أرجوكم أدخلو طلب بسيط بالله عليكم

[mahmouedr]

بسم الله الرحمن الرحيم

أزاى الواحد يرفع تركيزه و أصراره و حبه للمادة أثناء الدراسة؟؟أزاى تذاكر و تعيش فى المادة ؟؟ أزاى يحب المادة

و أيه أفضل طرق و أوقات المذاكرة

و هل أذكر و أنا ماشى و لا جالس و لا أيه

أنا كنت فى ثانية ثانوى حابب المذاكرة لكن فى ثالثة مش عارف أيه اللى حصل أزاى أرجع زى مكنت؟؟؟ أرجوكم بالله عليكم

[المسلمة الصغيرة]

استعن بالله واقرا قران قبل ماتذاكر ولو ايتين وضع امامك هدف وسيعينك الله ان شاء الله

[mahmouedr]

شكرااااااااا جدا ليكى

[coody]

اولاً كل واحد ليه طريقة للمذاكرة بتختلف عن التاني
يعني مثلاً انا بحب اذاكر و انا قاعد في مكان معين في بيتنا و رابع رجلي عن الارض
عادة
شوف الطريقة اللي بتحبها و ذاكر عليها
اما التوقيت فيقال ان افضل وقت هو بعد الفجر
و دي برضه بتبقي عادات برضه يعني انا بحب اذاكر بعد العشاء
قبل كده مفتحش كتاب ابداً
اما ازاي تحب المادة دي ليها كذا طريقة
انا عن نفسي علشان احب المادة
لازم اذاكرها الاول و بعد كده اتسائل عن اسئلة فيها بس برة المنهج
و ادور عليها علي النت بعد كده
في الفيزياء مثلاً لما اخد مثلاً اشعاع الجسم الاسود لازم اتسائل
ايه اللي هيحصل لو ..... و ياتري لو عملت كذا هيحصل ايه؟
كده تبدأ تحب المادة لما تبدأ تحس انك بدأت تعرف فيها شوية حلوين
و تتحدي نفسك في الرياضة في انك تتحدي نفسك في انك تطلع اكتر من حل في المسألة الواحدة
و انك تقول مثلاً: لا يمكن لسطر واحد انه يعجزني عن حله!!
دبعات معنوية بتخليك اكتر اصرار و تركيز علي المذاكرة و الحل
و طبعاً ما قالت المسلمة الصغيرة لازم تتبعه لانه فايدة ليك في الدنيا و الاخرة
و ارجو اني مكنش طولت عليك