نفسى ادخل هندسة

[Dr Elgohary]

ياجماعة انا فى 2 ث وتقريبا خلصتها
وانا هكون اول سنة فى االنظام الجديد بتاع السنة الواحدة
المشكلة ان امضاء الرغبات بعد بكره وانا نفسى ادخل هندسة او باذن الله الحق بترول
بالنسبة لمستوايا انا الحمدلله دايما من العشرة الاوائل
ولولا الاحياء الترم الاول كنت بقيت التالت على المدرسة
المشكلة فى 3 ث ان علمى علوم هيكون اسهل لانه هيدرس نصف الاحياء الاسهل بتاع الوراثة والحمض النووى والتكاثر بس انا مش عاجبانى كليات علوم حتى طب
واخويا فى علاج طبيعى وقالى خش رياضة وهتجيب اللى تحبه
بس خايف من فروع رياضة 2 التقيلة
بس انا بالنسبة لرياضة 1 مقفلها الحمدلله
ولما درست جزء من الميكانيكا عجبتنى رغم رخامتها بس انا مهيأ انى اقعد احل لاى وقت ممكن غير انى اقعد احفظ ساعة لمادة بكرهها
مش اعرف اعمل ايه وضغوط اهلى عليا انىادخل علوم بس مش مقتنع
افيدونى ارجوكم
اه نسيت اقولكم انا دايما والدى يقولى كليات الطب ليها تكليف اما هندسة ملهاش وبصراحة مش فاهم معنى كلامه
ياريت التوضيــــــــــــــــــــــــــــــــــــــــــــ ــــــــــــــــــــــــــــــــــــيح

[fathihilmy]

خش اللى انت عاوزة هاتبدع فية.............انت بتقول مستواك حلو فى الرياضيات............كمان المستوى يبقى احلى لو حليت مسائل كتير واهتميت بيها........اما عن التكليف اللى بابا بيقول علية ان خريج طب ممكن يتعين بعد الكلية..............وحاليافى نظام تعيين اوائل الخرجييين وانت مستواك حلو لية مش تكون من الاوائل وبكدة ضمنت التعيين............كمان ممكن يكون ليك فرصة مع الشركات والمصانع الخاصة........وسام امرك لله

[Dr Elgohary]

كلام منطقى جدا شكرا جداااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااا

[Meroz Hamed]

ادخل اللي انت عايزه و اللي بتحبه عشان تشتغل فيه بحب و رضا

بالنسبة لرياضة 2 .. انا رياضة 2 عندك فرعين التفاضل و التكامل دول سهلين و مضمونين بأذن الله

كذلك فرعين الجبر و الهندسة الفراغية .. وانت نص الميكانيكا دارسها يمكن هي أرخم حاجة فيهم

كمادة علمية ماتخافش خالص .. بس اهم حاجة تذاكر الدرس بدرسه وتحل كتير و ع فكرة مش محتاجة قدرات عقلية خارقة للطبيعة .. هي محتاجة مجهود زي اي مادة تانية

بالنسبة للشغل ده رزق و لو تعبت ربنا هيبعتلك .. ع الاقل هتكون بتشتغل حاجة بتحبها و عوزت حاجة وحققتها

[Dr Elgohary]

اشكركم بجد
انا خلاص مضيت الرغبات ودخلت رياضة
ربنا يسترها معانا
بجد انا ممتن جدا لتجاوبكم معايا

[osamatarkhan]

اولا انا اشجعك على حماسك ده انا برده كان عندى الحماس ده (قبل مخش هندسة طبعا )

ما علينا بغض النظر عن الحتة اللى فاتت ديه xD انت لو زى منتا بتقول كدة يبقى انت هتشتغل جامد فى رياضة 2 ... رياضة اتنين كانت مشكلتها الاساسية على ايامنا انها كانت طويلة بس على نظامكو الجديد متهيألى انها خفت شوية ورياضة 2 لو انت بتحب الفهم عن الحفظ يبقى بجد هتبدع فيها (Y)

اخر كلمة هاقولهالك استمتع برياضة 2 بجد وحبها (قبل متخش هندسة )


xD xD xD 3

[Dr Elgohary]

واضح ان حضرتك متبهدل جدا فى الكلية
ربنا معاك يارب وبجد ----شكرا جدا لاهتمامكم ياجماعة

[رضاك ربى مرادى]

بللللللللللللليز كنت عايزه اعرف اشطر مدرس فيزياء بالمنصوره وهل مستر محمد درويش شاطر ولا لاء

[monnasy]

انا زيك تمام اهلى عايزينى ادخل علوم وانا بحب رياضه وفعلا استحمل حل مسئله واحده تدوخنى واوصلها فى ساعه على انى احفظ درس وانساه بعد كده برده وانا مستوايا كويس فيها بس انا عايزه لو دخلت رياضه ادخل تربيه رياضه
انا كتبت علوم بس متردده وعايزه احول رياضه يا ريت حد يفدنى

[monnasy]

انا على فكره عارفه انى لو اجتهدت كويس بعد توفيق ربنا هقدر ادخل هندسه بس انا عايزه اجيب المجموع وادخل تربية رياضه واستاذى معترض وبيقلى انى كده هضيع تعبى على كليه مش قد كده مش عارفه اعمل ايه تنصحونى بايه ضرووووووووورى لانى محتاره جدا

[Dr Elgohary]

بصى حضرتك فى رأيي
مع احترامى الكامل لكلية تربية رياضية لكن ثقافة بلدك ونظامها الاقتصادى يصب فى مصلحة كليات الطب بانواعها وكليات الهندسة باقسامها
ادخلى اللى تبع قدراتك وهاتى اكبر مجموع ممكن
ده رايي