دروس حياتيه مستفاده من لعبه Thor: DW.

[DeshaSuliman]

كتبت هذه المقاله من نصف سنه تقريباً..
حببت ان انقلها إليكم.

1- كان في مهمه مش عارف اعديها، فضلت احارب واضرب واضرب ومفيش فايده ولما زهقت قررت اجري، عديتها و high score كمان عشان مجاش فيا ولا ضربه، إذن: مش لازم كل مره تواجه وتتغابي حاول تجري او تتناقش هتكون الخساير اقل.

٢- واجهتني بوابه مقفوله مش عارف اعديها خالص فضلت الف وادور واكسر وادغدغ بعديها وبدافع الفضول رجعت اول الأرض تاني لقيت قفل كان المفروض اكسره من الأول عشان افتحها، إذن: دايما بص وراك وشوف ايه ناقصك وعوض اللي ضاع منك بس متعيشش ابدا في فتره انتهت وصبحت وراك.

٣- أثناء الفتك وإنهماكي في دك حصون اعدائي خارت قواي (low hp) فلقيت بقيت فريقي اللي صرفت كتير عشانةارفع مستواه (level) لحقوني واتجمعوا حواليا وعدت علي خير، إذن: اعمل خير وساعد دايما وخليك لبق ذو اخلاق ومتخسرش حد اللي متحتاجش وشه النهارده بكره تحتاج افاه، وده اللي حصلي لما احتجت فريقي اللي اقل مني بسبع مستويات وكنت فاكر إني مش هحتاجه ؛)

٤- واجهتني مرحله صعبه ظننتها مستحيله بعدتني عن اللعبه يومين بعدين لعبتها تاني واصريت اني اعديها وبعد تخطيط وسبع محاولات عدتها، إذن: لا تيأس متلقا ولا تقل “مش هقدر” وتبعد بعيد مع انك لو عديت مرحلتك الصعبه هتسهل عليك كل حاجه عوضا عن احترامك لنفسك واحترام الأخرين ليك اللي هيديك دفعة طاقه تخليك تعدي، متضبعش لحظه حماسك ومتحكيش لحد عن اهدافك عشان متشوفش احترام في عيونهم يغنيك عن الاحترام اللي هتشوغه في نفس العيون لما تحقق النجاح دا.

٥- الوحش العملاق هز بضعة شعرات في رأسي لدرجه خلتني اجل المرحله، لكن لما رجعت العب تاني ضربه من هنا وضربه من هنا شويه شويه لقيته سطح ع الارض، إذن: مفيش حاجه اسمها مستحيل، هدفك مهما كان صعب وبعيد لازم هتحققه في يوم من الأيام.

٦- اول مره افتح فيها اللعبه مكنتش عارف ازاي العب، تاني مره بدأت اعرف أنشن، تالت مره بدأت اعدي مراحل، إذن: مفيش حاجه هتظهر نتايجها بين ليله وضحاها لازم نصبر وتكمل وتخلي عندك إيمان وتقاوم لأجل هدفك.

٧- اللعبه مكونه من ٧ اراض،بدافع الفضول دخلت لفل بعيد، إتعلم عليا وإتنفخت، إذن: مستعجلش ابدا واصبر وخطط وادي لكل حاجه وقتها.

٨- دخلت مرحله عاليه بنفس السلاح اللي دخلت بيه اول مرحله، لقيت نفسي بزغزغ الوحوش ومقدرتش اعديه إلا لما رفعت مستوي سلاحي، إذن: لا تخض ابدا حرب غير متكافئة الأطراف نمي مهاراتك وإثقل معلوماتك قبل اي تحدي.

9- عديت كزا مرحله ورا بعض منغير هزائم، إتغيرت في نفسي ودخلت بعديها منغير مساعدين او فريق، علموا عليا، إذن: لا نغتر في نفسك مهما بلغت قواك، تواضع دائما واعمل وسط فريقك.

١0- بكل انايه رقيت نفسي ومرقتش جيوشي، فخسرنا كلنا، إذن: كن كريما ولا داعي للانانيه فكلنا فانون، ساعد غيرك وهيسندوك بعدين، وإياك تفكر حد او تعرف حد إنك ساعدت علي نجاح فلان.

١1- الوحوش الكبيره لما حاصرتني مقدرتش اقضي عليهم إلا بالمهارات (skills)، إذن: لن تنجح في التصدي للمشاكل او لأي خطر إلا بمهاراتك، فنميها.

١٣: لولا خبرتي مكنتش هعرف العب، ولا اعرف اعمل اي حاجه ولا حتي احمل اللعبه، إذن: الخبره سلاح هام يسهل الصعاب ويوفر الوقت فمتضيعش ابدا اي فرصه تزود خبرتك او تعلمك اي حاجه.

متأسف علي أي اخطاء إملائيه
كتبت هذه المقاله في ظروف صعبه.