|
||||||
| أرشيف المنتدي هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
|
|
#1
09-11-2008, 02:37 PM
|
||||
|
||||
ويبقى السؤال؟،،، ماهى نظرة الاخرين لك بعد ارتكاب الخطا؟!!
بعد التحية،،،،،،،،، فى الاول اقولكم سبب كتابتى لهذا الموضوع كنت عند جدتى يوم السبت فلقيت عندها جريدة الاهرام فالمهم قعدت اقرا ايه؟!! بريد الجمعة ،،،.. والقصة كانت تدور حول شاب مصرى بدا حياته وهو فى مقتبل عمره للاسف فى تعاطى المخدرات ولكن مع الوقت ربنا هداه الى تركها تماما وكانت بتحصله الاعراض بتاعة اى حد لما بيسيبها ولكنه كان يتحمل املا ان يعيش حياة محترمة كما يقول بعدها اتقدم لفتاة ووافقت عليه واخبرها انه كان كذا كذا بس هو دلوقتى خلاص الموضوع ده انتهى بالنسبة له وكده من باب الامانة يعنى وهى وافقت وبعدين تزوج بها وبيقول انه بدات تتكاثر عليه الديون فاضطر الى اللجوء اليها مرة اخرى وبدات زوجته تحس بالامر ده فاخبرها ولما هى طلبت منه الطلاق كان هو متعلق بها بشدة فترك المشوار ده وبعد عنه نهائى للمرة التانية المهم ان زوجته دى مابقتش واثقة فيه اطلاقا كل شوية تطلب موضوع الطلاق ده وهو بيقول انه متمسك بيها ومش هايقدر يسيبها ابدا فلما لقاها مصرة جدا قالها انه فيه برنامج تنظمه احدى المراكز للمدمنين للاقلاع عنه تماما وذهب هو وهى وكان وحتى الان مستمر فى اتباع خطوات البرنامج ده عشان مايرجعش للموضوع ده تانى ابدا المهم انها برده اقتنعت شوية بكلامه وبعد كده حست انها لسة خايفة منه برده وهو مش عارف يقنعها ازاى ان الموضوع ده انتهى فعلا وعمره ماهايفكر فيه تانى وكان فى اخر المقال بيطلب من الكاتب انه يقوله ازاى يقنعها وانه لو اقنعها هايقوله على اسماء تجار كان يعرفهم اثناء تلك الفترة وكان كاتب اسم موقع بس انا فاتنى انى افتحه وانا هناك او حتى اكتبه انا كل اللى اثر فيا فى الحكاية دى انه بيقول فى نهاية القصة هو معنى ان الانسان غلط فى حياته يبقى ده خلاص منبوذ من الجميع وماحدش هايثق فيه ابدا لمجرد غلطة هو ارتكبها وندم عليها؟ اليست هناك من شىء يدعى توبة؟ ومالحتقش اقرا حتى رد الكاتب عليه عشان ماما كانت ماشية وسابتنى اكملها بعد طول محايلة هو ده بقى موضوعى بيدور حول تلك القصة الغلط هنا بقى عند مين؟!!!!!!!! عند زوجته لانها مش قادرة وده غصب عنها انها تثق فيه ولا عنده هو زى ماصاحبتى قالتلى قالتلى انه هو ماكانش المفروض يقولها من البداية لما اتقدم لها انه كان كذا كذا لانه لو كان فكر انه يقدم على الخطوة دى تانى خوفه من انها تعرف الموضوع ده للمرة الاولى كان هايمنعه من الاقدام على الموضوع ده تانى ايه معنى ان الانسان يغلط ؟ انسان مش كويس صح؟ بس امتة؟!! حينما يصر على غلطه ومايحاولش انه يقلع عنه انا بصراحة لما حطيت نفسى مكانها لقيت ان غصب عنى هاكون كده زيها وهاتصرف نفس تصرفها وفى نفس الوقت ،،، هو حاله يرثى له لان كل الناس هاتبقى نظرتهم ليه كده لغلطة ارتكبها وندم عليها هايعيش حياته كلها متعذب بسبب كده؟!!!!!!!!!!!!!!!!!
__________________
قال تعالى(يايها الذين ءامنوا اتقوا الله وكونوا مع الصادقين) وفى الختام ،،،،نترككم فى رعاية الله وأمنه والسلام عليكم ورحمة الله وبركاته
 آخر تعديل بواسطة طـفـلـة الامـس ، 09-11-2008 الساعة 02:43 PM |
|
#2
09-11-2008, 03:26 PM
|
||||
|
||||
|
بداية انا احب اعلق على القصة
الراجل ده اكيد غلطان غلط لما شرب مخدرات وغلط لما قالها وغلط لما تراكمت عليه الديون وغلط لما رجع للمخدرات تاني طب هو ليه كان غلط لما قالها..... تخيلي معايا واحد من اللي مقطعين السمكة وديلها وكل يوم مع بنت بس ربنا تاب عليه وتخيلي لما جه يتجوز وقال لمراته على كل التفاصيب دي... مراته طبعا الشك حيركبها ودايما حيبقى عندها احساس انه زوجها بيخونها رغم انه بقى اخلاق ومتدين وكويس ممكن الست دي لو كان جوزها اول مرة يروح للمخدرات كانت تقدر ظروفه وديونه وتقف جنبه وتساعده انما للمرة التانية هيا حست انه ضعيييييييييييف ومش ده اللي تأمن له يمكن تكون غلطانه ويمكن يكون عندها حق بشكل عام بقى احنا كناس عايشين في العصر ده وفي المكان ده.......معظمنا ضيع حاجات كتير حلوة الاخلاق والدين والأمانه والصدق والاخلاص والوفاء والصداقة .يبقى مفيش مانع التسامح والعفو يريحوا شوية برضه بس السؤال ليه احنا لما نغلط نبقى عايزين اللي غلطنا فيهم او اللي غلطنا مسهم يسامحونا مع اننا نفسنا في احيان كتير ممكن ما نقبلش نسامحهم ليه دايما غلطات الانسان او ظروف حواليه مفروضة عليه او هو مالوش دخل فيها او جه الدنيا لقاها كده .. ليه كل ده يفضل معانا...المفروضاعتها نزعل من الناس ولا من الدنيا؟؟ انا اللي يلخص كل ده سؤالنا لنفسنا وسؤالك لنفسك هل لو انا مكان الست دي حقدر اسامح؟؟؟ مش سماح كده .. كلام والسلام واول موقف نرجع تاني انما انا اقصد عفو وكأن شئ لم يكن موضوع رائع  |
|
#3
10-11-2008, 02:57 AM
|
||||
|
||||
|
اقتباس:
جزاكم الله خيرا على المرور بس حضرتك نسيت تكتب تحياتى قبل
__________________
قال تعالى(يايها الذين ءامنوا اتقوا الله وكونوا مع الصادقين) وفى الختام ،،،،نترككم فى رعاية الله وأمنه والسلام عليكم ورحمة الله وبركاته
|
|
#4
09-11-2008, 06:02 PM
|
|||
|
|||
|
اكيد هو اللي غلطان وميستحقش انها ترجعله
وهي ليها حق انها متثقش فيه تاني لانه ضعيف لما قالها انه كان مدمن بس بطل يبقى خلاص سماح في الحالة دي بس نقدر نقول انها ظالمة لو كانت رفضته لكنه بمجرد ما اتداين رجع للهباب دة تاني وهي ايش ضمنها انه مش هيدمن تالت هيحلف طب ماهو اكيد حلف لها قبل كدة وبطل واهو رجع تاني وبيحلف تاني انه مش هيدمن وانا مش مع راي انه كان المفروض يخبي عليها لانه لما صارحها وثقت فيه فعلا لكن هو اللي خان الثقة دي شكرا يا سارة ع الموضوع مكانش ينفع يعني تاخدي معاكي الجرنال 
|
|
#5
10-11-2008, 03:01 AM
|
||||
|
||||
|
اقتباس:
بس هايفضل حياته كلها عايش فى عذاب عشان زلة
والمفروض اننا مانسامحش خالص هو اه رجع تانى بس بيقول ان الموضوع انتهى تماما دلوقتى بس انا صراحة مع راى صحبتى نورتى الموضوع يابوسى مش عارفة انتى مختفية فين فى كليتنا الجميلة 
__________________
قال تعالى(يايها الذين ءامنوا اتقوا الله وكونوا مع الصادقين) وفى الختام ،،،،نترككم فى رعاية الله وأمنه والسلام عليكم ورحمة الله وبركاته
|
|
#6
10-11-2008, 11:47 PM
|
|||
|
|||
|
اقتباس:
انا بقولك رايي و هاتصرف ازاي لو دة حصل معايا مش شرط ف حكاية ادمان ممكن اي غلط تاني مش عارفة انتى مختفية فين فى كليتنا الجميلة جميلة اهاهو موكوته 
|
|
#7
11-11-2008, 01:13 AM
|
||||
|
||||
|
اقتباس:
بقالى كتير ماشفتكيش
كام ساعة بس نورتى تانى يابوسى
__________________
قال تعالى(يايها الذين ءامنوا اتقوا الله وكونوا مع الصادقين) وفى الختام ،،،،نترككم فى رعاية الله وأمنه والسلام عليكم ورحمة الله وبركاته
|
|
#8
09-11-2008, 06:09 PM
|
||||
|
||||
|
اقتباس:
كنتي حتى حلي سودوكو وكلمات متقاطعة بس وشوفي الصور
|
|
#9
10-11-2008, 03:04 AM
|
||||
|
||||
|
اقتباس:
لا طبعا ماكنش ينفع ابدا
لانى بمسك الجورنال عشان القصص والحكاوى دى وبعدين السودوكو عندى عالموبايل ومش بفتحها اصلا اهو بنتعرف على هموم الناس امال هانبقى دكاترة ازاى واحنا مش بنحس بغيرنا وطبعا بما انى مخلصة كل اللى ورايا دايما فبقعد اتصفح هذه الاوراق لاكون على اتم الاستعداد بعد خمس سنوات باذن الله على استقبال المرضى رد تحليلى مفصل
__________________
قال تعالى(يايها الذين ءامنوا اتقوا الله وكونوا مع الصادقين) وفى الختام ،،،،نترككم فى رعاية الله وأمنه والسلام عليكم ورحمة الله وبركاته
|
|
#10
09-11-2008, 06:13 PM
|
||||
|
||||
|
الراجل ده اكيد هو اللي غلطان لما وثقت فيه وهو مش كان اد الثقة دي
واحده غيرها لما كان يقولها مش كانت هترضى بيه اقتباس:
في اخطاء مابتتغفرش وفي اخطاء لو اتقبلت مرة مش ممكن تتقبل للمرة التانية وفي اخطاء بتعدي عادي كل ده حسب نوع الغلط توبيك جميل بجد ياسارة ولو عاوزة تشوفي رد الكاتب هتلاقيه في الارشيف في الاهرام على النت وانا ممكن اجبهولك جزاكي الله خيرا ياقمر كان نفسي ارد اول واحد بس الله يسامح اللي كان السبب 
__________________
لو صرخت الدنيا ف وشي اكيد هعلي حسي ... لو كان ده وقت الانهيار انا حاطه روحي ع كفي ... لو كان ده وقت الانفجار .. اكيد ملغمه نفسي ...!! * ** فى حياة كل منا ذكرى تمنى الا يمر بها ولكن لولا ألمها لارتكب المزيد من الاخطاء فى حق نفسه وفى حق الاخرين* ** الحمدلله |
|
#11
09-11-2008, 06:23 PM
|
||||
|
||||
|
فعلا مكنش المفروض يقولها من الاول
يعنى هو خلاص كان بطل وربنا ستر عليه ليه هو بقى يفضح نفسه هو كده اعتبرها صراحه لكن هى اكييد وقتها خافت من داخلها منه وهى اكييد كانت خايفه من انه يرجع تانى , فلما حصل ده هى طلبت الطلاق اكييد عشان هو كده امامها ضعيف بدون اراده ده غير المشاكل الكتير اللى اكييد بتسببلهم نتيجه ديونه ومشاكله دى كان نفسى ارد اول واحده بس انتى عارفه كنت اد ايه مشغوله وقتها  و بعدين لسه بتقرى الاهرام بس لما اشوفك :abdoog8:
__________________
|
|
#12
09-11-2008, 06:48 PM
|
||||
|
||||
|
انا شايف ان هي عندها حق انها تطلب الطلاق لان هو انسان ضعيف
طالما الشيطان قدر يسيطر عليه مرتين و يوقعه فيها ممكن يسيطر عليه تاني و تاني طول ما هو بعيد عن ربنا .
__________________
 إني ابتليت بأربع ما سلطوا ........................ الا لشدة شقوتي و عنائي إبليس و الدنيا و نفسي و الهوى ................... كيف الخلاص و كلهم أعدائي |
|
#13
10-11-2008, 03:12 AM
|
||||
|
||||
|
اقتباس:
بس طالما انه قرب من ربنا ايه المانع؟
سؤال محير وموقفهم هما الاتنين اصعب من بعض جزاكم الله خيرا على مرور حضرتك الطيب
__________________
قال تعالى(يايها الذين ءامنوا اتقوا الله وكونوا مع الصادقين) وفى الختام ،،،،نترككم فى رعاية الله وأمنه والسلام عليكم ورحمة الله وبركاته
|
|
#14
10-11-2008, 03:10 AM
|
||||
|
||||
|
اقتباس:
لما تشوفينى ايه
هو انتى بتشوفينى اصلا ده انتى ورايا فى كل حتة اما الواحد زهق نورتى يادكتورة
__________________
قال تعالى(يايها الذين ءامنوا اتقوا الله وكونوا مع الصادقين) وفى الختام ،،،،نترككم فى رعاية الله وأمنه والسلام عليكم ورحمة الله وبركاته
|
|
#15
10-11-2008, 03:06 AM
|
||||
|
||||
|
اقتباس:
عارفة السبب
معلش بتحصل معايا علطول نورتى يا ايمى
__________________
قال تعالى(يايها الذين ءامنوا اتقوا الله وكونوا مع الصادقين) وفى الختام ،،،،نترككم فى رعاية الله وأمنه والسلام عليكم ورحمة الله وبركاته
|
| العلامات المرجعية |
«
الموضوع السابق
|
الموضوع التالي
»
| أدوات الموضوع | ابحث في الموضوع |
| انواع عرض الموضوع | |
العرض المتطور
|
|
جميع الأوقات بتوقيت GMT +2. الساعة الآن 04:49 PM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
