يعنى ألسن ولا أثار احسن

[Angle In Dark]

حيرتونى بين كلية ألسن وكلية أثار انهى احسن بصرف النظر ان كل طالب بيقول ع كليته انها احسن كلية و..و..و..
يا جماعة بليز ساعدونى ربنا يكرمكم وميضيعلكوش تعب عاوزة الناس تتكلم عن المزايا والعيوب بتوع الكليتين دول وبليزززز بسرعه وشكرا لكل اللى هيعبرنى مقدما

[عاشق البلانكو الابيض]

بص انا من وجهة نظرى السن احسن وافضل
هتتكلم لغة كويس ودلوقتى اى شغل بيعتمد على الالغات
وبعدين باللغة دى ممكن تشتغل بالسياحة تبع الاثار يعنى
وفى النهاية ليك حرية الاختيار

[Angle In Dark]

(بصى _ ليكى )انا بنت ههههههههههههههه
انا بحب كلية ألسن فعلا ونفسى ادخلها بس معرفش عنها كتير وكنت عاوزة احدد رغبات كتير ولقيت ان أثار برده مش وحشه
بس بليز عايزة اعرف اى حاجة تانية عن كلية الالسن حجة جديد غير المشاركات السابقه

[Guitarist]

السن مجالاتها اوسع بكتييييييييييير مش سياحة و بس خلاصة الكلام السن احسن كلية ادبية و مش مبالغة و مش عشان انا فيها والله

[Angle In Dark]

المشاركة الأصلية كتبت بواسطة guitarist

السن مجالاتها اوسع بكتييييييييييير مش سياحة و بس خلاصة الكلام السن احسن كلية ادبية و مش مبالغة و مش عشان انا فيها والله

خلاص ضاعت منى ومبقتش لا عيزاها ولا عايزة غيرها

[Amr 18]

المشاركة الأصلية كتبت بواسطة angle in dark

خلاص ضاعت منى ومبقتش لا عيزاها ولا عايزة غيرها

): بصي قدر الله وما شاء فعل انا عارف انه مش سهل تقبل وضع ان الكلية ال نفسك فيها تروح منك بس مع الوقت والتعود ع الكلية ال دخلتيها هتتعودى ومش شرط عشان توكني مميزة تدخلي كلية معينة الشرط انك تهتمي بالكلية ال دخلتيها وتذاكرى كويس وخليها ع الله

[elodma7500]

أنا في أثار وبقولك أثار أحسن لأن لو دخلتي ألسن هتتخصصي في اللغات بس طب وبعدين هتعملي إيه ؟؟؟؟؟ هتشتغلي مرشدة سياحية ؟؟؟؟ هتحتاجي تاخدي دبلومة في الأثار المصرية والإسلامية يعني هتضيعي سنتين أو تلاتة فإنتي لو دخلتي أثار بجانب إنك تاخدي قرص إنجلش + أي لغة تانية هتغنيكي عن الدبلومة دي اللي هتضيع سنتين أو 3 من مستقبلك