بشري لمن لم ياتي لهم قرار التعين رقم53 لأخطاء الاكاديمية اطمنوا الحل هنا أرجو التثبيت

[Mr. English]

انا كنت في الوزارة النهاردة وعلي فكرة كان في مجموعة كبيرة من المتظاهرين سواء كانوا معلمين بالحصة أو أداريين أو مدرسين متعاقدين يريدون التثبيت بدون أمتحانات كادر أو icdl

وكمان كان فيه مجموعة من المعلمين المساعدين اللي تنطبق عليهم الشروط ولم يأتي لهم قرار التعيين بسبب الأخطاء اللي حصلت من موظفي الاكاديمية والجميع قال مشكلته لقناة الفراعين اللي كانت بتسجل امام الوزارة

بس الأهم من كل دا أني دخلت مكتب خدمة المواطنين التابع لمكتب وزير التعليم وقدمت شكوي توضح انه تم تجاهلنا في التعيين برغم أستيفاء جميع الشروط وأكتشفنا أن السبب في ذلك أخطاء وقعت فيها فروع الاكاديمة كتسجيلهم اننا قدمنا افاداة باربع موديولات فقط بدل سبعة أو عدم تقديم افادات من الاصل

وبصراحة مدير مكتب خدمة الموطنين تعاطف معنا وقالي دا ممكن ميكنش خطأ سهو دا قد يكون متعمد لوضع أسماء غير مستحقة بدل اسماء تستحق التعيين وطمني وقالي ارفق صورة من شهادة icdl مع الشكوي لان التاريخ المسجلة عليها هيكون اكبر دليل علي أنكم مظلومين وبالفعل سلمتها في الوقت الصحيح والاهمال دا وقع من الموظفيين هناك وكمان قالي طلما أشتكيت إن شاء الله هتاخذ حقك في التعيين خلال هذا الاسبوع

أنا حبيت أبلغكم علشان ماكنش قصرت وكل واحد فيكم يلحق ويشتكي قبل ما حقه يضيع لكن اللي عايز ينتظر 15يوم في 15 يوم في 15 يوم لحد ما الموضوع يموت هو حر

وهنا مرفق صورة ايصال الشكوي اللي أستلمته علشان أستلم به رد الوزير علي الشكوى دا بالاضافة اني قدمت بلاغ في النيابة الادارية بالتليفون علي الخط الساخن 16117 لان اللي حصل دا يعتبر خطأ اداري . انا شايف ان دي الطريقة الوحيدة اللي ناخذ بيها حقنا واللي شايف غير كدا هو حر وله كل احترامي بس انا حبيت أعمل اللي عليه وعرف الكل الطريق

[المعلم الحزين]

اخي الكريم بس هو الي الان محدش عارف مين اتعين ومين متعينش يعني هل كل اللي وصله التهنئه اسمه مدرج في الكشوف ولا ايه بالظبط

[Mr. English]

المشاركة الأصلية كتبت بواسطة معلم مساعد حزين2

اخي الكريم بس هو الي الان محدش عارف مين اتعين ومين متعينش يعني هل كل اللي وصله التهنئه اسمه مدرج في الكشوف ولا ايه بالظبط

لا انا تأكدت أن كل اللي وصل له التهنئة تم تعيينه وفي محافظات وصلت أسماء المعينين فيها وأعتمدت بالفعل

[معلم مساعد مصري]

الله يبشرك بالخير

[abou wafaa]

كلام ممتاز جدا

[abou wafaa]

يامعلم حزين

المصيبة ان في ناس كتير جدا جاتلها رسالة التهنئة وملقتش اسمها ف التعيين

[abou wafaa]

ياجماعة افهموا لله
بنقول في ناس كتيرة جدا جت ليها رسالة التهنئة وملقتش اسمها ف كشوف التعيين

[Mr. English]

المشاركة الأصلية كتبت بواسطة abou wafaa

ياجماعة افهموا لله
بنقول في ناس كتيرة جدا جت ليها رسالة التهنئة وملقتش اسمها ف كشوف التعيين

يا أستاذي العزيز طلما أسمك لم يأتي في كشوف التعيين يبقي من حقك أن تشتكي لأن الكشوف أوقع وأهم من الرسالة

[ابو بسملة 2008]

المشاركة الأصلية كتبت بواسطة abou wafaa

ياجماعة افهموا لله
بنقول في ناس كتيرة جدا جت ليها رسالة التهنئة وملقتش اسمها ف كشوف التعيين

أنا معاك لأن فى واحد مش قدم icdl وجت ليه الرسالة

[متلمس الطريق]

يبقا انتا اكيد ف مصر

لا تعليق

[معلم مساعد مصري]

أن شاء الله خير انا كدا بدأت اطمن
بس ياريت نعرف من حضرتك كل الاواراق المطلوبة

[Mr. English]

المشاركة الأصلية كتبت بواسطة معلم مساعد مصري

أن شاء الله خير انا كدا بدأت اطمن
بس ياريت نعرف من حضرتك كل الاواراق المطلوبة

كل الأوراق المطلوبة هي صورة من شهادة icdl أو الافادة والريبورت للتأكد من التاريخ المكتوب عليهم بالإضافة إلي الشكوي المكتوبة اللي توضح فيها تفاصيل ما حدث معك

[مريم اليكس2011]

مين الي جتله الرساله وملقاش اسمه في كشوف التعيين

[مارو سوهاج]

المشاركة الأصلية كتبت بواسطة مريم اليكس2011

مين الي جتله الرساله وملقاش اسمه في كشوف التعيين

ياجماعة حد يقولى اشتكى ولا لا انا روحت الاكاديمية ولقيت ورقى كامل ومستوفى كل الشروط وماجاتليش الرسالة ولسه الاسماء مااتعلقتش عندنا حد يقولى اشتكى ولا لا ولو اشتكيت هاقول ايه انى ماجاتليش الرسالة؟ ولا استنى لما تتعلق الاسماء ارجوووووووووووووو الرد

[Mr. English]

المشاركة الأصلية كتبت بواسطة مارو سوهاج

ياجماعة حد يقولى اشتكى ولا لا انا روحت الاكاديمية ولقيت ورقى كامل ومستوفى كل الشروط وماجاتليش الرسالة ولسه الاسماء مااتعلقتش عندنا حد يقولى اشتكى ولا لا ولو اشتكيت هاقول ايه انى ماجاتليش الرسالة؟ ولا استنى لما تتعلق الاسماء ارجوووووووووووووو الرد

أخي العزيز حاولتعرف الكشوف عندكم في المديرية وصلت أم لا وهل اسمك فيها ولا لأ بس غالبا اللي مجتلوش الرسالة إسمه لا يوجد في كشوف التعيين حتي لو ورقه في الاكاديمية كامل لاني اعرف زميل عنده نفس المشكلة المهم حاول تعرف بسرعة لان عامل الوقت مهم

وعموماً انت لو أشتكيت وأسمك موجود مش هتخسر حاجة لكن لو مشتكتش وأسمك مش موجود هتكون دي المشكلة فعلا