سؤال بخصوص اختيار كلية الهندسة المناسبة .

[bishoy_1900]

أنا علمي رياضة ترتيبي 111 على الجمهورية يعني غير مقيد بالتوزيع الاقليمي وأنا من كفر الشيخ ، فهل الأحسن اني أروح هندسة جامعة القاهرة أو الاسكندرية ولا أخش جامعة محافظتي ؟
في ناس بتقولي ماتضيعش الفرصة وروح القاهرة او اسكندرية التعليم احسن من كفر الشيخ وناس تانية بتقولي ان هي في الاخر هندسة وخلاص ومابتفرقش بعد التخرج في حاجه وانك تدرس في بلدك احسن ما تتغرب وتتحمل مصاريف ملهاش لازمة .
وأنا محتار وعايز رأيكم

[Eng_Muhammed]

المشاركة الأصلية كتبت بواسطة bishoy_1900

أنا علمي رياضة ترتيبي 111 على الجمهورية يعني غير مقيد بالتوزيع الاقليمي وأنا من كفر الشيخ ، فهل الأحسن اني أروح هندسة جامعة القاهرة أو الاسكندرية ولا أخش جامعة محافظتي ؟
في ناس بتقولي ماتضيعش الفرصة وروح القاهرة او اسكندرية التعليم احسن من كفر الشيخ وناس تانية بتقولي ان هي في الاخر هندسة وخلاص ومابتفرقش بعد التخرج في حاجه وانك تدرس في بلدك احسن ما تتغرب وتتحمل مصاريف ملهاش لازمة .
وأنا محتار وعايز رأيكم

الف مبروك يا هندسة
هو علي حسب حضرتك ناوي تتخصص ف اية
لان في اقسام في هندسة القاهرة زي(( هندسة الطيران والفضاء و بترول وتعدين )) مش موجوده في الجامعات التانية
وفي اقسام زي (( نووية وبحرية )) في هندسة الاسكندرية مش موجودة في الجامعات التانية
نصيحتي ليك يا مهندس تقرأ كتير عن الاقسام وتشوف حضرتك ناوي تتخصص ف اية لو حابب طيران ادخل القاهرة عدل
اما اقسام زي مدني وميكانيكا وكهرباء وصناعية وميكاترونيكس ممكن جامعة محافظتك عادي مش هتفرق كتير وكله باجتهادك وتفوقك تتعين ف الجامعة او الكلية تطلعك بعثات للدراسة بالخارج او تجيب تقدير وتثبت تفوقك في سوق العمل .

[bishoy_1900]

المشاركة الأصلية كتبت بواسطة eng_muhammed

الف مبروك يا هندسة
هو علي حسب حضرتك ناوي تتخصص ف اية
لان في اقسام في هندسة القاهرة زي(( هندسة الطيران والفضاء و بترول وتعدين )) مش موجوده في الجامعات التانية
وفي اقسام زي (( نووية وبحرية )) في هندسة الاسكندرية مش موجودة في الجامعات التانية
نصيحتي ليك يا مهندس تقرأ كتير عن الاقسام وتشوف حضرتك ناوي تتخصص ف اية لو حابب طيران ادخل القاهرة عدل
اما اقسام زي مدني وميكانيكا وكهرباء وصناعية وميكاترونيكس ممكن جامعة محافظتك عادي مش هتفرق كتير وكله باجتهادك وتفوقك تتعين ف الجامعة او الكلية تطلعك بعثات للدراسة بالخارج او تجيب تقدير وتثبت تفوقك في سوق العمل .

وحضرتك رأيك ايه في اني سبت هندسة بترول ؟ انا اختارت هندسة عادية لأني مش حابب مجال هندسة البترول