت اتمني تبقي حقيقة بس انا هعمل اللي عليا بس شكرا لحضرتك وجزاك الله خير الجزاء
__________________
يااااااااارب ادخل صيدلة يااااااااارب ادعولي ادعولي ادعولي
|
|
#5
17-04-2014, 01:20 PM
|
||||
|
||||
|
اقتباس:
مش قصدى برضه ...قصدى انك اكيد بتروحى دروس ...اكيد بتمتحنى ف الدروس ..اكيد ع الاقل خدتى واجبات ف الدروس وعملتيها او ع اقل تقدير نقلتيها...اكيد عندك معلومات عامه عن المنهج الحل : انك تبداى تشوفى المواد وتقسميها والمنهج بتاع كل ماده مش كبير اوى ...واهم حاجه انك تحلى الامتحانات بتاعه السنين اللى فاتت ..عشان الامتحانات بتتكرر بنفس الاسئله ...والاهم من ده كله الثقه بالله .متقوليش ربنا هيساوينى بواحده بتذاكر من اول السنه ..عشان انتى هتتعبى وهتشدى حيلك ال 45 يوم دول ...وانا كنت كده برضه كانت اعلى جبتها ف الفيزيا ف امتحانات المدرس 42 من 50 ف حين ان فيه ناس كانت بتجيب 60 من 50 وف اخر السنه جبت 49.5 فيزيا ربنا معاكى ادكتور
__________________
|
|
#6
17-04-2014, 02:20 PM
|
|||
|
|||
|
اقتباس:
قال يعني كنت باخد بالي مع الاستاذ وبروح الامتحانات والا كنت حتي بعمل اي واجب لاي مدرس  وهو فعلا عندي معلومات عامة كده لكن مش متوسعة في المنهج خالص وان شاء الله هشد حيلي بقي وكفاية شكوي لحد كده وشكرا ليك اوي علي تشجيعك وخصوصا علي الفيزياء ديت وربنا مع الجميع ان شاء الله وجزاك الله خير الجزاء
__________________
يااااااااارب ادخل صيدلة يااااااااارب ادعولي ادعولي ادعولي
|
|
#7
19-04-2014, 12:33 PM
|
|||
|
|||
|
اقتباس:
__________________
Turn a step_ back into a success
|
|
#8
19-04-2014, 01:25 PM
|
|||
|
|||
|
اقتباس:
 مفيش داعي اني اضيف حاجة لانه فعلا كل كلمة قولتها حضرتك صح وخصوصا في فكرة اني مستنية حد يقولي مش هتلحقي عشان الاقي لنفسي حجة معاك حق والله وانا اشكرك تاني وانا اللي هندم فعلا علي مستقبلي اللي بضيعو دون انا لازم افوق لنفسي بس فعلا حضرتك فوقتني بالكلمتين دول جزاك الله خيرا
__________________
يااااااااارب ادخل صيدلة يااااااااارب ادعولي ادعولي ادعولي
|
|
#9
17-04-2014, 02:27 PM
|
|||
|
|||
|
انا عــايز اسئل سؤال مختلف شوية .. هل 2 ثانــوى مقياس 3 ثانــــوى بمعنى انا الواحد ايــام ما كنا ف 2 ثانــوى ع سبيل المثال مــادة زى الجغرافيا مكنش بنفتحها من أول السنة ويدوبكـ تروح تسمعها ف الدرس مبيكونش اكتر من ساعة ومفيش ولا واجب ولاحاجة و كنا بناخدها ع نصف ترم كنا بنجاحـ أينعم مكنش بنقفل بس أنا ع ما افتكر انى كنت ناقص فيها حوالى8 درجات واحنا دلوقتى طالع عينية واجب ومراجعة نفسى انقص فيها 8 درجات بس و مواد زى علم نفس و الفلسفة مكنتش باخد فيهم درس وزكرتم ليالى الامتحان بس و نــقصت ف كل واحد اربع درجات بس و ع عكس التاريخ الـ كنت بذاكروا نوعا ما عنهم مهتم بيه نقص فية 10 درجات .. هدفى بس من دا كــلو ان الواحد ممــكن يضغظ ع نفسة شهر و نصف دووول مع المجهود الى كان بيعملوا طول سنةع عكس 2 ثانــوى الـ كنـــا مبلطجين فيهـا
وجبنا درجات نــوعا ما كويسة بنسة الواحد مكنش بيفتحها .. انــا مش طمعان غير انى دخل ف الثمانيات و الحق تنسيق مرحلة اولى مش اكتر .. لانى معظم كليات القمة بتاعة الادبى مش حــببها اســــــف جــــدا ع التطويل
|
|
#11
20-04-2014, 01:45 AM
|
||||
|
||||
|
اقتباس:
؟؟ وعملت ايه علشان تدخل كلية قمة وتستغل وقت ضيق زي كده ؟؟؟ وشكرا علي التفائل والدفعة القوية ديت
__________________
واكثر الفراق ألملا ......فراق الموت
|
|
#12
20-04-2014, 02:25 AM
|
|||
|
|||
|
اقتباس:
أنا الحمد لله بتوفيق الله ودعاء الوالدين دخلت كلية طب وجبت أعلى من مجموعها ب 4 درجات كمان
وبالنسبة لإستغلال الوقت الضيق أنا هقول لحضرتك بالظبط اللي حصل معايا ومن غير حلفان وربنا شاهد على كلامي أنا في 3 ثانوي - السنة اللي فاتت يعني - كنت مهمل جدا بطريقة - غريبة - لاني كنت جايب مجموع حلو في 2 والمفروض اني كنت هحافظ عليه ! معظم السنة مكنتش مهتم بالواجبات ودروس كتير مش بذاكرها وبالظبط كدا اخر شهر ( والله يمكن اقل من شهر كمان ) دا فعلا فعلا بدون اي مبالغة كنت ( ضايع ) بكل ما تحمله الكلمة من معنى في العربي كان عندنا 3 أجزاء قصة معرفش عنهم أي حاجة نهائيا النصوص مش حافظ ولا اي نص ولا مذاكر اي حاجة ضيااع تاام , الفيزياء كان عندي فصل الحرارة والفيزيا الحديثة النظري بتاعهم خصوصا والله حتى مكنت حضرت الشرح بتاعهم في الدروس , وحدث ولا حرج عن علم النفس - مادة كدا كنت واخدها كلها نظري طبعا وحفظ - وفي السنة دي مكنتش بحل كتير اصلا الكتب الخارجية كانت بيضااء ناصعة البياض تقريبا  بٍس .... قعدت بقى مع نفسي قعدة عرب اصالحها وقلت لنفسي طيب يعني انا لو مش جايب مجموع حلو في 2 كان ممكن اتقبل الموضوع اما انا كدا فعلا بضيع تعبي في 2 ومجهودي هيروح هدر !!!! وهندم ندمة عمري قلت مبدهاش هو شهر هنفخ نفسي فيه واللي يجي يجي وانا راضي باللي ربنا يقسمهولي بس اكون عملت حاجة !! والله حتى في البيت بقيت داير زي المجنون اقولهم مش لازم كلية قمة مالها يعني باقي الكليات - مع العلم ان باقي الكليات بردو كلها محترمة وجميلة بس دي كانت سلبية مني لاني اقدر اشتغل واخش كلية احسن من كدا - .. وبالفعل عملت جدول لنفسي - مع العلم ان الجدول دا فشل اكتر من 10 مرات وكل مرة اغير الجدول - وبدات انفذه طبعا انا اكيد مش هقلكم عملت الجدول ازاي او كنت بذاكر ازاي في الشهر دا لان كل شخص له طريقته الخاصة في المذاكرة ومن الصعب الناس كلها تتفق في طريقة واحدة يعني مثلا كنت بحل امتحانات ثانوية واي سؤال يقف قدامي اروح مذاكر الوحدة بتاعته كلها باسرع وقت ممكن دي كانت طريقة كدا .. والحمد لله ربنا سترها معايا وحققت الهدف دا اللي كان ساعتها اقصى حاجة كان ممكن اطمح ليها >>> مكنتش اعرف السواد اللي داخل عليه كان في دروس اقسم بالله اول مرة اذاكرها قبل الامتحان بيومين - معظمها حاجات نظري وحفظ عقيمة - الشاهد في الأمر أن الأمر ممكن ممكن ممكن والله ممكن وكل واحد فقد الأمل يقرا الكلام دا ويحاول يعمل حاجة شبهه انا فعلا مش بكدب عليكم وكل دا حصل .. وربنا يوفقكم يا رب واسف على الرغي يلا توكلوا على الله كدا واستهدوا بالله وابدأوا >> مش عارف اذا كاتبها صح وللا لا ×.× لانكم هتيجوا قبل الامتحان باسبوع هتقولوا ياااااااه فاكر لما كان قدامي شهر ونص واسال مجرب بردو 
|
|
#13
20-04-2014, 02:29 AM
|
||||
|
||||
|
اقتباس:
وعبالي يارب لما ادخل طب او صيدلة مع انه مستحيل بس يارب انا استفدت منه كتير شكرا اوي لحضرتك وجزاك الله خير يارب
__________________
واكثر الفراق ألملا ......فراق الموت
|
|
| العلامات المرجعية |
«
الموضوع السابق
|
الموضوع التالي
»
العرض المتطور
|
|
جميع الأوقات بتوقيت GMT +2. الساعة الآن 01:47 PM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
