|
قسم المطبخ والنصائح المنزلية قسم خاص بعالم المطبخ والحلويات والمشروبات |
![]() |
|
أدوات الموضوع | انواع عرض الموضوع |
|
#1
|
||||
|
||||
![]() ![]() أكيد الكلمة دي عاملة زي العفريت لأي بنت، أول ما تسمع مامتها تقول لها يلا على المطبخ علشان أنت اللي هتنظفي أدوات المطبخ النهارده تلاقيها اترعبت كأنها رايحة للعفريت برجليها!!!! وده لأن أكيد فيه مشاكل بتقابلها وهي بتنظف أدوات المطبخ زي مثلا بواقي أكل لزقت في الحلل ومش عايزة تتحرك من مكانها!! دهون على الأطباق مش عايزة تطلع!! الكوبايات مش عايزة تلمع بالرغم من أنها غسلتها أكتر من مرة!! بصراحة عندها حق تخاف وتكره اليوم اللي بتدخل فيه المطبخ.. ونشوف ازاي ممكن نصرف أي عفريت ممكن يقابلك أول عفريت ممكن يقابلك وأنت بتنظفي أدوات المطبخ هو البوتوجاز هو صحيح عفريت كبير شوية بس تنظفيه سهل جدا لو عملتي اللي هقولك عليه..وكل حاجة تبقى نظيفة وبتلمع من غير وقت أو جهد وكمان هنعرف ازاي ننضف المطبخ ونخلي ريحته حلوة.. يلا بينا مع بعض العفريت الأول البوتوجاز كله دهون مش عايزة تطلع ![]() شوفي يا قمر لو عايزة تتخلصي من أي آثار للدهون اللي موجودة على البوتوجاز نتيجة القلي والتحمير يبقى هاتي إسفنجة فيها مسحوق غسيل وامسحي البوتوجاز بيها وبعد كده امسحيه بإسفنجة مبللة بالميه وبكده يبقى البوتوجاز نظيف من غير أي مجهود ولو عايزة زيادة في اللمعان يبقى امسحيه بورق جرائد مبلل بالميه... دي كانت طريقة، فيه طريقة تانية ودي ممكن تلجئي إليها لو كان البوتوجاز اللي عندك فيه دهون ناشفة ومش عايزة تطلع يبقى ضعي على الدهون دي خليط مكون من نص كوباية ميه + نص كوباية أي مسحوق تنظيف عندك وسيبيه عليه لمدة ساعة وبعد كده ابدئي في تنظيف البوتوجاز بنفس الطريقة السابقة. العفريت الثاني من المشاكل اللي ممكن تقابلك وتبقي مش عارفة تعملي معاها إيه مشكلة إن الحلة يكون فيها سواد في القاع وعلشان تتخلصي من المشكلة دي يبقى افركي السواد ده بشوية ملح خشن وليمون وبعد كده اشطفيها كويس واغسليها بالصابون وفرشاة خشنة وبعد كده اشطفيها كويس بالميه وهتشوفي الفرق بنفسك هتلاقي الحلة رجعت جديدة.الحلة الألمونيا اسودت ![]() العفريت الثالث ساعات كتير لما تيجي تفرمي لحمة في المفرمة ريحة اللحمة بتفضل موجودة فيها ومهما تحاولي تغسليها بمساحيق ليها ريحة حلوة إلا إن ريحة اللحمة بتفضل موجودة برضه.. نفس الموضوع ده بيتكرر لما تيجي تطحني بهارات ريحة البهارات برضه بتلزق هي كمان...ريحة اللحمة لسه في المفرمة ![]() وعلشان تتخلصي من المشكلة دي نهائي يبقى هاتي عيش محمص واطحنية في المطحنة أو المفرمة وبعد كده اغسليها بنفسك وأوعدك إنك مش هتلاقي أي آثار لريحة الحاجة اللي اتطحنت لأن العيش هيمتص أي ريحة. العفريت الرابع من ضمن المشاكل اللي ممكن تقابلك مشكلة إن الكوبايات والأطباق مش بتلمع بالرغم من إنك غسلتيها أكتر من مرة بمسحوق غسيل فيه مادة ملمعة لكن مفيش فايدة!!!الأطباق والكوبايات الزجاجية مش بتلمع ![]() وعلشان تتخصلي من المشكلة دي يبقى بعد ما تغسليها بالصابون حطيها في طبق فيه ميه فاترة مذاب فيها ملح وسيبيها لمدة ساعة وبعد كده اشطفيها كويس قوي وسيبيها على ترابيزة المطبخ علشان تنشف في الهواء من نفسها واوعي تنشفيها بفوطة المطبخ لأنها هتخليها تفقد لمعانها. أما بالنسبة للأكواب الكريستال فاشطفيها بميه فاترة مضاف إليها قطرات من الكحول الأبيض وسيبيها لغاية ما تنشف من نفسها. العفريت الخامس ساعات كتير بتستخدمي الخلاط علشان تضربي فيه خليط فيه دهون بس للأسف الشديد ساعات الخليط ده بيلزق فيه وبتبقي مش عارفة تطلعيه ازاي...الدهون لازقة في الخلاط ![]() وعلشان تحلي المشكلة دي يبقى حطي في الخلاط شوية ملح +قشر ليمون +كوباية ميه سخنة واقفلي الخلاط ورجي الخليط ده جواه أكتر من مرة كويس وبعد كده اغسليه زي ما أنت عايزة وهتشوفي الفرق بنفسك. العفريت السادس علشان تلمعي السكاكين والمعالق وأدوات المائده غير الفضية يبقى دوبي شوية مسحوق غسيل في لتر ماء + عصير ليمونة وحطيه على نار هادية مع المعالق اللي أنت عايزة تنظفيها وسيبيه لغاية ما يغلي لمدة ربع ساعة...وبعد كده سيبيه لغاية ما يبرد وبعد كده اشطفي المعالق أو السكاكين بالميه وسيبيهم لغاية ما ينشفوا في الهواء وبلاش تنشفيهم بفوطة وهتلاقيهم بقوا يلمعوا كأنك لسه جايباهم.أدوات المائدة "المعالق والسكاكين والشوك" مش عايزة تلمع ![]() العفريت السابع علشان تتخلصي من رائحة البصل والثوم والسمك وغيرها من الروائح اللي ممكن تكون موجودة على لوح التقطيع يبقى ادعكي لوح التقطيع بنصف ليمونة أو حطي عليه طبقة معجون عبارة عن "كوباية ميه + بيكربونات الصودا "وسيبيهم لمدة ساعة وبعد كده اغسليه كويس بالصابون والمية.رائحة البصل لازقة على لوح التقطيع ![]() العفريت الثامن سيراميك المطبخ مش عايز يلمع ![]() علشان تلمعي سيراميك المطبخ سواء سيراميك الجدران أو الأرض يبقى دوبي فنجان خل أبيض + عصير ليمون + ملعقة كحول نقي "موجود في الصيدليات" في ميه فاترة ولمعي بيه السيراميك وهتشوفي الفرق بنفسك. ولو عايزة ريحة المطبخ تبقى حلوة بعد ما تخلصي يبقى ضيفي إلى مية المسح عصير 5 ليمونات وهتشمي الريحة بنفسك. العفريت التاسع بعد ما خلصتي غسيل كل حاجة لقيتي إن إسفنحة التنظيف شكلها زي ما يكون قديم ومش نظيفة ونفسك ترجعيها زي الأول يبقى انقعيها في مية سخنة مضاف إليها ملح خشن أو بيكربونات الصودا أو صابون الغسيل وبعد ساعة اغسليها كويس بالصابون والمية.إسفنجة الغسيل بقت مش نظيفة ![]() العفريت العاشر ساعات كتير البلاعة الخاصة بالحوض ممكن تتسد نتيجة تجمع كمية كبيرة من بقايا الأكل عليها أو الدهون وعلشان تتغلبي على المشكلة دي يبقى هاتي كوباية كلور + كمية كبيرة من المية وضيفيها إليها وافتحي حنفية المية السخنة لمدة عشر دقائق وكل حاجة هترجع زي الأول وأحسن.بقايا الأكل والدهون سدت حوض المطبخ ![]()
__________________
![]() |
#2
|
||||
|
||||
![]()
والله موضوع تحفه يا فتوكه
ربنا يكرمك وتحطيلنا دايماً مواضيع زى كده
__________________
والله زمان .... |
#3
|
|||
|
|||
![]()
شكرا علي الموضوع الحلو دة حقيقي استفدت كتير
|
![]() |
العلامات المرجعية |
أدوات الموضوع | |
انواع عرض الموضوع | |
|
|