انا زهقت

[mostafa kernawy]

يا جماعة انا مخنوق خالص ..ومتوتر...ومش طايق نفسي...بجد بجد النتيجة هتموتني...محدش يعرفلي حاجة افرغ فيها طاقتي...مسابقة..اي حاجة...اي حد يعرف موقع في اي حاجة اقضي بيها ال7 يام الجايين دول يقول بلييز مسابقة رسم مسابقة قران مسابقة بحث اي حاجة اي حاجة اخوكو مخنوق 0.....على فكرة مفروض اني في اجازة واني بتفسح لككن مش طايق اروح حتة ولا طايق السفر ....اي حد يجي يكلمن بزعقله خلاص زهقت زهقت

[C A N D Y]

بجد نفس الموضوع هنا ..اجلت المصيف و مش طايقة اخرج ولا اشوف حد .. و بقالى 3 ايام مش عارفة انام ولا عارفة اقرأ حاجة ولا اركز ولا اعمل حاجة خالص يعنى دى ايام كدة ضايعة من حياتى و خلاص..ربنا معانا كلنا و بالتوفيق ليك ..مش عارفة سورى ردى مش اضاف جديد بس انا مش عارفة اى مسابقات ان شاء الله حد يكون عارف حاجة و يقولهالك بس حاول انت تحفظ قران بجد مشروع جميل كتير و ريحنى جدا

[عاشقـــ الانمى ـــة]

بجد يا جماعة ربنا معاكم ويعينكم
وان شاء الله خير

[basmala]

براااااحه ..على فكره انا كمان كده ..بس بحط همى على هم اصحابى ..وكلنا واحد

انا برده خايفه من النتيجه جدا ...حاول تغير جو البيت حاول كل يوم تخرج مش لازم خروجه جامده اوى بس

حتى انزل الشارع شوف الناس...لو حد يعرف اى مسابقات او اى حاجه مفيده ممكن كلنا نشترك فيها

[mostafa kernawy]

شكرا جزيلا على ردك وان شاء الله هبدأ قران بس المشكلة اني كل لما ابدأ اقرا قران حماسي يوقف وارجع تاني ازهق تاني ...ميرسي كتير على الرد

[mostafa kernawy]

شكرا على الرد ميرسييييييييييي اووووووووي

[رونالدينهوو]

شكرااااااا على الموضوع بس يا جماعة مش مستاهلة دة كلة بالرغم من انى مستنى نتيجة ثالثة ثانوى انا كمان انا مش مخنوق ولا حاجة كبروووووووووووووا وسيبوها على الله بصراحة انا من يوم ما خلصت الامتحانات وانا نسيت انى كنت فى التعليم من اصلة ومبفكرش فى النتيجة ولا حاجة

[هند2006]

خليها على الله يامصطفى وانشاء الله خير ولن يصيبنا الا ما كتب الله لنا وربنا يحقق لك ما تتمناه

[رونالدينهوو]

المشاركة الأصلية كتبت بواسطة هند2006

خليها على الله يامصطفى وانشاء الله خير ولن يصيبنا الا ما كتب الله لنا وربنا يحقق لك ما تتمناه

هوا دة اللى المفروض يحصل

[هاشم الظلاط]

ايه يا ولاد ويا بنات ايه اللى جرى؟؟ فى ايه ؟؟؟ طلعت ولا نزلت دى ثانوية عامة عاملين فى نفسكم كدة ليه اللى ربنا قدرة هو اللى هيكون سواء زهقت او ما زهقتش سواء كبت فى نفسكم او كنت عادى فرش مع الناس
وفى حاجة انتم كدة مممكن تلاقى واحد منكم من اللى فيه فى ثانية يجيلوا السكر من المضايقة بالراحة على نفسكم شوية واهدوا واللى ربنا مقدرة هو اللى هيكون

بس دايما قولوا


اللهم دبر لنا فإنا لانحسن التدبير . اللهم صرف لنا فإنا لا نحسن التصريف


انا بجد خايف عليكم وانتم كلكم سمعتم عن الولد اللى انتحر والبنت اللى انتحرت كلنا لما عرفنا خبر انتحارهم قلنا ايه ؟؟

عشان ايه يعنى والله مجانين وماتوا كفار عشان خاطر الثانويةالعامة

واخيرا اهدوا شوية وارتاحوا والجأوا الى الله وتقرب منه سبحانه وتعالى وانت حس براحة نفسية غريبة واكثروا من الصلاة الصلاة الصلاة وقراءة القران وانت هتلاقى نفسك هااااااااااااااااااااااااااااااااااااااادى جداااااااااااااااا عارف لية ؟ لانك هتسلم امورك كلها لله بما فيها النتيجة طبعا


وربنا معاااااااااااااااااااااكم جميعا

[mostafa kernawy]

شكرا لنصايح حضراتكم وربنا يعني ان شاء الله وانفذها........................................

[mR . mOstafa Fathi]

اللى مكتوب على الجبين لزم تشوفه العين

[اللهم ادخلني الفردوس]

اولا بقي انا برده زيكم وكان املي ادخل كليه صيدله وبعد الامتحانات حمد ربنا وشكرته وانا متيقنه اني في الثمنينات لكن كل شئ خير والله افرض دخلتها وشلت السنه وهكذا لحد ما اتفصل الحمد لله علي كل حال <لو عرفتم الغيب لاخترتم الواقع > وبعدين انا شايفه اي كليه وتتفوقوا فيها احسن من طب اللي هتموتوا عليها

[mostafa kernawy]

يمكن تكون طب الي هنموت عليها مش مقياس لكن لشخص والده طبيب واخيه واخته في كلية طب وابنة عمه في العائلة ممتازة جدا جدا ...يمكن تكون مشكلة...اي حاجة الواحد يتفوق فيها كويس...لكن مين يتقبل ده..الاب..الام..الاخوات ..الاقارب...العائلة...الاصدقاء...المدرسين...المجتم ع...ربنا يستر

[..حدوتة..]

ياجماعة براحة مش كده الدنيا مخربتش يعنى عشان حد فينا هيجيب مجموع قليل ............. كلنا هننقص جامد اوى بس هنعمل ايه ؟؟؟؟؟ دا قدرنا ان احنا نبقى فى الثانوية سنة مايقرروا ان التعليم عايز وقفة واهم وقفوا بس على دماغنا وبعدين انا كمان اخواتى الكبار فى طب يعنى هيبقى شكلى وحش اوى لما اقل ومحدش هيقدر ان امتحانتهم كانت لعب عيال بالنسبة لامتحاناتنا بس هنعمل ايه ... اقولك حاول تقرأ هتنسى الدنيا ............... وابقى ادعيلى