بخصوص نص الرثاء

[Dr.M0hamed]

بسم الله الرحمن الرحيم

نص الرثاء لابن الرومي كان السنين اللي فاتت دراسة ولكن السنة دية بئة حفظ

حبيت ابلغ علشان الناس اللي مش عارفة

وفي بيت مش فاهمة (((بمعني تاني لمدرسين كتير سئلتهم اقوال مختلفة )))

اللي هو


ولله كيف اٍختار واسطة العقد

في بعض الناس بيقولوا الشاعر بيعترض علي امر الله وفي ناس تاني بتقول لا والسبب ان هو كان اكتر عائلتة بيموتوا فبيقول يا رب كيف اخترت واسطة العقد

حقيقي انا محتار جدا

نسمع الاراء والحجج والبراهين

[LuV2Be_Hero]

أولاً : شكراً عالمعلومة
ثانياً : لا يا مان هو مش بيعترض على أمر الله ولا حاجة بس انا بيتهيألى انه بيحاول يبين مكانة ابنه الاوسط بس مش أكتر
بس عالعموم انا مش عارف بصراحة وممكن نسمع رأى احد المدرسين

[Dr.M0hamed]

المشاركة الأصلية كتبت بواسطة DoN_TenY

أولاً : شكراً عالمعلومة
ثانياً : لا يا مان هو مش بيعترض على أمر الله ولا حاجة بس انا بيتهيألى انه بيحاول يبين مكانة ابنه الاوسط بس مش أكتر
بس عالعموم انا مش عارف بصراحة وممكن نسمع رأى احد المدرسين

ازاي هيوضح مكانة ابنة ؟

ياريت حد يفيدنا في الموضوع دة

[reemaya]

شكرا على المعلومه وعاوزه اقولكم كمان ان نص الربيع بقى دراسه مش حفظ
اما بالنسبه (فلله كيف اختار واسطه العقد)
الشاعر هنا مش بيعترض على امر الله ولا حاجه
ولكنه بيتأمل قسوه الموت الذى اختار احب ابناؤه اليه وهى كانت شبيهه بواسطه العقد والتى يفقد العقد قيمته بدونها كما كان السائدفى كثير من الشعر العربى

[Dr.M0hamed]

المشاركة الأصلية كتبت بواسطة reemaya

شكرا على المعلومه وعاوزه اقولكم كمان ان نص الربيع بقى دراسه مش حفظ
اما بالنسبه (فلله كيف اختار واسطه العقد)
الشاعر هنا مش بيعترض على امر الله ولا حاجه
ولكنه بيتأمل قسوه الموت الذى اختار احب ابناؤه اليه وهى كانت شبيهه بواسطه العقد والتى يفقد العقد قيمته بدونها كما كان السائدفى كثير من الشعر العربى

ازاي بيتامل قسوة الموت ؟

رغم ان في ابيات هو شرح فيها ازاي ابنة بيموت

اللي هيا

يالك من نفس تساقطت انفسا تساقط در من نظام بلا عقد

ما زال البحث جاري عن اجابة منطقية

[ليزا كذا ميزه]

بسم اللله الرحمن الرحيم
اولا نتكلم كده مع بعض عادى الاول دلوقتى لو حد معاه عقد واجوهره اللى فى النص وقعت ايه اللى هيحصل فى العقد صح كله هيقع هيبوظ يعنىيعنى الجوهره دى اللى مدياله منظر جميل ماسشي نطبق هنا بقى
ابن الرومى قال اختار واسطه العقد دى تدل على شده حسرته على مفارقته لالبنه ودل على حبه الشديد له وبدونه لقد احس بمراره الحياه

[Dr.M0hamed]

المشاركة الأصلية كتبت بواسطة ليزا كذا ميزه

بسم اللله الرحمن الرحيم
اولا نتكلم كده مع بعض عادى الاول دلوقتى لو حد معاه عقد واجوهره اللى فى النص وقعت ايه اللى هيحصل فى العقد صح كله هيقع هيبوظ يعنىيعنى الجوهره دى اللى مدياله منظر جميل ماسشي نطبق هنا بقى
ابن الرومى قال اختار واسطه العقد دى تدل على شده حسرته على مفارقته لالبنه ودل على حبه الشديد له وبدونه لقد احس بمراره الحياه

تمام بس دة برضة مش سوالي حضرتك بتتكلم عن تعبير واسطة العقد لكن انا بتكلم عن الاسلوب نفسة


(((كيف اختار واسطة العقد))))

دة اللي اقصدة

[@ميرام@]

هو فعلا شبه اعتراض على قضاء ربنا ،ودا الشرح اللى ملهولنا المستر "يتعجب الشاعر كيف اختار القدر اوسط الابناء فهو مثل الجوهرة فى وسط العقد "يعنى هو مش بيعترض اوى ،هو بيتعجب من القدر اشمعنا اختار دا بالذات وواسطة العقد تعبير عن اهميته يعنى هو كالجوهرة فى وسط العقد واذا سقطت الجوهرة انفرط العقد يعنى بموته انفرط عقد العائلة وتشتت شملها ودا تشبيه تمثيلى والله اعلم .

[ولاء البحيرى]

هو ده شبه اعتراض على قضاء الله بس رد على ذالك انه اب هزت الفاجعة كيانة فلم يدرك ماذا يقول
الشاعر كان بيوضح مدى المعاناة التى تعرض لها ابنه