|
أخبار و سياسة قسم يختص بعرض الأخبار و المقالات من الصحف يوميا (المصرية والعربية والعالمية ) |
![]() |
|
أدوات الموضوع | انواع عرض الموضوع |
|
#1
|
||||
|
||||
![]() هى ايه حكاية الدولار؟ وليه قرار خفض قيمة الجنيه؟ وهل صح ولا غلط؟ وايه نتائجه؟
هى ايه مشكلة الدولار؟ مشكلة الدولار ان مصر بتستورد بـ 60 مليار دولار فى السنة، يعنى فاتورة الاستيراد الشهرية 5 مليار دولار. مصر معاها كام؟ 16.5 مليار دولار احتياطى اجنبى (يعنى يكفى استيراد 3 شهور). فين الأزمة؟ ان مواردنا من النقد الأجنبى مش قادرة تغطى فاتورة الاستيراد، يعنى مفيش دولار فى البنوك، وبالتالى بيلجأ المستوردون للسوق السوداء لشراء الدولار. زيادة الطلب على الدولار فى السوق السوداء رفع سعره لحد ما وصل 13 جنيه فى حين ان سعره الرسمى 7.83. ليه فى مشكلة فى موارد الدولار؟ خد عندك (البيانات التالية هى أرقام العام المالى 2015).... السياحة: بتدخل حوالى 7.5 مليار دولار سنوياً، السنة دى مش هتكمل 5 مليار على بعض بعد سقوط الطيارة الروسية، قتـل السياح المكسيكين بالخطأ، مقتـل الطالب الايطالى والارهاب فى سيناء قناة السويس: بتدخل 5 مليار دولار سنوياً، هتقل لان من ناحية فى ركود عالمى فالتجارة العالمية بتقل ومن ناحية تانية انخفاض اسعار البترول العالمية خلت ناقلات البترول تستخدم طريق رأس الرجاء الصالح مع انه أطول بس عشان ارخص عشان يعوضوا جزء من خسايرهم. الاستثمارات الأجنبية: بتدخل 6.4 مليار دولار، مشكلة المستثمر الأجنبى انه مش هيدخل فى بلد عملتها ليها سعرين. مثال: لو انا مستثمر داخل بمليون دولار وحولتهم جنيه على سعر نقول 7 عشان اشتغل فى مصر يعنى داخل ومعايا 7 مليون جنيه، اشتغلت وكسبت 20% يعنى بقى معايا 8.4 مليون جنيه بحالهم، حبيت أخرج لقيت مفيش دولار او الدولار بقى بـ 9 جنيه، يعنى هاخرج بـ 933 الف دولار بعد ما كنت داخل بمليون يعنى خسران. التصدير: بنصدر بـ 22 مليار فى السنة (خللى بالك وبنستورد بـ 60) منهم حوالى 8 مليار صادرات بترولية. طب ده سعر البترول بيقل؟ يبقى طبعاً عوائد الصادرات البترولية هتقل. طب لو سعر البترول العالمى زاد؟ برضه عوائد صادرات البترول هتقل لان الابار بتاعتنا نشفت ومحتاجين ننقب عن ونحفر ابار جديدة لكن امكانياتنا ما تسمحلناش وبالتالى محتاج مستثمر أجنبى يدخل ينقبلك لكن مش هيدخل عشان النقطة اللى لسة قايلنها ونفضل دايرين فى نفس الحلقة المفرغة (مع العلم ان مصر واحدة من الدول صاحبة اقل التكاليف فى انتاج برميل البترول بيقف بـ 10 دولار، تكلفته فى السعودية 12 دولار بالمناسبة) طب والصادرات غير البترولية؟ مش عارفين يصدروا عشان مش لاقيين الدولار اللى يشتروا بيه السلع الوسيطة المستخدمة فى الانتاج (ودوخينى يا لمونة) بالاضافة ان أهم الأسواق اللى بتستورد مننا هى ليبيا وسوريا واليمن وطبعاً المشاكل الأمنية اللى عندهم معطلة صادراتنا. عوائد المصرين العاملين بالخارج: 20 مليار دولار طبعاً هتقل لان مفيش حد هيرجع بدولاراته يغيرها فى البنك بـ 8.88 والصرافة على أول الشارع هتشتريه منه بـ13 . الدعم الخليجى: بعد ما دول الخليج دعمت مصر بـ 12.5 مليار دولار فى صورة منح بعد 30 يونيو 2013، مش هييجى دلوقتى انغام ومنير يغنوا لهم فدول يقولوا "يا هلا والله" ويجيبوا زكايب الدولارات ويحدفوها فى حجرنا. انخفاض أسعار البترول العالمية دخلتهم هما نفسهم فى أزمات اقتصادية وبدأوا فى تطبيق سياسات تقشفية (السعودية على سبيل المثال لأول مرة فى التاريخ تحقق عجز موازنة 95 مليار دولار فى 2015 نتيجة تمثيل عوائد البترول لـ 80% من ايراداتها). اخرهم هيدخلوا لك استثمارات عشان يستفيدوا هما كمان. يتبع
__________________
|
#2
|
||||
|
||||
![]() النتيجة؟
الفجوة بين السعر الرسمى وسعر السوق السوداء عمالة تزيد، تجار العملة والمضاربين دخلوا يصطادوا فى المية العكرة وبدأوا يشتروا على أمل انه هيغلى وبالتالى خلقوا طلب غير حقيقى، من ناحية تانية اللى معاه دولارات مخليها معاه متدفية لحد لما تغلى وبالتالى العرض قل اكتر ما هو متنيل بستين نيلة. اللى زاد الطين بلة سياسة البنك المركزى الفترة اللى فاتت انه كان بيخفض الجنيه بالتدريج 5 قروش فى 10 فى 20 وبالتالى المستثمرين والمضاربين على طول فى حالة ترقب مستيين الدولار يغلى كمان وكمان. وبالتالى ما كنش فى قدام البنك المركزى غير انه يهبد الجنيه مرة واحدة بـ 1.12 جنيه ويوصل سعر الدولار الرسمى 8.95 عشان يقفل الفجوة دى، بيقول للمستثمر اتفضل ادخل ويلبس المضاربين فى الحيط، ويرجع الصريين اللى شغالين برة يحولوا فلوسهم عن طريق البنك مش الصرافة. يعنى هل القرار صح؟ طبعاً صح بدليل ان السعر يومها فى السوق السوداء نزل والفجوة اتقفلت والتداول فى البورصة عدى المليار جنيه دليل رجوع ثقة مستثمرى المحافظ، مع انه اتأخر اوى وبالتالى هيخللى العواقب الاجتماعية اكبر نتيجة طبعاً ارتفاع معدلات تضخم الأسعار نتيجة زيادة تكلفة الاستيراد، لكن للأسف البنك المركزى ما كنش عنده رفاهية رفض قرار التخفيض. طب حلو يعنى كدة الدولارات هتنزل ترف علينا؟ لأ طبعا، قرار خفض الجنيه ضرورى لكن ما بيحكيش الحكاية كلها، لازم مدام عنايات اللى شغالة فى هيئة الاستثمار ومعطلة الورق عشان بتقشر كوسة او واخدة 5 ساعات رضاعة يتملص ودنها، أستاذ بيومى اللى فاتح درجه عينى عينك يأخد استمارة 6 ، سهلوا على المستثمر ووفروا عليه الـ 58 جهة اللى لازم يعدى عليهم عشان يفتح مصنع (الرقم ده جد مش هزار) (انت بتفتح شركة فى دبى اونلاين فى ساعة واحدة!!!). مدام توحة ونوسة الشغالين فى لجنة تنشيط السياحة قعدوهم على جنب والنبى بتربوناتهم وهاتوا شباب عدل يفكر برة الصندوق. بدل ما انتو بتقفشوا فى اوبر وكريم قفشوا فى الحوش اللى عند الاهرامات والمعابد والمتحف المصرى وخان الخليلى اللى بيشدوا السياح بالعافية وبينصبوا عليهم ويتحرشوا بيهم ويخلوهم يكتبوا على Trip Advisor : “DON’T Visit Egypt”. الأهم من ده كله بقى وقفوا استيراد السلع الاستفزازية، وبالسلع الاستفزازية هنا ما اقصدش بيها الكافيار واكل القطط والكلاب. لا السلع المستوردة الاستفزازية بجد هى الحبوب (قمح ودرة) اللى بنستوردهم بـ 4.8 مليار دولار فى السنة وانت ممكن تزرعهم من بكرة وتفيد الفلاح، القطن اللى بنستورده بـ 800 ملون دولار، البنزين والأسفلت والسولار اللى بتستوردهم بـ 10 مليار دولار وانت ممكن تستخدم البترول الخام اللى بتستورده أو بتستخرجه وكلف مصنع تكرير للبترول بتكلفة 3 مليار دولار تدفع مرة واحدة وتعملك كل المحروقات دى، توفر عليك وتشغلك عمالة. البنك المركزى عامل اللى عليه وزيادة، بعدها الجنيه المفروض يقوى وسعر الدولار يرخص ويتكرر سيناريو 2003 – 2005. ايه سيناريو 2003 - 2005؟ فى 2003 ميزان المدفوعات كان بالسالب يعنى الدولارات اللى خارجة من البلد اكتر من الداخلة (نفس حالنا دلوقتى). الدولار كان بـ 4.7 والاحتياطى كان 12 مليار دولار. البنك المركزى اخد قرار تحرير سعر الصرف لحد ما وصل 6.4 فى 2005. رخص الجنيه المصرى شجع التدفقات الاستثمارية والتصدير والسياحة، حتى وقتها بدأ الاخوة العرب ييجوا يتعلموا فى مصر لان التعليم فى مصر بقى أرخص. النتيجة كانت قوة الجنيه المصرى بعد كدة وانخفاض سعر الدولار ووصوله 5.2 فى 2008، تحقيق ميزان مدفوعات بالموجب ووصول الاحتياطى لـ 36 مليار دولار مع ان ده كان فى عز الأزمة المالية العالمية. لو ده ما حصلش يا حكومة وما فيش دولارات دخلت أرجوكم سلموا مفتاحها وغطونا وصوتوا.
__________________
|
#3
|
||||
|
||||
![]() 10 أسباب أدت إلي إرتفاع الدولار أمام الجنيه المصري
![]() في ظل الحالة الإقتصادية الصعبة التي تمر بها جمهورية مصر العربية خلال هذه الفترة العصيبة فقد تفاقمت أزمة الدولار بحِدة شديدة خصوصاً في الأسابيع القليلة الماضية، حيث إرتفع سعر الدولار كاسراً حد 13 جُنيهاً مِصرياً في السوق السوداء وهناك العديد من الأسباب وراء هذا الإرتفاع المفاجئ وهذه أبرز الأسباب . أهم 10 أسباب في إرتفاع الدولار تعددت الأسباب وراء إنخفاض سعر الجنيه المصري أمام الدولار مابين أسباب محلية متعلقة بالأحداث الجارية داخل جمهورية مصر العربية و التي أدت إلى إنخفاض قيمة الجنيه المصري بجانب الإحتياطي النقدي الأجنبي، وبين الأحداث الجارية علي الصعيد الدولي و التي كان من شأنها رفع قيمة الدولار .
__________________
|
#4
|
||||
|
||||
![]() حكاية الجنيه والدولار
![]() ربما تغيرت القناعة لدي القائمين علي البنك، وبدأوا يقتنعون أن سياسات تثبيت سعر الدولار لن تحقق الغرض منها حضرة المواطن: ممكن حضرتك تفهمني إيه اللي بيحصل؟ وإيه هي حكاية الدولار والجنيه؟من حقي أفهم... الأستاذ الجامعي: المسألة بسيطة، الدولار الأمريكي شأنه شأن أي سلعة يخضع لقوانين العرض والطلب، فإذا كان الطلب علي شراء السلعة أكثر من المعروض منها زاد سعرها، وإذا كان هناك سعران لسلعة هي أصلاً مش متاحة في السوق -سعر رسمي معلن وسعر آخر في السوق الموازية -لازم هيكون فيه سوق سوداء، وحيكون سعر السلعة في السوق السوداء أعلي بكثير من السوق الرسمي. حضرة المواطن: ممكن حضرتك تفهمني أكتر؟ الأستاذ الجامعي: المعادلة بسيطة؛ كلما توافر الدولار الأمريكي في السوق وأصبح متاحاً وزاد المعروض منه علي المطلوب ـ انخفض سعره وقوي الجنيه المصري أمامه، فإذا كانت هناك ندرة في توافر الدولار في السوق، وكان الطلب عليه أكثر من المعروض والمتاح منه حيزيد سعره زيه زي أي سلعة وتنتشر السوق السوداء. حضرة المواطن:معلهش اعذرني، سؤال ساذج، وهو ليه أصلاً فيه ندرة في الدولار الأمريكي؟ وليه الطلب عليه أكثر من العرض؟ الأستاذ الجامعي: لأن مواردنا بالعملة الأجنبية قلّت جداً في السنوات الأخيرة، وبقينا بنستورد بالعملة الأجنبية وخاصة الدولار أكثر بكثير من الدولار المتاح عندنا وبأكثر بكثير من قدرتنا. حضرة المواطن: مكن حضرتك توضح أكتر؟ الأستاذ الجامعي: حاضر... يعني ببساطة عندنا عجز في مواردنا بالدولار الأمريكي، اللي بندفعه أقل بكثير من اللي بيجيلنا،وعلشان كده فيه صناعات بتقفل لأنها مش لاقية عملة أجنبية في السوق المصري علشان تستورد مستلزماتها للإنتاج، وأحياناً بيبقي عندنا مشكلة في توفير الأدوية المستوردة... يعني عندنا مشاكل خطيرة. حضرة المواطن: طب وليه مواردنا من الدولار أقل من اللي بنصرفه؟ الأستاذ الجامعي: هو ده مربط الفرس؛ موارد الدولار معروفة أهمها السياحة، وللأسف منذ عام 2011 والسياحة بعافية، وتعطل معها عن العمل أكثر من خمسة ملايين مواطن يعملون بهذا القطاع. المصدر الثاني للعملة الأجنبية كان تحويلات المصريين من الخارج لأهاليهم في مصر، وللأسف ده تأثر جداً بسبب القيود اللي وضعها البنك المركزي في العامين الأخيرين، فبدأ أهالينا يدفعون الدولار لشركات صرافة في دبي والسعودية والكويت، والشركات دي تسلم الأهالي في مصر الجنيه المصري اللي هم محتاجينه، يعني العملة الأجنبية مابقتش بتيجي مصر. وأما المورد الثالث فهو دخل قناة السويس، وده برضه تأثر نسبياً نتيجة انخفاض أسعار البترول وانخفاض معدلات التجارة العالمية. وأما المورد الرابع للعملة الأجنبية فهو عائد التصدير من البضائع والسلع للخارج، وللأسف الشديد أيضاً انخفضت عوائدنا من التصدير نتيجة انخفاض أسعار التجارة العالمية، وصعوبة إجراءات التصدير للخارج ومشكلات الجمارك، وتعثر الكثير من المصانع التي تعمل في أنشطة التصدير نتيجة عدم توافر بعض المواد الخام اللازمة لإنتاجها. وأما المورد الخامس فهو تدفقات الاستثمارات المباشرة الأجنبية من الخارج لإقامة مصانع وغيرها لخلق فرص عمل والمساهمة في التنمية. يتبع
__________________
|
#5
|
||||
|
||||
![]() حضرة المواطن: يعني حضرتك عاوز تقول ببساطة وبلغة أفهمها؛ إن المشكلة في ضعف الموارد لمصر بالعملة الأجنبية، وإن الحل للمشكلة هو إن احنا نعمل علي تحسين السياحة ونزيل عقبات تحويلات المصريين من الخارج وإزالة معوقات الاستثمار وتشجيع أنشطة التصدير. الأستاذ الجامعي: بالضبط. حضرة المواطن: بس الأمور دي مالهاش علاقة بالبنك المركزي، ومعني كده إن أي إجراء بيعمله البنك المركزي لن يحل المشكلة. الأستاذ الجامعي: هي دي المشكلة بالضبط... إجراءات البنك المركزي أشبه بمسكنات للآلام الاقتصادية لكنها ليست علاجا للمرض ذاته، والمرض هو ضعف الأداء الاقتصادي، وقصور تدفقات الموارد الأجنبية لشرايين الاقتصاد. أما ارتفاع سعر الدولار وانخفاض قيمة الجنيه فهو العرض وليس المرض. لن تحل المشكلة إلا بزيادة قدرتنا التصديرية، وإنتاج السلع البديلة، وتشجيع الصناعات المحلية، وجذب الاستثمارات الأجنبية... بدون ذلك سيتطور المرض ويتحور إلي أن يؤدي إلي فشل وظائف الاقتصاد جميعها وتفاقم الأزمة الاجتماعية. حضرة المواطن: إذا كنت حضرتك صح... أنا مش قادر افهم ليه البنك المركزي خلال السنوات اللي فاتت كان بيثبت سعر الدولار أمام الجنيه رغم أن ضعف الجنيه كان أمراً حتمياً نتيجة ضعف الأداء الاقتصادي وسوء حالة الاستثمار؟ الأستاذ الجامعي: البنك المركزي له وظيفة أساسية، هي الحد من ارتفاع أسعار السلع والخدمات، أعني ارتفاع أسعار السلع زي السكر والزيت وخدمات النقل إلي آخره، وذلك من خلال آليات السياسات النقدية. لذلك كان البنك المركزي يلجأ إلي تثبيت سعر الدولار حتي يقلل من أثر التضخم لأننا نستورد كل شيء تقريباً، وفي تقديري أن البنك المركزي أنفق خلال السنوات القليلة الماضية ما لا يقل عن 14 مليار دولار لدعم الجنيه والحد من التضخم، وكان يراهن علي عامل الوقت وقدرة الحكومات المتعاقبة لرفع كفاءة الاقتصاد وزيادة عوائد الاستثمار... وللأسف لم تحدث النتائج المتوقعة، وكان لاستمرار زيادة تثبيت سعر الدولار والجنيه تكلفة باهظة. فمن ناحية أولي كما ذكرت أنفقنا 14 مليار دولار دون جدوي، ومن ناحية ثانية لم تفلح هذه السياسات في الحد من التضخم، بل زاد التضخم إلي ما لا يقل عن 14%، ومن ناحية ثالثة فإننا بشكل غير مباشر صرنا ندعم المستهلك الأمريكي والأوروبي، ومن ناحية رابعة استمرار سياسة تثبيت السعر كانت تعني دعم السلع المستوردة الترفيهية أو غير الأساسية وذلك علي حساب السلع والخدمات الأساسية، ومن ناحية خامسة فإن تثبيت السعر بشكل غير واقعي عطّل حركة الاستثمار والتدفقات النقدية من الخارج لأن الجميع يعلم أن تحرير سعر الصرف قادم لا محالة. حضرة المواطن: عاوز حضرتك تقوللي إن الحكومة والبنك المركزي ماكانوش عارفين المشاكل الناجمة عن تثبيت سعر الصرف؟ الأستاذ الجامعي: طبعاً كانوا عارفين وفاهمين كويس ومقدّرين، ولكن الخوف الأكبر كان إن التعويم أو تحريك السعر يؤدي إلي رفع الأسعار بشكل مبالغ فيه، وبالتالي تحدث آثار اجتماعية سلبية وحالة غليان في الشارع. حضرة المواطن: وإيه الجديد ما الوضع لم يتغيرحتي محافظ البنك المركزي منذ أسبوعين فقط قال إنه لن يحرك سعر الدولار، بل وضخ 500 مليون دولار منذ أسبوع لكي يدعم الجنيه ويمنع خفضه... إيه اللي خلي البنك المركزي يغير رأيه في يومين ثلاثة؟ الأستاذ الجامعي: سؤال محير!! ولكن عندك حق... أعتقد إنه... إنه... ربما تغيرت القناعة لدي القائمين علي البنكو وبدأوا يقتنعون أن سياسات تثبيت سعر الدولار لن تحقق الغرض منها، وأن الأفضل التعامل مع السياسات النقدية بمفهوم العرض والطلب وآليات السوق، فالسياسات السابقة لم تؤد إلي تحقيق الهدف منها، فالتضخم زاد، والتصدير تأثر سلبياً، والمصانع توقفت، والاستيراد تعطل، والاستثمار يُعاني، والسوق السوداء تضخمت، وسعر الدولار في السوق السوداء اقترب من عشرة جنيهات... فأعتقد أن القائمين علي إدارة شئون البنك المركزي أعادوا النظر في موقفهم. حضرة المواطن: وهل تعتقد حضرتك أن هذا القرار الأخير للبنك المركزي بخفض قيمة الجنيه أصبح 8.95 مقابل الدولار بدلاً من 7.80 هيحل مشاكلنا؟ الأستاذ الجامعي أعتقد أنها خطوة علي الطريق الصحيح...وهذا القرار سيساعد في جذب الاستثمار المباشر، ويعطي قدر أكبر من الثقة في السياسة النقدية، وسيدعم الصادرات المصرية، ويقلل من الفجوة في السوق السوداء، وسيشجع تحويل أموال المصريين من الخارج إلي مصر. طبعاً له بعض المخاطر أهمها الأسعار، ولذلك يجب أن تحرص الحكومة علي توفير السلع الأساسية ودعمها خلال الشهرين القادمين للسيطرة علي الأسعار. ولكن كما قلت لك في البداية، وأختم بها قولي هنا... كل هذه مسكنات فلو لم نحل مشاكل الاستثمار والمصانع ونحسن قدرتنا التصديرية ستظل المشكلة كما هي. حضرة المواطن: ما زلت أشعر بأنه لا يزال هناك قدر من التخبط، ومع ذلك ربنا يوفق الحكومة والبنك المركزي لمصلحة الوطن.
__________________
|
#6
|
||||
|
||||
![]() تعالوا نفهم الاقتصاد ببساطه ...
سعر الصرف ايه الحاجات المهمه في اي اقتصاد؟ في ٤ حاجات اهم من اي شيئ اخر: ١- نسبه نمو الاقتصاد: لو الاقتصاد ينمو بسرعه فهذا دليل عافيه. نمو الاقتصاد معناه دخل الناس بيزيد و مستوي معيشتهم بيرتفع. الدول الناميه زي مصر محتاجه تنمو ١٠٪ علي الأقل كل سنه. ليه؟ لان ١٠٪ نمو في السنه معناه ان الدخل يتضاعف كل ٧ سنوات. يعني في خلال ٢٠ سنه الدخل يزيد حوالي ٨ مرات. يعني في ظرف جيل واحد تنتقل مصر من دوله فقيره الي دوله ذات متوسط دخل مثل دول شرق أوروبا او تركيا او امريكا اللاتينيه . ٢- البطاله: لان ده الهدف الأساسي لأي سياسه اقتصاديه و هي تشغيل الناس في مهن مفيده تعظم استغلال طاقاتهم. و ده مش بس هدف اقتصادي. ده هدف سياسي و اجتماعي. لان المواطن الذي يعمل بأقصي إمكانياته و يحصل علي عائد مناسب سيكون مواطن سعيد و ينشئ أسره سعيده. ٣- التضخم: و هو جيد في بعض الأحيان عندما بحدث نمو. لكن عدم السيطره عليه تلتهم كل عوائد النمو. ٤- عداله توزيع الدخل: هل كل الدخل رايح للقله ام يذهب للجميع. فاكرين طبعا مبارك لما قال ان عوائد التنميه في الطريق! زي ما انتم شايفين سعر الصرف مش داخل إطلاقا في المواضيع الهامه الا بقدر تأثيره علي الأربع حاجات دول. طيب و الديون؟ و لا حتي الديون مهمه الا بقدر تأثيرها علي الأربع حاجات دول. طبعا عند حد معين تكبل الديون نمو الاقتصاد. لكن الاقتصاد الذي ينمو بقوه ممكن يبقي عليه ديون يستعملها للاستثمار و النمو ثم يسددها لاحقا. زي مثلا الطالب الذي يأخذ ديون ليدرس الدكتوراه في الهندسه ثم يعثر علي وظيفه مجديه و تصبح الديون جزء يسير من دخله. نرجع لسعر الصرف. الجنيه و الدولار و كل عملات العالم أصبحوا سلع تباع و تشتري و تخضع لقوانين العرض و الطلب. يعني لو الطلب زاد علي الدولار يزيد سعره مقابل العملات الأخري. و هكذا. طيب ليه مثلا الحكومه ما تخليش السفن في القناه تدفع بالجنيه المصري و يبقي ده حل سحري لزياده سعر صرف الجنيه لان كده الطلب عليه حيزيد؟ الاجابه ان ده كلام أي هبل و للاسف يذكر في صحف مثل الأهرام مثلا. ليه بنقول كده. لان الحكومه عندها التزامات شراء محدده لسلع بالدولار. مثلا القمح. و تذهب كل عوائد القناه لتمويل جزء مما تستورده مصر و لا يكفي حتي. لذلك لو أخذت الحكومه رسوم عبور القناه بالجنيه فإنها ستحوله مره اخري لدولار حتي تكفي مصاريف الاستيراد. يعني تكلفت الحكومه دفع رسوم تغيير العمله فقط دون اي تأثير علي سعر العمله. طيب ازاي نغير سعر صرف العمله؟ يعني مثلا لو عاوزين الجنيه سعره يزيد نعمل ايه؟ بسيطه جدا. تزود الطلب علي الجنيه و تقلل الطلب علي الدولار. تقلل الطلب علي الدولار انك تقلل الاستيراد و تزود حصيله العملات الاجنبيه للدوله. ازاي تقلل الاستيراد. انك تنتج محلي. الانتاج يحتاج استثمار. و الاستثمار اما محلي او دولي. المحلي لازم تقلله سعر الفايده و الدولي محتاج أفكار و محتاج حوافز سنتعرض لها في حلقه منفرده. ازاي تزود حصيله العملات الاجنبيه في الدوله؟ سياحه اكثر. و الاهم بالنسبه لبلد زي مصر: انتاج بغرض التصدير. تصدر فتجيب دولار و يزيد الدولار في البلد فسعره يقل. و بنقول ان الانتاج بغرض التصدير اهم من السياحه لان مصر تقع في منطقه صعبه سياحيا جدا. اي قنبله في اسرائيل حتي بتخلي السياحه في المنطقه كلها تختفي لمده عام. طيب عرفنا ازاي نقلل الطلب علي الدولار و نزود المعروض منه. ازاي تزود الطلب علي الجنيه؟ انك تجيب شركات تشتغل في مصر و طبعا الشركات دي عاوزه تدفع مرتبات و المرتبات حتكون بالجنيه لذلك يزيد الطلب علي الجنيه. و طبعا الموظفين و العمال دول حيشتروا منتجات و يستهلكوا اكثر فيزيد الطلب علي العمله المحليه. المصيبه تحدث لو الشركات دي تيجي مصر و تشغل ناس و بعدين كل اللي يشتروه مثلا يبقي مستورد. في الحاله دي انت زودت الطلب علي الجنيه و علي الدولار بنفس القيمه. و بالتالي يبقي سعر الصرف زي ما هوه. و لذلك نحن ضد سياسات مبارك و السيسي الاستهلاكيه. لانها تعتمد علي الاستهلاك الاستيرادي و لا تعتمد علي الانتاج. لذلك يقال ان سعر صرف العمله يعتمد علي ميزان المدفوعات. يعني هو ميزان بين عملتين. لو زودت ناحيه من الميزان و زودت الناحيه التانيه بنفس القيمه لن يتأثر الميزان. لو زودت الطلب علي الجنيه و زودت الطلب علي الدولار بنفس القيمه لان سياستك استيراديه لن يتأثر سعر الصرف. فهمنا سعر الصرف؟ جميل. ما هي اهميه سعر الصرف؟ يتبع
__________________
|
#7
|
|||
|
|||
![]() اقتباس:
لمصلحة الوطن ! ما هو مفهوم مصلحة الوطن بالنسبة للقائمين علي الحكم في مصر؟
هل من مصلحة الوطن التضييق علي حياة ومعيشة المواطنين بصورة متواصلة دون أدني شعور بحالة هؤلاء المواطنين؟!! خالص تحياتي
__________________
لقد أسمعت لو ناديت حياً ... ولكن لا حياة لمن تنادي !!
مغلق حتي يقضي الله أمراً كان مفعولاً. |
#8
|
|||
|
|||
![]() اقتباس:
موضوع شديد الأهمية ومتكرر كثيراً في مصر. لفت نظري في هذه المشاركة المقتبسة أن الكاتب ذكر بأن تفريعة قناة السويس الجديدة كانت أحد أسباب ارتفاع سعر الدولار . وبصرف النظر عن الاتفاق أو الاختلاف حول هذه النقطة , إلا أنني تعجبت من عدم ذكره لأمر أخر كلف الدولة أضعاف ما كلفته تفريعة قناة السويس الجديدة !! هذا الأمر هو " صفقات السلاح " وأيضاً بصرف النظر عن الاتفاق أو الاختلاف حول هذه النقطة إلا أنها كلفت خزينة الدولة أكثر بكثير مما كلفته التفريعة. فكيف نذكر التكلفة الأقل ونغفل عن التكلفة الأكثر؟!! جزاك الله خيراً وبارك فيك خالص تحياتي
__________________
لقد أسمعت لو ناديت حياً ... ولكن لا حياة لمن تنادي !!
مغلق حتي يقضي الله أمراً كان مفعولاً. |
#9
|
||||
|
||||
![]() اقتباس:
عندك حق فى هذه النقطة
__________________
|
#10
|
|||
|
|||
![]()
بالنسبة للدولار في ناس اتمسكت بتشري بره في الخليج وتمنعه عن مصر بس الناس دي مش من المنوفية من قنا وسوهاج والمنيا يعني صعايدة...و دا السبب الحقيقي لارتفاع الدولار
|
#11
|
|||
|
|||
![]()
بالنسبة لصفقات السلاح خصوصا حاملة الطائرت دي اصلا لمواجهة قراصنة الصومال وكلنا فاكرين لما خطفوا المصريين..و مش معقول نتظر مصيبة تانية من القراصنة...و دا السبب الحقيقي لصفقات السلاح
|
#12
|
|||
|
|||
![]()
اما قناة السويس الجديدة فكانت لتقليل وقت انتظار السفن في الممر الملاحي وبالتالي اللي بيشرب سيجارة في كابينة القيادة هيعدي قبل ما تخلص السيجارة طبعا...
و انا تحت امركم لاي حاجة محتاجة تفسير و معي طاقم خبراء استراتيجين من اللي هنأوا الرباعية علي جائزة نوبل للسلام |
#13
|
||||
|
||||
![]() اقتباس:
اقتباس:
اقتباس:
جزيل الشكر والتقدير للفكر المتقدم المستنير وكل ماتنتقد أكثر وتسفه النظام أكثر .. هاتلاقي الشكر والتقدير أكتر وأكتر سهل قوي وأنا قاعد علي الترعه .. ولا قدام التفريعه إللي طشت أم وجدي غنيم أكبر منها .. أهزأ وأنتقد السلطه والقياده .. وألم كل الحبايب في القعده دي .. لكن الصعب إللي ماجاش علي فكر سيادتك .. عفوا سيادتكم الناس إللي راحت ودفعت 64 مليار جنيه في إسبوع تفتكر الناس دي وصلت لدرجه الهبل أنها تدفع كل أموالها وقبل ده تأييدها المطلق للسيسي .. ياااااااه مفيش حد فيهم طلع بيفهم وخايف علي فلوسه .. عشان يوصل للفكر الجهنمي بتاعك .. ولا مقومات الجلوس علي الترعه لسه ماوصلوش لها .. أما الحديث عن صفقات السلاح عارضها من يفهم عنك وعن كل من تعرفهم .. د. عصام حجي ورد عليه كاتب أمريكي ملوش في موضوعنا ولا الهري بتاعنا http://www.thanwya.com/vb/showthread.php?t=695123 أما الدولار وإسقاطاتك الرائعه علي الصعايده .. الرجاله إللي لهم مبدأ ولسه القيم عندهم والفكر .. ميعرفوش يحطوهم في سوق النخاسه .. تخصص الناس إللي بتهدم وفاكره إنها بتنقد وتحسن صنعا .. نسي الجميع إن النقد نوعين هدام وده الشغل فيه الله ينور .. وبناء محدش كتير يعرف حاجه عنه أرجع بقي لسؤالي لحضرتك : عن الناس الهبله وأنا واحد منهم ساهمنا ليه في شق الترعه ولا التفريعه الجديده إللي ملهاش لازمه .. جنب الطشت إياه هل الكم ده كله والعدد ده كله .. ضحي بنفسه وبماله لكلام فارغ زي وجهات النظر القيمه بتاعه الخبراء العظام زي مابيقولوا عن نفسي أجيبك : لو كانت مساهمتي لشق قناه السويس الجديده فهذا إعتقادي ولو كانت في مقابل 12% عائد شهادة قناه السويس الجديده فأنا أتفق معك أيضا .. المهم في كل الأحوال .. ساهمت بإعتقادي أو بمالي في بناء تاريخ مصر ولم أهدمه.. فبماذا ساهمت أنت وأحبابك ؟؟؟؟ --------------------------------------- الموضوع جميل جدا ياأستاذ / محمد بدر ونقد فعلا لوضع سلبي وفساد مستشري في الشعب المصري .. ليس وليد المرحله بل منذ بدأ الخليقه .. بقيت الحلول التي تفيد أول ماتفيد الشعب المطحون اللاهث ورا لقمه عيشه .. مهما كنت مؤيدا أو معارضا لنظام .. فمصر هي الأبقي .. شكرا . . [QUOTE=محمد محمود بدر;6482577][CENTER][URL="http://elbashayeronline.com/news- [/COLOR][/SIZE] [SIZE=4][COLOR=Blue]إسأل شعبك العظيم : [COLOR=Red]هل تقبلون مذلة صندوق النقد الدولي[/COLOR] .. [/COLOR][/SIZE] [SIZE=4][COLOR=Blue] [/COLOR][/SIZE] [SIZE=4][COLOR=Blue] [/COLOR][/SIZE] [SIZE=4][COLOR=Blue]من يرفض المذلة عليه أن يدفع الثمن : شرفا وعرقا وعملا وإخلاصا وقولة حق أمام الكائنات الموبوءه التي تصدرها الأجهزة الأمنية . [/COLOR][/SIZE] [SIZE=4][COLOR=Blue] [/COLOR][/SIZE] [SIZE=4][COLOR=Blue] [/COLOR][/SIZE] [SIZE=4][COLOR=Blue][COLOR=Red]ومازال لدينا أمل يا آخر الأنبياء .. [/COLOR] [/COLOR][/SIZE] [/CENTER][/QUOTE] =========================== [SIZE="4"] الزعيم جمال قال لأمريكا في يوم عن المساعده البالغه في هذا الوقت [/SIZE]
50 مليون جنيه .. طظ في مساعداتكم عندنا إستعداد ناكل مره لحمه في الأسبوع ومنشربش غير 2 كوب شاي في اليوم ونيجي علي نفسنا تفتكر ياأستاذ/ محمد .. الزعيم قال كده لسببين 1- الزعيم عارف إن الشعب كله مصر هي الكلمه بتجمعه ومفيش كلمه تانيه ولادوله تانيه .. هاتقبضه .. كانت الناس لسه محترمه نفسها وشخصيتها .. وهويتها .. ووطنيتها .. وكانت عايشه علي أدها 2 - ماكنش حد أياميها بيقرأ جريده ولا موقع إسمه البشاير
__________________
|
#14
|
||||
|
||||
![]() اقتباس:
أشكرك على الرد على الموضوع
كما أسلفت فى ردود أخرى على حضرتك والظاهر أنى لازم كل مرة أدافع عن موقف ثابت لى ![]() ![]() انتقدنا مرسى وانتقدنا السيسى انتقدنا الحكومات السابقة و الحالية وسنظل ننتقد لحين رؤينا انه هناك رؤية مش شرط تحسن لكن طالما لم نرى ذلك سنظل على موقفنا ولن نحجر على فكركم ولن نقوم بتخوين أى مخالف لما نراه ولن نسفه من يخالف ما نراه صواب كما كان يفعل الاخوان كما أن الموضوع ليس له اى اعلاقة بمن دفع أموال من أجل المساهمة فى المشروع حضرتك ترى جدواه وقمت بدفع أموال ولك كل الحق والحرية لكنى لا أراه مجديا وأيضا لى كل الحق والحرية وليس معنى هذا أنى خائن للبلاد والعباد ولا معناه انك كما قلت فى مشاركتك لأنك تعز على جدا وأنت تعلم هذا أوضحت وجهت نظرى لحضرتك ![]() ![]() "إن أريد إلا الإصلاح ما استطعت و ما توفيقي إلا بالله عليه توكلت و إليه أنيب" شكرا جزيلا مرة أخرى على المرور
__________________
|
#15
|
||||
|
||||
![]() اقتباس:
عفوا لي رد مخصص علي عضو بعينه
أفزعني وأنت تعلم معزتك عندي أنك مررت علي ماكتب ولم تري فيه .. ماكنا نراه سويا في وقت ما قد أكون مازالت بي عله .. لم أبرأ منها شكرا لحضرتك علي الرد
__________________
|
![]() |
العلامات المرجعية |
الكلمات الدلالية (Tags) |
الدولار, الجنيه, ارتفاع, تضخم, حكاية |
أدوات الموضوع | |
انواع عرض الموضوع | |
|
|