|
#1
|
|||
|
|||
![]() السلام عليكم و رحمة الله و بركاته بسم الله الرحمن الرحيم - بالنسبة لمادة التشريح هى تعتبر اهم مواد طب طبعا بالاضافة لمادة #الفسيولوجى و هى عليها فى النظام الحديث اعلى درجات عليها 400 درجة فى كل ترم عليها 200 تخيلوا عليها 400 من 2000 يعنى من الاخر و دا كان من الحاجات الى غلطنا فيها عايز تجيب مجموع عالى هات مجموع فى التشريح .... - من غير التشريح مفيش علاج طبيعى من الاخر انا لو مش عارف جسم الانسان عامل ازاى و مواضع كل حاجة هحط كل جهاز فين و فين الخلل فى اى عضلة او مفصل مش هشتغل .... - امتحان التشريح بيجى اسألة #مقالية#Written عليها 120 من 200 و الباقى الى هما ال80 درجة المفروض ان دى اعمال السنة و العملى و دول بتمتحنوهم فى اخر السنة فى نفس الورقة مش بتمتحنوا العملى على جثث ولا حاجة و دا بالنسبة لجامعة القاهرة انما تقريبا كفر الشيخ امتحنوا عملى على الجثث السنة الى فاتت ... الاسئلة الباقية دى الى عليها 80 درجة بتيجى متنوعة بين شولت اسألة اختيارى MCQ ....Multiple Choice Questions .... و بين اكمل Complete و بين توصيل Match و احيانا اذكر Mention ..... - الكتاب عندكم ممكن نقسمه ل5 اجزاء :- 1- العظام .... ودا متحفظهوش دى برده كانت من ضمن غلطاتى انا شخصيا لالالا بتعرفوا البايانات الى عليه بس Bones 2- العضلات و دى هى الاهم لازم تتحفظ كويس جدا جدا جدا ... ملحوظة العضلات دى هى لحم الانسان .... مفيش فرق Muscles 3- الاعصاب ... و دى مهمة جدا جدا جدا جدا .... و العصب دا وظيفته ان هو الى بيخلى العضلة تنقبض يعنى بيعمل Muscle Contraction ...... Nerves 4- المفاصل Joints ..... و دى برده مهمة و عددهم قليل ممكن تذاكروهم و سؤالهم مضمون فى الامتحان .... 5- فى شوية حاجات بس مش مهتميين بيهم فى كتب العلاج الطبيعى الى هى مثلا الشرايين و الاوردة و بعض الحاجات كدا هتبقوا تشفوها Arteries and Veins....و فى برده الغضاريف الى بتغلف المفاصل او غيرها Cartilages .... فى حاجة برده مهمة اسمها الفراغات Spaces يعنى و القنوات C**** دى بتبقى فراغات بين العضلات كدا او قنوات عضلية بين العضلات و بعضها و بتبقى مهمة عشان يعدى منها شرايين و اوردة و اعصاب و كدا .... ------ طيب احنا قلنا العظام بتذاكر البيانات طيب و العضلات 4 حاجات بيتذاكروا فيهم ايه هما :- 1- Origin .... و دى المكان الى بتطلع منه العضلة 2- Insertion .... و دا المكان الى بتنتهى عنده العضلة و الفرق ان العضلة بتنقبض ناحية الorigin بتاعها 3- Nerve Supply .... الامداد العصبى و معناه ان العصب مش بيغذى العضلة يعنى بيدلها مواد غذائية انما المعنى هناااااا انه بيدلها اشارات عصبية عشان تنقبض و تحمل اى حركة انت بتعملها فى حياتك .. 4- Action .... و دى الحركة الى بتعملها العضلة من ضمن الحركات الى هتقابلكوا :- Flexion.... و دى معناها انثناء المفصل Extension .... و دى معناها فرد المفصل عكس الانثناء يعنى Ab-duction .... و دى معناها ابعاد عن الجسم يعنلا مثلا ببعد ايدى عن جسمى Ad-duction ..... و دى العكس بقرب ايدى او اى عضو ناحية جسمى و فى اكشنز تانىة كتير و شوفوه فى الفديو الى تحت دا عشان دا مهم جدا جدا جدا جدا جدا عشان تفهموا الى بيتقال فى الاول ..... ------ اما بالنسبة للاعصاب فدا الى هيتذاكر فيها :- 1- برده المكان الى طالع منه نفس الكلام او يعنى الى بيبدأ منه Begin 2- الكورس بتاعه او المكان الى بيمشى فيه العصب يعنى العصب طالع مثلا من فقرة معينة هيمشى مثلا من ناحية الكتف و بعدين يكمل فى كذا كذا المسار الى هو ماشى فيه يعنى ...Course 3- حاجة او متعلقات بالعصب كدا Relations 4- End النهاية بتاعته بتكون فين ؟! 5- Branches .... الفروع بتاعته ---- فى حاجة اسمها Plexus .... و دى بتبقى عبارة عن شبكة من الاعصاب طالعة من الفقرات و بطلع منها بعد كدا اعصاب مهمة عشان متستغربوش الاسم و هتلاقى شبكات عصبية من دى هتقابلكم زى Sacral Plexus او غيره .... - بالنسبة للمفاصل تتذاكر كلها و هى جزء صغير اصلا ..... -فى شوية حاجات برده كدا هتقابلكوا زى حاجة مثلا اسمها Bursa و دى حاجة كدا بيبقى فيها السائل الزلالى و هى عند المفصل Synovial Fluid .... فى حاجة برده اسمها Fascia و دى عبارة عن طبقة من الدهن بتكون موجودة حولين العضلات او كدا و هى هى اللفظ الى هيقابلكم فى مادة الهستولوجى و الالكترو Hypodermis و دى طبقة الدهن الى موجودة تحت البشرة و الادمة Epidermis and Dermis....ينى تحت الجلد فى منها طبقات سطحية او تحتية Superficial and deep -فى برده لفظين مهمين تفرقوا بينهم فى حتى لحد دلوقت ناس مش عارفة الفرق بينهم كلمة Tendon او الوتر و دا بيربط العضلة بالعظمة .... بيكون موجود فى بداية او نهاية العضلة اعتبروه جزء من العضلة .. و فى لفظ Ligament او الرباط و دا بيربط العظام ببعضه ..... -فى بعض الاغشية الى بتغطى العضلات برده و طبعا بعض العقد الليمفاوية ... و غشاء يعنى Membrane و الكلمة دى مهمة او و هتسمعوها كتير و فى كلمة ليمفاوى Lymphatic..... فى لفظ برده اسمه Aponeurosis ... و دى اسمه بالعربى (الصفاق او صفاق العضلة) و هو عبار عن وتر عريض Tendon ...بيتسع كدا و بيتفرق لاكتر من وتر .... بس متقلقوش الحاجات دى مش مهمة او يعنى ايه بتلاقى كلام عليها بسيط اوى لكن زى ما قلنا اهم حاااااااااجة ((العضلات-الاعصاب-المفاصل- و ممكن سؤال من الفراغات برده)) انما العظام بتذاكر البيانات بس و بتدخل على العضلات على طول و الاعصاب و الاحسن تذاكر العضلات و الى بيغذيها .... ----- السؤال الاهم بقى ازاى نذاكر تشريح ؟! دى من اكتر المواد الى تعبتنا كلنا عشان مكناش عارفين نذاكرها ازاى شوف بقى للأسف حتى لو فهمت انت هتضطر تحفظ كدا كدا عشان تعرف تكتب فى الامتحان الاسئلة الكتابة بيكونوا من 4 ل 6 اسئلة اقصى حاجة بس بتكتب على الاقل فى كل سؤال صفحة .... و دى لازم تتذاكر من اول السنة لانها مادة كتابة بتذاكر ازاى ؟! 1- بتجيب فديوهات من اول السنة و خاصة فديوهات اكلاند او غيرها و هتلاقوها ان شاء الله 2- حاولوا تدخلوا مشرحة كتير و تشوفوا بعنيكم 3- من الاول ذاكروا عضلات و اعصاب و دى اهم اهم اهم حاجة لأنهم كتير سيبكم من العظام و باقى الحاجات فى كتاب اسمه الBasis دا مش مهم بتذاكروا فيه حاجات معينة بس و مش كل حاجة بتتذاكر حاجات معينة بس هى لاى بتيجى و خاصة جزئية الJoints و شوية جزئيات كدا .... 4- اشتروا اطلس و هتلاقوه موجود كتيييييييير فى القصر العينى و ذاكروا عليه 5- اههههههههههههههههههههههههههههههم حاااااااااااااااااااااجة كتاب اسمه Assessment و دا مش ببالغ لما بقول ان اسألة الاختيارى و الاكمل و التوصيل و غيره بتيجى منه ((نصااااااااااااااااااااااااااااااااااااااااااا)) و يا رييت الواحد كان عرف دا من بدرى بس الحمد لله يعنى دا لواحده 80 درجة ..... و المادة دى لو عايز تجيب مجموع ذاكرها من الأول .... - فى الترم الأول هتدرسوا كتابين الى هما كتاب الاساسيات و كتاب الجزء العلوى Basis and Upper .... و فى الترم التانى كتاب الجزء السفلى و الرأس و الرقبة Lower head and neck..... دا بالنسبة لجامعة القاهرة طبعا - ايه الفرق بين تشريح بشرى و علاج طبيعى بالنسبة للمنهج !؟ -زى ما قلت فى عندنا اختصار فى الشرايين و الاوردة و بعض الحاجات و المفروض ان منهجنا زيهم بس هما بيهزروا معانا رخامة كدا ... و الاعضاء الداخلية زى الرأس و الرقبة و الرئتين و غيرها دراسة سطحية مش بالتفصيل عندنا و الاحسن انك تجيب مراجع فى الاجازة و تعرف كله .... و دا فديو الActions او الMovements حاجة مبسطة كدا شوفوه عشان تفهموا شوية قبل ما تدخلوا و دا مهم اوى و المرة الجاية #فسيولوجى و السلام عليكم و رحمة الله و بركاته
__________________
|
#2
|
|||
|
|||
![]()
و اى معلومات تانية عن الكلية موجودة على الرابط دا بالاضافة ل4 مواد بتوع العلاج الطبيعى علاج كهربى و علاج مائى و قوانين و اداب المهنة و مبادىء الجودة و طريقة مذاكرة كل مادة موجودين هنا على المنتدى
http://www.thanwya.com/vb/showthread.php?t=610966 و دا الرابط الى بيعرفك كل حاجة عن الكلية
__________________
|
#3
|
|||
|
|||
![]()
بالنسبة لاسامى العضلات و الاعصاب و العظام و البيانات و كدا بتتحفظ انجليزى زى ما هى و لو عايز انت تترجمها بعد كدا زيادة معرفة و تعرف الاسم بالعربى يبقى فى الاجازة ان شاء الله
__________________
|
#4
|
||||
|
||||
![]()
جزاك الله خيرًا و بارك الله فيك
بجد إحساس حلو أن الواحد يفهم الموضوع من الأول و الناس يساعدوه |
#5
|
|||
|
|||
![]() اقتباس:
و جزاكى مثله ان شاء الله و لو حضرتك احتجتى معلومات تانية عن الكلية او تتابعى الى بينزل على طول اتفضلى هنا https://www.facebook.com/groups/142499085812270/
__________________
|
![]() |
العلامات المرجعية |
أدوات الموضوع | |
انواع عرض الموضوع | |
|
|