لماذا انخفضت أسعار السيارات في العالم كله باستثناء مصر؟

منير هانى · #1 26-12-2008, 10:46 AM

بالرغم من انخفاض الأسعار عالميا....
وبالرغم من ان المملكة المغربية ستصدر أول دفعة من انتاجها من السيارة لوجان‏,‏ وهي تصميم شركة رينو الفرنسية‏,‏ إلي دول اتفاقية أغادير وذلك وفقا لما تنص عليه الاتفاقية بالاعفاء الجمركي لصادرات وواردات دول الاتفاقية الاربعة‏(‏ المغرب ومصر وتونس والاردن‏)‏ من السيارات بشرط ألا تقل نسبة المكون المحلي عن‏40%‏ من سعر بيع المصنع للسيارة‏.‏ وبالتالى ستنافس التوكيلات المحلية
بالرغم من ذلك لم تنخفض اسعار السيارات... لماذا ؟
هل عدم وعى اصحاب التوكيلات بخطورة الموقف ؟
هل الأزمة العالمية لن تؤثر على صناعة السيارات فى مصر؟
هل هى عملية وقت واختبار لطول النفس... فالتوكيلات لا تريد ان تعطى ايحاء بخفض الأسعار حتى لا يؤخر المستهلك قرار الشراء؟
ارجو مناقشة الموضوع...
وأبدء بوجهة نظرى:
من منطلق ان المستهلك المصرى غير واعى ببعض المفاهيم الاقتصادية و كونه يتعامل بفردية شديدة عند ارتفاع الأسعار.. بل على العكس قد يزيد شراء السلع المتزايدة السعربحجة احتمال ارتفاع اسعارها اكثر او لزوم المنظرة
وبالتالى لعلم التوكيلات المحلية بشخصية المستهلك المصرى ... فهى لا تريد ان تعطى ايحاء بخفض الأسعار حتى لا يؤخر المستهلك قرار الشراء فيتراكم المخزون من السيارات وتأتى موديلات 2009 بالرغم من عدم بيع موديلات 2008
وكأن مصر موجودة فى كوكب المريخ ... وكأننا نعيش فى احدى غابات الأمازون... فقد قامت جميع التوكيلات العالمية بخفض الأسعار فى اوربا و الخليج...

الاستاذ/توفيق عزت · #2 26-12-2008, 09:36 PM

حبيبى الغالى / منير هانى عضو جديد
انت اللى من كوكب تاااااااانىىىىىى
انت فى مصر يا حبة عينى
و مصر .... يا اللى انت مش فيها ( ما تزعلش منى )
ماسكها احمد عز و شركاه و اشباهه
هم يضعوا السعر اللى على كيفهم ......... و اياك تتكلم
لو حد غيرهم استورد ..... يحاربوه و يشتروا منه الكمية اللى معاه و هى لسة فى المركب فى البحر
و لو المهندس / رشيد .... قال تصريح .. يقول . خلى .اللى يقول يقول
و لو حد حب يستورد و ما قدروش عليه
يبعتوا له العفاريت ... الضرايب تحاسبه من 20 سنة
و التامينات الاجتماعية تعمل له محاضر و قضايا و يا الدفع يا الحبس
و وزارة الصحة تعمل محاضر
و وزارة التموين
و الرخص
و السجل التجارى
و رسوم النضافة
و العوايد
و الارضية فى المينا
و كل اللى رايح
و كل اللى جاى
ايه يا اخى زهقتنى . كفاية عليك كدة !!!!!!!!!!!؟؟؟؟؟