مجرد استفسار

[واحده من الناس]

بسم الله الرحمن الرحيم

السلام عليكم ورحمه الله وبركاته

لو سمحتوا ياجماعه كان عندى استفسار عن حاجه

** صفحه 235 فى كتاب المدرسه فى المعادله بتاعه الاحتراق للألكانات

مفيش شروط على السهم

لكن صفحه 240 فى حراره على السهم فى معادله الاحتراق للألكينات

مع ان النواتج واحد والمعادله واحده

ايه الفرق ...؟ وممكن نعملها شرط التفاعل فى المعادلتين

_____________________________

ما هى أهميه الالكانات الاقتصاديه ...؟

هو جايب الاجابه فى صفحه 237 وهى الحصول على الكربون المجزا

والغاز المائى

لكن ازاى تكون دى بس الاجابه

امال فين اهميه الميثان والبروبان والبيوتان وكمان مشتقات الالكانات ..؟

______________________________

[التائبة الى ربها]

بصى انا مقدرش افيدك لانى لسة مخدتش عضوية

[a_eldapoley]

السؤال الاول
هو نسي يحط علامة الحرارة

وهي طبعاً فيها حرارة لان التفاعل اصلاً اسمه تفاعل احترااااااااااااق

[Said Tramsa]

الميثان يحترق مباشرة فى اكسجين الهواء الجوى عند خروجه من اسطح البرك والمستنقعات
لكن الالكينات تحتاج الى حرارة وهذه الحرارة تسمى بطاقة التنشيط وبدونها لايبدأ التفاعل
احتراق الا سيتيلين حرارة على السهم ويعطى حرارة فى النواتج فما الفرق بين الحرارتين
حرارة السهم طاقة تنشيط وحرارة النواتج تفاعل طارد للحرارة

وشكرا مستر عبد الناصر

[واحده من الناس]

المشاركة الأصلية كتبت بواسطة التائبة الى ربها

بصى انا مقدرش افيدك لانى لسة مخدتش عضوية

ماشى ياقمر
مرسى لمشاركتك

المشاركة الأصلية كتبت بواسطة a_eldapoley

السؤال الاول
هو نسي يحط علامة الحرارة

وهي طبعاً فيها حرارة لان التفاعل اصلاً اسمه تفاعل احترااااااااااااق

أوكى يابشمهندس التفاعل اسمه تفاعل لاحتراق
لكن فى احتراق مباشر واحتراق غير مباشر
بس معقول النسيان الكتير ده فى الكتاب ......؟
اصل ده كتاب وزاره يعنى كل حاجه فى بحساب
نورتنى
مرسى للافاده

المشاركة الأصلية كتبت بواسطة said tramsa

الميثان يحترق مباشرة فى اكسجين الهواء الجوى عند خروجه من اسطح البرك والمستنقعات
لكن الالكينات تحتاج الى حرارة وهذه الحرارة تسمى بطاقة التنشيط وبدونها لايبدأ التفاعل
احتراق الا سيتيلين حرارة على السهم ويعطى حرارة فى النواتج فما الفرق بين الحرارتين
حرارة السهم طاقة تنشيط وحرارة النواتج تفاعل طارد للحرارة

وشكرا مستر عبد الناصر

جزاك الله خير
اجابه حضرتك منطقيه جدا وده اللى كان بيدور فى دماغى
لكن محتاجه اتأكد
شكرا جزيلا

_________________________________________

ياريت ياجماعه بجد تفيدونى لأن شرط التفاعل ده عليه نص درجه

رجااااااااااااااء

اللى يعرف ميبخلش علينا

وشكرا ليكوا جميعا

[واحده من الناس]

ايييييييييييييييييييييييييييييييييييييييه

محدش عاوز يعبرنى ولا أيه

[مستر أسامه]

شروط التفاعل اذا لم تكتب فى كل المعادلات يتم خصم نصف درجة

[واحده من الناس]

المشاركة الأصلية كتبت بواسطة مستر أسامه

شروط التفاعل اذا لم تكتب فى كل المعادلات يتم خصم نصف درجة

مش فاهمه يامستر

يعنى كده أفقد الامل

هو أصلا مش جايب حراره على السهم فى كتاب المدرسه

أكتبها أنا من عندى ... ولا أيه ,,؟؟؟

أنا بجد عاوزه أعرف لأنى سالت المدرس بتاعى بس

مش عارفه برده ..؟

[حازم 93]

انا شايف انك تحطى الشرط على السهم مادام الكتاب عامل مرة عليها سهم و مرة مش عليها
لان فى الامتحان الزيادة مش هتنقص درجات لكن النقص هو اللى هيضيع نص درجة
ولو لاقدر الله لقيتى انهم منقصينك فى الامتحان على حاجة زى دى ممكن تعيدى تصحيح الامتحان
ولو انا فاهم غلط ياريت تفهمونى الصح ..

[الاء الله]

الالكانات غير نشطه كيميائيا لازم يكون في حرارة عشان تبدا التفاعل اما الالكينات لها نشاط كيميائي ممكن تتفاعل من غير حراره وده مجرد استنتاج يعني مش عارفه ص ولا خطا وياريت لو عرفتي الاجابه تقوليلي

[واحده من الناس]

مرسيى ليكم ياجماعه
بصوا
أنا عندى معلومه ان شاء الله تكون صح
هو فى حراره على السهم لأن أنا سالت أول
حد من اول دفعه أخدت الكتاب ده وهو قالى
ان كان فى تعديلات جت من الوزاره ودى كانت منها
ياريت أكون أفدتكوا