تأجيل بدء العام الدراسي

[mr_shrefamen2]

الإخوة الأعزاء انا قمت بالمشاركة بهذا الموضوع عشان اشوف رايكم في موضوع إرجاء بدء العام الدراسي لبعد العيد يمكن لما يشوفوا ردودنا ومشاركاتنا يتحركوا شوية ويعملولنا اعتبار لان احنا اللي في النار وما حدش هايحس بيها غيرنا وهما بيأمروا وبس دون التفكير في من سوف يطبق عليهم هذه الأوامر ولا ايه رأيكم؟؟؟؟؟؟؟؟

[مستر ايمن]

والله انا شايف ان احنا كده كده بننزل المدارس مفيش اجازات خلاص
ايه المانع من الدراسه
وبعدين كله فوووق دماغنا في المنهج والترم ده اصلا طاااااااااير اجازات واعياد

ربنا يسهل نشوف ح يعملوا ايه انا شايف بيقولوا انه في دعوي لوقف قرار الوزير وتأجيل الدراسه

[mr_shrefamen2]

شكرا علي ردك مستر ايمن وانا ايضا قرأت هذا الخبر الذي ينص علي أن هناك دعوي قضائية لوقف قرار الوزير ببداية العام الدراسي 20/9

[earth]

انا طالبة

انا مش عارفة ايهالحكمة من يوم 20

بالتاكيد يتاجل احسن

وشكرا لطلب راينا

[جمال سراج]

يا عم الاقتصاد القومى هيتعطل

[محمدمصطفى مصطفى]

لو كان هناك اعتبار لرأى أحد من المعلمين كانت امتحانات الكادر ألغيت
وعلى العموم أوافقك الرأى على تأجيل الدراسة لبعد عيد الفطر

[mogym]

انا كليتي في القاهرة
ومشوار طويل
وكده كده المدينة بعد العيد
هيبهدلونا وخلاص
وطبعا رأينا ملهوش لزوم
ومن امتى راحتنا تهم
وعلى العموم انا موافقة على التاجيل

[ايمن الشريف]

عادي لا مانع بس انا عن نفسي بصلي التهجد ثم السحور وصلاة الفجر يعني هروح نايم

[artman]

المشاركة الأصلية كتبت بواسطة ايمن الشريف

عادي لا مانع بس انا عن نفسي بصلي التهجد ثم السحور وصلاة الفجر يعني هروح نايم

وانا معاك اخي الكريم

ربنا يسهل

[mahmood1888]

انا ارى عدم التاجيل لان كل الموضوع 5 ايام قبل العيد ولابد ان يتم تسليم كتب وتنظيم الفصول حتى لاتضيع ايام بعد العيد
بالنسبة لنا على سبيل المثال مدرسة ثانوية عامه لابد من تغير المواد والتحويل وبعدها تنظيم الجدول بناء على المجموعات العلمية والادبية
كل ده بياخد حوالى 3 ايام يكون انتهى رمضان وتبداء المناهج فعلا بعد اجازة العيد
لكن لو بعد العيد يبقى هيضيع وقت كبير
وكده ولا كده مفيش دراسه فعليه وبداء فى مناهج فى نهايه رمضان
ولا ايه رايكم

[ahmed3082]

لا أوافق على التأجيل

[medoouoon2008]

[]أنا رأى إن سبب عدم تأجيل الدراسة إلى ما بعد رمضان : حتى لا ينشغل الناس بالاعتكاف فى المساجد و شايف إن دى سياسة دولة مش رأى وزارة و شكرا

[محمدمصطفى مصطفى]

المشاركة الأصلية كتبت بواسطة medoouoon2008

[]أنا رأى إن سبب عدم تأجيل الدراسة إلى ما بعد رمضان : حتى لا ينشغل الناس بالاعتكاف فى المساجد و شايف إن دى سياسة دولة مش رأى وزارة و شكرا

كلام جميل جدا

[medoouoon2008]

فى الزمنِ القادم يا عمرى
الحبٌ الصادقٌ أوهامْ
و بقايا رياءٍ و نفاقٍ

منثورة ْفى كل ِمكانْ ......
و أنا رجلْ لا أقوى

أنْ أحيا يوما ً
كالأمواتْ .................
أتنقلُ بمشاعرى دوما ً
كالطيرِ يغردٌ فى الأجواءْ
<H3 dir=rtl style="MARGIN: 0in 0in 0pt">شعر / محمد جادو</H3>
من حرفٍ إلى حرفٍ أبحثْ

عن حبٍ صادقِ للوجدانْ
*** *** ***
أعشقٌ جداً ألحانىْ
و أٌرَددُ معها الكلماتْ .......
من لحن ٍ إلى لحن ٍأغرقْ
فى القاع ِ أٌصارعٌ أمواجْ
أعشقٌ لُغتى و كلماتى
ما لى أكتبها كالألحانْ
أرجوكِ انتظرى
و لا تمش ِ................
فالحب الصادق ُأوهامْ
انتظرى يا عمرى و تأنى
فقطار ٌالعمر ِ
غدا ً ينهار ْ .................
*** *** ***
أخافٌ منك و من كفى
أنْ يكتبَ عنك ِ الأشعار ْ
فدعينى أسكبُ أ حزانى
تحتى و أمامى
لكل الناس ................
و دعينى أردد ٌكلماتى
تصحبها عيونك بالألحانْ
فالزمنٌ القادمُ مولاتى
لا تنفعُ معهُ الأحزانْ .............
*** *** ***
يكفينى وجهك مولاتى
أنْ أرمق عينك كلَ مساءْ
أنْ أمشى معكِ و أنفاسك ْ
تغمرنى و تسلبنى النسيانْ
تلك كلماتى و عنوانى
إنسان ٌ صادق فى الإحساس ............
*** *** ***
اليوم ُ أُقرٌ يامولاتى
أجزمٌ أنكِ كالبستانْ
أعلن للناس و فى الكتب ِ
أنك أجملُ خلقِ الله ْ ..............
فميلادى يبدأ سيدتى
حين لمستٌ بكفى يداكْ
*** *** ***
يكفينى الماضى و الحاضرْ
يكفينى صوتك كل مساءْ
عذراً إنْ كنتٌ قد اغتبتُ
إحساسك يا أغلى الناسْ
الآن دعينى أستلقى
أطفىء من خلفى الأنوارْ .........
فالزمنٌ القادمٌ مولا تىْ
ليس لعنترَ و ا لعشاقْ

*** *** ***

[أبو جهاد المصري]

ياعم شريف أنا رأيي ان احنا مالناش رأي

يعنى نختصر الطريق ونسكت ، بلا يعملولنا اعتبار بلا نيلة .

وما تاخدش رأينا لأنك هتتعب وتتعبنا معاك والآخر مافيش حاجة هتتنفذ غير اللى الحكومة عايزاه .