اللى فى صيدلة يدخل هنا اكبر تجمع لاسئلة الصيدلة

[راية الحق]

ايه اخبار انجليزى الصيدلة هل يجب اخذ قرص انجليزى لانى ضعيف فى الانجليزى (مييييييييييح) ولا عادى



و اللى عندة اى سؤال يتفضل

[babagamil]

حضرتك داخل لسه صيدله ولا فى سنه كم؟وحضرتك فى صيدلة ايه؟وياريت تعرفنا بنفسك

[اعمروو]

ايوة انا برضة حضرتك عايز اعرف ممكن نفهم من غير كورسات ولا دى ضرورى
انا اعدادى صيدلة
وهو كورس الانجليزى لية علاقة بالصيدلة مش دة جرامر وكلمات ولا ممكن اختار تخصص معين او اعمل ككورس فى جزء يخص الصيدلة

[د / الشيماء]

انا مش عارفة اذاكر ازاى ؟
باخد وقت كتير ف الترجمة ومش بلحق احفظ

[Bent 3bdo]

الانجليزى ف الاول بس وبعد كده هتتعودوا ومش هتبقى مشكله خالص الا ف تعبيرات معينه و الدكاترة هيقوللكو عليها بالنسبه للمذاكرة هو بغض النظر عن انكو مجتهدين ما شاء الله وبتذاكرو م اول اسبوع اكيد ف الاول مش هتبقو فاهمين حاجه لسه نظام جديد و انتو متعودين ع ثانويه عامه وكله بالمعلقه و يتشرح و يتعاد 100 مرة حبه حبه و هتتأقلمو انا اعدادى دى كلها مكنتش فاهمه فيها حاجه فيه ناس بتاخد شهر ناس شهرين ناس ترم انتو متضيعوش وقت كتير ف الترجمه و كل كلمه بقى وا لكلام ده حاولو تستنجو م سياق الكلام و ركزا ف المحاضرات غالبا اول سنه بيشرحو بالعربى فلوركزتو هيسهل عليكو و مش هتاخدو وقت كتير ف الترجمه ترجمه كل حاجه هتضيع وقت و مجود كبير و هتكرهك ف نفسك وربنا يوفقكو

[عبدالله إسلام]

لو الواحد عنده الدكاترة في غاية السوء والواحد بالكاد بيفهم كلمتين بس من شرحهم
ومش من اول ولا اسبوع ولا اتنين
هوا شرحهم كدا علطول
ايه الحل ؟

[محمد عيد عتيق]

ده يروح يموت بقى
يعنى داخل صيدلة ومش عارف إن هتقابلك تحديات
لو مش قدها من دلوقتى ماتخشهاش
أنا لسه مادخلتهاش بس على يقين بأنى هقابل تحديات كتيرة فاستعن بالله واعلم أن المطر يفتت الصخر بتكراره وليس بشدته
يعنى ذاكر وراجع واحفظ وافهم و...و.....أكثر من مرة

[tamer basiony]

المشاركة الأصلية كتبت بواسطة محمد عيد عتيق

ده يروح يموت بقى
يعنى داخل صيدلة ومش عارف إن هتقابلك تحديات
لو مش قدها من دلوقتى ماتخشهاش
أنا لسه مادخلتهاش بس على يقين بأنى هقابل تحديات كتيرة فاستعن بالله واعلم أن المطر يفتت الصخر بتكراره وليس بشدته
يعنى ذاكر وراجع واحفظ وافهم و...و.....أكثر من مرة

كلام جميل جدا