العلاج الطبيعى داخل المنظومة الطبية

[Thuraya Hisham]

الموضوع دا هيكون تقريبا عن أهم موضوع ممكن نحتاج نعرفه الفترة دى وهو ايه هو العلاج الطبيعى من ناحية المجتمع والمنظومة الطبية ودورى بيكون ايه وفرصة العمل فيه ونظام الحياة بعد التخرج.....

الاول بالنسبة لطبيعة عملك فدا حاجتين :
اما عمل حكومى ودا داخل اقسام العلاج الطبيعى بالمستشفيات ودا زى اى شغل حكومى أو الشغل الخاص فى عيادات ومراكز العلاج الطبيعى اللى بيديرها دكتور علاج طبيعى وانت معاه لحد ما تقدر تقتح عيادة باسمك بعد التخرج ب 5 سنين.

وطيب ويمن هم المرضى اللى بتعامل معاهم؟؟؟

لو هنتكلم عن الحال فى مصر هنا " ودا لأن الدور متأخر شويه" فأشهر الحالات بتكون اصابات العمود الفقرى والركبة واصابات العظام عامة زى الكسور وحالات ضعف العضلات والحالات العصبية زى الشلل بكل انواعه .. انك تعملهم اعادة تأهيل بحيث يستعيدو الوظيفة اللى فقدوها او انهم يتأهلو للحالة الجديدة اللى هم عليها لو كانو وصلو لدرجة الاعاقة

دا غير حالات الاطفال زى الشلل الدماغى وملخ الولاد والداون وحالات تأخر النمو بأسبابها المختلفة .. وهنا دورك تساعدهم يكتسبو الوظايف اللى مش موقوده عندهم سواء كان الطفل مبيقدرش يمشى مثلا او اى حاجة تانية

وطبعا دا بيتم بوسائل مختلفة سواء تمرينات علاجية او اجهزة كهربية او اى وسائل تانية بتكتسبها انت من الكلية والخبرة بعد كدا.

طيب وايه وضعك داخل المنظومة الطبية بقى ؟؟

تنظيم عملك معاهم بيتم ضمن قوانين ثابته وضمونها ان الحالة اللى بيتعملها تحويل للعلاج الطبيعى بعد تشخيصها من الطبيب المعالج بتتعرض عليك تشوف تشخيصها وتشوف الاشعة والتحاليل اللى تؤكد ليك التشخيص دا وبعدها تعمل برنامج العلاج اللى هتمشى عليه وتبدأ انت فى تنفيذه .. وبردو بتكون على اتصال بالطبيب المعالج لو ظهرت اى اعراض او مضاعفات جديدة.

أهم حاجة بقى فرصة العمل ايه وضعها ؟؟
أولا انت بتخلص فى الكلية 4 سنين وبعدها سنة امتياز وبعها ليك سنتين تكليف " ودا للكل " لان دى الكلية الطبية دلوقت اللى لسه ليها تكليف وطبعا لان عدد الخريجين من الكلية الحكومية والكليات الخاصة مبيوصلش ل 5000 فى السنة وبالتالى كلهم بيتوزعوا على محافظات الجمهورية يعنى انت الشغل هو اللى بيجرى وراك

دا غير شغلك فى العيادات والمراكز الخاصة ودا بردو مضمون جدا لان العيادات على مستوى الجمهورية عددها قليل بالنسبة لعدد الحالات يبقى انت بردو الشغل هو اللى عاوزك

أو بقى انك تسافر خارج مصر وخليك فاكر ان كليات العلاج الطبيعى مش موجوده غير فى مصر بس فى المنطقة العربية ولسه باقى الدول فى بداية انشاء كليات علاج طبيعى .. يعنى وقت ما الفرصة تيجى للسفر هتلاقى مكانك بردو موجود.

دا باختصار اهم الاسئلة اللى تحبو تعرفوها دلوقت واى استفسارات تانية احنا فى الخدمة طبعا

-------------------------------------

https://www.facebook.com/groups/135995469873647/

[شاعرة الاندلس]

شكررا على موضوعك
بس هما ليه بيشتغلو بعد خمس سنين من التخررج اشمعنا خمسة يعنى
ايه الحكمة فى كددة مش كل الكليات بيشتغلو لما يخلصوو؟؟؟؟؟؟؟

[Thuraya Hisham]

تفتح عياده بأسمك يا جميل وبيكون بعد الماجيستير زى اى كلية
لكن الشغل عموما :
أهم حاجة بقى فرصة العمل ايه وضعها ؟؟
أولا انت بتخلص فى الكلية 4 سنين وبعدها سنة امتياز وبعها ليك سنتين تكليف " ودا للكل " لان دى الكلية الطبية دلوقت اللى لسه ليها تكليف وطبعا لان عدد الخريجين من الكلية الحكومية والكليات الخاصة مبيوصلش ل 5000 فى السنة وبالتالى كلهم بيتوزعوا على محافظات الجمهورية يعنى انت الشغل هو اللى بيجرى وراك

دا غير شغلك فى العيادات والمراكز الخاصة ودا بردو مضمون جدا لان العيادات على مستوى الجمهورية عددها قليل بالنسبة لعدد الحالات يبقى انت بردو الشغل هو اللى عاوزك

أو بقى انك تسافر خارج مصر وخليك فاكر ان كليات العلاج الطبيعى مش موجوده غير فى مصر بس فى المنطقة العربية ولسه باقى الدول فى بداية انشاء كليات علاج طبيعى .. يعنى وقت ما الفرصة تيجى للسفر هتلاقى مكانك بردو موجود.

دا باختصار اهم الاسئلة اللى تحبو تعرفوها دلوقت واى استفسارات تانية احنا فى الخدمة طبعا

[dr/nor pt]

رائع كتر خيرك وبجد هى رائعة جدا الكلية دى انا مجنونة بيها