ممكن مساعدة من فضلكم

[faress666666]

أولا :- أنا الحمدلله ربنا وفقني و جبت 97% و قدر الله و ما شاء فعل و التنسيق جالي علوم القاهرة و الحمدلله .

ثانيا :- أنا حابب كلية صيدلة و ناوي اخشها خاص فممكن أطلب من حضراتكم طلب :-

1) ايه نظام الكليات الخاص ؟ يعني طريقة التدريس و كده ؟ المواد هي هي اللي في الجامعات الحكومية ؟؟

2) لو تعرفوا تقولولي ايه هي المواد اللي هتدرس في أول سنة ؟ و أشرحهوالي بالتفصيل ؟ و أزاي أذاكرها و أجيب في تقدري كويس ؟

أنا أسف لو طولت عليكم بس أنا متأكد أن المنتدى ده و الناس اللي فيه هيقدروا يسعدونا زي ما كلنا متعودين منهم .

[دكتور حسام طلعت]

انا كمان ناوي ادخل صيدلة خاصة و كنا عايزين نعرف لو في صيدلة كلينيكال في الكليات الخاصة و لا لأ

[faress666666]

يا ريت حد يرد عليناااااااا

[دكتور حسام طلعت]

يا جماااااااااااااااااعة

[..: Pink rose :..]

لو هتروح خاصة
يبقى لازم جامعه معترف بيها و شهادتها تعادل الجامعة الحكومية
زي الجامعة الالمانية او مصر للعلوم و التكنولوجيا و بيقولوا الصيدلة فيها قوية جدااا و احسن من الحكومي
اما بخصوص كلينكال معرفش بصراحة...

[دعاء احمد على]

مفيهاش صيدلة عادى كلينيكال بس

[faress666666]

المشاركة الأصلية كتبت بواسطة دعاء احمد على

مفيهاش صيدلة عادى كلينيكال بس

يعني دلوقتي الصيدلة الخاص كلينيكال بس ولا ايه فهميني

[nooneasme1]

بص يا ريس
خريجى كليات الصيدلة الحكومية لا يختلفوا كثيرا عن خريجى كليات الصيدلة الخاصة فى الشهادة والتوظيف وكل ده بس بشرط أنك تروح لكلية خاصة معتمدة ومعترف بها من الحكومة مش اى كلية صيدلة وخلاص لان كان معايا ناس دخلت كليات خاص مش معروفة واتقابلنا بعدها ومكنش عارف بعض الأساسيات
أما بالنسبة للدراسة هى نفس المواد باختلاف الترتيب يعنى اللى تاخده فى الترم الاول هم ياخدوه فى الترم التانى ومافيش حد بيتخرج عموما خاص او حكومى إلا لما يكون درس جميع المواد باختلاف ترتيبها
اما عن نظرة المجتمع بقى لخريج صيدلة خاصة فدى نظرية فاشلة جدا وكل الكلام اللى بيتقال ده مش تحطه فى بالك المهم تلحق تقدم فى كلية كويسة قبل ما العدد يكتمل

[nooneasme1]

بخصوص كلينكال ده موجود فى بعض الكليات الحكومية كبرنامج وبتدفع بعدد الساعات المعتمدة اللى انت مسجلها فى الترم وفى بعض الكليات نجح تطبيق البرنامج ده وفى كليات تانية مش نجح بالمرة بس كشغل فى مصر لسه مافيش تكليف والنقابة شغالة حاليا مع وزارة الصحة فى الموضوع ده المستقبل بتاعها مفتوح اكتر من صيدلة عادى بس مش فى مصر حاليا وهى شغالة فى الخليج العربى كويس جدا
تطبيقها فى مصر محدود جدا فى بعض المستشفيات التخصيصة العالية والمشهورة زى غنيم ومستشفى السرطان والاورام

[faress666666]

متشكر جدا على اضافاتك يا دكتور و يا ريت تزيد التواصل معانا