مدرسان يعتديان بالضرب علي أب أمام أبنائه الأربعة

بسم الله الرحمن الرحيم

قام مدرسان من مدرسة المقطم الإعدادية الثانوية للبنين، بالاعتداء بالضرب علي ولي أمر طالب أمام أولاده الأربعة، أثناء توصيل ابنه الطالب المريض للمدرسة، قال إيهاب حنفي كمال، سائق تاكسي: «اعتدت توصيل أبنائي الأربعة لمدارسهم قبل بدء عملي، خصوصاً ابني الأكبر (عبدالله)، الطالب بالصف الأول الإعدادي، الذي يعاني وأخوته من أنيميا (بحر متوسط حادة)، فضلاً عن إصابته بزيادة كهرباء بالمخ، وهي الظروف المرضية التي يعلم بها جميع معلميه وإدارة مدرسته، وفقاً للتقارير والشهادات الطبية، التي تستوجب معاملته معاملة خاصة».
وتابع: «في صباح الخميس الموافق ٣٠ أكتوبر الحالي، ذهبت لتوصيل عبدالله لمدرسته، ففوجئت بإدارة المدرسة تغلق الباب في وجه الطلبة، بحجة حضورهم بعد بدء الطابور، فشرحت لهم ظروف (عبدالله)، التي تمنعه من الوقوف بالطابور، إلا أنني فوجئت بمدرس الألعاب بالمدرسة يسرع باتجاهي، ودون سابق إنذار رفع عصا خشبية مبطنة بخرطوم سميك طولها حوالي ٧٠ سنتيمتراً كان ممسكاً بها، وضربني بها علي كتفي وفي غضون لحظات، فوجئت بمدرس آخر جاء مهرولاً تجاهي أيضاً وجذبني ب*** من ذراعي اليسري، الأمر الذي نتج عنه إحداث بعض الخدوش لي، ثم بدأ يسبني بألفاظ مشينة، خصوصاً عندما هددته بأنني سأقدم شكوي لوزير التعليم بما حدث».
وأضاف إيهاب: «لم أكن أتوقع يوماً أن أتعرض لهذه الإهانة أمام أولادي»، وقال: «إن ذلك أصابهم بحالة من الفزع، خصوصاً ابني الأصغر (سامر)، الذي لم يتجاوز الخامسة من عمره، حيث ظل طوال المشاجرة ممسكاً بقدمي وهو يصرخ ويبكي مع أخوته، فحاولت تدارك الموقف، وتراجعت بهم للخلف، واتصلت بالشرطة.
وجاءتني قوة من قسم الخليفة لتحرير محضر بالواقعة، لكن مديرة المدرسة رفضت إعطاء الأمين اسمي المدرسين اللذين اعتديا علي، ولإتمام المحضر أرسل مأمور قسم الخليفة طلب استدعاء رسمي لها للإدلاء باسميهما، لكنها رفضت الحضور للقسم، وتم تحويل المحضر للنيابة برقم ٧ أحوال، مرفق به تقرير طبي من مستشفي الخليفة بالإصابات التي أحدثها المدرسان بي».
وأكد ابنه الطالب عبدالله، أن المدرسين بالمدرسة اعتادوا ضرب التلاميذ علي أيديهم وأرجلهم بأيدي المقشات الخشبية، كما أنهم أحياناً يجبرونهم علي خلع الأحذية لضربهم علي الأقدام، وإذا ما أثار بعض الطلبة الشغب بالفصول فإنهم يجبرون طلاب الفصل بأكمله علي الوقوف لمدة ساعة أو ساعة ونصف الساعة في أي منطقة مشمسة بفناء المدرسة، فضلاً عن حالات الإصابة التي يتعرض لها التلاميذ أثناء تدافعهم علي السلالم في فترة الفسحة أو الانصراف، حيث يختلط طلبة المرحلة الإعدادية مع الثانوية بالمدرسة دون انتظام، ويسقط من بينهم جرحي ومغشي عليهم.

[Dr.ahmed91]

ايه يا اسلام..... مالك مهتم بالمواضيع دي ليه؟؟؟

عاتي.عاتي

الكادر مأثر على نفسية معظم المدرسين زي الثانوية العامة كده

المشاركة الأصلية كتبت بواسطة Dr.ahmed91

ايه يا اسلام..... مالك مهتم بالمواضيع دي ليه؟؟؟

المشاركة الأصلية كتبت بواسطة Dr.ahmed91

عاتي.عاتي

الكادر مأثر على نفسية معظم المدرسين زي الثانوية العامة كده

لا والله ابدا
بس حاجات غريبة شوية
اصل الاول مكنش فيه حد بيهتم او زى ما تقول مكنش حد بيتكلم
انما لما الموضوع وسع مبقاش يتسكت عليه

انا حاسس ان التدريس هيا المهنة الوحيدة في البلد
كلو بقي يعمل لاي حدث عادي بيحصل في التربية والتعليم ممكن يحصل وبيحصل منه كتير جدا فعلا في المهن الاخري بس مش عارف الناس كلها مركزين ع المدرسين ليه؟
وكل حاجة بسيطة يعملوا م الحبة قبة
للدرجاتي المدرس بقا مكروه في مصر؟
امال ايه عبارة من علمني حرفا صرت له عبدا دي؟؟؟؟؟؟؟؟؟
ما كل المهن لو ركزنا فيه بيحصل بلاوي
ولا المدرس ده بقا ملطشة من يوم ما امتحن زي العيال الصغيرة؟؟؟؟؟؟؟؟

علشان متقلش ان الواحد متحيز ولا بيفترى ثم انا بجيب اخبار مش بفبرك اخبار
وعلشان متقلش انى متحامل على المدرسيين
ده خبر عن تحرش ظباط شرطة با اختين فى قسم الشرطة

حلقة جديدة فى مسلسل الاهانة تحرش ظباط شرطة بشقيقتان

وكده مفيش حد احسن من حد

[M.Sherif]

انا حاسس ان التدريس هيا المهنة الوحيدة في البلد
كلو بقي يعمل لاي حدث عادي بيحصل في التربية والتعليم ممكن يحصل وبيحصل منه كتير جدا فعلا في المهن الاخري بس مش عارف الناس كلها مركزين ع المدرسين ليه؟
وكل حاجة بسيطة يعملوا م الحبة قبة
للدرجاتي المدرس بقا مكروه في مصر؟
امال ايه عبارة من علمني حرفا صرت له عبدا دي؟؟؟؟؟؟؟؟؟
ما كل المهن لو ركزنا فيه بيحصل بلاوي
ولا المدرس ده بقا ملطشة من يوم ما امتحن زي العيال الصغيرة؟؟؟؟؟؟؟؟

[Travel]

المشاركة الأصلية كتبت بواسطة مستر شريف

انا حاسس ان التدريس هيا المهنة الوحيدة في البلد
كلو بقي يعمل لاي حدث عادي بيحصل في التربية والتعليم ممكن يحصل وبيحصل منه كتير جدا فعلا في المهن الاخري بس مش عارف الناس كلها مركزين ع المدرسين ليه؟
والله اللى بيحصل ده حضرتك مش شايفه زينا ولا ايه؟
حضرتك مش ملاحظ ان التعليم فى مصر خلاص نزل فى الحضيض
الطالب بدل ما بنعلمه بن***ه ون***ه
وبنبهدله هو واهله كمان
وكل حاجة بسيطة يعملوا م الحبة قبة
بسيطة
!!
وااضح ان حضرتك بتتفرج على نشرة6 ومتابع الاخبار اول باول
ولا شكل حضرتك مشترك فى خدمة
الجزيرة موبايل. .
(وكانك فى قلب الحدث)
للدرجاتي المدرس بقا مكروه في مصر؟
امال ايه عبارة من علمني حرفا صرت له عبدا دي؟؟؟؟؟؟؟؟؟
والله العبارة دى تتقال ايام زماااااااااان
بالمعنى العربى
ايام جدو الله يرحمه
ايام التعليم والتدريس الصح
ايام المدرس اللى ماااشى صح
الله يرحمها ايااام
الواحد بيتمنى والله انه كان يعيش فيها
انما نقول ايه
ادى الله وادى حكمته
ما كل المهن لو ركزنا فيه بيحصل بلاوي
ولا المدرس ده بقا ملطشة من يوم ما امتحن زي العيال الصغيرة؟؟؟؟؟؟؟؟

محدش جاب سيرة امتحانات
ربنا يكرمكوا وتطلعوا متفوقين
بس اعتقد ان حضرتك مش بتتكلم بموضوعية خاالص
لو ابن حضرتك لا قدر الله مات من مدرس كنت هتسكت

لو حضرتك اتهانت قدام اولادك هتسكت

واللى هانك مدرس

بقى بدل ما بتعلم ولادك وبتربيهم
يبقى شكلك ايه قدامهم وانت بتتهان
!!
هو علشان حضرتك مدرس بتدافع ولا ايه؟

معتقدش ان حضرتك باصص للموضوع بموضوعية شوية
حضرتك بتدافع عن المهنة
وسايب كل حاجة بتحصل

يعنى لو ولعوا فى الطلبة ودبحوهم
وحد اتكلم
حضرتك هتقول
انتوا عاملين من الحبة قبة ليه يا جماعة
اللى يعيش ياما هيشوف لسه

انا اقتبست الرد ده
علشان ده اللى عملى لفت انتباه اوى

[Rien]

المشاركة الأصلية كتبت بواسطة -sherif-

انا حاسس ان التدريس هيا المهنة الوحيدة في البلد
كلو بقي يعمل لاي حدث عادي بيحصل في التربية والتعليم ممكن يحصل وبيحصل منه كتير جدا فعلا في المهن الاخري بس مش عارف الناس كلها مركزين ع المدرسين ليه؟
وكل حاجة بسيطة يعملوا م الحبة قبة
للدرجاتي المدرس بقا مكروه في مصر؟
امال ايه عبارة من علمني حرفا صرت له عبدا دي؟؟؟؟؟؟؟؟؟
ما كل المهن لو ركزنا فيه بيحصل بلاوي
ولا المدرس ده بقا ملطشة من يوم ما امتحن زي العيال الصغيرة؟؟؟؟؟؟؟؟

عشان اتعودنا ان المدرس لازم يكون شخص محترم
ولازم يكون قدوة حسنة
لان على الاقل فيه من بين كل 30 طالب
واحد او اتنين بيعتبروا مدرسهم مثل اعلى
وخصوصا ف مرحلة الابتدائى واحيانا الاعدادى
لان الطالب بيكون لسة صغير
المفروض يعنى ان المدرس بيربى اجيال
كمان الوزارة اسمها ( تربية وتعليم )
هى اةة الحمد لله فشلت ف التعليم بنسبة كبيرة جدا
بس حرام تفشل ف التربية كمان !!
---
على كل حال مفيش اى تعميم
والمدرس المحترم له احترامه
ملحوظة على عبارة ( من علمنى حرفاً صرت له عبداً ) :
العبودية لله وحده

[mono2000]

انهم يا سيدي ليسوا بمعلمين
بل مجموعه من الغوغاء
فهناك الكثير ممن ينتمون لهذه المهنه الساميه بلاسم فقط يحتاجون الي .................

[شمس بياض]

استاذ اسلام

انا زوجى محامى وكتير بتتلفق تهم واشياء غير الحقيقه
ومفهوم كلمه الخبر يعنى احتمال صواب ام خطا

وبعدين الكل متحامل على المدرس ليه

يااسلام
مش كفايه والوزير والوزاره
ولا المثل بيقول



















0لامؤاخذه يعنى



البقره لما تقع يكتر سكاكينها

[hend ere]

والله انا مش عارفه ارد اقول ايه
انا مش عارفه دول مدرسين ازاى!!!
صحيح فى مدرسين كثير جداااااااااا محترمين
لكن فى مدرسين والله حرام يطلق عليهم الاسم ده لانهم ليسو سوى......
واكيد كل واحد فى مراحل عمره مر بمدرسين بلا ضمير و..و...
لكن برده لا نستطيع ان ننكر ان هناك مدرسين كانو يمثلون مثل عليا لنا
شكرا على الخبر

[اوركيديا]

المشاركة الأصلية كتبت بواسطة _GUIDE_

وأكد ابنه الطالب عبدالله، أن المدرسين بالمدرسة اعتادوا ضرب التلاميذ علي أيديهم وأرجلهم بأيدي المقشات الخشبية، كما أنهم أحياناً يجبرونهم علي خلع الأحذية لضربهم علي الأقدام، وإذا ما أثار بعض الطلبة الشغب بالفصول فإنهم يجبرون طلاب الفصل بأكمله علي الوقوف لمدة ساعة أو ساعة ونصف الساعة في أي منطقة مشمسة بفناء المدرسة، فضلاً عن حالات الإصابة التي يتعرض لها التلاميذ أثناء تدافعهم علي السلالم في فترة الفسحة أو الانصراف، حيث يختلط طلبة المرحلة الإعدادية مع الثانوية بالمدرسة دون انتظام، ويسقط من بينهم جرحي ومغشي عليهم.

بجد الفقره دى اكتر فقره شدتنى
طاب كويس و الله
يعنى الموضوع معروف و متاخد عليه
زعلانين ليه بقى

انا مش عارفه بجد
هو الاتنين المدرسين دول يعنى لو لقوا حد قالهم لا من البدايه
كان الموضوع وصل للبلطجه دى
لا

الحكايه بقت على الكل
و قالوا للفرعون مين فرعنك
قال ملقتش حد يلمنى
يعنى من الاخر
واحد اداله ربنا شويه ريش
عايزه مش ينفشهم
ده حتى يبقى حرام عليه

هو ده المنطق اللى الناس شغالين بيه
عشان كده انا مش لايمه عليهم
اذا كانوا بيخلوا العيال يضربوا و اهاليهم عارفين و ساكتين
يبقى ايه بقى زعلانين ليه

المشاركة الأصلية كتبت بواسطة شمس بياض

البقره لما تقع يكتر سكاكينها

احم
و الله هو مش موضوع قوى مع انه كان فيه اغنيه بتقول العجل وقع هاتوا السكاكين

بس المدرس بجد استفحل فى كل حاجه
و الغالبيه هى اللى بقت وحشه
و ده مش عيب عليهم
هما مصريين
يبقى ده شئ مش مستغرب

يلا كفايه رغى

فى رعايه الله

[أسيل رزق]

المدرسين إتجننوا والحمد لله

مدرسين دول ولا ظباط شرطة

لازم أفتح عيادة نفسية فى أقرب وقت

بس فى سؤال محيرنى ؟!!

هما بياخدوا إيه فى كلية التربية؟؟!!!!!

[أحمد _أبوزيد]

المشاركة الأصلية كتبت بواسطة اسيل رزق

المدرسين إتجننوا والحمد لله

مدرسين دول ولا ظباط شرطة

لازم أفتح عيادة نفسية فى أقرب وقت

بس فى سؤال محيرنى ؟!!

هما بياخدوا إيه فى كلية التربية؟؟!!!!!

فعلاً ما جاء بالخبر أمر مؤسف ويستحق العقاب الرادع ولكني أكرر نفس الكلام شريحة المعلمين جزء من المجتمع المصري وبها تفاوت في الثقافة
والأسلوب ،ولا يمكن تطبيق استثناء على الجميع ، وإذا اعتبرنا أن الفساد الآن منتشر بصورة مرضية في أغلب شرائح المجتمع فإن فساد هذه الشريحة لاشيء أمام الجميع .

[sssahmed]

ارفض تصرف هذين الاستاذين بكل شدة
واننى متعاطف مع الاب وابنائه
و ربنا على كل ظالم ومفترى
(( افعل ما شئت فكما تدين تدان ))

[ميراج]

لا والله ابدا
بس حاجات غريبة شوية
اصل الاول مكنش فيه حد بيهتم او زى ما تقول مكنش حد بيتكلم
انما لما الموضوع وسع مبقاش يتسكت عليه
والله عندك حق بجد البلد دى بقت اهمال فى اهمال وبقت ليه دة هيه طول عمره كده الواحد مش عارف يعمل ايه مع الناس اللى مبيفهموش دول والله على راى المثل اللى يعيش ياما يشوف واحنا شوفنا كتير زى الطفل اسلام الذى راح ضحيه مدرس اهوح وطفله اخرى راحت ضحيه الخوف من المدرس لانها لم تقم بعمل الواجب ولسه ياما هنشوف حسبنا الله ونعم الوكيل

[LATICS FAN 2008-2009]

teachers are goin' nuts
get outta their way