معهد فنى تجارى (كليه تجاره)

[محمد جبار]

من احسن المعاهد اللى بتدخل كليه

والمعهد ده بيدخل كليه تجاره وبيقبل من 60 فى الميه

وكمان بتخش على تانيه تجاره مش اولى

ناس تقولى انتا بتتكلم فى ايه انتا بتضحك علينا

اقولهم لا والله

المعهد ده لو جبت تقدير جيد جدا فى تانى سنه بتخش تجاره

ولو جبت جيد بتعمل معادله وتخش تجاره

واحد يقولى انتا بتتكلم ازاى ولو كلام كله صح يبقى المعهد ده صعب جدا


اقوله لاء المعهد ده محتاج مذاكره بس فى اخر سنه وفى اخر شهر بس

ياعنى الحكايه بسيطه

كده انا الحمدلله قدرت افيدكم شويه للى مش جايب مجموع ومش عارف يخش كليه

اقوله الفرصه بقت ملك ايدك

متضيعهاش

واى استفسار انا فى الخدمه

[Flentino]

طيب انا عاوز اعرف اكتر

لانى لاسف ملحقتش تجارة وهدخله وامرى لله

هو انا اذاكر من اولى ولا من تانيه

اصل انا ناوى اذاكر جامد


يعنى اجيب من اولى جيد جدا وتانية جيد جدا ولا تانيه بس

وشروطه ايه الكابتن ده


وهو فيين بالظبط فى مصر

[محمد جبار]

بص انتا لازم تذاكر السنتين ولكن ذاكر اخر شهر بس

اول سن ممكن تجيب فيها جيد

ولكن التانيه لازم تجيب جيد جدا ودى حكايه سهله جدا

ومعهد فنى تجارى موجود فى كل انحاء مصر

ولكن احسن مكان هوه فى دمنهور وفى اسكندريه لان العدد قليل وكمان الدكاتره حلوين اوى

وربنا معاك
وملهوش شروط انات لو جايب 60 او 62 حتشخه ومفيش شروط ده معهد زى بقيت المعاهد ولكن هوه الافضل لاناو بيطلع على تانيه كليه تجاره

[ayman3000]

طيب ومعهد فني صناعي ومعهد المساحة أنا سمعت أن عشان حد يدخلهم لازم ينجح في إمتحان القدرات اللي هما بيعملوه قبل ما تدخل المعهد فهل الكلام ده صح ولا غلط ؟؟؟

[محمد جبار]

فعلا الكلام ده صحيح ياحبى

[ayman3000]

طيب ومعهد فني تجاري بردوا له إمتحانات قدرات ؟؟؟ ولا لأ

ولو عندك فكرة عن أمتحانات القدرات اللي بتتعمل للقبول في المعهد الفني الصناعي أو المعهد الفني للمساحة ياريت تقوللي لو عندك فكرة عن الأأمتحان بيكون عن أيه وبيمتحنوا في أيه بالضبط وكده!!

[محمد جبار]

لا ياحبيبى فنى تجارى ملهوش دعوه بالقدارات

اما المعاهد التانيه ليها قدرات وامتحاناتها اسئله سهله جدا

وبكره حجبللك كل حاجه عنها

[ayman3000]

المشاركة الأصلية كتبت بواسطة محمد جبار

لا ياحبيبى فنى تجارى ملهوش دعوه بالقدارات

اما المعاهد التانيه ليها قدرات وامتحاناتها اسئله سهله جدا

وبكره حجبللك كل حاجه عنها

أوكي يا مان أنا في إنتظارك

[salsa_alex]

ايوة فعلا كلام محمد جبار صح وهو من احسن المعاهد
واحسن من المعاهد الخاصه والغاليه
وكمان يا محمد انا فى اصحابى فى المعهد ده
بس جابوا جيد بس وهيدخلوا حقوق لانهم شعبة قانون فى المعد
مش الشعبه التجاريه
ماهو المعهد له ماده تخصص فى اخر سنه

[totylove]

طيب انا جايبه 255 ونص وفى ناس فعلا نصحونى بى المعهد دا لكن انا لما كنت بكتب الرغبات لقيت قدامى حقوق انتظام محافظه الزقازيق وحقوق انتساب 16 محافظه وكمان دار علوم وكليه خدمه اجتماعيه والمعاهد العليا كلها تقريبا فا انت شايف ان فرصتى كويسه علشان تجيلى حقوق انتساب بعيد
ولو ما جاليش وجالى خدمه اجتماعيه تنصحنى احول فنى تجارى علشان احول من عليه تجارة
وخاصتا ان اخويا معيد فى كليه تجارة يعنى فرصتى كويسه جدا
بليز ساعدنى ....

[totylove]

وفى حاجه اخيرة
لو سمحت مكن اعرف امتى نتيجه الموحله الثالثه لانها اتاخرت جداا
سورى لو تقلت عليك بس اتمنى تجاوبنى عن الاستفسارات دى وتنصحنى بى الاحسن
thunx alot

[Sherif Elkhodary]

جاري النقل لاخبار التعليم

[محمد جبار]

بصى ياعسل انتى صعبه تخشى حقوق

وانصحك لو جتللك خدمه اجتماعيه

حلوى منها عىل فنى تجارى وبعدين ده بقى كليه مش معهد

ثانى حاجه نتيجه المرحله الثالثه يووم 5\9

واى حاجه انا فى الخدمه

[محمود ربيع المصري]

بص يا محمد ياجبار انا جايب 274ونص ممكن ادخل حقوق ولو مدخلتش حقوق ممكن اية لو سمحت ياحمادة رد علية بسرعة جدا

[salsa_alex]

سورى محمد جبار وتوتى
بس انا اللى شوفته بعينى السنه اللى فاتت
يخلينى اقولكم ان هيجيله اى معهد خاص او بمصاريف
مش هيقبلوا تحويله لمعهد حكومى زى فنى تجارى

انا السنه اللى فاتت جاتلى خدمة 4 سنين
وحاولت بكل الطرق انى احول فنى تجارى
ماقبلوش التحويل
عشان خدمة بمصاريف والفنى مصاريفه مش بتزيد عن 300 جنيه
اما الخدمه مصاريفه 700 جنيه وزياده ودى تجربة شخصيه
وانا حاليا داخله 2 خدمة اجتماعيه
وبفكر ان لو جالى فرصه احول حقوق اسكندريه مش هتأخر عن الفرصه دى
اتمنى التوفيق للجميع
وانا والله مش كان قصدى احبط حد بس نكون واقعيين