كل ما يخص كلية اللغات والترجمة من استفسارات

[wadahfadl]

السلام عليكم ورحمة الله
انا مستغرب جدا من كثرة المواضيع المتعلقة بكلية اللغات والترجمة فقلت احاول اساعدكم علي قد ما اقدر


اولا الازهرية اللي عاوزين يدخلو الكلية
المجموع بيختلف من شعبة لاخري بس اكيد كلكم عايزين ترجمة فورية ودي تنسيقها غريب لان ممكن يوصل ل 92%(ادبي وعلمي2011) وممكن ينزل ل69%(ادبي2010) من الاخر ملهوش امان
مفيش غير فرع واحد بنين وهو في القاهره-مدينة نصر
الشروط ادبي لازم انجليزي 45-60
علمي 30-40
ومش مهم الفرنسي



ثانيا طلاب العام البنين اللي عاوزين يدخلو الكلية
للاسف مينفعش طلبة العام يدخلو الكلية لانها فرع واحد بنين بس علي مستوي الجمهورية




ثالثا البنات الازهريات اللي عاوزين يدخلو الكلية
مجموع الكلية عالي جدا للبنات مش بينزل عن 93 % للاربع فروع سواء علمي او ادبي بس برضه التنسيق مالهوش امان وممكن المجموع ينزل ل90%
الكلية ليها 4 فروع
1 القاهرة-مدينة نصر
2 الشرقية-العاشر من رمضان
3 الاقصر-طيبة
4 تفهنا الاشراف
الشروط ادبي لازم انجليزي 45-60
علمي 30-40
ومش مهم الفرنسي

رابعا بنات الثانوية العامة اللي عاوزين يدخو الكلية
انتو بقي حواركم كبير لان كل ليكم شروط قبل ما تنسقو والشروط دي متعلقة بالمجموع الكلي ومجموع الانجليزي لو هتدخلو انجليزي او مجموع الفرنسي لو هتدخلو فرنسي
الرابط ده من الموقع الرسمي للجامعة فيه شروط السنة اللي فاتت (2011)
http://www.azhar.edu.eg/pages/thanwy.htm
او اكتبو في جوجل (شروط قبول طالبات الثانوية العامة الراغبات فى الالتحاق بجامعة الازهر)
وهتطلعلكم اول نتيجة بحث
لو الشروط تمام هتروحو الفرع اللي عايزين تروحوه في الميعاد المحدد وتقدمو وبعدها هيحصل تنسيق داخلي علي حسب المجموع يا تدخلو يا اما لا قدر الله لا




معلومات عن الكلية
1 كليات البنات اسمها كلية الدراسات الانسانية قسم اللغات والترجمة شعبة اللغات الاوروبية انما البنين كليتهم مستقلة بذاتها (كلية اللغات والترجمة)
2 الدراسة في الكلية مش صعبة زي مانتو متخيلين واول سنة مش هيبقي فيها لا قران ولا مواد شرعي او لغوي وكمان مش فيها امتحان نصف اول وانما الامتحان الاول والاخير هو امتحان اخر العام
3 لازم تشدو حيلكم اول ما تدخلو يعني لو كورس بسيط بس عشان تقدرو تجارو الكلية والدراسة
4 مفيش حاجه اسمها دراسة مختلطة زي نظام العام وانما كل فرع مستقل يا بنين يا بنات (الكلام ده لطلبة العام عشان مش واخدين علي الجو ده انما طلبة الازهر عارفينه طبعا)
5 التحاق طالبات الثانوي العامة بيكون في قسمين بس (انجليزي وفرنسي)
6 كلية البنين فيها 10 لغات وكل لغة في شعبتين (ادب او اسلامي) اما قسم انجليزي ففيه فسم زيادة وهو قسم الترجمة الفورية


ربنا يوفق الجميع وكل اللي عايز يدخل الكلية يدخلها
انا في الخدمة ولو حد عاوز يسال سؤال يكتبه هنا وانا هارد عليه
ودi ايميلي لو في حاجه وقفت قدامكم wadahfadl yahoo.com
سلام عليكم بقي

[sosomaya]

ياجماعه الخير انا في ثانوية عامة اوكِ


وعاوزة ادخل لغات وترجمة



اعرف بقى هيا مجموعها كام؟


وهي اسمها ايه في الموقع بتاع الرغبات مش لاقياها؟


وتبع محافظة ايه؟


وهي موجوده فين وفين؟


ودرجة الانجلش والفرنساوي لازم تكون كام؟


يارب حد يرد عليا ضروووووووووووووووووري لان معتش وقت

[أحمد محمود الوصيف]

السلام عليكم جزاك الله خيرا علي هذا الموضوع لكن أحب أن أعرف شعبة الدراسات بالفرنسي ممكن تكون من كام السنة دي إن شاء الله

[wadahfadl]

اولا SOSOMAYA
طبيعي متلاقيش الكلية في الرغبات لانها ازهر مش عام وليها تنسيق ومشوار لوحدها
باقي اسئلتك انا جاوبت عليها في المنشور وعموما ده رابط من الموقع الرسمي للجامعة السنة اللي فاتت
http://www.azhar.edu.eg/pages/thanwy.htm

ثانيا احمد محمود الوصيف
اعتقد انك ازهري من سؤالك
ده رابط جروب الاتحاد بتاعنا علي الفيسبوك..........اكيد هتلاقي ناس في فرنسي تقدر تسالهم علي تنسيق السنة اللي فاتت
https://www.facebook.com/groups/studentsunionlangs

[راجيه رحمه ربى]

جزاك الله كل خير

[رغدة عزت]

السلام عليكم ورحمة الله

بمناسبة كلية اللغات والترجمة كان ليه بعض الاستفسارات انا السنه اللى فاتت خلصت ثانوية عامة (2011) ودخلت معهد فنى صحى وخلصت اولى وداخلة تانية ينفع اقدم في كلية لغات وترجمة واكمل فى المعهد في نفس الوقت ولا للازم احول من المعهد للكلية لو انا فيا الشروط وكمان كان عندى سؤال لو انا عايزة ادخل قسم فرنساوى وانا مجموعى في الفرنساوى 92 في المية بس في الانجليزى الشرط مش متوافر فيا انى اكون جايبة 85 في المية هل ده يمنعنى انى ادخل فرنساوى ولا لاء

[عسل النحو]

thanks a lot

[wadahfadl]

بصفة عامه مينفعش طالب يلتحق باكثر من جامعة ولو كانت معهد
اعرف واحد كان دخل معهد هندسه وكان عاوز يكمل في تجارة ومنفعش لانهم في المكانين محتاجين اصل المؤهل

[abulillyy]

ThanQ
...................

[الاستاذ احمد الجندى]

جزاك الله خيرا

[أنوار الايمان]

لو سمحت ممكن تكلمنا شويه عنها وبندرس ايه وكده..ونستعد ليها ازاى؟

[أنوار الايمان]

وجزاك الله خيرا..

[sarsora62]

ممكن تفاصيل اكتر عن شعبة دراسات اسلامية لغات افريقية ؟؟ لوسمحتوا

يعنى مجالات عملها ايه بعد التخرج ونظلم الدراسة فيها ايه ؟؟