|
||||||
| جامعـة الأزهـر الشريـف كل كليات جامعة الأزهر |
 |
|
|
أدوات الموضوع | انواع عرض الموضوع |
|
|
|
#1
30-09-2008, 12:25 AM
|
||||
|
||||
بعض النصائح لطلبه سنه اولى علوم
بسم الله الرحمن الرحيم
مقدمه كليه العلوم مش كليه صعبه ولا حاجه المواد الدراسيه فيها لذيذه جدا وهتكتشفوا ده فى سنه تانيه وتالته ورابعه بعض النصائح المهمه حتى تحصل على تقدير كويس 1 - أختار السكن المناسب يعنى لو المدينه الجامعيه يبقى أفضل حاجه لأنها بتوفر الوقت والجهد و بتساعد على التركيز و تقدر تحقق فيها أعلى عدد من الساعات فى المذاكره لو حظك وحش ومدخلتش المدينه حاول تأخد سكن فى مكان قريب زى الحى السادس أو حدائق القبه حاول على قد الأمكان أن تكون قريب من الجامعه 2- أختار زملاء سكن كويسين حاول تسكن مع ناس فى علوم وياريت يكونوا أكبر منك فى الدراسه علشان يساعدوك وتفهم منهم أزاى بتم الأمتحانات وتأخد خبرتهم بس متعدمتش عليهم خليك مفتح ياد علشان متقعش حاول أن يكون زملاء فى السكن من كليات علميه وأبعد عن المدخنين وعن شريبه الحشيش على قد ما تقدر أعملوا جدول و حطوا شويه قواعد تنظم السكن من حيث الأكل والنظافه العامه والفلوس و الضيوف ده هيخلى فىه مناخ مناسب بعيد عن المشاكل و تعب الأعصاب وفلان قال وفلان مقالش والقصص الخيبه دى 3- كليتك كليه عمليه بتعتمد على الحضور والتركيز لازم تحرص على الحضور المبكر لجميع الأيام الدراسيه يعنى لو المحاضره 9 لازم تكون فى الكليه 8:15 وأحرص على الجلوس فى منتصف المدرج أمام الدكتور مباشره لا تتنازل عن الجلوس فى الصف الأول علشان تقدر تسمع الدكتور كويس لأن فى دكاتره صوتها واطى دى بيديك تركيز عالى وبيساعد على الفهم السريع وده أنت فى أمس الحاجه ليه فى الكليه لو تقدر تقعد تحت الدكتور وهو بيشرح المحاضره مفيش مشكله وطبعا ده كمان فى السكاشن أحرص أنك تكون فى أول بنش أمام المعيد مباشره متقعدش جنب واحد بيرغى أو بيقعد يتكلم فى المحاضرات لازم تقعد فى المحاضرات مركز متخليش الموبايل يشغلك ومتفكرش لا فى حبيب ولا قريب خليك مع الدكتور فقط و أنسى كل حاجه أياك تسيب محاضره شغاله وتمشى فى دكاتره مبتعرفش تشرح ومحدش بيفهم منهم حاجه برضوه تحضر محضرته من أولها لأخرها الحضور مهم جدا يا جماعه ومتعتمدش على حد يحجزلك مكان المحاضرات والسكاشن أكتبهم كلمه كلمه فى شكولك لو الدكتور عطس فى المحاضره أكتبها برضوه لازم تكون سريع مش مهم الخط يكون وحش المهم أنك تعرف تقرأه متعتمدش ان صاحبك معاه أم بى ثرى وبيسجل المحاضره يعنى حتى لو أنت معاك أم بى ثرى وبتسجل المحاضره أكتبها برضوه الأدب وعدم أثاره المشاكل لازم تلتزم بالأدب علشان مفيش دكتور أو معيد يعملك مشكله الموبايل تقفله خالص فى المحاضره أنا بقول تقفله خالص مش تعمله صامت متكلمش حد لا فى محاضره ولا فى سيكشن متعديش حدودك مع أى دكتور أو معيد ألتزم بحضرتك و ب دكتور تابع جيدا مواعيد المحاضرات والسكاشن لأنها بتتغير علشان متفوتش حاجه المذاكره 1 يوميا قم بتبيض المحاضرات يعنى المحاضره اللى كتبتها ورا الدكتور بخط وحش أرجع اكتبها تانى بخط جميل وبتنسيق وأضافه الرسم وأستعين بالكتاب كمان نظام المذاكره أولا أفهم وده بيكون فى اكليه محاضرات وسكاشن ثانيا أحفظ وده بيكون فى السكن ثالثا مذكره الأمتحانات دور عليها وهاتها غالبا هتلقيها فى مكتبه الخليل فى الحى السادس وحل الأسئله بتاعتها كامله وأنا معاكم هنا لو فيه أيه حاجه تانيه ولو افتكرت نصائح كمان هقولهالكم 
|
|
#3
30-09-2008, 04:42 PM
|
|||
|
|||
السلام عليكم ورحمه اللة وبركاته
اولا هو اسمة محمد سليم ثانيا هو في سنه رابعه بحار واسماك والحمد للة من المتفوقين في القسم بتاعه وارجو منك تهتم بالنصائح اللى هو كتبها لانها مهمه (احنا لم نجد اللى ينصحنا ويقولنا الكلام اللى هو قالو لكم) السلام ختام 
|
|
#4
30-09-2008, 04:51 PM
|
||||
|
||||
اقتباس:
شكرا يا نباتى على فكره النباتى معايا فى الكليه من سنه أولى بس أفترقنا فى سنه تالته هو دخل نبات وانا دخلت علوم بحار أخوكم محمد سليم علوم القاهره أزهر الفرقه الرابعه شعبه علوم البحار والأسماك قسم علم الحيوان Marine Biologist أنا صديق أخوكم محمد النباتى ويسعدنى أنى أكون معاكم وانا و النباتى تحت أمركم فى أى أستفسارات
|
|
#5
01-10-2008, 10:16 PM
|
||||
|
||||
|
شكرا لحضرتك يااستاذ محمود على النصائح دى وربنا يوفقك ويوفقنا يارب
فى رعايه الله
__________________
اذا اردت ان تكون عظيما فابتسم عندما ينتظر الجميع بكاؤك
|
|
#6
02-10-2008, 11:44 AM
|
|||
|
|||
الواضح ان مفيش تركيز
السلام عليكم ورحمه الله وبركاته
اولا الواضح ان التركيز عالي عندكم جدا للدرجه التى جعلت احد الحكماء يقول ان الشىء عندما يزيد عن حده بينقلب الي ضده ما ينفعشي كده اذا كان حضاراتكم بتخشوا علي النت وانتم نايمين فلا زم لما تسمعوا اسم كلية العلوم تتعدلوا وتركزوا لان ماينفعشي كل شخص يغلط في اسم التاني ....... اذا كانت درجه التركيز عندكم بالطريقةدي يبئه لازم تشدوا حيلكم عن كده ياشباب (لانه اللي ماركزشي وعرف الاسم ايه بالضبط اكيد لم يركز في النصائح)وخلي بالكم احنا بننصح وفقط والي الان بنحببكم في الكلية لكن الواضح ان كل شخص داخل لان المجموع رماه علي الكليه وده مش هاينفع لازم ننسي كل اللى فات لانه مش هاينفعنا في اللى جاي اللى جاي صعب ياشباب بالله عليكم ركزوا مش مهم الاسماء انا عارف بس اللى انا ملاحظه ان التركيز مش موجود ولا الاهتمام بدليل ان مفيش سؤال واحد انسال في النصائح اللى انكتبت انا اسف اذا كانت لهجتي حاده عليكم لكن ده لمصلحه الاسلام والمسلمين عسي ان اي احد ينتبه ويشد حيلة شويه وانا بصراحه بالطريقه دي هازعل منكم انا مش لاقي نشاط من الناس ولا في تركيز من الناشطين مش هاينفع خلوا بالكم واعرفوا كويس قوي ان الكلية (علوم)مش سهله ومش صعبه وخلو بالكم ان انا قدمت الصعوبة واخرت السهوله واللي هايفهم هايعرف ان الجملة دي بتعبر تماما عن كلية العلوم اخيرا ارجوا ان انتم ما تزعلوش مني ان بشد ودانكم بس اخوكم في الاسلام النباتي 
|
|
#9
04-10-2008, 03:59 AM
|
|||
|
|||
|
محمد سليم اهلا وسهلا بيك انا كنت عايزة اعرف منك اية هو قسم علوم بحار دة واطلع منو اية وهو حلو ولا وحش وانا اهلى عندهم شركة لتصدير الاسماك فاحسن قسم ليا هو علوم بحار ولا كيمياء سبيشيال علشان اطلع اشتغل فى معامل التحاليل فى شركتنا انا بجد بتمنالك كل التوفيق والتقديرات وانك تكون معيد فى الجامعة تانى حاجة معلش انا اسفة احنا معندناش كتاب فانا مش عارفة اذاكر منين وخايفة اوى انا اصلا اول دفعة فى كليتى لانها لسة جديدة انا فى علوم بورسعيد والكلية بنظام الساعات المعتمدة ارجوك كمان انصحنى فى حكاية الكتاب دى شكرا ليك اوى وربنا يوفقك وينجحك ويجعلك من الاوائل دائما والى التفوق دائما باذن الله اختك فى الله
|
|
#10
04-10-2008, 03:32 PM
|
||||
|
||||
|
شكرا على النصائح الغالية
احمد محمد فاروق اولى علوم القاهرة ان شاء الله قسم فيزياء ورياضيات
__________________
شاب كان او هرم فهو عاقل، يجاهد فقط فى نفسة اولا. لا يجبر على شئ ان لم يقتنع بة تمام الاقتناع، قد براة البعض علمانيا ولكنة مسلما. لة طريقتة بالتفكير، والتجربة لدية خير دليل. قد تراة مجنونا بافكارة المتزنة، ولكن لا تستمع الية فكل كلمة لها اذن وقد تكون كلماتى ليست لاذناك.
|
|
#11
06-10-2008, 05:40 AM
|
||||
|
||||
|
السلام عليكم
بالنسبه للعضوه الحب الولهان عندنا فى جامعه الأزهر لسه مبقاش قسم حتى الأن هو شعبه من قسم الحيوان وبندخله من سنه تالته بعد ما بنختار شعبه بيولوجى كمان أعتقد أنه نفس النظام موجود علوم جامعه قناه السويس رغم أن جامعه الأسكندريه عامله قسم وبيدخلوه من سنه أولى أنا مش عارف علوم بورسعيد فيها القسم ده ولا لا وكمان معرفش نظامه أيه ده لو موجود بالنسبه لجامعه الأزهر شعبه علوم البحار بندرس فيها كل حاجه عن الأسماك بالتفصيل الممل كمان بندرس الخواص الفيزيائيه والكيميائيه والجيولوجيه للماء ولكن دراسه بيولوجيه الأسماك هى اللى بنركز عليها قوى أنا المفروض أتخرج من الكليه باللقب الأتى Marine Biologist بيتاح ليا العمل فى الأتى 1 الأبحاث على الأحياء المائيه وده بيكون تبع هيئه الثروه السمكيه ومعاهد علوم البحار الموجوده بالأسكندريه والغردقه 2 مزارع الأسماك و مصانع تعليب الأسماك والصناعه السمكيه 3 فى مجال حمايه البيئه والمحميات الطبيعيه زى محميه رأس محمد وده بيكون تبع وزاره البيئه 4 العمل فى مراكز الغطس كغواص ولكن ده بعد الحصول على رخصه دوليه للغوص هل القسم كويس ولا لا والله أحنا بنسمع كده لغايه دلوقتى أنه كويس وأنه من الأقسام النادره وأنه عدد العاملين فى المجال ده مطلوبين ولكن المشكله هى لابد من الحصول على مجموعه دورات تأهيليه مثل اللغه والسباحه والغوص ودى بتكون مكلفه نوع ما بالنسبه للشغل فى شركه تصدير الأسماك أنا بصراحه مليش خبره فى مجال الشغل ومحتكتش بسوق العمل ممكن تسألى قرايبك صحاب الشركه أيه بالظبط التخصص اللى هما بيطلبوه عندهم فى شركتهم بالنسبه لنظام الدراسه الجديد ده وهو الساعات المعتمده أعتقد انك المفروض تسألى المعيدين والدكاتره بتوعك تذاكرى منين وحاولى تحضرى جميع المحاضرات والسكاشن وتكتبى كل حاجه وأنا أسف أن كنت قصرت معاكى فى بعض الأجابات أنا حاولت على قد ما أقدر انى أساعدك وربنا يوفقك وتكونى ديما من المتفوقين
|
|
#12
06-10-2008, 05:42 AM
|
||||
|
||||
|
شكرا براءة على الرد الجميل ده
شد حيلك يا أحمد يا فاروق ومنور الكليه والمنتدى والموضوع آخر تعديل بواسطة mohamed sleam ، 06-10-2008 الساعة 05:47 AM
|
|
| العلامات المرجعية |
«
الموضوع السابق
|
الموضوع التالي
»
| أدوات الموضوع | |
| انواع عرض الموضوع | |
العرض المتطور
|
|
جميع الأوقات بتوقيت GMT +2. الساعة الآن 11:25 AM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
