الواد كبر جمال بخيت

[محمد محمود بدر]

لا يوجد أجمل من الشعر لوصف حال البلاد.. فهو يستطيع بكلماته الرنانةالمٌسطرة بسجعها وبساطتها إلى الوصول إلى الجماهير على مختلف طبقاتهم.

الثورةالتي أفرجت على قائمة كبيرة من الأشعار والأغاني الممنوعة يبدوا أنهاأصبحت كالوقود في أفئدة الشعراء ليفتحوا لنا صدورهم بأشعار ذكية الرائحةوالقول.. تصف لنا حال مصر بعد الثورة أو قبلها.. ليس المهم التوقيت بقدر ماالمهم هو الاحساس بمعاني هذه الكلمات الموسيقية في ذلك السلم الموسيقىالمتدرج بالسجع والقافية.

''الواد كبر''.. عنوان قصيدة جديدة ألقاها الشاعر المصريجمال بخيت، في برنامج 90 دقيقة الذي يقدمه الزميلمعتز الدمرداش.. القصيدة البخيتية الجديدة استوحاها الشاعر من خطبة معاوية بن ابى سفيان في عيد ميلاد ابنه يزيد السادس عشر.

''ارفعرأسك فوق.. انت مصري'' إحدى الهتافات الثورية التي استخدمها المصريون فىتظاهراتهم.. حولها جمال بخيت إلى قصيدة غنائية.. ولجمال العديد من القصائدالرائعة ومنها ''مش باقي مني''، التي تغنت بصوت الفنان أحمد سعد، كما أن لهالعديد من القصائد المٌسجلة بالإذاعة والتليفزيون وتم منع إذاعتها لأسبابمجهولة مثل ألبوم ''لم الشمل''.

وتقول القصيدة التي ألقاها بخيت :

قصيدة جمال بخيت :

الواد كبر
ابنى العظيم ابنى الجميل
ابنى اللى قادر ينتصر على المستحيل
الدنيا قاعدة ف مجلسه
وله مهابه يحسها كل البشر
اللى ف حضوره اتعطروا
واللى ف هواه اتنفسوا
كل الكبار .. ولاّ الصغار
لو قربوله ..
بيهمسوا
كلماته شعر
مفتى .. وعالم عبقرى
كوم التراب يصبح دهب
لو لمسه واحدة يلمسه
الواد كبر
تجيبوله جيش .. هايطوره
تجيبوله عصر من الجهاله
ينوره
تجيبوله سد ..
بطرف إيده .. يهندسه
الواد فهم
من غير ماحد يعلمه معنى العلام
من قعدته ف مجلسى
درس الحروب قبل السلام
هضم المذاهب كلها
سَرّبت له بين السطور
علم النفور والانسجام
علمته ينظر للبشر
وف عينه مليون اتهام
يرمى بذور الخوف ف دقة قلبهم
ومن الوشوش
يحصد نسيم الابتسام
الواد كبر ..
وكبر معاه وطنه الأشم
الواد كبر ولازم له هم
ولازم له قصر
ولازم له عرش وصولجان
وحدود وحاشية ومهرجان
ممكن كمان
سيرك وجنينة حيوانات
سجن ومعارضة .. وتضحيات
وحزب من اهل الكلام
يدبجوله ف الخطب
ويحفّظوه بعض النصوص
وهيلمان وزرا ولصوص
شوية منهم يسرقوا
وشوية ياخدوا حقهم
لما يوزع ف الوطن ويفرقه
قلب الوطن .. لجل التخين
راس الوطن .. لجل الكهين
داعر لطيف
اكبر حرامى ومدعى انه الشريف
عين الوطن ..
معروفة طبعا لجل مين ..
للمخبرين ..
الواد كبر .. ولازم له شعب يهرسه
وقانون عظيم
بإشارة واحدة ينشره
واشارة تانيه .. يحبسه
ولازم له منهج حكم
- لكن معتبر –
ع الخوف ضرورى يأسسه
ولازم له كلب من الصحافه
يمدحه ..
وف وقت عوزة ..
يقدسه ..
وينزهه عن الغلط .. أو العبط
وف عز اصعب وقت ف ليل الوطن
يقعد معاه ..
يونسه
ويجيب له شمس .. تشمسه
الواد كبر
وصبح علامة للنبوغ ..
الواد خلاص قرب يطول
سن البلوغ ..
ولازم له كرسى ينجسه
ولازم له مجلس للموافقة والسكوت
وان يوم نسى وطلع له صوت
يتربسه ..
ولازم له كهان للثقافة
عند اللزوم
يتمومسوا ..
ولازم له خُدام .. للنظام
على الجميع يتجسسوا
ولازم له حبة بلطجية من التقال
أولاد حلال
جوه المظاهرة ينكسوا علم البلاد
ويهتفوا بحب الفساد
ويلزقوا ف مُزز المعارضة
يقفّشوا .. ويحسسوا
الواد كبر
واظنه زيي
ما لوهش قلب
والحكم حلو وابن كلب
كفاية شكل الحاشية
لما بيسجدوا
من غير سجود
ساعة ما يعتبروا الرضا منى
صعود
أو لما ياكلوا ف بعض
علشان يفوزوا ببسمتى
وسط الحشود
يتنططولى ويرقصوا زى القرود
الواد كبر
ولازم له حلم يمتعه
ولازم له حصة تشبعه
ولازم له حاشية يبرطعوا
يترّبعوا
يتطمعوا
يدّلعوا
واذا واد معارض
حب يعمل فيها مسمار
يخلعه
يقلع عينيه .. ويأدبه
وف أى صحرا
يقلّعه
الواد كبر
واياك يا شعب تزهقوه
أو تقرفوه
وتطلعوله من النكت
زى اللى طلعت عن أبوه
اسمع يا واد
الشعب ده ..
وضع أساس النمردة
وإياك ف مرّة تدلعه
إكبس عليه ..
يا تركعه .. يا تطمعه
اسمع يا واد
اول دروس حب الوطن
سيب اللى نادوا بإسم غيرك
يولعوا
وسيب مصارين بطنهم
- من حقدهم -
يتقطعوا
اسجد لآلهة الحياة
وافتح لهم باب البلاد
هاتفوز بأسباب النجاة
وتفوز بأرواح العباد
اسمع يا واد
أول دروس حب الوطن
ما ترتبطش بالوطن
ولا ف سر ..
ولا ف علن ..
وحب نفسك أولاً ..
سيبه يجوع
يعطش .. يغيب ..
أو يتفلق
انت الحقيقة الثابتة
من قبل هو ما يتخلق
اسمع يا واد
إياك تصدق
ان فيه حاجة اسمها
حب الوطن
العرش اكبر م اليقين
العرش .. دين
العرش هو اللى جعلّك مخلصين
بيوحدوك
العرش للحاكم وطن
والناس عشانه يقدسوك
أو يشنقوك
اسمع يا واد
انا هنا لآخر نفس
من غير شكوك
ها تقولى : ليه ؟!
العرش جنة خُلد للجالس عليه
جنة خصوصى للاباطرة والملوك
ولو جلست انت عليه
كل الرعايا ..
ها يتركونى ويتبعوك
وانت
- بدون احساس بذنب -
من نشوتك
ها تبيع أبوك

[ضياء الدين سعيد]

كلمات جميلة
ولكنها للشاعر : جمال بخيت

سيتم نقلها للقسم الخاص بها

تحياتي