|
||||||
| أرشيف المنتدى هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
|
|
#1
03-02-2011, 06:55 PM
|
||||
|
||||
هنتخانق ولااية من الاخر عايزين اية ؟
بسم الله الرحمن الرحيم اولا وندخل بسرعة بقا يوم 25 اول يوم للمظاهرات السلميه وعبرنا عن رأينا بكل احترام وعدى اليوم على خير ومحدش استجاب قومنا تانى بمظاهره يوم 28 وهو يوم الجمعه المسمى بيوم الغضب حدث من قبلها بيوم حجب الفيس بوك وبعدها قطعو خدمات الانترنت وشبكات المحمول فى جميع انحاء مصر اليوم بدء بمظاهرات سلميه فى محافظه القاهره واسكندريه وخصوصآ ميدان التحرير بالقاهره كان اكبر تجمع قوات الامن المركزى كانت محاوطه المتظاهرين لغايت ما حدث نوع من الشد والشغب من المتظاهرين ولها يد خفيه سخنت الموضوع وحصل اشتباكات وقوات الامن المركزى القت بقنابل موسيله للدموع من اجل تفريق وتشتيت المتظاهرين ثم زادت اعداد المتظاهرين حتى اشتبكت مع الامن المركزى ثم انسحبت وامرو بدخول الجيش اللى الشوارع المصريه حدثت فوضى عامه فى البلد كلها من نهب وسرقه واشعال حرائق فى مبنى الاذاعه والتلفزيون ومقر الحزب الوطنى حتى جائنا بيان بأن السجناء اطلق سراحهم من السجون وحدثت حرائق فى اقسام كثيره وشب بها حرائق واتسرقت اسلحه ناريه منها زادت الفوضى وبدأ التعدى على الممتلكات الخاصه والعامه وسرقة البيوت والمحلات والمعارض والسيارات حتى نادت الحكومه الشعب وقالت احمو نفسكو حتى حاول كل منا حماية منزله وشارعه بالوقوف فى الشوارع بالبلدى كده اللى معاه اي خشبه وعصايا وسلاح ولا سكين ينزل الشارع قدام بيته يحمى نفسه  وده اللى حصل فى جميع انحاء مصر كله نزل قدام بيته وبقت ورديات ليل نهار فى الشارع نتبادل الحراسه 24 ساعه حتى تنظيم المرور كان من الشعب بعدها قام الرئيس مبارك بالقاء خطاب على التلفزيون المصرى بأنه اقال الحكومه وسيتم الاعلان عن الحكومه الجديده غدآ وتم الاعلان عنها ومنها وزراء جدد ومنها لازال محتفظ بمكانه ولنعتبره تعديل وزارى وهذا مطلب واستجابه للمتظاهرين علشان الموضوع يهدى ولا حياة لمن تنادى  الشعب .. يريد .. اسقاط النظام وبس الحكومه قالت وعادت بأنها ستهتم وتعدل وتمحى الفساد والفاسدين وقال رئيس الوزراء الجديد احمد شفيق .. وهو من الشخصيات المحترمه جدآ جدآ جدآ قال بأن يعطونا فرصه لتنصلح الاحوال مستحيل كله هيتصلح بين يوم وليله  وتحدث كثيرآ للتلفزيون المصرى وكان حديثه كله مقنع وعقلانى جدآ اللى حد كبير ومازالت المتظاهرون فى احتجاجهم البعض مؤيد والبعض معارض ويريد اسقاط النظام او بمعنى اوضح اسقاط الرئيس حتى تحدث الرئيس مره ثانيه على التلفزيون وقال بأنه ينوى بعدم نزوله مره اخرى الانتخابات وبأنه قضى ما يكفى من عمرى فى خدمة هذا البلاد بمعنى انه لا يريد ترشيح نفسه مره اخرى لتولى الرئاسه ولكنه سيقضى هذا الشهور المتبقيه فى خدمة البلاد وسيموت على ارض هذه الوطن خطاب اثر فى نفوس معظم الشعب وتعاطفو معه كثيرآ واصبحو مؤيدين للرئيس مبارك وقله معارضه وحدث بينهم اشتباكات بين المعارضين والمؤيدين ............................. هذه هى الاحداث وبرضو بأختصار عن الموضوع لحد يومنا هذا تعالو نتكلم بالبلدى شويه بقى احنا عايزين ايه ؟؟؟؟ الشعب .. يريد .. اسقاط .. النظام ام تصحيح للشعااااار الشعب .. يريد .. اصلاح .. النظام وده اللى حصل الحكومه استقالت واتعين نائب للرئيس مبارك وهو عمر سليمان .. راجل كويس واتعين رئيس للوزراء .. احمد شفيق .. انسان قمه قمه فى الاحترام والعقلانيه وانا كمواطنة مصرىة مطمئنة له كثيرآ وباقى الوزراء الجدد لا نعلم عنهم شئ بس خلينا متفائلين بأختصار مش عايزين نسبق الاحداث ناس فى المظاهرات بايته فى الشارع 5 ايام بيجلهم اكل وشرب وبياخدو فلوس معنى كده انهم مأجورين ايوه مأجورين والاخوان وبقيت الاحزاب المعارضه ركبت على الموجه واستغلت الشباب فى المظاهرات السلميه وسخنت الموضوع وايدى خفيه الله اعلم اسرائيل ام من يا جماعه عييييييب اللى حصل ده مهزله بجميع المقاييس مهزله لما امى وامك واختى واختك فى البيت قاعدين خايفين والرعب ساكن جواهم دى تبقى مهزله لا امن ولا امااااااان لما المولات الكبرى والمحلات والاقسام والعربيات واثار بلدنا تتعرض للسرقه والنهب من البلطجيه دى تبقى مهزله انتو عايزين اسقاط النظام ولا اصلاح النظام ولا تخريب البلد واثاره الفوضى فى كل مكان الموضوع كله يتلخص فى كام كلمه انتو عايزين ايه ؟ اصلاح النظام واتعدل واستقالت الحكومه وفى ناس محترمه دلوقتى ماسكه البلد الرئيس دى اخر فتره حكم له ونازل يعنى نازل عايزينه ميرشحش نفسه هو حر يرشح نفسه ام لاااااااااا انت من حقك لما يرشح نفسه تروح تدى صوتك وتقول لاااااااااا الراجل ده مهما كان وحش فهو خدم البلد دى كتير 30 سنه عايشين من غير حروب راجل خدم بلده فى وقت الحرب ودافع عنها ميصحش ابدآ الكلام والمهزله اللى بتتقال عنه دى كلها وصور للرئيس وكأنه هتلر ولا واحده ست الراجل ده شايل مسؤليه البلد 30 سنه رئاسه و 20 سنه ما بين جيش وحروب وسلطه يعنى 50 سنه بيخدم البلد دى من حقه علينا نصبر عليه شويه والحمد لله الحمد لله ان الايام اللى فاتت دى عدت على خير والا كانت مصر هتنهار بجد اللى معظم الناس متعرفوش ان الرئيس لو ساب البلد فى الايام اللى فاتت دى كانت هتخرب مينفعش يسيبها فى مثل هذه الظروف هتبقى فوضى بمعنى فوضى فى موضوعات كتيره اوى حصلت فى الكام يوم دول وفى حاجات لسه محدش عرفها ولا عرف مين وراها والله اعلم الصمت الحزين
__________________
رمضان كريم |
|
#2
16-02-2011, 01:27 AM
|
||||
|
||||
|
شكرا جزيلا سرد متميز تهانينا
__________________
اطلبوا العلم، فإن عجزتم فأحبوا أهله، فإن لم تحبوهم فلاتبغضوهم هيا بنا نتعلم الديمقراطية  <!-- Facebook Badge START --><!-- Facebook Badge END -->
|
|
#3
16-02-2011, 02:14 AM
|
|||
|
|||
|
ربنا معاكى وتقدرى تقاومى المشاركات فهناك من لايتحمل رؤية الرأى الأخر ولو على بعد
 موضوع رائع وسرد جميل للأحداث شكرا لكى 
__________________
الحمد لله |
|
#6
17-02-2011, 06:38 PM
|
|||
|
|||
|
اشكرك جدا على هذا السرد الجميل والواعى للأحداث التى مرت علينا ، ولكن من يسمع لصوت العقل الآن ، للأسف فإن من طالبوا بالحرية والديموقراطية والعدالة والكرامة ، يمارسوا الآن على من يعارض رأيهم أسوأ ظلم وقمع ويتهموه بأنه عميل وخائن ، مما يدل على أن من يشعر أنه فى موقف القوة يمارس الظلم والقهر على غيره ، وهم بهذا أسوأ من النظام السابق ، وأخشى أن تكون فترة المعاناة التى عشناها آملين فى غد أفضل ستكون بلا جدوى ، وسيستمر كل من يملك القوة فى مصر فى قهر الآخرين 0
|
| العلامات المرجعية |
«
الموضوع السابق
|
الموضوع التالي
»
العرض المتطور
|
|
جميع الأوقات بتوقيت GMT +2. الساعة الآن 01:36 AM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
