حاسبات ومعلومات فى الاسكندرية :(

[Noha Mostafa.H]

لو سمحتوا ساعدوني انا لسه داخلة ثانية ثانوي و نفسى ادخل حاسبات ومعلومات اووووى بس انا من الاسكندرية ومفيش فى الاسكندرية حاسبات ومعلومات وانا بنت وهيبقى صعب عليا آوى أسافر
فمش عارفه اعمل ايه انتوا ايه رايكوا
انا فكرت فى انى ادخلها من هندسة بس سمعت ان الهندسة بتبقى هارد وير اكتر وانا دماغى فى السوفت وير والبرمجة وكده
وفكرت بردو فى علوم بقى بس مش عارفه
ساعدوني
وكان عندى سؤال كمان هو قسم الحاسبات كلية العلوم ممكن يتدخل من علمى علوم ؟
و حاسبات ومعلومات كمان ممكن تتدخل من علمى علوم ولا ممكن رياضه ؟

[amrdruid]

لو حباها للدرجه ديه ممكن تيجى مدينه الطالبات فى جامعه القاهره
و فعلا هندسه معظمها Hardware لكن بتديكى أساسيات البرمجه فقط

[Eng.Mo'men]

المشاركة الأصلية كتبت بواسطة noha mostafa.h

لو سمحتوا ساعدوني انا لسه داخلة ثانية ثانوي و نفسى ادخل حاسبات ومعلومات اووووى بس انا من الاسكندرية ومفيش فى الاسكندرية حاسبات ومعلومات وانا بنت وهيبقى صعب عليا آوى أسافر
فمش عارفه اعمل ايه انتوا ايه رايكوا
انا فكرت فى انى ادخلها من هندسة بس سمعت ان الهندسة بتبقى هارد وير اكتر وانا دماغى فى السوفت وير والبرمجة وكده
وفكرت بردو فى علوم بقى بس مش عارفه
ساعدوني
وكان عندى سؤال كمان هو قسم الحاسبات كلية العلوم ممكن يتدخل من علمى علوم ؟
و حاسبات ومعلومات كمان ممكن تتدخل من علمى علوم ولا ممكن رياضه ؟

ربنا معاكي ويوفقك يارب مش تقلقي الله اعلم ممكن فى خلال السنتين دول يعملوا كلية للحاسبات والمعلومات عندكم فى الجامعة ,, انتي بس ذاكري كويس وهاتي فوق ال94% وهتلحقي ان شاء الله ,, فيه ناس معايا فى حاسبات الزقازيق من العريش ومن الاسكندرية على فكرة وانتي بالنسبالك هتقدمي عالمدينة فى القاهرة او عندنا او اي حاسبات بس تقريبا اقرب حاسبات ليكي القاهرة او الزقازيق ,, لا لا سيبك من علوم حاسبات احسن بكتير خصوصا ان علوم كيميا وفيزيا وكدا ودراسة الحاسب فيها مرتبطة بقسم علوم رياضة ,, لا بتبقى علمي رياضة وبتخشي علوم رياضة وبتخشي شعبة حاسب آلي ,, لا حاسبات ومعلومات لا تقبل الا من الشعبة الهندسية فقط يعني علمي رياضة بس زي هندسة بالظبط