فرحـان بيكـ اوى اوى . . . لـ طلبه الثانويـه العامـه . . Encouragement

[Yes We Can]

برافوووووووووووو


برافوووو برافووووووو عليكـ . . احييكـ على انكـ عاوز تبقـى احسن

- هو انا لسه عملت حاجه عشان ابقـى احسن !!!

انكـ عاوز تبقـى احسن ,, هـى دى النيـه !

انكـ دخلت التوبيكـ ده عشان عاوز تعرف او تفهمـ او تطور نفسك

اكيد ده شىء جميـل منكـ و اوعدكـ انك هتتحسن

مش من التوبيكـ !! او شكر فـ التوبيكـ !!!

التغييـر هيجـى منكـ انت

المشكله ان فيـه شويـه تراب هنضفـه مع بعض

احنا جايين هنا نتكلمـ مع بعض حبتين تلاتـه كده

الكلامـ هيكون بينـى وبينكـ . اتفقنـا ؟؟

- اتفقنـا

طيب كمان مره برافوووووووو عليكـ

انا فرحان بيكـ اوى اوى اوى

فرحان ان فيـه زيكـ عنده نيـه للتغيـر

فرحـان ان فيـه زيكـ بيحاول يصلح غلطاته

فرحان ان فيه زيكـ مش بيستسلم لليأس

فرحان ان فيه زيكـ بيحاول يدور على حلول

انت كمـان لازمـ تفرح بـ نفسكـ

امممممممـ رغينـا كتيـر صح ؟؟

- الصراحـه انت رغااااى اوى

طيب حاضر ,, تعالى نتكلمـ شويه

احنـا دلوقتـى فـ ثانويه عامـه

اكيد نفسكـ تحقق حلمكـ و تذاكر و تجيب مجموع عالى

صح

- اكيـد

طيب كويس خااااااااالص

احنا دلوقتـى حققنـا 50 % من مجهودكـ

- هااه ازاى

مـ انا قولتلك انكـ عندك النيـه !! دى عندى 50 %

بص احنا لو هنتكلمـ بـ كلام علماء النفس و التنميـه البشريه هاقولكـ

ان التغييـر الداخلى هو الطريق لـ التغيير الخـارجى
و ان الدافع الداخـلى هو مصباح العمـل المراد فعله
و ان الاصرار على العمـل هو بدايـه الطريق

يعنـى كامـ كلمه فـ كلمه كونت جمله

احنا بنتكلم و بندردش و مش فاتحين كتب دلوقتـى

يبقـى نتكلمـ و نرجع لـ موضوعنـا

اكيد انت :

اتخنقـت - حاسس بـ الملل - اليأس - احباط - خوف شديد - تردد
تفكير سلبـى - ندم - قلق - تذكـر

حاجات كتيـر و مصطلحات اكتـر و اكتـر

بس ربنـا مدينـا حاجه واحده تقدر تهدم ده كله

هـى : الايمـــــــــــــــــــــــــــــــــان

امسكـ معايا بقـى

ايمـان بـ الله

( انا مؤمـن بـ ربنا ان زى مـ خلقنـى هيخطط حياتـى و احسن تخطيط كمان )
( زى مـ ربنا دبر حياتـى اللى فاتت هيدبـر حياتـى اللى جايـه )
( ده ربنـا بيحب الخيـر ليا و عادل . اكيـد محضر حاجه حلوه جدا ليا )

ايمـان بـ نفسكـ

( الانسـان ده شىء عظيم جدا خلقـه ربنـا )
( الانسـان ده ليه مميزات كبيـره جدا جدا )
( الانسـان ده جوهره لا تقدر بـ ثمن )

اهم قسميـن من الايمـان همـا دول

تعالى تركز و نربطهم بـ بعض فـ كام جمله مفيده

ايمـان بـ الله انـه اعطانـى انا الانسـان موهبـه و قدره عظيمـه على فعل الاشياء
و لذلكـ انا الانسان اؤمـن بـ نفسى التى خلقها الله فـ احسن صوره و مثال

طيب مالكـ بقـى !!! فيـه ايه ؟؟

شويه قلق و خوف و ندمـ على خليط اليأس و الاحباط عملوا فيكـ كده !!!

فوق لـ نفسك و اعرف انت مين و ربنـا خلقكـ ليه ؟؟

فوق و فكـر ان طالمـا فيه وقت تقدر تعمل آى حاجه بـ معونه ربنـا

لو فاتك دروس ذاكرها ,, لو فاتك واجبات حلها ,, لو ... لو ... !!!

مش مهمـ فات قد ايه طالمـا قولت يارب و اتوكلت على الله

طالمـا بدأت من بعد التوبيكـ ده او بدأت قبل كده

يبقـى انسى اى وقت فات مهمـا كانت مدتـه او ظروفـه

تعالى نرسمـ طريقين

الاول : فضلت زى مـ انت كده فـ الحالات دى ,, هتاخد ايه
هتفضل زى مـ انت و هتسوء و تسوء و تسوء لـ اسوء الحالات
مش الدراسيه بس !!!
ده هتلاقـى حياتكـ الاسريـه و بين صحابك و بينك و بين نفسك

اما الطريق التانـى : انكـ تثق تماما انك تقدر لان ربنـا معاك
هتلاقـى طريق فـ الاول صعب
زى مـ بتسخن العربيه هتلاقيهـا بطيئه حبتين
بس بعد كده هتلاقيهـا عـ السريع
بس ثق ان ربنـا معاكـ و هيساعدك عشان حابب ليكـ الخيـر

اوعـى تقول ربنـا مش هيوفقنـى عشان فات كتيـر !!!

بص طالما بدأت هتلاقـى ربنـا فرح بيكـ اوى اوى

هتلاقيـه وقف جمبكـ و شجعكـ و رسم ليك طريق جديد بدل اللى ضاع

هتقول اللى الناس عملتـه فـ شهور هيكون زى اللى عملته فـ كام يوم !!!

هقولكـ ان ربنـا حنين اوى اوى علينـا

انت لو مؤمن بـ قدراتك و مؤمن ان ربنـا هيديك

هتقدر تعمل اللى عملوه فـ شهور هتعمله انت فـ كام يوم

ارجوكـ . . احسب بـ الكميـه مش الوقت

ارجوكـ . . احسب بـ رحمـه ربنـا و عدل ربنـا

ارجوكـ . . فكر بجد . . هتلاقـى ربنـا معاكـ بجـد

و ابدأ . . و اشتغل . . و ازرع . . هتلاقـى الحصاد

انت بس قول " يـارب " و ابدأ هتلاقيـه معاكـ

دلوقتـى هقولكـ الف الف الف مبروووووووكـ

على اتخاذكـ القرار ده . . قرار انكـ عاوز تبقـى احسن

" ربنـــــــا يوفقنـا جميعـــــــا "

تحيــــــــــــاتـــــــى

Yes We Can

[شذى العطر]

موضوع راااااااااااااااااااااائ
العلماء فعلا بيقول النية بس كل الناس عندها نية لازم م النية الارادة
شكرا على التوبيك ده
تم التقيم
بس سؤال كده
لقيت بتقول العربي وفي الاول صعب وهتلاقيه بعد كده سهل
يعني هوة العربي صعب لدرجادي
ده كتاب واحد من غير مؤاخذة يعني تافه
إيه إلي صعب فيه يعني
وشكرا على التوبيك مرة ثالثة

[Yes We Can]

المشاركة الأصلية كتبت بواسطة شذى العطر

موضوع راااااااااااااااااااااائ
العلماء فعلا بيقول النية بس كل الناس عندها نية لازم م النية الارادة
شكرا على التوبيك ده
تم التقيم
بس سؤال كده
لقيت بتقول العربي وفي الاول صعب وهتلاقيه بعد كده سهل
يعني هوة العربي صعب لدرجادي
ده كتاب واحد من غير مؤاخذة يعني تافه
إيه إلي صعب فيه يعني
وشكرا على التوبيك مرة ثالثة

اولا : شكرا جـدا على مروركـ الرائـع و التقييمـ كمان

ثانيـا : الصراحه انا مش فاهم قصدكـ بخصوص العربى !!!

هو انا قولت فـ التوبيك عربـى صعب !!! مممممـ مش فاهم قصدك

ارجـو التوضيـح

اسعدنـى مروركـ . . .

[شذى العطر]

زى مـ بتسخن العربيه هتلاقيهـا بطيئه حبتين
بس بعد كده هتلاقيهـا عـ السريع
ياه دا انا مخي ضرب
حسبت العربية عربي ومعنى الكلام العربي في الاول صعب بس بعد كده سهل
لا مكتبتش عربي ولا حاجة انا إلي إتهيإلي
ومعلشي على الغلطة
وشكرا على الرد

[Yes We Can]

المشاركة الأصلية كتبت بواسطة شذى العطر

زى مـ بتسخن العربيه هتلاقيهـا بطيئه حبتين
بس بعد كده هتلاقيهـا عـ السريع
ياه دا انا مخي ضرب
حسبت العربية عربي ومعنى الكلام العربي في الاول صعب بس بعد كده سهل
لا مكتبتش عربي ولا حاجة انا إلي إتهيإلي
ومعلشي على الغلطة
وشكرا على الرد

و لا يهمكِ ده طبيعـى لمـا نوصل لـ الشهور دى
لازمـ يحصل كـده

بس من عندى لو عاوزانـى اغيرهـا لـ العربـى
و اقولكِ رآىء فـ العربـى منعا للاحراج

اسعدنـى مروركِ كمـان مره . .

[شذى العطر]

و لا يهمكِ ده طبيعـى لمـا نوصل لـ الشهور دى
لازمـ يحصل كـده
يارب بس مخي يفضل لغاية لما الامتحانات تخلص وبعدين يضرب ههههههههههه
بس من عندى لو عاوزانـى اغيرهـا لـ العربـى
و اقولكِ رآىء فـ العربـى منعا للاحراج
لا مفيش مشكلة
بعدين مش هتقدر تغيرها الوقت فات على تعديل الموضوع
ممكن تقول رأيك في العربي
اسعدنـى مروركِ كمـان مره . .

وانا كمان

[Yes We Can]

المشاركة الأصلية كتبت بواسطة شذى العطر

و لا يهمكِ ده طبيعـى لمـا نوصل لـ الشهور دى
لازمـ يحصل كـده
يارب بس مخي يفضل لغاية لما الامتحانات تخلص وبعدين يضرب ههههههههههه
بس من عندى لو عاوزانـى اغيرهـا لـ العربـى
و اقولكِ رآىء فـ العربـى منعا للاحراج
لا مفيش مشكلة
بعدين مش هتقدر تغيرها الوقت فات على تعديل الموضوع
ممكن تقول رأيك في العربي
اسعدنـى مروركِ كمـان مره . .

وانا كمان

فـ ايدينـا اننا نحافظ على عقلنـا الفتره دى

بـ 3 حاجات بسيطه خاااااالص خااااااالص

الامتنـاع عن : 1 - التوتـر / 2 - الخـوف / 3 - التفكيـر فـ الماضى

و ممكن نعمـل الرابعه الامتنـاع عن الاكل و الشرب و النت كمـان .

اسعدنـى مروركِ كمـان مـره . .

[Only Forward]

شكرا جزيلا علي الكلام ده


فعلا الواحد كان محتاجه من زمان

[shymaa mouhamed shoman]

الموضوع اكتر من رائع
جزاك الله خيرا
وربنا يوفقنا كلنا

[Alyaa Dfnany]

كلام ( رائع - - مشجع - - مبهر )

من شخص يستحق التقدير و الاحترام و مساعدة الاخرين .

بجد موضوع فعلا راائع .. احييك عليه .

وحقا موضوعاتك رائعة جميعها .. شكرا جزيلا

[مريم السباعى.]

اجمل شئ فى موضوعاتك يا مارك انك حتى لو من جواك مش حاسس بكلاام دة ومش قادر تنفذه فبتكتبه عشان غيرك يستفاد بى ويكون دة دافع لتغير ليك وليهم
بجد ارفع للك القبعة ربنا يوفقك ويفوقكم كلكم ياااارب

[Yes We Can]

المشاركة الأصلية كتبت بواسطة مريم السباعى.

اجمل شئ فى موضوعاتك يا مارك انك حتى لو من جواك مش حاسس بكلاام دة ومش قادر تنفذه فبتكتبه عشان غيرك يستفاد بى ويكون دة دافع لتغير ليك وليهم
بجد ارفع للك القبعة ربنا يوفقك ويفوقكم كلكم ياااارب

طب و ليـه الاحراج ده بس

بس عـ العموم دى شهاده اعتـز بيهـا

و انا بحـاول طبعـا انفذ بيهـا

و اذا فيهـا رزاله رجعـى القبعه عشان متطيرش مـ الهواء

اسعدنـى مروركِ الرائع

نـورتِ التوبيكـ

ربنـا يوفقنـا جميعــا . . .

[Yes We Can]

المشاركة الأصلية كتبت بواسطة shosho shoman

الموضوع اكتر من رائع
جزاك الله خيرا
وربنا يوفقنا كلنا

اسعدنـى مروركِ الرائع

نـورتِ التوبيكـ

ربنـا يوفقنـا جميعــا . .

المشاركة الأصلية كتبت بواسطة alyaa dfnany

كلام ( رائع - - مشجع - - مبهر )

من شخص يستحق التقدير و الاحترام و مساعدة الاخرين .

بجد موضوع فعلا راائع .. احييك عليه .

وحقا موضوعاتك رائعة جميعها .. شكرا جزيلا

ربنـا يخليكِ

اسعدنـى مروركِ الرائع

نـورتِ التوبيك

ربنـا يوفقنـا جميعــا . . .

[beta777]

جزاكم الله كل خير على التوبيك دا
و ياريت كمان توبيكات عايز تحفيز جامد جدا
عايز التراس:a v4056bb7jp3:يقعدوا يقولوا "زاكر وانسي اللى فات زاكر زاكر زاكر زاكربرافوا عليك برافوا عليكيلا كمان يلاكمان "
ندمان على كل لحظة حيرة ضيعتها مابين النقل بين المواد وتضيع الوقت بس ربنا هيستر ان شاء الله

[Yes We Can]

المشاركة الأصلية كتبت بواسطة beta777

جزاكم الله كل خير على التوبيك دا
و ياريت كمان توبيكات عايز تحفيز جامد جدا
عايز التراس:a v4056bb7jp3:يقعدوا يقولوا "زاكر وانسي اللى فات زاكر زاكر زاكر زاكربرافوا عليك برافوا عليكيلا كمان يلاكمان "
ندمان على كل لحظة حيرة ضيعتها مابين النقل بين المواد وتضيع الوقت بس ربنا هيستر ان شاء الله

برافووو عليكـ انت على آخر جملتين
انكـ عرفت غلطتك
و عرفت ان لسه فيـه وقت

مش مهم بـ النسبه لك كام توبيك يحفزك !!
عشان بقـى عندك انت فـ تفكيرك انك تقدر تعمل حاجه
و حاجه كبيره كمان و تثبت لـ نفسك كده

و زى مـ قالو " اللى فات مات "
و مش مهم فات قد ايـه طالمـا بدأت
انت بس قول " يـارب " . .

اسعدنـى مرورك الرائـع

نـورت التوبيكـ . . .