لو سمحتم استفسار عن كلية العلاج الطبيعى

[The Mysterious Adventurer(TMA)]

السلام عليكم و رحمة الله و بركاته:-
بسم الله الرحمن الرحيم:-
تحية طيبة و بعد:-
أولا:تحية لكل أعضاء المنتدى الجميل دا لأنى انا بتابع المنتدى من زمان و بسم الله ما شاء الله استفدت منه جدا.
ثانيا:انا الحمد لله طالب فى سنة أولى علاج طبيعى و فضلتها عن الصيدلة مع انى كانت مدتى المفضضلة هى الكيمياء و بعدها الفيزياء بس لقيت العلاج الطبيعى بيدرس ال2 و كمان مواده لذيدة و هو فعلا بعد ما قرئت انا اقتنعت ان هو كلية المستقبل و هتبقى الأفضل ان شاء الله.
ثالثا:انا بس عندى شوية استفسارات عن الكلية و هى:-
1-نظام المذاكرة فى الكلية يبقى ازاى بمعنى انى اكتب محاضرات ورا الدكاترة و لا اسجل بالموبايل و لا فى كتب بتنزل بدرى و كدا و لا لأ لأنى بصراحة هدفى اكون معيد فى الكلية.

2-بخصوص شهادة dpt مثلا لو اتخصصت باطنة اقدر اوصف اى حاجة فى الباطنة و لا بس بقدر أوصف الأمراض الى بيعالجها العلاج الطبيعى؟

3-انا عرفت ان أول دفعة فى كفر الشيخ 179 طالب انما فى القاهرة 420 و انا قدمت فى القاهرة و برده قدمت فى تقليل الاغتراب فلو جت كفر الشيخ اخلينى فى القاهرة و لا احول كفر الشيخ مع العلم ان كفر الشيخ فيها 3 تخصصات بس انما القاهرة 6.

4-هل بالفعل انمى قسمى العلوم الاساسية و الميكانيكة الحيوية اتلغم و موادهم نزلت على باقى السنوات و دا انا شفته فى صفحت اتحاد الطلاب ان كان فى امتحانات ل6 اقسام و مفيش و لا علوم اساسية و لا ميكانيكا حيوية فهل فى كفر الشيخ هتبقى المواد الزيادة دى موجودة لأنهم بقم 10 مواد فى الدفعة الأولى فى كل ترم.
5-فى رأيكم يا دكاترة ايه افضل قسم فى علاج طبيعى و ليه؟

6-لو فى اى معلومة ممكن حد يفيدنى بيها لأن دى طبعا سنتى الأولى هكون شاكر جدا ليه.

و انا آسف على الاطالة و شكرا ليكم.
و السلام عليكم و رحمة الله و بركاته.
t.m.a

[The Mysterious Adventurer(TMA)]

ايه يا جماعة مفيش حد فى علاج طبيعى يفيدنا؟؟؟!!!

[Nada_Mohsen]

كل الحاجات ديه الإتحاد يا قالكوا يا هيقولوكوا عليها

بالنسبة لقسمين علوم أساسية وميكانيكا فهم فى علاج طبيعى القاهرة موجودين عادى

بالنسبة لأفضل قسم وكدا أنت اللى هتحدد ده لما تعدى عليهم على مدار دراستك فى الكلية

وبالنسبة لأنهى جامعة أفضل فكل واحدة فيها ميزة
القاهرة قديمة وأول كلية علاج طبيعى فى مصر
وكفر الشيخ العدد قليل