|
||||||
| ركن العائلة منتدى يهتم بكل ما يخص الأسرة |
 |
|
|
أدوات الموضوع | انواع عرض الموضوع |
|
|
|
#1
07-08-2014, 01:20 AM
|
||||
|
||||
وصية أبن حنبل لأبنه يوم زواجه ..!!
  وصية أبن حنبل لأبنه يوم زواجه , رحمه الله !! أي بني:- إنّك لن تنال السعادة في بيتك إلا بعشر خصال تمنحها لزوجتك فاحفظها عني واحرص عليها:-  أما الأولى والثانية: . إنّ النّساء يحببن الدلال ويحببن التصريح بالحب، فلا تبخل على زوجتك بذلك،فإن بخلت جعل بينك وبينها حجابًا من الجفوة ونقصًا في المودة. وأما الثالثة: إن النساء يكرهنَ الرجل الشديد الحازم ويستخدمن الرجل الضعيف اللين فاجعل لكل صفة مكانها فإنه أدعى للحب وأجلب للطمأنينة. وأما الرابعة: إنّ النساء يُحببن من الزوج ما يحب الزوج منهنّ من طيب الكلام وحسن المنظر ونظافة الثياب وطيب الرائحة فكن في كل أحوالك كذلك. أما الخامسة: إنّ البيت مملكة الأنثى وفيه تشعر أنّها متربعة على عرشها وأنها سيدة فيه، فإيّاك أن تهدم هذه المملكة التي تعيشها، وإياك أن تحاول أن تزيحها عن عرشها هذا، فإنّك إن فعلت نازعتها ملكها، وليس لملكٍ أشدّ عداوةً ممن ينازعه ملكه أما السادسة: إنّ المرأة تحب أن تكسب زوجها ولا تخسر أهلها، فإيّاك أن تجعل نفسك مع أهلها في ميزان واحد، فإمّا أنت وإمّا أهلها، فهي وإن اختارتك على أهلها فإنّها ستبقى في كمدٍ تُنقل عَدْواه , حياتك اليومية. أما السابعة: إنّ المرأة خُلِقت مِن ضِلعٍ أعوج وهذا سرّ الجمال فيها، وسرُّ الجذب إليها وليس هذا عيبًا فيها "فالحاجب زيّنه العِوَجُ"، فلا تحمل عليها إن هي أخطأت حملةً لا هوادة فيهاتحاول تقييم المعوج فتكسرها وكسرها طلاقها، ولا تتركها إن هي أخطأت حتى يزداد اعوجاجها وتتقوقع على نفسها فلا تلين لك بعد ذلك ولا تسمع إليك، ولكن كن دائما معها بين بين. أما الثامنة: إنّ النّساء جُبلن على كُفر العشير وجُحدان المعروف، فإن أحسنت لإحداهنّ دهرًا ثم أسأت إليها مرة قالت: ما وجدت منك خيرًا قط، فلا يحملنّك هذا الخلق على أن تكرهها وتنفر منها، فإنّك إن كرهت منها هذا الخلق رضيت منها غيره. أما التاسعة: إنّ المرأة تمر بحالات من الضعف الجسدي والتعب النفسي، حتى إنّ الله سبحانه وتعالى أسقط عنها مجموعةً من الفرائض التي افترضها في هذه الحالات فقد أسقط عنها الصلاة نهائيًا في هذه الحالات وأنسأ لها الصيام خلالهما حتى تعود صحتها ويعتدل مزاجها، فكن معها في هذه الأحوال ربانيا كماخفف الله سبحانه وتعالى عنها فرائضه أن تخفف عنها طلباتك وأوامرك. أما العاشرة: اعلم أن المرأة أسيرة عندك، فارحم أسرها وتجاوز عن ضعفها تكن لك خير متاع وخير شريك 
__________________
 
|
|
#2
07-08-2014, 01:37 AM
|
||||
|
||||
ياسلام
ربنا يرحمه كان عالم فعلا موضوع جميل يا اسراء
__________________
تذكروني بدعوة 
|
|
#3
07-08-2014, 01:45 AM
|
||||
|
||||
|
اقتباس:
الله يرحمه بجد إنسان رائع الأجمل هو مرور حضرتك يادكتور خالص تحياتي
__________________
|
|
#4
07-08-2014, 10:28 PM
|
||||
|
||||
|
الله يا روءة
موضوع حلو اوى تسلمي يا قلبى
|
|
#5
08-08-2014, 01:27 AM
|
||||
|
||||
|
اقتباس:
مرورك هو الأحلي ياحبيبتي وتسلمي يارب من كل شر خالص تحياتي
__________________
|
|
#6
08-08-2014, 09:50 AM
|
||||
|
||||
طب الكلام ده يا إسراء ينفع مع الستات اللي كانت موجودة في الزمن اللي كان فيه الإمام أحمد وغيره....  أما الستات بتاعت اليومين دُول...  عاوزين نحفر لهم حفرة كبيرة في الصحراء ونكُب عليهم بنزين وسولار وجاز ونولّع فيهم...   علشان نستريح منهم
__________________
آخر تعديل بواسطة Mr. Hatem Ahmed ، 08-08-2014 الساعة 09:52 AM
|
|
#7
09-08-2014, 12:15 AM
|
||||
|
||||
اقتباس:
هههههههههههههههههههههههه ده كله  والله دول غلابه جدااا يامستر حاتم  لو الكلام ده يامستر حضرتك عملنا بيه في الحياة الزوجية والله العظيم هتبقي أحلي حياة ولا هنشوف طلاق ولا أي خلافات بين المتزوجين  واللي عايز حياته تبقي سعيدة يطبق الكلام ده في حياته لو كل زوج بدأ بكل النصايح دي وأستخدمها في حياته الأُسرية ،، أكيد الحياة هتستقر بالتفاهم وإن كل واحد يراعي ظروف التاني ولازم واحد فيهم يجي علي نفسه علشان الأمور تعدي وبالتفاهم يقدروا يواجهوا أي خلاف ومشاكل بجد أتمني ذلك لكل المتزوجين وأتمني لهم حياة سعيدة بكل الحب والأخلاق والإحترام تـــحــــلو الحــــياه كل الود والإحترام لحضرتك
__________________
آخر تعديل بواسطة اسراء سمير00 ، 09-08-2014 الساعة 12:28 AM
|
|
#8
09-08-2014, 01:34 AM
|
||||
|
||||
|
اقتباس:
هو فكرك فيه ازواج دلوقتي بيحبوا بعض والدنيا حلوه معاهم وبيس وكدا دول بيبقوا مستحملين نفسهم بالعافيه الراجل بيبقي صابر عشان المؤخر والشقه والواحده بتبقي صابره عشان العيال ومستقبلهم انت لو ركزتي ف الكلام هتلاقيه بيقوله "معلش هي مهما كان واحده ولازم نستحملها وكل شويه نضحك عليها بكلمتين كدا عشان الدنيا تمشي معاكم " انا عايزك برضه يا اسراء تراجعي النصيحه التامنه كويس وهتعرفي منها ان مهما الواحد قطع ف نفسه عشان مراته ممكن ف فسوه كل عمله يروح احم .. اي خدمه وربنا يقدرني ع فعل الخير
__________________
تذكروني بدعوة
آخر تعديل بواسطة هاوى إبداع ، 09-08-2014 الساعة 01:43 AM
|
|
#9
09-08-2014, 02:12 AM
|
||||
|
||||
|
اقتباس:
الجملة اللي بالأحمر دي يادكتور هي خلاصة الموضوع علشان كده في كلامي مع أستاذ حاتم
لو الزوج اللي عمل بالنصايح دي وبدأ بيها كل زوج ، هتبقي حياتهم كويسه ليه بئا علشان بمعني أصح الست مع أحترامي لكل الستات مخهم صغير شوية بمعني أقل كلمة بتزعلها وممكن تنكد علي جوزها طول اليوم وبردو أقل كلمة طيبة بتخليها طايرة من الفرحة أه والله زي مابقول لحضرتك كدا أنا بحترم كل زوج بيستحمل مراته رغم صغر عقلها وكتر الخلافات اللي بتحصل منها بس والله قلبهم طيب بردوو مش هننكر لازم نرفع معنوياتهم أمال أيه يعني بس هي الدنيا لازم تكون فيها مشاكل وخلافات مش المتزوجين بس لا والله أبداااا في حياة كل شخص لازم تلاقي مشاكل معينه وكل واحد أعلم بيها ..أصل الواحد ماينفعش يعيش من غير خلافات دي ماتبقاش حياة أمال يحس براحة البال ازاي ماينفعش يبقي علي طول باله مرتاح دي تبقي حياة رخمة أوي بس بجد الراجل راجل في كل حاجة في التفكير والعقل والتفاهم وكل حاجة حلوة بمدح فيكم أهو فلازم هو يكون هادي ومتفهم مع الأمور وبلاش تكبير المشاكل لازم يتخطي كل ده بلحظة هدوء علشان يقدر يتفاهم مع أي موقف ويقدر يلاقي حل ومواجهة أي مشاكل بينه وبين زوجتة ، أما لو شخص عصبي فــ ربنا بيوفق كل زوجين ببعض لازم واحد يستحمل ويجي علي نفسه شوية علشان الحياة تستمر يادكتور ولا أيه حضرتك وأستاذ حاتم يحضرنا ويشارك برأيه بردو رأيه يهمنا
__________________
آخر تعديل بواسطة اسراء سمير00 ، 09-08-2014 الساعة 02:18 AM
|
|
#10
09-08-2014, 02:32 AM
|
||||
|
||||
|
اقتباس:
كدا قدرت اقنعك ان مفيش حاجه اسمها حب دلوقتي بين اي اتنين متجوزين انا معاكي يا اسراء ف ان الخلافات مطلوبه بس مش لدرجه انها تنكد ع الراجل طول اليوم يعني زي ما قولتي هما متعرفيش بيستغلوا البيئه المحيطه والادوات اللي حوليهم ف انهم ينكدوا عليه ازاي بصراحه ستات اليومين دول ضربوا كل الارقام القياسيه ف الموضوع دا انا شخصيا بحييهم ع انهم عندهم مهاره فذه بالشكل دا اعتقد ان مستر حاتم قال كلامه دا بسبب كدا
__________________
تذكروني بدعوة
|
|
#11
09-08-2014, 06:53 AM
|
|||
|
|||
|
الف الف شكر على النصائح الغاليةوربنا يجعلها فى ميزان الحسنات
الأستاذ / أحمد حجاب 
|
|
#12
09-08-2014, 05:23 PM
|
||||
|
||||
|
اقتباس:
نورتني بهذا التواجد المُحترم ياأستاذ أحمد ربنا يبارك في حضرتك يارب خالص تحياتي وتقديري
__________________
|
|
#13
14-08-2014, 06:40 AM
|
||||
|
||||
|
فبعيداً عن المجاملات...  السِّت مخلوق جميل، ومن أجمل المخلوقات في الدنيا كمان ولولا وجودهم معانا لكانت الدنيا بقت ذي القبر...!!!   ودي حقيقة مُسلّم بها عند الرجال...لا خلاف عليها إطلاقاً...!!! كقانون الجاذبية وقانون أوم ودوران الشمس وغيرها من القوانين الثابتة....!!! فتخيلوا معايا كدا لو مفيش سِتّ في الدنيا...؟! كان هيبقى شكل الدنيا عامل إزاي...؟! هتلاقي مين أجمل من السِّت: تِنَكِّد عليك في وقت ما إنت تكون فرحان ومبسوط...؟! وهتلاقي مين أجمل من السِّت: في عزّ تعبك وإرهاقك وإنت راجع من الشُّغل ونفسك تنام ساعتين... تلاقيها جايبة الشقة عاليها واطيها... بحجة إنها بتنضف... آل يعني حبكت النضافة دلوقتي...؟! وهتلاقي مين أجمل من السِّت: في وقت إندماجك في كتاب تقرأه وإنت قاعد في الأوضة... تلاقيها قامت وطفت التكييف... وإذا سألتها ليه عملتي كده...؟! تقولك: أصلي سقعانة...!! رغم إن درجة الحرارة في الضل فوق الأربعين...!! وإذا سيبتلها الأوضة وخرجت قعدت في الصالة... جَت وراك وطفت النور...!! وإذا سألتها ليه عملتي كده...؟! تقولك: علشان الدبّان والناموس ما يجيش على النور...!!! وإذا سيبتلها البيت وخرجت... تقولك: رايح فين...؟! وهتقعد عند مين...؟! وهتقابل مين...؟! وناقص تقولك: فين بطاقتك...!! وكل دقيقة الموبايل يشتغل... والأسئلة تنزل على ودانك زي المطرة: إنت فين...؟! وهتيجي إمتى...؟! الوقت إتأخر...!! رغم إنك لسّه خارج من نصف ساعة...!!! فتحسّ إنك متجوز مُخبِر...!! وفاضل تعملك دفتر حضور وإنصراف...!! وهتلاقي مين أجمل من السِّت: في وقت ما إنت عايز تنام... تيجي وتقولك: عايزة مصروف البيت والشهرية بتاعة دروس الولاد وفاتورة الكهربا وفاتورة الغاز وفاتورة التليفون... وإبقى قابلني إذا عِرفت تنام...!!! وهتلاقي مين أجمل من السِّت: لما صدّقت إنك تنام وتروح في النوم... تصحّيك علشان تقولك: "تحب تصحى الساعة كام؟!" وهتلاقي مين أجمل من السِّت: علشان ضغطك يرتفع... والسُّكر يعلى عليك... وتِحوَلّ سنتين وتموت...!!! و..... وكفاية كدا... أحسن شكلي كده هبات ع البورش النهاردة
__________________
آخر تعديل بواسطة Mr. Hatem Ahmed ، 14-08-2014 الساعة 08:33 AM
|
|
#14
17-08-2014, 03:50 AM
|
||||
|
||||
|
اقتباس:
أتفضل مع حضرتك اقتباس:
نورتنا وشرفتنا حضرتك بهذا التواجد العطر يامستر حاتم من جديد .. كل التقدير والإحترام لحضرتك
__________________
آخر تعديل بواسطة اسراء سمير00 ، 17-08-2014 الساعة 03:57 AM
|
|
#15
18-08-2014, 02:27 AM
|
||||
|
||||
|
اقتباس:
اقتباس:
اقتباس:
اقتباس:
المضوع منور بصاحبته قبل أي حد تاني وشكراً جزيلاً للكلام الجميل ده
__________________
|
|
| العلامات المرجعية |
| الكلمات الدلالية (Tags) |
| وصية ، أبن حنبل ، لأبنه |
«
الموضوع السابق
|
الموضوع التالي
»
العرض المتطور
|
|
جميع الأوقات بتوقيت GMT +2. الساعة الآن 09:54 AM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
