مصر على مشرق الغربه ...فضفضه

مريم السباعى. · #1 08-05-2014, 03:37 PM

مصر
الشوارع
والازقه
والحارت
ونصها اصوات ماذن
والنص التانى خمارات
والفجر بينداه على الى فات
الصلاه خير من النوم
بينده الصم الى عايش وسط ارجاء المدينة
بينده اليأس الى عجز وسط عمدان البيوت
بينده على كل الحدود
الصلاه
الصلاه على مشرق الغربه الحزين
على ظهر من الغلب مكسور حتتين
على صوت خلخالك يا بهيه
كان كل بلاد الدنيا قيام
كان صحرا ارضك ليا جنان
وكان كل حدوك بر امان
ودلوقتى وفى حضنك وانا خايف
والفجر مشقشق فى سماكى
وانا مش شايف
غير انه كله صراع ف صراع
الصلاه :
واخر فرض فى فروض الوداع !
والفاتحه: فاتحه على الى باع
والركوع :
معروف لمين
يارب نصر المظلومين
مكتوب على الى يحكمك
يكون فى داء الفرعنه
لازم تصيبه فى يوم ولابد
على شبابك فكها
والسجده :
منها واليها نعود
والرايح ليكى جاى مفقود
وانا ياما رحت ومجتشى
بتموتى فيا قطاعى
والسحر
اسود مبيتفكش
CUT
فركش
انا نفسى اعرف حبيتك ليه
وبقول دة ليه
وايه الداعى ؟!
وبرغم ان بروحى شاريكى
بلاقيكى ديما بيعانى !
بقلم /اشرقت الشمس

أبو العلاء · #2 09-05-2014, 07:40 AM

فضفضة مبكية بحق شقت جراحا في قلوب الخلق وعزاؤنا الوحيد أنا بقلم : أشرقت الشمس

بصيص من الأمل يبعد اليأس

مريم السباعى. · #3 09-05-2014, 06:27 PM

اقتباس:

المشاركة الأصلية كتبت بواسطة أبو العلاء

فضفضة مبكية بحق شقت جراحا في قلوب الخلق وعزاؤنا الوحيد أنا بقلم : أشرقت الشمس

بصيص من الأمل يبعد اليأس

شكرا جزيلا استاذى على هذا المرور الرائع
انرت

"" شيماء بكر"" · #4 11-05-2014, 11:18 PM

فى صور جمالية جميلة اوى اوى اوى

و فيه صدق كبير اوى

لكن افتحى لنا اى ضوء يا استاذة أشرقت

مريم السباعى. · #5 12-05-2014, 08:03 AM

[quote="" شيماء بكر"";5851390][b][color=purple]فى صور جمالية جميلة اوى اوى اوى

و فيه صدق كبير اوى

لكن افتحى لنا اى ضوء يا استاذة أشرقت
[/color][/b][/quote]

[size="4"]الضوء فى جمله
(مكتوب على شبابها فكها )
يعنى الحل فى الشباب يقو بعض ويتحدو ويشتغلو
شكرا عزيزتى الغاليه على مرورك الرائع الى ديما بينورنى [/size]

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
الانتقال إلى العرض العادي العرض المتطور الانتقال إلى العرض الشجري