هل نحن جيل فاشل فعلاً

[y/m]

السلام عليك ورحمة الله وبركاته ...

كثيرا مانسمع هذه الايام الناس يقولون ان:

الزمان تغير ولم يعد مثل الأول .....يا ريت أيام زمان ترجع ...

كانوا الناس اخوان ... وكل شي كان له طعم ...

الكلام كثير بنسمعه في مجالس الكبار ويرون أن هذا الجيل لا يصلح لتحمل المسؤولية

وأن زماننا في كل أطرافه زمان لا يصلح للمعيشة وانه زمن الاتكال على الغير ..

نسمعهم يتحسرون على أيامهم الماضية

ويصفوننا ويصفون زماننا بأمور غريبة

فهل نظرتهم صحيحة أم أنها جائرة ؟؟

وهل هم دوما محقين فيما يذهبون إليه ؟؟

وهل يخلو عصرنا من كل شيء جميل لهذه الدرجة التي يرونها ؟؟

اريد ان اسمع ارائكم بعقلانيه دون تعصب لزمانناا

فهل فعلا نحن جيل فاشــــــل أو العكس صحيح..............


ارجو من الأخوان والأخوات المشاركة ودمتم لي سالمين يارب العالمين

[rora_rora]

أختى / أخى فى الله لا لم يخل جيلنا من كل ما هو جميل أو من أناس أتقياء أو من أخوة متحابون فى الله أو ممن يعتمد عليهم

و لكنهم قلة أما الأكثرون فعكس ذلك تماما

و لكن مازال هناك أمل فى أن يتحسن جيلنا

و هذا هو واجبنا نحن من يدرك هذه الحقيقة

و هذا هو هدفى فى الحياة و هو أكبر معين لى على تحمل ما يواجهنى من عقبات

هذا رأيى بكل صراحة

و الموضوع أكثر من رائع

[y/m]

شكرا لكى ولكن السؤال ماذا علينا ان نفعل لكى نفيد

[rora_rora]

فى حاجات كتير و الخلاصة
- المجال الدعوى : حاولى تنصحى غيرك
- المجال العلمى : متكتفيش باللى بتدرسيه خليكى مثقفة يعنى
- المجال السياسى : ممكن تقاطعى بضائع الأعداء و كمان اعرفى عدوك و أظن إن ده سهل جدا فى عصرنا

آسفة إذا كنت موفتكيش بالمفيد بس فى الأجازة إن شاء الله نكمل

[y/m]

على فكرة انا ولد

[Baskoota]

السلام عليكم ورحمة الله
جذبني عنوان الموضوع حقا وعزمت على قراءته والتعليق عليه بقدر ما استطيع من امانة

يا جماعة المشكلة مش فينا لوحدنا
اي نعم احنا لينا دور كبير في الوضع المتردي اللي وصلت ليه امتنا او يعني معشر الشباب
لكن مش كل اللوم علينا
احنا بنتعرض لحرب باردة من اكثر من جهة
وطبعا اولهم الدول اللي بتحاول تدخل لينا الاذى بشتى الطرق من اعلام و صحافة وغيرها....
بس للاسف احنا تربة خصبة لانتشار الكلام دا وذلك لغياب الوعي الديني
اما هما كانوا زمان اصلا معندهمش اعلام بالكمية دي ولا قنوات فضائية ولا... ولا........يعني هما خلاص ضمنوا انهم لو كانت جتلهم الافكار دي مكنوش هيقتنعوا بيها.....ولو هما بيبصوا لزماننا كدا اومال احنا بقى احفادنا واولادنا حالهم هيوصل لأيه؟؟؟
يا جماعة الكبار اللي بيقولوا ان زمانهم احسن من زماننا هما نفسهم اللي دخلولنا النت والدش والكلام دا كله وادونا حرية مطلقة بلا قيود
وللاسف نسبة كبيرة جدا استغلت الحرية دي استغلال سئ بدون مراعاة لضمير او دين
يعني خلاصة الحديث ان الحكاية كوكتيل من العوامل اللي ادت الى وصولنا لهذا الوضع السئ
اللهم ارحم شباب امتنا وبناتها واعصمهم من الفتنة الله آمين

[Cray_Bird91]

فعلا الموضوع جذبنى ومهما قولت مش حفيد بحاجة لان فعلا اللى ناقصنا هو الدين

بصراحة كدة اللى بيحصل يرجع من الاصل يعنى لو كل بنت احتشمت واتعدلت على اللى بتعمله ده وكل شاب اتعدل واحترم نفسه وخاف على حرمة البنت اللى بيعاكسها دى وياخد باله ان اللى بيعاكسها دى هى مسئولية وامانة فى عنقه
والله المجتمع حيتعدل واحنا حنكون احسن دولة عربية بس للاسف الكل عايش لنفسه

اما بالنسبة للكبار فده عشان الغلى اللى احنا فيه زمان كان القرش ليه قيمة فكان ربنا بيبارك لكن دلوقتى ربنا بيعاقب عشان الجحد اللى احنا فيه ده
عموما شكرا على الموضوع الحلو ده ويارب الامة تقوم تانى وتشوف المسئولية اللى حتتحاسب عليها

لا مش جيل فاشل
هى يمكن الظروف هى اللى حكمت علينا بده
يمكن الفشل ده ورثنا من أبائنا اللى علمونا الكسل
اللى علمونا السلبية والامبلاة تجاه كل شى
مش احنا اللى خلينا حال البلد ولا التعليم ولا حياتنا كده
هما اللى سرقوه مننا النهارده وبكرة
احنا مش جيل فاشل احنا اللى فرض عيلنا الفشل

[شهد فياض]

كل جيل بيتحسر على زمانه وما بيعجبهوش الجيل الجديد وهو دا حال الدنيا

[first love]

انا اتفق مع شهد تماما

وبعدين كل جيل يجماعه وليه وقته ولا ايه


وعلى فكره جيلنا مش فاشل ولا حاجه

بس هو لازم المنظومه كلها تتغير مش اكتر

[abody@@]

احنا ممكن نكون فاشلين بس مش كلنا الناس القديمه بتقول كده علشان هم بيشوفوا على ايامهم كانت احسن ايام واحنا دلوقتى شايفين انا جيلنا احسن جيل ديه لازم يحصل كل واحد بيشوف الحاجه بتعتوه احسن حاجه واصلا المجتمع بيتغير فلازم يحصل كده

[OnlyU]

طيب انا هكسر الملل و أهرج حبتين ...
عارفين فى مسرحية العيال كبرت لما بيقول لأحمد ذكى أنتوا جيل ضايع و جيل فاشل فبيرد عليه و يقوله لأ .. إحنا لا جيل ضايع ولا جيل فاشل كمان .. إحنا جيل الطلائع ..
فرد عليه يقوله .. طب عليا الطلائع منتوا نافعين ..
واضح إن هى دى سنة البيئه عندنا القديم بيبص للجديد على أنه غلط او فيه حاجات ناقصه مش مهم ال{اى .. المهم إزاى نغيره .. ســلام

[roora]

فشل ايه وبتاع ايه ...هما الناس ايا كانوا اللي بيقولو الكلام ده مش فاهمين اصلا احنا بنفكر ازاي او عايشين ازاي
الدنيا وكل حاجه فيها وجهات نظر بمعني...انا بفكر بطريقه وبوجه نظر معينه واهلي و الناس اللي حواليا كل واحد فيهم ليه طريقه تفكير
فما بالك بقي بناس من زمن تاني او لما كانوا في نفس سننا كانوا في زمن تاني
الاجيال بتتلاحق والناس بتتغير واكيد التفكير بتاع الناس بيتغير...بمجرد انك تسال جدك اوجدتك عن ابوك هتلاقيهم بيقولو دول غلبونا لما كانوا قدكم اسالهم عن طريقه انفتاح عقلهم _طريقه مش سريعه _للعالم الخارجي بره البلد و الكلام ده كان راي الناس فيهم ازاي ؟ّ
اه يمكن جيل فيه قدر كبير من السطحيه فعلا ..بس احنا موش بنعلم نفسنا ولا ايه ؟!! ولو كان فيه فشل فعلا هيكون جه نتيجه ايه
نتيجه مجتمع للاسف فشل في تعليمنا ازاي نتمسك بحاجه هما كانوا بيتمسكوا بيها بجد كعادات جيده وافكار موش خياليه في العصر الحالي واهم حاجه واحسن حاجه ازاي نتمسك بوطن ...بجد ازاي نقدر نعيش في وطن لازم نكون بنحبه موش كل اللي علينا ناخد الشهاده عشان بعدها نسافر بره ..
وازاي نقدر نقوم نفسنا ...سلاااااااااااام

[TOFA_2000]

احنا مش جيل فاشل ولا حاجه ... بس كل جيل وليه تفكيره وعقله مختلف عن تفكير الاجيال التانيه و الاجيال اللي قبلنا اكيد في فرق بين تفكيرهم وتفكيرنا وزي ما رورا بتقول احنا فعلا لازم نتمسك بوطن ... على فكره احنا هنبقى ناجحين اكتر لو معتمدناش على الافكار الخارجيه .. ولو استغلينا عقولنا اكتر من كده اكيد هنبقى احسن من كده .. بس ده مش معناه ان احنا يل فاشل ... بس لازم فعلا نعتمد على افكارنا اكتر من كده ... ولو ده حصل هنبقى اقوى شعوب الارض والله ... وشكرااااااااااا على الموضوع الجامد ده

[pureheart]

مش عرفة ارد اقول اية بس تعالوا نتخيل كدة بعد خمسين سنة مثلاً حيبقى حالنا ازاى لما يبقى الشباب الان هم اجداد الغد
هل نقدر نكون زى الاجيال القديمة ؟؟؟؟؟؟؟؟؟
ولا حنبقى زى اوروبا ؟؟؟؟؟؟
لأعتقد ان أرائهم بين البينان بس طبعاً هم مش كل حاجة بيقولها صح و أكيد احنا لسة فينا الخير برضة بس المهم نحافظ عليه